SENTRALADMINISTRASJONEN Postadresse: Klepp kommune Postboks 25 4358 Kleppe OFFENTLEG MØTEPROTOKOLL Barn og unges kommunemøte Møtestad: Klepp rådhus, kommunestyresalen Møtedato: 03.11.2016 Kl. 08.30-12.30 Saksnr: 9-14 Medlemmer: Bore skule Hans Jone Bore, Ahd Salem Alnajjar, Frida Skipevåg Oftedal, Kristine Kulleseid Engelsvoll skule Sindre Undheim, Loke H. Edland, Jørn Lende, Sina H. Asheim, Kamilla Bruknapp Horpestad skule Torger Skretting, Ingrid Ree Bakken, Matias Orstad, Anette Rosland, Isa Håland, Håkon Lothe Kleppe skule Martin Nese Johnsen, Konstanse Tengs, Maria Ekroll Tveita, Daniel Boye, Kristoffer Storhaug, Hanna Hove Tu skule Victoria Mellemstrand, Magnus August Sandsmark, Borghild Alsvik Lygren, Oda Elise Omland Vasshus skule Annabell Kjøllesdal, Thea Sofie Lende Orre skule Anne Lise Salte, Are Løge Salte, Herborg Wiig, Ted Erga Orstad skule Leo Starrfelt, Hedda Korneliussen, Andreas Moi Steinsland, Maria Haga, William Grude Malm, Mali Vigre Vølstad, Anne Marthe Vaage Bore u. skule Josie Kuhnert, Annbjørg Bore Sonflå, Borghild Sele, May-Elin Jørgensen, Sofie Kydland Klepp u. skule Bjarne Braut, Jeremy Kromah Cooper, Tønnes Garborg Rosland, Anders Dyskeland, Khalid Awale www.klepp.kommune.no E-post: postmottak@klepp.kommune.no Sentralbord: 51 42 98 00 Organisasjonsnummer: 00864969682 Barna vår framtid
Andre: Ane Mari Braut Nese ordførar Sissel J. Johannessen rådgjevar skule og barnehage Karin Sandve Vereide møtesekretær Torild Lende Fjermestad rådmann Kåre Strand kommunalsjef lokal utvikling Trond Roy Pedersen kommunalsjef skule og barnehage Ulf Ludvigsen kultursjef Merknader Orstad skule stilte spørsmål til om alle deira 7 deltakarar kunne ha stemmerett. BUK har tidlegare vedteke at kvar skule kan møta med inntil 6 deltakarar som har stemmerett. Fleirtalet på BUK meinte at berre 6 deltakarar frå Orstad skule skulle ha stemmerett. Ingen merknad til innkalling og saksliste. Underskrifter: Utskrift publisert til: Medlemmer og varamedlemmer i BUK, rådmannen si leiargruppe, kontrollutval og revisor. 2
SAKSLISTE Saksnr. Tittel 9/16 MØTEPROTOKOLL 17.03.16 - GODKJENNING 10/16 SPØRSMÅL OM TRAFIKK 11/16 SPØRSMÅL OM LEIKEPLASSAR 12/16 SPØRSMÅL OG INNLEGG SOM GJELD SKULE 13/16 SENTRUMSPLANEN 14/16 TILDELING AV EKSTRA STRAKSMIDLAR 3
Klepp kommune, Pb 25, 4358 Kleppe Sak 9/16 Barn og unges kommunemøte Møtedato: 03.11.2016 MØTEBOK Saksbehandlar: Karin Sandve Vereide Arkiv: B41 &76 Arkivsaksnr.: 16/1752-1 MØTEPROTOKOLL 17.03.16 - GODKJENNING Vedlegg: Møteprotokoll 17.03.16 Innstilling: Møteprotokollen frå møtet i barn og unges kommunemøte 17.03.16 blir godkjent. Barn og unges kommunemøte den 03.11.2016 sak 9/16 Einstemmig VEDTAK: Møteprotokollen frå møtet i barn og unges kommunemøte 17.03.16 blei godkjent. Side 4 av 13
Klepp kommune, Pb 25, 4358 Kleppe Sak 10/16 Barn og unges kommunemøte Møtedato: 03.11.2016 MØTEBOK Saksbehandlar: Karin Sandve Vereide Arkiv: B41 &76 Arkivsaksnr.: 16/1739-3 SPØRSMÅL OM TRAFIKK 1. Spørsmål frå Bore skule v/ Kristine Kulleseid og Frida Skipevåg Oftedal Går det an å setta opp fleire sykkelstativ i enden av Fjellvegen? Det er veldig mange som parkerer syklane sine her, og det er for fullt i dei stativa som står her frå før. 2. Spørsmål frå Bore skule v/ Hans Jone Bore og Ahd Salem Alnajjar Det er veldig mange elevar som kryssar Boreringen for å gå inn Peder Krohnsveg. Her er det mykje trafikk om morgonen. Går det an å gjera det tryggare å kryssa vegen her? 3. Spørsmål frå Kleppe skule v/ Martin Nese Johnsen a. Kva skjer med høyringa av trafikksikkerhetsplanen? b. På BUK møtet i vår ble det lova at den snart skulle til behandling. Elever ved Kleppe skule som bor på Gruda venter fortsatt på gatelys på skolevegen. 