TIME KOMMUNE TENESTESTANDARD OG KVALITETSMÅL PSYKISK HELSEARBEID 1. FORMÅL Formålet med tenesta er å fremja sjølvstende og evne til å meistra eige liv med utgangspunkt i brukaren sine ressursar, ønskje og mål. 2. LOVGRUNNLAG Lov om helsetenesta i kommunane, 2-1. Lov om sosiale tenester, 4-2 a. 3. MÅLGRUPPE Personar over 18 år som har ei alvorleg til moderat psykisk liding og bur i Time kommune. 4. KVALITETSMÅL Gi menneske med psykiske lidingar rett hjelp til rett tid Den enkelte skal oppleva å bli møtt med respekt og likeverd 5. TENESTEFORM Psykisk helsearbeid gir individuell hjelp ut frå behov som kjem fram i søknad og vurderings-/kartleggingssamtale. Det vert lagt vekt på kor alvorleg den psykiske lidinga er, samt graden av eigenomsorg og sosial isolasjon. Yngre brukarar og brukarar med barn vert prioriterte Seinast 3 veker etter at søknaden er motteken blir det avtalt ein vurderings- /kartleggingssamtale som gir grunnlag for vedtak. Skriftleg svar på søknaden skal liggja føre innan 4 veker frå søknaden er motteken Tenester blir tildelte ved enkeltvedtak der omfanget og innhaldet av tenestetilbodet går fram Tenestetilbodet vert gitt på dagtid (kl. 07.30-15.00) i brukaren sin heim eller i tenesteeininga sine lokale. Eit enkeltbesøk /samtale er på 45 minutt Ved oppstart av tenestetilbodet får brukaren ein fast kontaktperson Brukaren får beskjed dersom det i vedtaksperioden blir endringar i avtalt tid for hjelp Tenesta er frivillig og blir ikkje gitt utan at brukar sjølv ønskjer hjelp. 6. TENESTETILBOD Samtalar for å skapa utvida innsikt i brukaren sin situasjon, konkretisera tiltak og gi råd og rettleiing om korleis ein kan gjennomføra desse Hjelp til å strukturera kvardagen, miljøarbeid og opplæring Hjelp til å finna meiningsfulle aktivitetar tilpassa brukaren sine ønskje og ressursar Utarbeida individuell plan i samarbeid med brukaren ved behov for langvarige og koordinerte tenester Etablera ansvarsgruppe dersom det er behov for samordna tenester Samarbeida med til dømes fastlege og spesialisthelsetenesta, og gi hjelp til medisinhandtering Oppfølging etter sjølvmordsforsøk Observasjon og hjelp i høve akutte psykiske helseproblem
Følgja opp varselsignal hjå brukaren og utarbeida kriseplan saman med han/henne Gi råd og rettleiing til pårørande etter samtykke frå brukar Gi informasjon om psykisk helse og førebygging av psykiske helseskadar Leggja vekt på brukarmedverknad. Brukaren skal oppleva kontinuitet og kjenna seg trygg Samarbeida med interne og eksterne instansar i enkeltsaker, og ta del i arbeidet med å førebyggja psykiske helseskadar i befolkninga Rettleia andre tenesteeiningar i omsorg om psykisk helsearbeid 7. EIGE ANSVAR Vera deltakande og ta ansvar for eigne problem Gi beskjed om du ikkje kan møta til avtalt tid Gi tilbakemelding dersom ein ikkje er nøgd med tenestetilbodet Visa forståing dersom personalet må prioritera akutte hendingar Gi tenesta skriftleg samtykke til å samarbeida med andre hjelpeinstansar for å oppnå ei heilskapleg behandling 8. PRIS Psykiske helsetenester er gratis. Brukaren må sjølv dekkja utgifter til medisin og medisinsk utstyr. 