RADØY KOMMUNE Kommunestyret MØTEBOK Møtedato: 25. april 2013 Møtetid: Kl. 19:45 21:25 Møtestad: Rådhuset Saksnr.: 010/13-014/13 Desse møtte: Parti Desse møtte: Parti Jon Askeland Sp Kenneth Taule Murberg H Silje Namtvedt Sp Christel Villanger Håland H Anne Berit Bø Palmesen Sp John Bauge H Mai-Liss Sylta Møn Sp Audun Sylta H Sara Sekkingstad Sp Henning Haugland H Oddmund Skjelvik Sp Roy Bø Frp Ingvill Taule Sp Trond Morten Marøy Frp Martin Soltveit Sp Wenche Kalnes Tveranger Frp Dag Sætre Sp David Pletten Aasgard KrF Morgan Taule Ap Finn Frantzen KrF Kirsti Gjetle Floen Ap Frode Hervik V Vidar Grindheim Ap Birthe Haugland Frotaule V Marianne Osa Ap Forfall: Parti Varamedlemer som møtte: Parti Grethe Lunde KrF Finn Frantzen H Ann Christin Hoen Ap Marianne Osa Ap Ugilde: Parti Sak nr Varamedlemer som møtte: Parti Mai-Liss Sylta Møn Sp 011/13 Det møtte såleis 23 representantar og 2 vararepresentantar, ialt 25. Møteleiar: Frå adm. møtte: Innkalling og sakliste: Settevaraordførar: Minneord: Ordførar Jon Askeland Rådmann Jarle Landås Ass. rådmann Leif Taule Økonomisjef Sveinung Kvamme Konsulent Arthur Kleiveland Det var ingen merknader til innkalling og sakliste. Ordføraren la til at det har kome inn ein interpellasjon frå Høgre og Venstre om Næringsplan/strategisk næringsanalyse for Radøy kommune. Interpellasjonen er sendt kommunestyret som epost. Interpellasjonen vil ein koma attende til ved slutten av møtet. Varaordførar Ann Christin Hoen (Ap) hadde meldt forfall. Sara Sekkingstad (Sp) vart samrøystes vald til settevaraordførar. Ved starten av møtet sa ordførar Jon Askeland fram minneord over tidlegare ordførar Meinert Helland som døydde 12. april 2013. Side 1
Utdeling av nettbrett: Før kommunestyremøtet tok til fekk representantane utdelt nettbrett og opplæring i bruk av dette. Radøy kommune går difor over til papirlause møte frå mai 2013. Underskrifter: John Bauge Jon Askeland Frode Hervik ordførar Leif Taule ass. rådmann Sakliste: Sak nr. Saktittel 010/13 Meldingar og referatsaker 011/13 Investeringar 2013 - endringar knytt til lastebil og innløysing tomt 012/13 Prosjektrekneskap Sæbø skule 013/13 Årsmelding Radøy kommune 2012 014/13 Årsrekneskap 2012 for Radøy kommune Interpellasjon frå Høgre og Venstre om Næringsplan strategisk næringsutviklingsanalyse for Radøy kommune Interpellasjonen omtalar eit opplegg for å koma i gong med næringsplanarbeid i Radøy kommune ved å lysa ut eit anbod på utarbeiding av strategisk næringsutviklingsanalyse. Det skal søkjast tilskot frå fylkeskommunen til analysen. Formannskapet skal vera styringsgruppe for arbeidet og det skal opprettast referansegruppe(r) med næringsaktørar. Ordførar Jon Askeland gav i møtet - i tråd med reglement for kommunestyret, eit førebels svar på interpellasjonen der han også viser til at vedtatt planstrategi seier at arbeidet med næringsplan skal startast opp i 2013. Etter ein del drøftingar i kommunestyret vart det semje om at interpellasjonen vert sett på saklista til formannskapsmøtet 16. mai og at saka vidare kjem på saklista til kommunestyremøtet 30. mai. Side 2
