saksframlegg Dato: Referanse: Vår saksbehandlar: 27.03.2014 19580/2014 Jane Anita Aspen Saksnr Utval Møtedato Utdanningsutvalet 07.04.2014 Tilbod som ikkje vert sett i gang skoleåret 2014/2015 Bakgrunn Om vi også i år skal ha eit tilbod i samsvar med søkjarane sine ønske, må vi gjere ein del justeringar. Det betyr at vi må legge ned tilbod med få søkjarar for å kunne bruke desse ressursane til å opprette tilbod som gjer det mogleg å oppfylle retten til inntak på eitt av tre alternative utdanningsprogram på vidaregåande trinn 1, og dessutan oppfylle den retten Vg2 og vg3-søkjarane med ungdomsrett har til inntak innafor utdanningsprogram dei er kvalifisert til. I år har vi ein nedgang i årgangstal som gjer at det ligg an til at det er behov for å redusere fleire plassar enn det er behov for å opprette. Fylkesrådmannen fekk i sak Ud-41/13 A mynde til å justere elevtalet innafor skoleog tilbodsstrukturen i vedteken skolebruksplan. Denne saka vil såleis berre innehalde forslag om ikkje å setje i gang tilbod skoleåret 2014/2015. Det er viktig å få ei avgjerd om kva tilbod som ikkje skal setjast igang, slik at vi får informert søkjarane til desse tilboda at dei får høve til å velje eit nytt utdanningsprogram/programområde. Det er også viktig for skolane sitt stillingsplanarbeid. Alle vurderingane er basert på prøveinntak 18.03.14 og 25.03.14. Vurdering Bygg og anleggsteknikk: Nedgangen i søkjartal til dette utdanningsprogrammet er framleis svært stor. 14,2 % førre søkjarar til Vg1, enn til skoleåret 2013/2014. Det er difor behov for å justere ned kapasiteten på svært mange tilbod innafor utdanningsprogrammet. Vg1 bygg og anleggsteknikk Fræna vgs har 3 primærsøkjarar med ungdomsrett. Prøveinntaket viser likevel at det vert tatt inn 6 søkjarar, då det her er ein del sekundærsøkjarar. Sjølv om det er kapasitet til å ta inn desse søkjarane ved Romsdal vgs, så ønskjer ikkje Fylkesrådmannen i denne samanheng å forskotere ein strukturdebatt. Fylkesrådmannen rår difor til at tilbodet vert sett i gang.
Design og handverk: Design og handtverk er eit av dei utdanningsprogramma som dei siste åra har hatt stor nedgang i talet på søkjarar. Dette gjev seg no utslag i få søkjarar til Vg2 tilboda. Nedgangen på Vg1 fortsett også i år, så det er difor ikkje utsikter til betring på kort sikt for dette utdanningsprogrammet Då prøveinntak var kjørt 18.03.14, så var det 1 primærsøkjar med ungdomsrett til Vg2 interiør og utstillingsdesign ved Sykkylven vgs. Prøveinntaket viser at det er ein sekundærsøkjar også, slik at det vert tatt inn 2 søkjarar. Rektor vart difor informert om at det vart vurdert at ein måtte tilrå at tilbodet ikkje vert sett i gang skoleåret 2014/2015. Rektor delte også denne vurderinga. Ein del elevar på Vg1 design og handtverk ved Sykkylven vgs deltok på fylkesmessa for ungdomsbedrifter 20.03.14. Elevbedrifta tok to prisar; 1. plass i Beste brosjyre og 2. plass i Beste utstilling. Fire elevar fekk då inspirasjon til å arbeide med produktutvikling og ønskjer å omprioritere søknaden sin til Vg2 interiør og utstillingsdesign. Desse omprioriteringssøknadene vart mottatt 25.03.14, og prøveinntaket 25.03.14 viser at det då vert tatt inn 5 søkjarar på tilbodet Fylkesrådmannen er skeptisk til søknader om omprioriteringar til tilbod som ligg an til ikkje å kome i gang. Vi har tidlegare fått signal frå søkjarar som har følt eit ansvar for å omprioritere søknaden av omsyn til lærarar som kanskje vert overtallige. Det er uheldig dersom søkjarar ikkje søkjer ut frå eigne ønskjer, men ut frå at dei føler at dei må ta eit ansvar for skolens tilsette eller andre søkjarar. Fylkesrådmannen rår likevel til at tilbodet om Vg2 interiør- og utstillingsdesign ved Sykkylven vgs vert sett i gang skoleåret 2014/2015. Vg2 design og trearbeidsfag ved Kristiansund vgs har 3 primærsøkjarar med ungdomsrett. Prøveinntak viser at det ikkje er aktuelle sekundærsøkjarar. Det er 2 primærsøkjarar til Vg2 interiør og utstillingsdesign ved Kristiansund vgs. Prøveinntak viser at sekundærsøkjarane kjem inn på høgare ønskjer. Det er 1 primærsøkjar til Vg3 utstillingsdesign ved Romsdal vgs. Prøveinntaket viser at det vert tatt inn 1 sekundærsøkjar i tillegg. Musikk/dans/drama: Utdanningsprogrammet musikk/dans/drama hadde i år stor nedgang i talet på søkjarar til Vg1. Talet på søkjarar gjekk ned med 28,6 %. Ein del skolar opplever
