OS KOMMUNE Organisasjonseining Utval: OS FORMANNSKAP Møtestad: Rådhuset, møtesalen Skorpo Møtedato: 14.02.2006 Tid: 14.00 MØTEINNKALLING SAKLISTE Saksnr. Arkivsaksnr. Side Tittel 26/06 05/1345 Unntatt off., jfr. offl. 6 Ofl 6 KOMMUNAL FORKJØPSRETT-24 HUSVÆRE BYVEGEN G.NR 54 / 268 B.NR. 546 27/06 04/850 NY BRANNSTASJON FOR OS KOMMUNE - VAL AV PLASSERING 416 Medlemmer som ikkje kan møta må snarast melda frå til Os kommune, tlf. 56 57 50 00. Varamedlemmer møter berre etter særskild innkalling. Os, 08.02.2006 Terje Søviknes Ordførar Lars Atle Skorpen Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 26/06 MØTEBOK KOMMUNAL FORKJØPSRETT-24 HUSVÆRE BYVEGEN G.NR 54 / B.NR. 546 Saksbehandlar: Øyvind Tøsdal Arkiv: 611 Arkivsaksnr.: 05/1345 Unntatt off., jfr. offl. 6 Ofl 6 Saksnr.: Utval Møtedato 115/05 Os Formannskap 30.08.2005 24/06 Os Formannskap 31.01.2006 26/06 Os Formannskap 14.02.2006 / Os kommunestyre 14.02.2006 Framlegg til tilråding: Os kommune melder frå om at Os kommune vil takka ja til tilbodet frå Husbanken om kjøp av 24 husvære på gnr 54, bnr 546, Byvegen 70-76 for kroner 21 millionar. Administrasjonen vert beden om å leggja fram eiga sak om finansiering der alle kostnadar inntil kroner 24 487 500,- er med. Det må søkjast om kjøpstilskot frå Husbanken til dei husværa der det bur leigetakarar som gjer at Os kommune kan søkja kjøpstilskot. Husleigene skal fastsetjast slik at dei dekker faktiske utgifter med det å eiga dei tjuefire husværa. Os, 30. januar 2006 Lars Atle Skorpen Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 26/06 Behandling i Os Formannskap i møte 31.01.2006 Behandling i utvalet: Ordførar Terje Søviknes (FrP) kom med følgjande framlegg: Formannskapet ber om å få 2 veker til å handsama saka på, slik at saka kan takast opp i kommunestyret. Dette vart samrøystes vedteke. Vedtak: Formannskapet ber om å få 2 veker til å handsama saka på, slik at saka kan takast opp i kommunestyret. Behandling i Os Formannskap i møte 30.08.2005 Behandling i utvalet: Møtet vart lukka jfr. Offl. 6 under drøftinga av saka. Ordførar Terje Søviknes (FrP) kom med følgjande framlegg: Os kommune melder frå om, med heimel i lov om kommunal forkjøpsrett til leiegårder av 29.april 1977 nr 34, at Os kommune vil nytta forkjøpsretten sin på 24 husvære på gnr 54, bnr 546, Byvegen 70-76. Eigedomsutvalet i samråd med rådmannen, får fullmakt til å nytta forkjøpsretten/by på eigedomen med atterhald om endeleg godkjenning i Os kommunestyre av kjøp og endeleg kjøpesum. Det er og ein føresetand at det vert føreteke ein grundig og dokumentert gjennomgang av feil og manglar ved husvera, og at tilbodet gjenspeglar utbetalingskostnaden. Framlegget frå administrasjonen med tillegga frå ordføraren vart samrøystes vedtekne. Vedtak: Os kommune melder frå om, med heimel i lov om kommunal forkjøpsrett til leiegårder av 29.april 1977 nr 34, at Os kommune vil nytta forkjøpsretten sin på 24 husvære på gnr 54, bnr 546, Byvegen 70-76. Eigedomsutvalet i samråd med rådmannen, får fullmakt til å nytta forkjøpsretten/by på eigedomen med atterhald om endeleg godkjenning i Os kommunestyre av kjøp og endeleg kjøpesum. Det er og ein føresetand at det vert føreteke ein grundig og dokumentert gjennomgang av feil og manglar ved husvera, og at tilbodet gjenspeglar utbetalingskostnaden. Side 3 av 10