RADØY KOMMUNE Sakspapir SAKSGANG Styre, utval, komite m.m. Møtedato Saksnr Saksansv. Kommunestyret 25.04.2013 010/13 LTA Avgjerd av: Kommunestyret Saksansv.: Leif Taule MELDINGAR OG REFERATSAKER Arkiv: K1-033 Objekt: Arkivsaknr 13/450 a. Møtebok for kontrollutvalet for møte 19. februar 2013 b. Møtebok for kontrollutvalet for møte 15. mars 2013 c. Møtebok for kontrollutvalet for møte 10. april 2013 d. Årsrapport 2012 for Aufera AS Rådmannen sitt framlegg til vedtak: Meldingane vert tekne til følgje. 25.04.2013 KOMMUNESTYRET Ordføraren sette fram følgjande framlegg: Meldingssakene a, b og c vert utsett til neste møte då korkje leiar eller nestleiar i kontrollutvalet hadde høve til å vera til stades på dette kommunestyremøtet. Kommunestyret vedtok samrøystes ordføraren sitt utsetjingsframlegg. Kommunestyret vedtok samrøystes rådmannen sitt framlegg til vedtak for pkt. d). KS-010/13 VEDTAK: Årsrapport 2012 frå Aufera AS vert tatt til følgje. Meldingssakene a, b og c vert utsett til neste møte då korkje leiar eller nestleiar i kontrollutvalet hadde høve til å vera til stades på dette kommunestyremøtet. Side 3
RADØY KOMMUNE Sakspapir - SAKSGANG Styre, utval, komite m.m. Møtedato Saksnr Saksansv. Formannskapet 19.03.2013 016/13 SKV Kommunestyret 25.04.2013 011/13 SKV Avgjerslemynde: Kommunestyret Sakshandsamar: Sveinung Kvamme Arkiv: K1-151 Objekt: Arkivsaknr 12/1196 INVESTERINGAR 2013 - ENDRINGAR KNYTT TIL LASTEBIL OG INNLØYSING TOMT Saksutgreiing: Saka gjeld endring av investeringsbudsjettet for 2013 som følgje av høgare kostnader enn føresett i nokre prosjekt. Første prosjekt er 6150004 - innløysing tomter OvF. Avtale om overtaking vart gjort i 2012, og kjøpet av tomteområde vart teke med i investeringsbudjsettet for 2012. Tinglysinga vart først gjort i 2013. Radøy kommune har fått faktura frå Statens kartverk på tinglysingsgebyr og dokumentavgift for området som er overtek frå OvF, på kr 238.560. Rådmannen må berre slå fast at dokumentavgifta og tinglysingsgebyret rett og slett er gløymt i saksutgreiinga til kommunestyret i samband med overtaking av eigedomen. Budsjettet for 2012 tok såleis berre med den avtalte kjøpesummen. Dokumentavgifta er 2,5% av kjøpesummen, og denne kostnaden kjem ein ikkje utanom. Tinglysingsgebyret er kr 1.060,- og er i denne samanhengen ein uvesentleg sum. Uansett er det ikkje løyvd midlar til prosjektet i 2013, og rådmannen ber om at kommunestyret løyver kr 238.560 til gebyr på prosjekt 6150004. Finansiering gjennom bruk av unytta lånemidlar frå 2012 ut over det som er føresett i budsjettet for 2013. Det er føresett nytta ca 10,7 mill, medan det faktisk er tilgjengeleg 13,7 mill. Andre prosjekt er 1280 - utskifting av bilar. Her er det budsjettert kr 750.000 i 2013, og midlane var tenkt brukt til kjøp av lastebil. Målsetjinga var å finna ein brukt lastebil som tilfredsstiller krava, men dette har synt seg vanskeleg. Ei arbeidsgruppe har undersøkt marknaden, men ikkje funne tenlege brukte lastebilar. Rådmannen vurderer det slik at verktøyet som skal nyttast må vera av tilstrekkeleg kvalitet, også når det gjeld bilar. Brukte bilar er sjølvsagt rimelegare i innkjøp, men risikoen for feil og manglar er større, og ein må akseptera større avvik mellom kravspesifikasjon og leveranse. Rådmannen går difor inn for å kjøpa ein ny bil. Det har vorte henta inn tilbod på lastebil frå tre ulike firma, og desse tilboda er vurdert opp mot kvarandre. Etter ei samla vurdering er ein MAN med kran frå Palfinger levert av firmaet Bil Båt og Fritid AS det beste alternativet. Bilen skal nyttast innafor VA og på andre område, Side 4