også at elevane som er tatt inn på Vg1 søkjar om å få flytte over til Vg2 studiespesialisering når dei søker 2. året, det er difor o ein del fråfall undervegs. Den skolen som har dårlegast søkjartal til Vg1 musikk/dans/drama er Atlanten vgs. Det er i år berre til saman 10 primærsøkjar med ungdomsrett til tilbodet. Desse fordeler seg med 6 primærsøkjarar til musikk og 4 primærsøkjarar til dans. Skolen ønskjer å utvikle heile utdanningsprogrammet i retning mot en heilskapleg musikkteater-tankegang. Innafor dei eksisterande rammene har skolen over tid ønska å tilby både musikk og dans som fordjuping. Dette vart difor lyst ut i samband med søkinga til skoleåret 2014/2015. Med den erfaringa vi har med omval undervegs, så kan vi risikere at vi til neste år sit att med berre 7 søkjarar til Vg2. Skolen vurderer at det ikkje vil vere utfordringar å gje elevane eit godt tilbod sjølv om det skulle bli for eksempel berre 7 elevar på vg2 eller vg3. Fleire av MDD-faga har uansett undervisning i mindre grupper. Skolen er heilt sikre på at dei vil kunne foreta heilskaplege vurderingar som sikrar alle elevane eit godt tilbod. Utfordringane ved færre elevar vil, i følgje skolen, først og fremst vere knytta til personalsituasjonen. Skolen seier etter at søkartala er blitt kjent, at dei ønskjer å arbeide for å få til fleire søkjarar fram mot inntak/skolestart. Årsaken til at skolen ønskjer å gje meir informasjon om MDD er at dei har fått tilbakemeldingar på at elever på fleire ungdomsskolar ikkje har fått god nok informasjon om tilbodet. Derfor ønsker skolen å gi informasjon til søkjarar som ønskjer meir informasjon. Skolen ønskjer også at søkjarane skal velje rett. Fylkesrådmannen er som sagt tidlegare i saka skeptisk til søknader om omprioriteringar til tilbod som ligg an til ikkje å kome i gang. Det er difor viktig at informasjonsarbeid og innsatsen for å få søkjarar til tilbod ved skolane skjer før søknadsfristen, og at skolane er varsame med dette etter at søknadsfristen har gått ut. Skolen skriv i notat til fylkesutdanningssjefen at «Når det gjelder tiltak skolen har satt i gang, kan vi nevne et fornyet samarbeid med Operaen i Kristiansund, et tettere samarbeid med kulturskolene og dansestudioene på Nordmøre, en aktiv profilering i nærmiljøet med konsert- og forestillingsvirksomhet og et fokus på studieretningen som en ressurs for resten av skolen. Atlanten videregående skole bør være en del av planen i videre kultursatsning for regionen. Vi har et ønske om å utvikle tilbudet innen musikk, dans og drama i retning mot en helhetlig musikkteater-tankegang. Vi har inneværende skoleår tatt mange positive steg internt for dette, og vi ønsker i framtida å samarbeide enda tettere både med Kristiansund kommune, Operaen i Kristiansund og kulturskolene på Nordmøre for å berike regionens kulturutvikling innenfor musikkteaterfeltet. Her ser vi et stort utviklingspotensial. Satsing på kulturfeltet i regionen er det ingen som kan tvile på, nå sist med innspurten i behandlingen av nytt kulturhus i Kristiansund. Atlanten videregående skole har lange og gode tradisjoner innen musikk, dans og drama. Vi har uteksaminert mange musikere som i dag dominerer norsk musikkliv nasjonalt, og vi har bidratt og bidrar mye til både større og mindre oppdrag lokalt. Det oppleves som defensivt å skape utrygghet rundt tilbudet skolen gir innenfor dette feltet i ei tid hvor framtida ser positiv og spennende ut.