Sak 26/06 Vedlegg: 1. Saksutgreing av 18.august 2005 i sak 05/01345 med vedlegg 2. Brev av 18.januar 2006 frå Schjødt 3. Utkast til kjøpekontrakt 4. Rapport mikrobiologiske inneklimaundersøkjingar 13.01.05 5. Brev av 19.01.06 frå Os Bygg og Eigedom AS 6. Notat av 13.01.06 frå Os Bygg og Eigedom AS 7. Brev av 23.01.06 frå Os Bygg og Eigedom AS 8. E-mail frå Os bygg og Eigedom AS 9. Minibrev frå ABF service AS av 14.03.05 10. Notat av 27.01.06 frå Skansen Consult AS 11. Brev av 24.01.06 til adv.firma Schjødt AS frå Os kommune 12. Utskrift av Eigedomsregisteret av 26.01.06 13. Oppstilling over lånekostnad ved lån over 30 år til 5 % rente 14. Fax dat. 01.02.05 frå Advokatfirmaet Schjødt AS v/martin Holger Dale (Nytt vedl.) Uttrykte vedlegg: Teikningar og byggjeutgreing for husa Saksopplysningar: Advokatfirmaet Schjødt AS ber i brev av 18.januar 2006 kome med prisforlangande for Byvegen 70-76 ( Kuven ) (Vedlegg 2). Det er lagt ved utkast til kjøpekontrakt på kroner 23 200 000,-(Vedlegg 3). Os Formannskap behandla i møte 30.08.2005spørsmålet om forkjøpsrett i sak 0115/05. Følgjande vedtak vart gjort: Os kommune melder frå om, med heimel i lov om kommunal forkjøpsrett til leiegårder av 29.april 1977 nr 34, at Os kommune vil nytta forkjøpsretten sin på 24 husvære på gnr 54, bnr 546, Byvegen 70-76. Eigedomsutvalet i samråd med rådmannen, får fullmakt til å nytta forkjøpsretten/by på eigedomen med atterhald om endeleg godkjenning i Os kommunestyre av kjøp og endeleg kjøpesum. Det er og ein føresetand at det vert føreteke ein grundig og dokumentert gjennomgang av feil og manglar ved husvera, og at tilbodet gjenspeglar utbetalingskostnaden. Grunnen til at eigedomen no er til sals, er at Vest Boligutleie AS, som bygde bustadane og stod for utleige, har gått konkurs. Husværa var i det vesentlege finansierte gjennom den Norske Stats Husbank ved lån og tilskot. Husbanken har tiltrådt pantet og har gjennom Stor- Bergen boligbyggelag stått for forvaltning, drift og vedlikehald etter konkursen i Vest Boligutleie AS. Sjølve heimelen til eigedomen står framleis på Vest Boligutleie AS. I og med at utbyggjar gjorde avtale med Os kommune om leigerett til dei 24 husværa for vanskelegstilte, vart det gitt oppføringstilskot frå Husbanken på kroner 2 736 000,-, som etter tilråding frå Os kommune vart utbetalt til Vest Boliguleie AS. Takst frå 29.04.05 endar opp med marknadsverdi på 17 000 000,-. Husbanken har no akseptert at dei kan selja direkte til Os kommune utan å lysa eigedomen ut i den opne marknaden. Etter forhandlingar med Husbanken 30.januar 2006 i Bergen, der rådmannen og kommunaldirektør Øyvind Tøsdal møtte representantar frå Husbanken og advokat Martin Holger Dale frå Schjødt AS, vart det etter lange forhandlingar sett fram tilbod frå Husbanken om at Os kommune kan få kjøpa husværa for ein samla sum på kroner 21 000 000,- slik dei står. Husbanken vil ha svar etter formannskapet 31.januar 2006. Dersom Os kommune ikkje aksepterer tilbodet, vil husværa bli lyste ut i den opne marknaden. SR-Bank har pant i husværa, og dei aksepterer ikkje at husværa blir selde til ein pris som ikkje gjev dekning til SR-Bank etter at Husbanken med sin 1.prioritet har fått sitt. Side 4 av 10
