PROTOKOLL FRÅ STYREMØTET I HELSE BERGEN HF STAD: MØTETIDSPUNKT: Finstuen, Bikuben konferansesenter 24 februar 2016, kl. 08.30 12.30 styremøte Styremøtet var ope for publikum og presse DELTAKARAR FRÅ STYRET Svein Gjedrem Signy Midtbø Riisnes Ivar Eriksen Bjørn Østbø Mona Hellenes Anne-Margrete Bollmann Arvid Langeland Irene Hopsdal Karen-Anne Stordalen Geir Arne Sunde Leiar Nestleiar DELTAKARAR FRÅ ADMINISTRASJONEN Eivind Hansen Anne Sissel Faugstad Kristin Pundsnes Mona Høgli Gunn Synnøve Dahl Administrerande direktør Viseadministrerande direktør Økonomi- og finansdirektør Kommunikasjonsdirektør Referent 1
SAKSLISTE Sak 13/16 A Godkjenning av innkalling og dagsorden Sak 14/16 A Godkjenning av protokoll frå styremøtet i Helse Bergen 28.02.16 Sak 15/16 O Administrerande direktør si orientering Sak 16/16 O Rapport frå verksemda pr. januar 2016 Sak 17/16 O Årleg gjennomgang av selskap som Helse Bergen har eigardel i Sak 18/16 O Internkontroll for tryggare tenester Årsmelding 2015 Sak 19/16 O Prosjekt som er programorganisert ved HUS 2016 Sak 20/16 O Endringar for legar i spesialisering (LIS) Sak 21/16 A Særavtale om kommunalt tilbod om øyeblikkeleg hjelp døgnopphald i Vaksdal kommune Sak 22/16 A Møteplan 2016 for styret i Helse Bergen Sak 23/16 O Eventuelt Skriv og meldingar 2
Sak 13/16 A Godkjenning av innkalling og dagsorden Det var ingen merknader til innkalling eller dagsorden. Det vart foreslått å endre rekkefølgja på sak 15/16 og 16/16 då det var styremedlemmer som var noko forseinka. Innkalling og dagsorden vart godkjend med endra rekkefølgje på sak 15/16 og 16/16. Sak 14/16 A Godkjenning av protokoll frå styremøtet 28. januar 2016 Det var ingen merknader til protokollen Protokollen vart godkjend og underskriven. Sak 15/16 O Administrerande direktør si orientering 1. Rapportering tilsynssaker Ei tilsynssak frå Arbeidstilsynet vart etterspurd. Saka vil bli lagt til i oversikta til neste styremøte. 2. Orientering om relevante lover, forskrifter og myndigheitskrav Ingen kommentarar 3. Oversikt over aktuelle høyringar Oversikt over aktuelle høyringar per 14.2.2016 var lagt ved. Det vart stilt spørsmål om korleis Helse Bergen vil handtere førespurnaden om å gje innspel til Kvinnsland-utvalet. Administrerande direktør orienterte om at føretaket hadde sett seg inn i saka, og at det er sett ned ei gruppe som skal kome med forslag til svar. Han nevnte mellom anna at det var viktig slik mandatet legg opp til, å halde fram med føretaksforma og dei rekneskapreglane som følgjer av det. Han orienterte vidare om at Helse Vest RHF har utarbeidd svar der dei gjev uttykk for at dei er nøgde med organiseringa av eigarskapet til spesialisthelsetenesta. Styret i Helse Bergen overlet til administrasjonen å svare Kvinnsland-utvalet. 3
Styret bad vidare om at Helse Bergen sitt framlegg til eventuelt høyringssvar til Arbeids- og sosialdepartementet på «NOU 2016: 1 Arbeidstidsutvalget - Regulering av arbeidstid vern og fleksibilitet», vert lagt fram for styret. Høyringsfrist til Helse Vest for denne er 23. mai 2016 4. Status revisjon avtale med Bergen Kommune om Bergen legevakt Administrerande direktør orienterte om den pågåande prosessen med Bergen kommune om samarbeidet om Bergen legevakt. Prosessen har tatt tid, men ein har no dialog om saka. Helse Vest RHF er involvert, og prosessen er forankra der. 5. Status for etablering av mottaksklinikk Administrerande direktør orienterte om forseinkingar i byggeprosjektet ved mottaksklinikken. Det gjev ei utsetjing på 2 månader. Ny dato for å starte opp er 3. mai. Saka har vore drøfta med tillitsvalde og handsama i FAMU. Det er god rekruttering av legar og sjukepleierar. Forseinkinga har ikkje ført med seg store avvik i investeringskostnadene. Styret vil bli halde orientert om vidare prosess. 