MULTEK-UTVALET MØTEINNKALLING Møtedato: 14.12.2015 Møtestad: Heradshuset Møtetid: ca kl. 15:00 rett etter kommunestyremøtet. Den som har lovleg forfall, eller er ugild i nokon av sakene, må melde frå så snart råd er på tlf. 57 88 38 00 (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 10. desember 2015 Arnar Kvernevik utvalsleiar SAKLISTE: Kjell Petter Solhaug teknisk sjef Sak nr. Sakstittel 033/15 Godkjenning av møtebok, innkalling og sakliste 034/15 Referat og orienteringssaker 035/15 Val av kommunale medlemmer til styre, råd og utval for perioden 2016-2019 036/15 Bueiningar for arbeidarar - dispensasjon frå reguleringsplan
SAKSPAPIR SAKSGANG Styre, utval, komite m.m. Møtedato Saksnr. MULTEK-utvalet 14.12.2015 033/15 Avgjerd av: MULTEK-utvalet Saksbehandlar: Jan Kåre Fure Arkiv: 033 Objekt: Arkivsaknr.: 15/1582-1 Godkjenning av møtebok, innkalling og sakliste Møteboka frå MULTEK-utvalet sitt møte den 8. desember i år blir lagt fram til godkjenning. Samstundes ber utvalsleiaren om godkjenning av innkallinga og saklista til dette møtet. UTVALSLEIAREN SI TILRÅDING: 1. MULTEK-utvalet godkjenner møteboka frå sitt møte den 8. desember 2015 2. MULTEK-utvalet godkjenner innkallinga og saklista til møtet den 14. desember 2015
SAKSPAPIR SAKSGANG Styre, utval, komite m.m. Møtedato Saksnr. MULTEK-utvalet 14.12.2015 034/15 Avgjerd av: MULTEK-utvalet Saksbehandlar: Jan Kåre Fure Referat og orienteringssaker Refererte skriv og meldingar: Det er så langt ingen referatsaker. Ordet fritt Arkiv: 033 Objekt: Arkivsaknr.: 15/1581 RÅDMANNEN SI TILRÅDING: Rådmannen legg ikkje fram tilråding i saka.
SAKSPAPIR SAKSGANG Styre, utval, komite m.m. Møtedato Saksnr MULTEK-utvalet 14.12.2015 035/15 Avgjerd av: MULTEK-utvalet Saksbehandlar: Jan Kåre Fure Objekt: Arkiv:033 Arkivsaknr.: 15/1440-7 Val av kommunale medlemmer til styre, råd og utval for perioden 2016-2019 Ingen vedlegg. Bakgrunn for saka: Formannskapet har peika ut ei valnemnd, som er sett saman av alle gruppeleiarane, til å kome med framlegg om kommunale medlemmer til ulike selskap m.m. for valperioden. Valnemnda sitt framlegg er no klart også for dei styra m m som MULTEK-utvalet skal velje medlemmer til. VALNEMNDA SI TILRÅDING: MULTEK-utvalet vel følgjande kommunale medlemmer til ulike styre, råd og utval for perioden 2016-2019: Til Villreinnemnda for Sogn og Fjordane To kandidatar til styret ein av kvart kjønn. 1 Gunnvor Sunde (SD) 2 Sjur Atle Austrheim (V) Til Norsk Countrytreff Utsending til generalforsamlinga i stiftinga Ein utsending med vara. 1 Audun Mundal (KrF) 1 Kent Øystein Hjelle (Sp) Kandidatar til styre To kandidatar ein av kvart kjønn, så lenge NCT har knutepunktstatus 1 Oddrun Slagstad (Sp) 2 Frode Fagerli (KrF) Dersom denne knutepunktstatusen fell vekk, skal kommunen berre velje utsending m/vara til generalforsamlinga i Stiftinga NCT Til Nordfjord Folkemuseum Utsending til rådet
Ein utsending med vara 1 Magni Aa Berge (Sp) 1 Anders Rinde (KrF) Kandidatar til styret To kandidatar ein av kvart kjønn. 1 Karoline Bjerkeset (Sp) 2 Audun Mundal (KrF) Til Breimsbygda skisenter AS Utsending til generalforsamlinga Ein utsending med vara 1 Edgar Kvernevik (SD) 1 Solveig Lien Gusdal (Sp) Kandidatar til styre To kandidatar ein av kvart kjønn. 1 Arvid Gimmestad (Sp) 2 Vigdis Henden (V) Til Stiftinga Karnilstunet Ein medlem til styret utan vara Olaf Sigurd Gundersen 1 (Sp) Til Fjordhestgarden Ein medlem med vara til rådet 1 Jostein Arne Røyrvik (Sp) 1 Kjellrun Hjeltnes (SD)
SAKSPAPIR SAKSGANG Styre, utval, komite m.m. Møtedato Saksnr MULTEK-utvalet 14.12.2015 036/15 Avgjerd av: MULTEK-utvalet Saksbehandlar: Bjørn Aurlien Objekt: 28/1 Arkiv: L42 Arkivsaknr.: 15/1486-5 Bueiningar for arbeidarar - dispensasjon frå reguleringsplan Vedlegg: Dok.nr Tittel på vedlegg 261118 situasjonsplan Bakgrunn for saka: Brødrene Aa har inngått avtale med grunneigar Arild Straume om å få nytte eit område bak bensinstasjonen i Hyen til å bygge om lag 20 bueiningar for arbeidarar, sjå vedlagt situasjonsplan. Området er i gjeldande reguleringsplan avsett til industriformål, i kommuneplanen til «bygning eller anlegg for allmennyttig bruk» og i forslag til reguleringsplan til skule eller einebustadområde. Det er difor søkt om dispensasjon frå plan. Saksutgreiing: Det er Prosjekt Systemer AS som på vegne av Brødrene Aa Eigedom AS har søkt om dispensasjon. Behovet for bustader til nye arbeidarar ved verftet er akutt etter stor auke i ordretilgang den siste tida. Dei forventar ikkje at det er mogleg å rekruttere