og investeringskostnaden blir difor fordelt på fleire tenester. I investeringsbudsjettet skal det berre gjevast ei samla løyving, som inkluderer mva på den andelen av bilen som ikkje inngår i VA-rekneskapen. Kostnaden ved kjøp av bilen er kr 958.760,- + mva, til saman kr 1.198.450,-.Dette inkluderer også kontrollavgift m.v. Om vi legg til grunn at 25% av investeringa vert nytta innafor VAområdet, vert finansieringstrongen ca kr 1.140.000, dvs kr 390.000 høgare enn budsjett. Rådmannen ber om at kommunestyret løyver ytterlegare kr 390.000 til kjøp av lastebil, i prosjekt 1280 utskifting av bilar, finansiert gjennom bruk av unytta lånemidlar frå 2012. Rådmannen sitt framlegg til vedtak: Det vert løyvd kr 240.000 til investering i prosjekt 6150004 innløysing av tomter OvF. Det vert løyvd ytterlegare kr 390.000 til investering i prosjekt 1280 utskifting av bilar. Begge løyvingane vert finansiert ved bruk av unytta lånemidlar frå 2012. 19.03.2013 FORMANNSKAPET Formannskapet rådde samrøystes kommunestyret til å vedta rådmannen sitt framlegg til vedtak. FS-016/13 VEDTAK: Det vert løyvd kr 240.000 til investering i prosjekt 6150004 innløysing av tomter OvF. Det vert løyvd ytterlegare kr 390.000 til investering i prosjekt 1280 utskifting av bilar. Begge løyvingane vert finansiert ved bruk av unytta lånemidlar frå 2012. 25.04.2013 KOMMUNESTYRET Mai-Liss Sylta Møn (Sp) bad om å bli kjent ugild i saka grunna slektskap til aktuell tilbydar på kjøp av lastebil til kommunen. Kommunestyret godkjende samrøystes at Mai-Liss Sylta Møn var ugild i saka. Kommunestyret vedtok samrøystes formannskapstilrådinga. KS-011/13 VEDTAK: Det vert løyvd kr 240.000 til investering i prosjekt 6150004 innløysing av tomter OvF. Det vert løyvd ytterlegare kr 390.000 til investering i prosjekt 1280 utskifting av bilar. Begge løyvingane vert finansiert ved bruk av unytta lånemidlar frå 2012. Side 5
RADØY KOMMUNE Sakspapir SAKSGANG Styre, utval, komite m.m. Møtedato Saksnr Saksansv. Formannskapet 11.04. 2013 018/13 SKV Kommunestyret 25.04.2013 012/13 SKV Avgjerslemynde: Kommunestyret Sakshandsamar: Sveinung Kvamme Arkiv: K1-210 Objekt: Arkivsaknr 12/1990 PROSJEKTREKNESKAP SÆBØ SKULE Vedlegg i saka: Revisjonsmelding og prosjektrekneskap Saksutgreiing: Rådmannen legg med dette fram prosjektrekneskap for Sæbø skule. Prosjektrekneskapen er sett opp av byggeleiar Tore Rikstad, og prosjektrekneskapen er revidert av Nordhordland revisjon. I prinsippet skulle byggenemnda lagt fram byggerekneskapen, men fordi det har teke lang tid å ferdigstilla dei siste utarbeida, har byggenemnda for lenge sidan avslutta sitt arbeid i prosjektet. Prosjektrekneskapen har vore handsama i kontrollutvalet i møte 19.2.2013, og har gjort følgjande samrøystes vedtak: Kontrollutvalet tek den framlagte prosjektrekneskapen til orientering. Kontrollutvalet