OS KOMMUNE Oppvekst og kultur

OS KOMMUNE Oppvekst og kultur Skeisbotnen barnehage Skeisleira 95 5217 HAGAVIK Saksnr. Arkivkode Saksh. Dykkar ref. Dato 16/307-52 / A10/ &58 Irene Ullensvang - 56 57 51 24 30.08.2016 Rapport etter tilsyn etter barnehagelova i Skeisbotnen barnehage, tirsdag 9. august 2016 Innleiing Os kommune, har i perioden 27.06.2016 til dags dato, gjennomført varsla tilsyn med Skeisbotnen barnehage. Kontaktperson i barnehagen: Anne Beate Fagerholt, styrar. Det vart gjennomført stadleg tilsyn i Skeisbotnen barnehage tysdag 9. august 2016. Det vart ikkje avdekka lovbrot under tilsynet. Om tilsynet med Skeisbotnen barnehage Os kommune, som barnehagemynde, fører tilsyn med Skeisbotnen barnehage, jf. Barnehagelova 16. Kommunen sitt tilsyn med barnehageeigar, er tilsyn med det lovpålagte knytt til barnehagedrift. Barnehagelova 8 gir kommunen ansvar for å sjå til at barnehagelova blir etterlevd i barnehagane. Barnehagemynde har i 8 fått tre sentrale verkemiddel som kan bidra til at barnehagane etterlever lova: godkjenning, rettleiing og tilsyn. Barnehagelova 7, barnehageigar sitt ansvar, er ein naturleg del av alle tilsyn med private barnehagar. Regelverk som det blir ført tilsyn med: Barnehagelova - Lov om barnehager Rammeplan for innhaldet i og oppgåver i barnehagen Som utgangspunkt for spørsmål knytt til barnehagen sitt arbeid med det psykososiale arbeidet i barnehagen nyttar vi rettleiar frå Utdanningsdirektoratet «Barn sin trivsel vaksne sitt ansvar. Førebyggjande arbeid mot mobbing i barnehagen» Tema og føremålet med tilsynet: Barnehagen sitt innhald (Lov om barnehagar 2) Barnehage sitt føremål, verdigrunnlag og oppgåver (Forskrift om rammeplan for Rettleiar frå Utdanningsdirektoratet «Barn sin trivsel vaksne sitt ansvar. Førebyggjande arbeid mot mobbing i barnehagen» Torggata 7 Telefax: 56 30 75 26 www.oskommune.no Org.nr.: 844 458 312

Teieplikt (Lov om barnehagar 20) Opplysningsplikt til barneverntenesta (Lov om barnehagar 22) Tilsynet rettar merksemda mot barnehagen si oppfylling av krav innanfor dei oppgitte emne, og rapporten viser eventuelle avvik som vart avdekte under tilsynet. Rapporten gir såleis inga fullstendig tilstandsvurdering av barnehagen. Om gjennomføringa av tilsynet Tilsyn med Skeisbotnen barnehage vart opna gjennom e-post korrespondanse og i varselsbrev datert 27.06.2016. Barnehagen er pålagt å legge fram dokumentasjon for kommunen med heimel i barnehagelova 8. Tilsynet vart gjennomført ved gransking av framlagte dokument og ved intervju av personar på ulike nivå i barnehagen. Følgjande dokument inngår i dokumentasjonsgrunnlaget for tilsynet: Barnehagen sine vedtekter Årsplan og ev. halvårsplanar med temaplan eller liknande Dokumentasjon som syner barnehagen sitt arbeid med å sikre alle barn eit godt psykososialt miljø som førebyggjer mobbing, bidrar til trivsel, glede, leik og læring Annan relevant informasjon/dokumentasjon som gjeld barnehagen si oppgåve som pedagogisk verksemd 2 siste referat frå samarbeidsutvalet 2 siste referat frå foreldrerådet Oversikt over alle tilsette i barnehagen: Namn, utdanning, stillingsstorleik, stillingstype Oversikt over alle barn i barnehagen: Tal barn, alder og plasstorleik. Ev gruppedeling. Rutinar for å sikre levering av taushetserklæring/dokumentasjon signerte taushetserklæringar Rutinar for vidareformidling av opplysningar til andre instansar Rutinar for samarbeid med foreldre og evnt føresette Rutinar for samarbeid med barneverntenesta, barnehagen sine rutinar når det oppstår situasjonar der det er mistanke om omsorgssvikt eller mishandling Rutinar for alvorlege ulykker Tilsynsteam: Wenche Gloppen, Rådgjevar administrasjon/barnehage, Austevoll kommune og representant frå Midthordland kompetanseregion Per Olav Sørås, fung. Kommunalsjef Oppvekst og kultur, Os kommune. Irene Ullensvang, Barnehagefagleg rådgjevar og barnehagemynde, Os kommune, Oversyn over personar i barnehagen som var direkte involvert i tilsynet: Namn Funksjon Opningsmøte Intervju Sluttmøte Bjarte Nord Eigar Pioner X X X barnehager Anne Beate Fagerholt Styrar X X Kristin Holstad Pedagogisk leiar X X X Søviknes Stine Sagen Kårtveit Assistent X X X Sluttmøte vart gjennomført tilsynsdagen.