Sak 26/06 Os kommune vil uansett ha forkjøpsrett etter at husværa har vor lyste ut for sal, men prisen vil kanskje bli høgare en 21 000 000,-. Brutto leigeareal er om lag 1900 m2 eks garasjeanlegg på 420 m2. Ein sum på 21 mill gir pris på kr 11052,- per m2 når garsjen vert halden utanfor. Det er 16 tre roms husvære og 8 stk toroms husvære i bygget. Os kommune garanterer i dag for leiga for alle dei 24 husværa og har tildelingsrett til husværa til leigetakarar som av ein eller annan grunn ønskjer å leiga denne typen husvære. Husleiga for 2- roms husvære er kr 4200,- per mnd og kroner 4500,- for 3-roms. I tillegg kjem garasjeleige på kr 12 000,-per år samla for alle husværa. Samla betalar leigetakarane 1 268 000,- i årleg leige. Bestillar og forvaltarkontoret (BOF) har uttalt seg om kjøp og uttalar mellom anna følgjande: Os kommune har tildelingsrett på alle leiligheitane. Dei aller fleste som bur her lever på trygd eller på sosialstøtte. Det gjer at dei ikkje har økonomisk evne til å skaffe seg eigen bustad. Dersom ikkje Os kommune kjøper hele bustadmassen, vil vi få eit stort problem med å busette desse personane i andre bustadar. Vi har venteliste på kommunale bustadar og det er mange personar som vert huslause fordi mellom dei som i dag bur i Byvegen er det mange barnefamiliar Vurdering: Det er utvilsomt stor manglar ved husværa. Dei mest alvorlege manglane er knytte til det branntekniske. Å utbetra til førehandsgodkjente standard løysingar let seg ikkje gjera innan forsvarlege økonomiske rammer. Husa kan sprinklast og få brannalarmanlegg og brannsikast i trappehusa. Trappehusa må kleast med gipsplater innvendig og vindu må skiftast. På loft må brannskiljeveggane utbetrast. Det er 4 brannskiljeveggar på loft, 4 trappehus og om lag 1500 m2 buareal som må sprinklast. I tillegg må vindu i trappehus skiftast til trådglas for å hindra brannspreiing. Kostnad med sprinkling vil vera om lag kroner 300 000;- brannalarmanlegg vil kosta om lag 150 000,- brannsikring av trappehusa vil kosta om lag kroner 50 000,- per trappehus, samla kroner 200 000,- Og skifting av vindu i 4 trappehus vil kosta om lag kroner 80 000,-. I tillegg må det setjast opp brannpanel for å stetta krava til minsteavstand frå feieluke til brennbart materiale i 8 husvære. Oppsetjing av 8 brannpanel vil kosta om lag kroner 20 000,- samla. Utbetring av 4 brannskiljeveggar på loft vil kosta om lag kroner 20 000,- per vegg, samla kroner 80 000,-. Branntetting kring røyrgjennomføringar vil kosta om lag kroner 40 000,-. Samla vil brannsikringa kosta om lag kroner 870 000,- eks mva. Andre utbetringar vil koma på om lag kroner 50 000,- per husvære. Det er utbetringar som kan venta, men det ville vore fint å fått det gjort. Samla vil andre utbetringar kosta om lag 1,2 mill. innvendig. Til utvendig måling og opprustning kan reknast tilsvarande sum. Det som må gjerast er brannsikringa. Resten kan venta. I tillegg til kjøpesummen ver det dokumentavgift med kroner 525 000,- og tinglysingav skøyte med om lag kroner 1600,-. Samla blir det følgjande: Kjøpesum: kroner 21 000 000,- Brannteknisk utbetring: kr 1 087 500,-inkl.mva Annan opprustning kr 1.200 000,- Utvendig opprustning: kr 1 200 000,- ------------------------------------------------------------------ Samla kostand: kr 24 487 500,- ====================================== Rådmannen meiner at Os kommune bør sikra seg husværa med bakgrunn i det store behovet for utleigehusvære av denne typen. Sjansen for at prisen ver lågare i neste runde, etter utlysing, er liten. Os kommune risikerer at husleigene vert skrudde vesentleg opp dersom det vert annaneigar enn Os kommune. I verste fall vil ein kjøpar selja husværa einskildvis. Med Side 5 av 10