ser det som naturleg at kommunen føl opp revisjonen sin kommentar om at større investeringsprosjekt bør leggast fram som eiga sak i kommunestyret der ramma vert fastsett. Rådmannen tek revisjonen og kontrollutvalet sin merknad om at større investeringsprosjekt bør ha eige rammevedtak til etterretning. Rådmannen sitt framlegg til vedtak: Prosjektrekneskapen for Sæbø skule vert godkjent slik den ligg føre. 11.04.2013 FORMANNSKAPET Formannskapet rådde samrøystes kommunestyret til å vedta rådmannen sitt framlegg til vedtak. FS-018/13 VEDTAK: Prosjektrekneskapen for Sæbø skule vert godkjent slik den ligg føre. Side 6
25.04.2013 KOMMUNESTYRET Kommunestyret vedtok samrøystes formannskapstilrådinga. KS-012/13 VEDTAK: Prosjektrekneskapen for Sæbø skule vert godkjent slik den ligg føre. Side 7
RADØY KOMMUNE Sakspapir SAKSGANG Styre, utval, komite m.m. Møtedato Saksnr Saksansv. Formannskapet 11.04 2013 019/13 SKV Kommunestyret 25.04.2013 013/13 SKV Avgjerslemynde: Kommunestyret Sakshandsamar: Sveinung Kvamme Arkiv: K1-004 Objekt: Arkivsaknr 12/905 ÅRSMELDING RADØY KOMMUNE 2012 Saksutgreiing: Ifølgje kommunelova 48 nr 1 skal kommunen kvart år arbeida ut ei årsmelding. Kommunelova 48 nr 5 seier kva årsmeldinga skal innehalda. Ifølgje 10 i forskrift av 15.12.2000 om årsrekneskap og årsmelding skal kommunestyret vedta årsmeldinga seinast seks månader etter at rekneskapsåret er slutt. Årsmelding for 2012 ligg som vedlegg til denne saka. Rådmannen sitt framlegg til vedtak: Årsmelding for 2012 vert teken til etterretning. 11.04.2013 FORMANNSKAPET Formannskapet stilte nokre spørsmål kring tabellar og forståing av nasjonale prøvar og eksamensresultat (side 3). Rådmannen ser nærare på oppstillinga og forklaringa på side 3. Formannskapet rådde samrøystes kommunestyret til å vedta rådmannen sitt framlegg til vedtak. FS-019/13 VEDTAK: Årsmelding for 2012 vert teken til etterretning. 25.04.2013 KOMMUNESTYRET Rådmannen orienterte kort om årsmeldinga og gjorde også merksam på at forskriftene seier at kommunestyret skal vedta årsmeldinga. Ordføraren sette fram følgjande endringsframlegg: Årsmelding 2012 for Radøy kommune vert vedtatt slik den ligg føre. Kommunestyret vedtok samrøystes ordføraren sitt framlegg til vedtak. Side 8
KS-013/13 VEDTAK: Årsmelding 2012 for Radøy kommune vert vedtatt slik den ligg føre. Side 9
RADØY KOMMUNE Sakspapir SAKSGANG Styre, utval, komite m.m. Møtedato Saksnr Saksansv. Formannskapet 11.04 2013 020/13 SKV Kommunestyret 25.04.2013 014/13 SKV Avgjerslemynde: Kommunestyret Sakshandsamar: Sveinung Kvamme Arkiv: K1-210 Objekt: Arkivsaknr 12/1990 ÅRSREKNESKAP 2012 FOR RADØY KOMMUNE Vedlegg i saka: Årsrekneskap 2012 Årsmelding 2012 frå rådmann Revisjonsmelding og revisjonsuttale Saksutgreiing: Kontrollutvalet gjekk gjennom årsrekneskapen for 2012, og stilte spørsmål til administrasjon og revisor om tilhøve kring revisjonsrapporten, årsmeldinga og rekneskapen. Økonomisjefen møtte i denne saka. Kontrollutvalet sitt vedtak: (10.04.2013) Med tilvising til det som her er nemnd vedtok Kontrollutvalet å gi slik uttale til kommunestyret om Radøy kommune sin årsrekneskap for 2012: Kontrollutvalet har handsama årsrekneskapen