4. Spørsmål frå Orre skule v/ Herborg Wiig På Vikvegen, Roslandsvegen og Grødelandsvegen er det ikkje lyktestolpar eller sykkelsti. På hausen og vinteren er det mørkt på desse vegane og fleire elevar meiner at desse vegane ikkje er trygge. Er det mogligheit for å få lyktestolper eller sykkelsti langs nokre av desse vegane? 5. Spørsmål frå Orstad skule v/ Maria Haga Gatelysa frå Orstadhuset ned til Bekkasinvegen (på gang og sykkelsti) har lenge vore ute av drift. Kan kommunen ordna dette? 6. Spørsmål frå Klepp Ungdomsskule v/ Bjarne Braut. På møte i mars 2016 spurte representant frå elevrådet ved Klepp ungdomsskule om buss skur i krysset Kåsenvegen / Tjøttavegen. Svaret vi fekk var at kommunen skulle ta dette opp med Statens vegvesen. Kva er status her? Innstilling: Barn og unges kommunemøte tek svara til orientering. Side 5 av 13
Klepp kommune, Pb 25, 4358 Kleppe Sak 10/16 Barn og unges kommunemøte den 03.11.2016 sak 10/16 Behandling: Kommunalsjef Kåre Strand svarte: 1. Her har Klepp kommune konkrete planar om å utvida dagens sykkelparkering frå dagens ca 50-60 plassar, og denne kan utvidast med ca. 50 plassar til. Arbeidet skal etter planen utførast nå i vinter i forbindelse med at det skal leggast nye røyr i bakken i Furuvegen. Dette er også eit krav til dei som bygger ut det nye byggefeltet på Sporafjell om å bidra til utvida sykkelparkering og oppgradering av skulebakken (i enden av Fjellvegen) 2. Å laga trygge kryssingspunkt på skulevegen har ofte vore tema på barn- og unges kommunemøte. Det er veldig bra at dette kjem opp, for det er når vi skal kryssa vegen at det kan oppstå ulykker. Vi har svart at sjølv om det høyrest rart ut, kan gangfelt føra til at det blir fleire ulykker. Nokon har mindre oppmerksomhet når dei skal kryssa vegen i eit gangfelt, enn når det ikkje er gangfelt. Her i Boreringen skal vi gjera ei trafikkmåling slik at vi får et riktig bilde av fartsnivå og trafikkmengde før tiltak blir vurderte. For dei som kjem ut frå Kløvervegen er det eit alternativ å bruka undergangen ved barnehagen dersom de går gjennom Nymyra og vidare mot skulen. Dette er kortare enn å gå inn Peder Krohnsveg. Frå Longholsvegen er det kort veg til gangfelt ved rundkøyringa til Verdalsvegen. 3. a. Trafikksikkerhetsplanen er omtrent ferdig og vert sendt ut på høyring i november/desember. Målet er at den skal ferdigbehandlast og bli vedtatt på første møte i utvalet etter nyttår. b. Heng litt saman med Trafikksikkerhetsplanen og prioriteringar der. 4. Kor det skal koma veglys dei neste åra, er noko som vil bli foreslått i Trafikksikkerhetsplanen (sjå meir om denne). Det same gjeld kor det skal byggast gang- og sykkelvegar. Grødelandsvegen har fått ny, fin gang- og sykkelveg, men manglar frå Heiemarka og ned til krysset ved Pollestadvegen. Her er det meininga at de skal gå gjennom byggefeltet. Den delen av Roslandsvegen og Vikvegen som ikkje har gang- og sykkelveg har gjennom åra vore vurderte saman med andre skulevegstrekningar i kommunen, men ikkje «nådd opp» som høgt prioriterte strekningar for utbygging av gang- og sykkelveg. 5. Det er Klepp Energi som har det praktiske ansvaret for gatelysa, men det er kommunen som bestiller og betaler. Me har avtale med dei om å halda dei ved like. Klepp Energi opplyser at dei har hatt litt problem med hærverk på lysanl. på Orstad - og me har i den samanheng og sendt spørsmål til skulen på Orstad for å høyra om dei kan hjelpa oss med å få redusert hærverket på lyset som det har vore ein del av i det siste. Armaturane på den strekningen de spør om er knust og nye er bestilt. Har også tidlegare sendt forespørsel til skulen for å be dei ta opp dette med hærverk i sin samanheng. 