naudsynt auka bemanning lokalt. Grunngjeving for dispensasjonssøknaden er at det ikkje er funne alternativt areal i området som er regulert til det aktuelle formålet. Rådmannen tolkar det også slik at behovet er så akutt at det ikkje er tid til å vente på ordinær planavklaring. Tomta er bebygd med ein eldre midlertidig bygning som skal rivast. Det er ikkje produktivt landbruksareal her, og søkjar meiner arealet er godt eigna til formålet. Søknaden hadde i utgangspunktet manglar, men etter purring er det kome kvittering for utsendt nabovarsel, med signatur for samtykke frå Torleif Straume som førebels står som grunneigar av kastanlegget (gbnr. 28/73) og frå Jorunn Grov som eig eigedomen innafor tomta (28/12). Det er også kome førebels svar frå Statens vegvesen, som er positive til at det blir gitt dispensasjon dersom ein nyttar avkøyrsle frå privat veg. Det står ei gamal hytte like ved tomta, på same grunneigedom. Denne har tidlegare vore eigd av andre enn grunneigar, men det ser ikkje ut til å vere sendt varsel til ein eventuell eigar. Det er vidare sagt at når tiltaket er nemnt som «midlertidige boliger», er dette meint som ei orientering om at bygningane blir utført som containarar som kan demonterast etter bruk, og ikkje som eit mellombels tiltak etter plan- og bygningslova. Det er ikkje presisert om det blir søkt om permanent eller mellombels dispensasjon frå plan, men «planen er at de skal stå i for eksempel 5 år», som det står i e-post frå søkjar 30.11.2015. Rådmannen har orientert leiaren i Hyen utviklingslag om planane. Han har munnleg gitt positiv tilbakemelding i forhold til dei akutte utfordringane, men samstundes ytra ønskje om
andre løysingar på lengre sikt. Dersom utviklingslaget får avvikla eit styremøte, kan det hende at det vil ligge føre ei formell tilbakemelding før saka skal behandlast. Økonomiske konsekvensar for kommunen: Ingen. Rådmannen si vurdering Reguleringsplan for Straumsholmen var utlagt til offentleg gjennomsyn i februar/mars i år, men på grunn av manglande kapasitet på plan- og byggesaksavdelinga er ikkje planen ferdigbehandla enda. Brødrene Aa hadde ikkje formell merknad til planforslaga, men har etter at høyringsfristen var gått ut nemnt planane sine i møte med administrasjonen. Det har vore jobba med plansaka for Straumsholmen i den siste tida, men det manglar framleis ei avklaring frå Statens vegvesen, så saka blir ikkje lagt fram for politisk behandling før på nyåret. Det er likevel på bakgrunn av merknadene konkludert med at det ikkje blir aktuelt å gå vidare med tankane om ny plassering av skulen i Hyen. Det ligg også føre merknad til reguleringsplanen som gjeld manglar ved ROS-analysen i forhold til det aktuelle utbyggingsområdet sin nærleik til den ubetjente bensinstasjonen. Dette er nå sjekka ut med direktoratet for samfunnstryggleik og beredskap og lokalt brannvesen som uproblematisk i forhold til brann- og eksplosjonsfare. Det aktuelle utbyggingsområdet vil då gjerne bli vedteke som einebustadområde. Utbygging er neppe aktuelt på kort sikt, då andre område på Straumsholmen bør prioriterast først. Ut frå denne vurderinga kan det synast som lite problematisk å gi ein tidsavgrensa dispensasjon. Rådmannen er likevel litt betenkt, då mellombels har ein tendens til å bli permanent. Det hadde vore naturleg med ei skikkeleg orientering frå søkjar om tidsaspekt for mellombels løysing, og orientering om meir langsiktige planar, men dette ligg altså ikkje føre nå. Det er ikkje kome inn vesentlege merknader etter nabovarslinga. Rådmannen vurderer forholdet til ein eventuell annan eigar av hytta for å vere av privatrettslag karakter, og aksepterer at det ikkje ligg føre dokumentasjon på varsling, jfr. pbl. 21-3 første ledd siste setning og 21-6. RÅDMANNEN SI TILRÅDING: MULTEK-utvalet gir med heimel i plan- og bygningslova 19-2 dispensasjon frå kommuneplanen og reguleringsplanen for Straumsholmen for plassering av om lag 20 flyttbare bueiningar på gbnr. 28/1 slik det er søkt om. Dispensasjonen er med heimel i pbl. 19-3 tidsavgrensa til tre år frå vedtaksdato. Ved eventuell søknad om forlenging av dispensasjonen skal det leggjast fram ein klar tidsplan for mellombels løysing med orientering om planar for permanent utbygging. Dispensasjonen er grunngjeven med at området inntil vidare kan vere godt eigna til formålet, at dispensasjonen er gjort tidsavgrensa, og at området er avsett eller vil bli avsett til utbyggingsformål som ikkje vil bli realisert i den aktuelle tidsperioden.
Side 1 av8