for Radøy kommune for 2012. Saman med årsrekneskapen låg føre årsmeldinga frå rådmannen, samt revisjonsmelding for 2012 og revisjonsrapport. Kontrollutvalet meiner at presentasjon av årsrekneskapen med tilhøyrande spesifikasjonar og notar, tilfredsstiller brukarane sitt informasjonsbehov. Kontrollutvalet vil peike på følgjande: Netto driftsresultat er 10,2 mill kr, det er 9,4 mill kr høgare enn i 2011. Det utgjer nesten 3 % av driftsinntektene, slik det er anbefalt at det bør vere. Det er ei betring i økonomien som er svært gledeleg. For å analysere netto driftsresultat litt nærare er der nokre moment som er aktuelle. Momskompensasjonen frå investering er på 3,2 mill kr, av det er 2 mill kr pliktig overført (60 %) til investering. Frå og med 2014 vil ikkje noko kunne nyttast i drift. Netto avsetning til bundne fond er på 1,8 mill kr. Her har kommunen hatt større inntekter enn utgifter til område med spesifikke inntekter, største delen gjeld VAR område. Utgiftene til bygdeboka skulle vore ført i drift og ikkje i investering. I 2012 er det netto om lag 1,07 mill kr. Når ein korrigerer for dette så har kommunen eit korrigert netto driftsresultat på pluss 4,1 mill kr, sjå tabellen under. Det gjer at kontrollutvalet framleis ser behov for å forbetre kommunen sin Side 10
økonomi. I tillegg er det verdt å merke seg premieavviket auka med netto 8,7 mill kr i 2012, og det vil bli kostnadsført dei neste 10 åra. Korrigert netto driftsresultat 2012 2011 Mill kr Mill kr Netto driftsresultat 10,20 0,75 + Ekstra lønnskostnader i 2011 (variabel lønn) 4,30 - Momskompensasjon investering -3,20-4,20 - Avsatt bundne fond (netto) -1,80-2,00 - Bygdebok ført i investering -1,07-0,70 = Netto driftsresultat korrigert 4,13-1,85 Driftsutgiftene auka med 3,9 %, mens driftsinntektene auka med 6,6 % i 2012. Utgifter til løn og sosiale utgifter aukar med 3,7 % i 2012. I 2011 var første året ein belasta rekneskapen med den variable løn som er i desember, korrigert for det så er auken på 5,7 %. Det er høgare enn forventa løns- og prisauke i 2012 slik at det kan sjå ut til at det har vore ein aktivitets auke. I note 21 viser at tal årsverk har auka til 402, ein auke på 0,5 % i 2012. Den langsiktige gjelda til kommunen har auka med 7,5 mil kr, men på grunn av auken i driftsinntektene så utgjer det ein mindre andel av driftsinntektene i 2012. Netto finans er på om lag på same nivå som i 2011. Kommunen nyt godt av at der er eit lågt rentenivå. Kommunen sin likviditet er om lag uendra i 2012. Arbeidskapitalen (Omløpsmidlar Kortsiktig gjeld) er så vidt negativ når ein ser bort i frå premieavviket og ubrukte lånemidlar. Ubrukte lånemidlar har vore med å styrka likviditeten til kommunen. Avvik i høve til budsjettskjema 1B - driftsrekneskapen Kommunen sitt delegasjonsreglement i vedlegg 3 set krav om at avvik på dei ulike områda skal forklarast i årsmeldinga Dette er også eit krav i 10 i forskrift om årsrekneskap og årsmelding. Avvika i høve til budsjett på dei einskilde einingane i 2012 er låge, med nokon unntak. BF-tenesta har eit større avvik på 3,1 mill kr og utgiftene har auka med over 30 % samanlikna med 2011. Dette er forklart i årsmeldinga. Kontrollutvalet