Sak 26/06 utgangspunkt i ein pris på 21 millionar for dei 24 husværa, vil gjennomsnittsprisen bli kroner 875 000,-. Med opprustningskostandar og tinglysingsgebyr og dokumentavgift vert prisen 1.023 312,50, - per husvære. Spørsmålet er om Os kommune vil kunna byggja tilvarande husvære for ein pris på 1.023 312,50, per stk. det vil i så fall seia ein kvaderatmeterpris på kr 12 888,-. Ein normal byggjepris vil i dag vera om lag kroner 16-18000,- per m2. Det vil gje ein kostnad på mellom kr 30 400 000,- og kr 34 200 000,- å byggja nytt. Det betyr at Os kommune sparar mellom 5,91,-millionar og 9,71,- millionar ved å kjøpa dei 24 husværa framfor å byggja nytt. Ved å lånefinansiera heile kostnaden på kroner 24 487 500,- til 5 % rente og 30 års avdragstid vert årskostnaden samla kroner 1 577 460,-. Snitt per husvære vert kr 65 727,- per år eller til svarande kroner 5 477,- per månad. Dagens husleigeinntekt er kroner 1 268 400,-. Meirutgift/krav til meirinntekt er kroner 1 577 460,- minus kroner 1268 400,- = kroner 309 060,- per år. Dette tilvarar kroner 1073,- i snitt per leilighet per mnd. Nye husleiger vert då kroner 5 573,- for dei store 16 store husværa og kroner 5 273,- for dei 8 små husværa. Dette basert på 5 % renteog 30 års avdragstid og annuitetslån. Konklusjon: Rådmannen rår til at Os kommune melder frå om at Os kommune vil takka ja til tilbodet frå Husbanken om kjøp av 24 husvære på gnr 54, bnr 546, Byvegen 70-76 for kroner 21 millionar. Rådmannen rår til at administrasjonen vert beden om å leggja fram eiga sak om finansiering av kjøpet der alle kostnadar inntil kroner 24 487 500,- er med. Det må søkjast om kjøpstilskot frå Husbanken til dei husværa der det er leigetakarar som gjer at Os kommune kan søkja kjøpstilskot. Husleigene skal fastsetjast slik at dei dekker faktiske utgifter med det å eiga dei tjuefire husværa. Os, 30.januar 2006 Øyvind Tøsdal kommunaldirektør Side 6 av 10
Sak 27/06 MØTEBOK NY BRANNSTASJON FOR OS KOMMUNE - VAL AV PLASSERING Saksbehandlar: Øyvind Tøsdal Arkiv: 614 Arkivsaksnr.: 04/850 Saksnr.: Utval Møtedato 33/05 Os Formannskap 15.03.2005 156/05 Os Formannskap 08.11.2005 9/06 Os kommunestyre 14.02.2006 3/06 Eigedomsutval 01.02.2006 27/06 Os Formannskap 14.02.2006 Framlegg til tilråding: Ut frå ei samla vedtek Os kommunestyre at ny brannstasjon ver plassert på eigedomen der Os Industrimekaniske AS held til i dag. Eigedomsutvalet får i oppdrag å gjennomføra kjøp av eigedomen. Føresetnaden er at prisen skal gjenspegla marknadsverdien framfor teknisk verdi. Dersom fordlingar om kjøp av eigedomen til Os Industrimekaniske ikkje gjev tilfredstillande resultat, vedtak Os kommunestyre at brannstasjonen blir bygd i Holtbrekka ved Kvernaelva. Os kommunestyre aksepterer tilbodet frå Tor Lars Hatvik om kjøp av parsell av gnr 52, bnr 18. Eigedomsutvalet får i oppdrag å gjennomføra kjøpet Os, 02.02.05 Lars Atle Skorpen Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 27/06 Behandling i Os Formannskap i møte 08.11.2005 Behandling i utvalet: Samrøystes vedtak som innstillinga. Vedtak: Rapprten vert teken til orientering, og må sjåast i samanheng med økonomiplanen for 2006 2009. Behandling i Os Formannskap i møte 15.03.2005 Behandling i utvalet: Lisbeth L. Axelsen (H) kom med framlegg om Bjørn Matland