Alt i alt er det mye som taler sterkt for å satse på Musikk, dans og drama-linja ved Atlanten videregående skole. Usikkerhet rundt den framtidige satsningen på linja vil etter vårt syn svekke det arbeidet som er satt i gang for å øke rekrutteringen til studieretningen. Det fagmiljøet som finnes der vil møte de kortsiktige utfordringene med rekruttering med økt pågangsmot, kreativitet og kvalitet. Selv om søkertallene for neste skoleår er veldig lave, ber vi om at det her tenkes langsiktig slik at skolen i framtida også kan bli en viktig medspiller for kultursatsningen i regionen.» Fylkesrådmannen vurderer at det er viktig at det også på Nordmøre er tilbod om utdanningsprogrammet musikk/dans/drama og ser at det kan få uheldige konsekvenser dersom tilbudet ikkje kjem i gang dette skoleåret. Fylkesrådmannen rår til at tilbodet vert sett i gang. Restaurant og matfag: Dette er eit anna utdanningsprogram som har stor nedgang i søkjartala. Dette utdanningsprogrammet har i år 17,7 % førre søkjarar til Vg1, enn til skoleåret 2013/2014. Dette skoleåret så gjev dette berre utslag i at vi må juster kapasiteten ned, men på sikt så vil nok dette føre til at tilbod på Vg2 ikkje kjem i gang. Service og samferdsel: Vg2 reiseliv ved Kristiansund vgs har 1 primærsøkjar med ungdomsrett, og 1 primærsøkjar utan rett. Teknikk og industriell produksjon: Vg2 kjøretøy ved Rauma vgs har 2 primærsøkjarar med ungdomsrett, begge har ungdomsrett. Prøveinntaket viser at det vert tatt inn 3. Det betyr at det også er 1 aktuell sekundærsøkjar. Studiespesialisering Haram vgs har i år berre 3 primærsøkjarar med ungdomsret og 2 utan rett til Vg3 påbygging til generell studiekompetanse. Prøveinntak viser at det er nokre sekundærsøkjarar, slik at det til saman vert tatt inn 5 søkjarar. Skolen skriv at «Med berre 0,5 klasseressurs kan vi i år tilby inntil 14 studieplassar på 3PB. Det kan hende vi treng dette som eit sikkerheitsnett for elevar som ikkje
får lærlingeplass eller gjer omval i løpet av sommaren. På denne måten vil vi langt på veg kunne nytte ut ledig kapasitet.» Fylkesrådmannen ser ikkje behov for dette. Fylkesutdanningssjefen rår til at tilbodet ikkje vert sett i gang. Småskalatilbod: Når det i sak Ud-08/06 vart vedtatt at det kunne setjast i gang Småskaltilbod, så var dette eit tiltak for å sikre at ungdommen i størst mogleg grad skal kunne bu heime under utdanninga og samtidig eit tiltak for å rekruttere ungdom til lokalt/regionalt arbeidsliv i alle fall på Vg1-nivået. Utdanningsutvalet vedtok i Ud-11/06 ein modell for finansieringa av tilbodet der det var lagt opp til at den nedre grensa vert sett til 4 elevplassar. Dersom tilbodet har færre primærsøkjarar med ungdomsrett, blir det ikkje sett i gang. Tingvoll