ser det som positivt at einingsleiarane held seg innafor sine rammer. I investeringsrekneskapen skjema 2B så er der nokon avvik i forhold til vedteke budsjett, men det er færre enn i 2011. Det ser difor ut til at kontrollutvalet sin kommentar til rekneskapen 2011 er følgt opp. Kontrollutvalet saknar litt omtale om nokon av investeringsprosjekta med omsyn til framdrift og status. Slik som til dømes prosjektet «Vegframføring Olsvollstranda». Kommuneloven 48 nr 5 seier at årsmeldinga skal gjere greie for den faktiske tilstanden for likestilling i kommunen, arbeidet med å sikre ein betryggande kontroll og høg etisk standard. Rådmann skriver om internkontrollen og note 21 i rekneskapen gjer greie for arbeidet med likestilling, men arbeidet med etikk kunne vore noko meir systematisk omtala i årsmeldinga. Kontrollutvalet saknar ein omtale av korleis næringslivet utviklar seg i kommunen og kva kommunen gjer for å legge til rette for dette. Kontrollutvalet vil peike på revisjonen sin kommentar til bygdeboka i revisjonsrapporten og atterhald i revisjonsmeldinga om at kostnader til bygdeboka ikkje skulle vore ført i Side 11
investering, men i drift. Dette er ikkje i samsvar med god kommunal rekneskapsskikk. Dette har også kontrollutvalet peika på tidlegare. Revisjon av årsrekneskapen er tilfredsstillande utført etter kontrollutvalet si oppfatning. Kontrollutvalet reknar med at revisjonen sine kommentarar i revisjonsrapporten vil bli følgt opp av administrasjon. Utover dette og det som går fram av revisjonsmeldinga til årsrekneskapen, datert 02.04.2013, og revisjonsrapport, datert 02.04.2013, har kontrollutvalet ingen merknader til årsrekneskapen for Radøy kommune for 2012. Rådmannen sitt framlegg til vedtak: Årsrekneskapen for 2012 vert godkjent slik den ligg føre. 11.04.2013 FORMANNSKAPET Formannskapet drøfta årsrekneskapen og mogleg disponering av det rekneskapsmessige mindreforbruket på kr 2 092 608,-. Formannskapet rår til at det rekneskapsmessige mindreforbruket vert avsett til disposisjonsfond som følgjer: Flyktningar kr 1.000.000 Jubileum 2014: kr 250.000 Næringsfond: kr 400.000 Folkehelsetiltak: kr 150.000 Kommunale vegar: kr 292.608 Formannskapet rådde samrøystes kommunestyret til å vedta rådmannen sitt framlegg til vedtak, saman med formannskapet sitt tilleggsframlegg. FS-020/13 VEDTAK: Årsrekneskapen for 2012 vert godkjent slik den ligg føre med følgjande tillegg: Det rekneskapsmessige mindreforbruket vert avsett til disposisjonsfond som følgjer: Flyktningar: kr 1.000.000 Jubileum 2014: kr 250.000 Næringsfond: kr 400.000 Folkehelsetiltak: kr 150.000 Kommunale vegar: kr 292.608 25.04.2013 KOMMUNESTYRET Økonomisjefen gav ei fyldig orientering om rekneskapen og samanlikning av ulike KOSTRA-tal for Radøy og nabokommunar. Kommunestyret vedtok samrøystes formannskapstilrådinga. Side 12
KS-014/13 VEDTAK: Årsrekneskapen for 2012 vert godkjent slik den ligg føre med følgjande tillegg: Det rekneskapsmessige mindreforbruket vert avsett til disposisjonsfond som følgjer: Flyktningar: kr 1.000.000 Jubileum 2014: kr 250.000 Næringsfond: kr 400.000 Folkehelsetiltak: kr 150.000 Kommunale vegar: kr 292.608 Side 13
Side 14