som medlem og leiar i utvalet. Borghild Borgen (A) kom med framlegg om Unnvar Bakke. Ordførar Terje Søviknes (FrP): Wenche Berg-Olsen og Gustav Bahus med Wenche Berg- Olsen som nestleiar. Lisbeth L. Axelsen(H) kom med framlegg om Øystein Nordvik. Desse framlegga vart samrøystes vedteke. Vedtak: Med bakgrunn i vedtak av verbalframlegg C (ny brannstasjon) i budsjettkoalisjonen sitt framlegg til økonomiplan 2005-2008, vedteke i kommunestyre den 14 desember 2004, oppnemner formannskapet eit politisk ad-hocutval for arbeid med ny brannstasjon. Utvalet blir slik samansett: 1. Bjørn Matland (H) (leiar) 2. Wenche Berg-Olsen (FrP) (nestleiar) 3. Gustav Bahus (FrP) 4. Unnvar Bakke (A) 5. Øystein Nordvik (Tvs) Kommunaldirektør Øyvind Tøsdal blir ansvarleg for sekretariatstenester for utvalet. Innstilling frå utvalet vert å fremja innan den 1 november 2005. Side 8 av 10
Sak 27/06 Vedlegg:1. Tilbod frå Rasmussen og Broch datert 11.01.06 for Jordmorsvingen 4 2. Tilbod datert 17.01.06 frå Os Næringspark AS om tomt ved Os Næringspark 3. Tilbod frå advokatfirma Harris datert 02.02.06 om tomt på gnr 52, bnr 18, Holtbrekka ved Kvernaelva 4. Situasjonskart tomt Holtbrekka ver Kvernaelva Uttrykt vedlegg : Rapport frå politisk adhoc-utval om plassering av ny brannstasjon. Saksopplysningar: Os Formannskap behandla i møte 08.11.2005 sak 156/05 rapport frå politisk adhoc-utval om plassering av ny brannstasjon. Følgjande vedtak vart gjort: Rapporten vert teken til orientering, og må sjåast i samanheng med økonomiplanen for 2006 2009. Ved behandlinga av økonomiplanen 2006-2009 vart følgjande vettatt: Os kommunestyre vedtek at ny brannstasjon m/tilleggsareal for eventuelle eksterne samarbeidspartar skal lokaliserast i Os sentrum, på eit av dei trealternativa, Holtbrekka, Os Næringspark eller Os Industrimekaniske. Anlegget skal stå ferdig i 2008. Rådmannen har henta inn tilbod på kjøp av dei aktuelle eigedomane. Rådmannen gjer merksam på at saka berre gjeld stadval for ny brannstasjon og at ein vil koma tilbake til finansiering av prosjektet når det er henta inn tilbod på bygging av brannstasjon på det alternativet som vert valt. Os Industrimekaniske: Tilbodet frå Os Industrimekaniske er på kroner 8.330 000,-. Tomta er på omløag 2700m2 og samla bruttoareal i bygga på eigedomen er 975 m2. Bygging /ombygging kan skje så snart prosjektering er gjort og pristilbod innhenta. Os Næringspark: Tilbodet frå Os Næringspark er kroner 1070,- per m2 for 4200 m2 tomt. Dette tilsvarar ein tomtepris på samla kroner 4 494 000,-. Os Næringspark set som vilkår at bygg på tomta kan nyttast som fundament for 2 etasjar oppå brannstasjonen til kontor, næring og bustadar. Holtbrekka: Tilbodet på tomt i Holtbrekka ved Kvernaelva, parsell av gnr 52, bnr 18, er kroner 400,- per m2. Os kommune eig tilstøytande areal. Storleiken på aktuelt kjøpsareal er rundt 5000m2 eller tilsvarande om lag 2 millionar kroner. Byggekostnadane for bygg i Holtbrekka ved Kveranaelva og ved Os Næringspark vil kunna verta identiske. Begge tomtene vil vera store nok og det vil vera nok parkering på terreng begge plassar. Utkøyringsproblematikken mot riksvegen er den same for begge tomtene. Skilnaden er at for Holtbrekka ved Kvernaelva er det krav om reguleringsplan, medan det kan sendast byggemelding direkte for bygg ved Os Næringspark. Fylkesmannen har sagt ja til at tomta ved Kvernaelva kan regulerast til offentleg føremål. Tidsbruk for å få godkjent plan vil vera om lag seks månadar. Vurdering: Rådmannen meiner at Os kommune i alle høve bør kjøpa tomta ved Holtbrekka all den tid tomta er særs sentral og kan nyttast til andre offentlege føremål enn brannstasjon. Side 9 av 10