Generelt om barnehagen Skeisbotnen barnehage har eitt innvendige leike- og opphaldsareal er 420 m2 og barnehagen er godkjent for 105 barn i hovedbygget og 10 barn i friluftsavdelinga dersom alle er over 3 år. Barnehagen har i dag 89 barn i alderen 1 5 år. Barnehagen er ein maritim barnehage og delt inn i delt inn i avdelingane Rød, Blå, Grøn og Gul. I tillegg har barnehagen ei friluftsgruppe. Det er 100% styrarressurs i barnehagen. 6 pedagogar er fordelt på 600% stilling i tillegg til 1 barnevernspedagog på dispensasjon frå utdanningskrav, 2 barne- og ungdomsarbeidarar fordelt på 180% stilling, 1 barnepleiar i 90% stilling og 10 assistentar fordelt på 850% stilling. 2 assistentar under utdanning på ABLU, arbeidsplassbasert barnehagelærarutdanning ved NLA. Styrar løftar fram eit engasjert, stabilt og robust personale i barnehagen og lavt sjukefråvær. Dei tilsette i Skeisbotnen barnehage er opptatt av nytte kompetansane sine på tvers av avdelingane og styrar er opptatt av rettleing og tett-på-leiing i kvardagen. Skeisbotnen barnehage er ein maritim nærmiljøbarnehage som nyttar nærmiljøet aktivt. Barnehagen har eigen skjærgårdsjeep, saltvatnsakvarium og berøringsbasseng. Barnehagen har eit godt samarbeid med Nore Neset skule og Skorvane FUS barnehage og deltar i felles aktivitetar, SAMBA, gjennom året. Barnehagen har eit uteområde med ulike leikeapparat som inviterer til variert leik. Barnehagen er ein avdelingsbarnehage med ryddige, oversiktlege avdelingar i tillegg til fellesareal. Avdelingane har egne garderobar. Skeisbotnen barnehage serverer alle måltid i barnehagen som inkluderer frokost, lunsj og frukt. Barnehagen er ein del av kostholdsprosjektet «Fiskesprell» og 3 av 4 varmmåltider består av fisk. I tillegg er fisk pålegg ved alle smøremåltid. Barnehagen har eigen kjøkkenhage og serverer frukt og grønt dagleg. Skeisbotnen barnehage har fokus på barns medverknad og nyttar innspel frå barn som utgangspunkt for pedagogisk arbeid. Ved oppstart av nye barnehageår vert det arbeida med «Vil du vere venen min», eit pedagogisk arbeid som har fokus på vennskap, følelsar og omsorg for seg sjølv og andre. Skeisbotnen barnehage deltar i Os kommune si DUÅ-satsing. Det vert lagt til rette for foreldresamtalar gjennom året i tillegg til barnemøter. Barnehagen arbeider aktivt for å vere lyttande og tilstades i møte med barn og foreldre. Skeisbotnen barnehage har handlingsplanar, system og rutinar som er kjent og innarbeida blant dei tilsette. Dette, i tillegg til oppfølging og forventningar av dei tilsette, vart synleggjort i tilsynet og i mottatt dokumentasjon. Rettslege krav Etter barnehagelova 16 fører kommunen tilsyn med alle barnehagane i kommunen. Kommunen kan gje pålegg om retting av uforsvarlege eller ulovlege tilhøve ved godkjente eller godkjenningspliktige verksemder, og vedta tidsavgrensa eller varig stenging. Kommunen bestemmer sjølv korleis og kor ofte tilsyn skal gjennomførast. Kommunen sitt stengingsvedtak skal sendast fylkesmannen til orientering.vi viser elles til Kunnskapsdepartementet sin rettleiar om tilsyn i barnehagar. Når kommunen driv rettleiing og tilsyn med barnehagane, er dette utøving av offentleg mynde. Det følgjer av barnehagelova 8 at kommunen, som barnehagemynde, skal rettleie og sjå til at barnehagane driv i samsvar med gjeldande regelverk. Kommunen sin kunnskap om barnehagane dannar grunnlag for å vurdera trong for å bruke verkemidla rettleiing og tilsyn.