6. Vidare oppfølging av kvinneklinikken Administrerande direktør orienterte om status og utvikling for aktivitet og økonomi på kvinneklinikken. Presentasjonen som vart vist vart sendt styret i etterkant av møtet. Styret bad administrerande direktør om å følgje saka tett i 2016 mellom anna med fokus på å byggje tillit i befolkninga til at Haukeland universitetssjukehus ved kvinneklinikken tek i vare sine oppgåver på ein god måte. Styret bad administrerande direktør kome tilbake med eit breiare framlegg om utviklinga på Kvinneklinikken over tid. Styret ba om at utviklinga vert jamført med andre sjukehus. 7. Vidare oppfølging når det gjeld prehospitale tenester Administrerande direktør orienterte om prehospitale tenester knytt til medieoppslag den seinare tida. Dei aktuelle sakene er følgde opp med direkte dialog med aktuelle samarbeidspartar i kommunane. Føretaket følgjer kontinuerleg med på responstida for alle typar ambulanseoppdrag i kommunane. Dette er data som saman med informasjon om lokale forhold gjev godt grunnlag for eventuelle justeringar. Styret ber administrasjonen om å følgje opp utviklinga innan prehospitale tenester. Styret ynskjer å bli halde orientert om tema og ber om skriftleg saksframlegg ved eit seinare høve. 8. Digital tilgang til pasientjournal Administrerande direktør orienterte om at alle pasientar over 16 år vil få lesetilgang til sjukehusjournalen sin på nett frå 22. mai 2016. Ein vil kome tilbake med meir informasjon til styret når dette startar opp. 4
9. Orientering om endringar i organisering av Akuttmedisinsk kommunikasjonssentral (AMK) Administrerande direktør orienterte om planlagde endringar i AMK i regionen. Styret bad om å bli halde orientert om saka. 10. Orientering om Riksrevisjonen sin rapport om samhandling i helsetenestene Administrerande direktør orienterte kort om funn frå Riksrevisjonen sin rapport av status for samhandlingsreforma og kva tiltak Helse Bergen har sett i verk for å bidra til at måla vert nådd. 11. Utkast til styringsdokument 2016 frå Helse Vest til Helse Bergen Utkast til styringsdokument var vedlagt og skal handsamast i styret i Helse Vest 29.02.16. Styret i Helse Bergen tok meldingane til orientering. Sak 16/16 O Rapport frå verksemda pr. januar 2016 Den økonomiske utviklinga i januar er positiv i høve til budsjett. Rekneskapen for januar viser eit overskot på kr 11,7 mill. som er kr 1,37 mill. betre enn budsjettert. Sum driftsinntekt er kr 16,8 mill. lågare enn budsjettert, medan sum driftskostnadar er kr 17,6 mill. lågare enn budsjettert. Finanspostane viser eit marginalt positivt avvik denne månaden på kr 0,6 mill. Aktiviteten innan somatikk, psykisk helsevern og rus har vore noko lågare enn budsjettert i januar. Det var registrert 45 fristbrot i januar, noko som utgjer 0,4 % av dei pasientane som har fått fristdato. Vidare vart det i same periode registrert 621 døgn med korridorpasientar i dei somatiske avdelingane. Dette er eit gjennomsnitt på 20 pasientar kvar dag og utgjer 2,3 % av liggjedøgna denne månaden. 1. Styret i Helse Bergen tek saka til orientering. 2. Styret bad administrasjonen følgje opp arbeidet med å fjerne fristbrot. 3. Styret bad administrasjonen følgje opp arbeidet med å fjerne korridorpasientar. 5
Sak 17/16 O Årleg gjennomgang av selskap som Helse Bergen har eigardel i Administrerande direktør orienterte om selskap som Helse Bergen HF ved inngangen til 2016 har eigardelar i. Han gjekk gjennom funksjon, utviklingstrekk og vidare planar for Bergen Teknologioverføring A.S. og Innovest A.S. Helse Bergen har og eigardelar i Kommunal Landspensjonskasse KLP. Styret ga uttrykk for at det er viktig å fylgje godt opp føretaket si eigarinteresse og at ei minst årlig grundig handsaming her i styret var viktig. Styret i Helse Bergen tek saka til orientering. Sak 18/16 O Internkontroll for