Sak 27/06 I og med at det er prisen og klausul om to etasjar ekstra som skil Holtbrekka og Næringsparken, vil rådmannen ut frå prisomsyn rå til å velja vekk alternativet ved Os Næringspark. Ein står då att med valet mellom Holtbrekka ved Kvernaelva og Os Industrimekaniske. Ved Holtbrekka er fordelen at ein kan planleggja frå grunnen av og få brannstasjonen akkurat slik ein ønskjer utan omsyn til avgrensingar grunna galmle bygg på tomta. Tomta kan verta langt større enn tomta ved Os industrimekaniske ;- 5000-6000 m2 mot om lag 2700 m2. Når det gjeld Os Indusrimekaniske er heile tomta planert og det er ikkje knytt spørsmål til grunntilhøve og avkøyrseltilhøve. Heile kostnaden vil vera knytt til kjøp ombygging og nybygg og ikkje til mogeleg kostbar fundamentering og avkøyrselsproblematikk. Arealbehov for brannstasjon er vurdert til omlag1310 m2. Dette utan legevakt, sivilforsvarslager, ambulanseteneste og arkiv for kommunen. Ambulansetenesta er ikkje lenger aktuell då dei skal byggja i Kolskogheiane. Basert på samtalar med legane i Os, ser rådmannen det heller ikkje som aktuelt lengre å leggja legevaktlokale til brannstasjonen. Dei andre funksjonane kan vera aktuelle, vil samla ha trong for om lag 500 m2 i tillegg til dei 1310,- for rein brannstasjon. Samla areal vil i så fall bli 1810 m2. I alle alternativa er det bygg i to etasjar som er aktuelt. Med ein nybyggkostnad på 18000 kroner eks tomt vil brannstasjonen kosta om lag kroner 23 580 000,-. Det gir kroner 25 580 000,- inklusiv tomt for alternativet i Hotbrekka ved Kveranaelva og kr 28 074 000,- inklusiv tomt ved Os Næringspark. For Os Industrimekaniske vil nybygg på 1310m2-945 m2 (eksisterande bygningsmasse) + 145 m2(kontorfløy som fjernast) som gir samla 510 m2 nybygg til rein brannstasjon kosta 510m2 x 18000 kr/m2 = kroner 9.180 000,-. Ombygging av 800 m2 `a kroner 8 000 per m2 gir ombyggingskostnad på kroner 6 400 000,-. Med tillegg av kjøpssumpå inntil kr 8 330 000.- har ein då ein samla pris på inntil kroner 23 910 000,- for alternativet ved Os industrimekaniske. Ein har då følgjande oppstilling: Os Industrimekaniske: kroner 23 910 000,-. Holtbrekka ved Kvernaelva: Kroner 25 580 000,-. Ved Os Næringspark: kr 28 074 000,-. Andre eventuelle tilleggsfunksjonar er rekna til å kosta det same for alle tre alternativa, og er ikkje tekne med i prissamanlikningane. Konklusjon: Ut frå ei samla vurdering rår rådmannen til at ny brannstasjon ver plassert på eigedomen der Os Industrimekaniske AS held til i dag. Rådmannen rår til at Eigedomsutvalet får i oppdrag å gjennomføra kjøp av eigedomen. Føresetnaden er at prisen skal gjenspegla marknadsverdien framfor teknisk verdi. Dersom fordlingar om kjøp av eigedomen til Os Industrimekaniske ikkje gjev tilfredstillande resultat, rår rådmannen til at brannstasjonen blir bygd i Holtbrekka ved Kveranaelva. I tillegg rår rådmannen til at Os kommunestyre aksepterer tilbodet frå Tor Lars Hatvik om kjøp av parsell av gnr 52, bnr 18. Eigedomsutvalet får i oppdrag å gjennomføra kjøpet. Os, 2. februar 2006 Øyvind Tøsdal Kommunaldirektør Side 10 av 10