Kommunen sine undersøkingar og vurderingar Barnehagen sitt innhald (Lov om barnehagar 2) Os kommune vurderer at Skeisbotnen barnehage driv ei pedagogisk verksemd som gjer barn moglegheiter for leik og meiningsfylte aktivitetar i det fysiske miljøet både ute og inne. Barnehagen sin praksis tek omsyn til alder og funksjonsnivå i barnegruppa. Personalet framstår særs samstemt og hadde god kjennskap til alle barn i barnehagen. Årsplan og anna skriftleg dokumentasjon som er sendt til tilsynsteamet viser at barnehagen sin pedagogiske praksis er tilrettelagt for barnegruppa og det einskilde barn. Barnehagen sitt pedagogiske innhald, satsingar og fokusområde vert m.a. synleggjort i årsplan, maritim plan, plan for barnehagen sitt arbeid med psykososiale forhold, månedsavis, vekeplan og tavle i garderobane. Føresette mottar også informasjon via e-post. Barnehage sitt føremål, verdigrunnlag og oppgåver (Forskrift om rammeplan for Os kommune vurderer at Skeisbotnen barnehage, gjennom samarbeid og nær forståelse med heimen, ivaretar barn sitt behov for omsorg og leik. Barnehagen sin praksis er å møte barn med tillit og respekt og bidra til trivsel, glede, leik og læring. Dei tilsette i Skeisbotnen barnehage har gjennom innsendt dokumentasjon og på sjølve tilsynsdagen vist til eit kontinuelrig arbeid med å legge til rette for fellesskap og vennskap og ein trygg barnehagekvardag for alle barn. Skeisbotnen barnehagen framstår som ein lærande organisasjon. Teieplikt (Lov om barnehagar 20) Barnehagen er kjent med lovverk og har rutinar som er kjent for alle. Opplysningsplikt til barneverntenesta (Lov om barnehagar 22) Barnehagen er kjent med lovverk og har rutinar som er kjent for alle. Kommunen sin konklusjon (barnehagen sin praksis sett opp mot lovkrav, tema for tilsynet) 1. Barnehagen sitt innhald (Lov om barnehagar 2) Dei tilsette i Skeisbotnen barnehage viser nærhet og stor forståelse for det pedagogiske innhaldet og rammebetingelsane som gjer barn gode tilhøve i Skeisbotnen barnehage. Personalet og føresette har hatt medverknad i utarbeiding av årsplan og samarbeidsutvalet har vedteke årsplan for barnehagen. For brukarar av barnehagen kan det vere nyttig at dato for vedtak i samarbeidsutvalet er synleg i årsplanen. 2. Barnehage sitt føremål, verdigrunnlag og oppgåver (Forskrift om rammeplan for Skeisbotnen barnehage er godt kjent med barnehageloven sin formålsparagraf. Gjennom kontinuerlig fokus på kompetanse, kompetanseheving og ansvarleggjering av dei tilsette framstår personalet samkjørt og tydeleg i arbeidet med å legge til rette for barns utvikling i trygge omgjevnader. 3. Teieplikt (Lov om barnehagar 20)

4. Opplysningsplikt til barneverntenesta (Lov om barnehagar 22) Vedlegg til tilsynsrapport: Evalueringsskjema som skal fyllast ut av dei i barnehagen som har vore involvert på tilsynsdagen når tilsynet er ferdig. Frist for innlevering av evalueringsskjema er innan to veker etter at tilsynsrapport er motteke. Dersom de har merknadar eller kommentar til rapporten ber vi om tilbakemelding på dette innan 7. september 2016. Med helsing Line Rye Kommunalsjef Irene Ullensvang Barnehagefagleg rådgjevar Brevet er godkjent elektronisk og har derfor inga underskrift. Vedlegg: Tilsyn barnehager - tilsynsevaluering frå barnehagen Kopi til: Wenche Gloppen, rådgjevar administrasjon/barnehage Austevoll kommune Kundeombodet i Os kommune kan gje informasjon om rettar og ulike kommunale tenester. Kundeombodet kan og gje råd, rettleia og yta praktisk hjelp når det gjeld søknad på tenester og ved evt. klage på vedtak/behandling. Mobil: 91 67 29 13 Dir. innval: 56 57 51 20 ask2@os-ho.kommune.no