vgs Det er berre 1 primærsøkjar med ungdomsrett til tilbodet Vg1 helse og oppvekstfag. Dette er ikkje ein søkjar frå Tingvoll kommune. I tillegg så er det 1 primærsøkjar utan rett, dette er ein norsk søkjar frå ein anna kommune. Det er i tillegg 6 sekundærsøkjarar utan rett til tilbodet, 4 av desse er minoritetspråklege. Nokre av desse vil få vaksenrett, men ingen av dei er primærsøkjar til tilbodet. Skolen skriv at «Vi ber om at tilbodet om VG1HO 2014 / 2015 skal stå åpent fram til prøveinntaket i mai 2014. Begrunnelse: Rådgiver arbeider med 4 aktuelle søkere i tillegg til de to som er registrert i Vigo pr.dato; altså totalt 6. Søknad fra en med minoritetsspråklig bakgrunn er underveis. Dette kurset har også mange sekundærsøkere fra Tingvoll kommune og i et par av tilfella kan omprioritering bli aktuelt. Det skal ikke så mye til før målet om minimum 4 rettselever er nådd og kurset kan igangsettes som planlagt. VG1HO er også et sentralt tilbud i forhold til gjennomføring av det regionale utviklingsprosjektet Bolyst. Gjennom Bolystprosjektet vil skolen fra og med 2014 / 2015 prøve ut veksel modellen mer systematisk i alle VG1 småskala yrkesfag. Framtidig behov for fagarbeidere lokalt innafor helsefaga er betydelig og Tingvoll kommune har allerede fra 2014 / 2015 garantert 3-5 lærlingeplasser årlig. Prosjektet har også en søknad inne hos IMDI med tanke på å utvikle mer tilpassa yrkesopplæring for minoritetsspråklige. Vi har jo etter hvert mange års erfaring med denne elevgruppa og mener en mer effektiv yrkesfagopplæring innafor en vekselmodell vil være av særlig stor nytte for disse elevene.» Fylkesrådmannen ser ikkje grunnlag for dette og er som nemnt tidlegare i saka skeptisk til at skolane arbeider med å få søkjarar etter at søknadsfristen er gått ut. Fylkesrådmanne rår ikkje til at tilbodet vert sett i gang skoleåret 2014/2015. Stranda vgs Vg2 Barne- og ungdomsarbeidarfag har 0 primærsøkjar.
Herøy vgs avd Vanylven Vg2 industriteknologi har 0 primærsøkjarar. Fylkesrådmannen rår til at tilbodet ikkje vert sett i gang som eit småskalatilbod. Forslag til vedtak: 1. Desse tilboda vert ikkje sett i gang skoleåret 2014/15: Haram vgs Vg3 påbygging til generell studiekompetanse 0,5 kl/14 pl Kristiansund vgs: Vg2 design og trearbeidsfag 0,5 kl 7 pl Vg2 interiør og utstillingsdesign 1 kl 14 pl Vg2 reiseliv 0,5 kl 7 pl Romsdal vgs: Vg3 utstillingsdesign 1 kl 14 pl Rauma vgs: Vg2 kjøretøy 0,5 kl 7 pl Stranda vgs: Vg2 barne- og ungdomsarbeidarfag (småskala 4 pl) Tingvoll vgs: Vg1 helse- og oppvekstfag (småskala 4 pl) Herøy vgs avd. Vanylven: Vg2 industriteknologi (småskala 4 pl) Ottar Brage Guttelvik fylkesrådmann Sverre Hollen fylkesutdanningssjef Vedlegg 1 Resultat fra prøveinntak 25.03.14