9. SØKNAD Brukaren kan få kontakt med tenesteeininga psykisk helse og rusvern ved å senda eller levera eigensøknad. Søknadsskjema finn du på Time kommune si heimeside: www.time.kommune.no under søknad om omsorgstenester. Søknadsskjema kan også hentast på servicetorget i Time rådhus. I tillegg til eigensøknad ønskjer me utfyllande opplysningar frå behandlar eller fastlege. Ved å søkja gir ein samtykke til at tenesteeininga kan henta inn nødvendige opplysningar for å behandla søknaden, samt at opplysningar vert registerte og sende anonymt til statistisk sentralbyrå. Tenesteeininga samarbeider med andre hjelpeinstansar etter samtykke frå brukar. Søknad skal sendast til: Time kommune v/tenesteeininga psykisk helse og rusvern, postboks 38, 4349 Bryne, eller eller han kan leverast på servicetorget i Time rådhus. 10. KLAGE Du kan klaga på vedtaket innan tre veker frå du har motteke dette. Klager på psykiske helsetenester skal sendast til: Time kommune v/tenesteeininga psykisk helse og rusvern, boks 38, 4349 Bryne. I klagen skal du beskriva kva du ønskjer endra i vedtaket og grunngi dette. Du kan få rettleiing av den som har behandla saka i samband med klage. Klageinstans er Fylkesmannen eller kommunen sitt eige klageorgan. Før klagen vert sendt dit, vil tenesteeininga psykisk helse og rusvern vurdera om det er grunn til å endra på vedtaket. Dersom dette vert oppretthalde, blir saka sendt til Fylkesmannen eller til utval for Levekår i Time (kommunen sitt klageorgan), alt etter kva lov vedtaket er heimla i.
Vedlegg: psykiske helsetenester Kvalitetsmål I: Gi menneske med psykiske lidingar rett hjelp til rett tid. Indikator Delindikator Målepunkt Rett hjelp til rett tid Tilrettelegging Eg opplever at tilbodet er tilpassa mitt behov for hjelp. Eg får hjelpa på eit tidspunkt eg treng det. Eg opplever at mine ressursar og ønskjer blir vektlagt. Eg får høve til å setje eigne mål for kva eg vil oppnå. Tilgjengeleg/føreseieleg Eg får hjelp til å klara meg sjølv. Eg har ein fast kontaktperson/ psykisk helsearbeidar. kjem til rett tid. Eg får beskjed dersom den psykiske helsearbeidaren ikkje kan koma til avtalt tid. Eg veit kva eg kan få hjelp til av den psykiske Kommunikasjon Eg kjenner innhaldet i tilbodet. Eg opplever å få god informasjon om tenestetilbodet. Eg opplever at den psykiske helsearbeidaren lyttar til meg. Eg opplever å kunna snakka godt med min psykiske helsearbeidar. Eg er trygg på den psykiske Kompetanse Eg er klar over at den psykiske helsearbeidaren har teieplikt. Eg opplever at psykisk helsearbeidar har faglig god kompetanse på psykisk helse. Eg opplever at psykiske helsearbeidar har nok kunnskap
om det samla psykiske helsetilbodet. Eg får den informasjonen eg treng. Eg opplever medverknad og medbestemming. Kvalitetsmål II: Den enkelte skal oppleva å bli møtt med respekt og likeverd. Indikator Delindikator Målepunkt God oppleving i møte med Respekt Eg har tillit til den psykiske psykisk helsearbeidar. Eg blir sett og høyrt av den psykiske har ekte interesse for min livssituasjon. Eg opplever at mi deltaking har innverknad. Eg opplever at mine ressursar blir vektlagt. Eg får høve til å utøva det eg kan sjølv. Eg får medverka og bestemma i høve situasjonen eg er i. Eg opplever ein ikkjedømmande haldning frå den psykiske har tolmod overfor meg. Likeverd Det eg seier og meiner blir lytta til og teke på alvor. Eg får aksept for den eg er. Eg og psykiske helsearbeidar har same mål. Eg opplever at eg og psykisk helsearbeidar samarbeider godt.