tryggare tenester Årsmelding Helse Bergen HF har stor merksemd på pasientsikkerheit og har i 2015 hatt god framgang i arbeidet med kvalitet, pasienttryggleik og internkontroll. Innan internkontroll er det spesiell merksemd på interne systemrevisjonar og vidareutvikling av metoden «Leiinga sin gjennomgang». Meldekulturen og arbeidet med læring frå uønskte hendingar er i god utvikling og programmet for pasienttryggleik har alle innsatsområde under gjennomføring. Styret i Helse Bergen tek saka til orientering. Sak 19/16 O Prosjekt som er programorganisert på HUS 2016 Helse Bergen gjennomfører til ei kvar tid fleire store og krevjande prosjekt. Stor prosjektaktivitet har synleggjort behov for sterkare koordinering, fokus på heilskaplege leveransar og ivaretaking av kontinuitet i langvarige prosjekt. For å styrke styringa av prosjekta som går på tvers av klinikkar/avdelingar i sjukehuset innførte leiinga programstyring hausten 2013. Det er lagt opp til ei stegvis utvikling og innføring av programstyringa. Personal- og organisasjonsdirektør Trond Søreide gjekk gjennom prosjekt/programporteføljen med fokus på det som er mest aktuelt for føretaket i 2016. 6
1. Styret i Helse Bergen tek saka til orientering. 2. Styre bad om å bli halde orientert om gjennomføring og gevinst/effekt for dei aktuelle program/prosjekt som vart presentert. Sak 20/16 O Endringar for legar i spesialisering (LIS) Det er starta ein nasjonal revisjonsprosess av utdanninga for legar i spesialisering (LIS). Det overordna målet er å sikre framtidige behov for legespesialistkompetanse. Revisjonen inneber endringar i rolle- og ansvarsfordelinga mellom Helse- og omsorgsdepartementet (HOD), Helsedirektoratet (Hdir), dei regionale helseføretaka (RHF), helseføretaka (HF) og legeforeininga (DNLF). I tillegg er relevante forskrifter og innhaldet i spesialistutdanninga under revisjon. Rettleiing og supervisjon av legar i spesialisering skal særskilt styrkast. Fagdirektør Alf Henrik Andreassen presenterte saka og orientert om korleis Helse Bergen vil førebu seg til dette. Styret i Helse Bergen tek saka til orientering. Sak 21/16 A Særavtale om kommunalt tilbod om øyeblikkeleg hjelp døgnopphald i Vaksdal kommune Helse Bergen har saman med Vaksdal kommune forhandla fram ein mellombels særavtale til tenesteavtale 4 om etablering og drift av kommunalt tilbod om døgnopphald for pasientar som har trong for øyeblikkeleg hjelp på kommunalt nivå. Slike kommunale tilbod blei pålagt ved lov frå 1. januar 2016 og skal etablerast i eit samarbeid mellom kommunar og spesialisthelsetenesta. Vaksdal kommune vil ta del i det interkommunale tilbodet om øyeblikkeleg hjelp døgnopphald på Voss i løpet av 2016. Denne avtalen gjeld fram til Vaksdal har gjort avtale med Voss. 7
Vedlagde særavtale skal handsamast politisk i Vaksdal kommune og i styret for Helse Bergen. Etter at begge partar har signert avtalen skal han leggjast ut på den felles nettsida www.saman.no. Styret i Helse Bergen godkjenner avtalen. Sak 22/16 A Møteplan 2016 for styret i Helse Bergen Styret bad om at styremøta byrja kl. 10.00, og ikkje kl. 9.00. Vidare bad styret om forslag til ny dato for styremøte i mai og i juni. 1. Styret vedtek møteplanen for 2016 2. Styre ber administrasjonen følgje opp arbeidet med møteplan Sak 23/16 O Eventuelt Neste møte er 18. mars 2016 Skriv og meldingar Fylgjande skriv og meldingar er sende ut til styret: Årshjul for styret i Helse Bergen Brev om planlagde endringar i ambulansetenestene møte med kommunane Presentasjon om bemanning Kvinneklinikken vart sendt ut på mail etter møte Vedlegg til styringsdokument 2016 Helse Bergen HF vart sendt ut på mail etter møte 8
Dato 20. april 2016 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haukland Hellesnes Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde 9