6. Me har ikkje nådd fram så langt. Sånn i praksis så er det ikkje slik at me spør og får ja eller nei. Svaret blir ofte at dette skal vegvesenet vurdera når dei skal setja opp fleire buss-skur. Då vurderer dei i prinsippet heile Jæren under eitt. Me skal ha møte med vegvesenet 15. november og tar dette opp på nytt då. (Er vel ikkje så svært optimistisk i forhold til dette. Det går vel ikkje rutebuss her og antar at dette punktet ikkje når opp i prioriteringa verken i Vegvesenet eller i kommunen. Side 6 av 13
Klepp kommune, Pb 25, 4358 Kleppe Sak 10/16 Einstemmig VEDTAK: Barn og unges kommunemøte tok svara til orientering. Side 7 av 13
Klepp kommune, Pb 25, 4358 Kleppe Sak 11/16 Barn og unges kommunemøte Møtedato: 03.11.2016 MØTEBOK Saksbehandlar: Karin Sandve Vereide Arkiv: B41 &76 Arkivsaksnr.: 16/1741-3 SPØRSMÅL OM LEIKEPLASSAR Spørsmål frå Horpestad skule v/ Ingrid Ree Bakken Kvifor har me så mange små leikeplassar i Klepp, kvifor satsar ikkje kommunen på ein stor leikepark. Det samlar mykje folk og mange kan leika i lag. Når står det mange tomme leikeplassar rundt omkring. Innstilling: Barn og unges kommunemøte tek svara til orientering. Barn og unges kommunemøte den 03.11.2016 sak 11/16 Behandling: Kommunalsjef Kåre Strand svarte: Det har opp gjennom åra blitt bygd mange små leikeplasser pga. avstandskrav frå bustader i tettbygd strøk til nærmaste leikeplass. Me ser at behovet har endra seg, og mange av leikeplassane av eldre dato har utstyr som er nedslitt eller har blitt fjerna. Nå tenker me annleis, og er i gang med å planlegga opprusting av nokon større sentrale leikefelt i kvar bygd. Me ynskjer å laga til samlingsplassar som kan brukast av både barn og vaksne. Ideelt sett skal eit slikt areal innehalde leiteaktivitetar som er utfordrande for både små og store barn, og ha sitteplassar/benker. Vi har i haust hatt eit møte der alle vellaga var inviterte til å koma med forslag til kva halvstore leikeplasser dei ønsket å prioritera i kvar tettstad i kommunen. Her fekk vi mange gode forslag, og ser nærare på dei nå. Så ser vi at leikeplassen her ved rådhuset blir mykje brukt, og her held vi på med å skifta underlaget og litt meir benkar. Vi har også gjort mykje på leikeplassen i Kleppelunden, som også er veldig mykje brukt. Så skjer det mykje spanande med planlegging i Kleppe sentrum; sentrumsplanen. I alle tre forslaga var det forslag om å gjera noko med området ved skateparken. Om delar av dette kan brukast til et slikt aktivitetsområde er noko av det det skal arbeidast vidare med. Einstemmig VEDTAK: Barn og unges kommunemøte tok svaret til orientering. Side 8 av 13
Klepp kommune, Pb 25, 4358 Kleppe Sak 12/16 Barn og unges kommunemøte Møtedato: 03.11.2016 MØTEBOK Saksbehandlar: Karin Sandve Vereide Arkiv: B41 &76 Arkivsaksnr.: 16/1743-3 SPØRSMÅL OG INNLEGG SOM GJELD SKULE 1. Spørsmål frå Horpestad skule v/ Ingrid Ree Bakken Kvifor kan ikkje nokon bestemme at vi skal få brakker på skulen vår. Vi har i mange år purra på at skulen ikkje har Naturfagrom og sløydrom. Dei eldste elevane tar bussen til Orre for å ha sløyd og det går vekk mykje tid på dette. Kan me få på plass brakker i ventetida? 2. Spørsmål frå Horpestad skule v/ Torger Skretting (Bilde av banen opp på skjermen) Kva er planen med løypebanen som vi har søkt om på Horpestad skule. Kvifor tek alt så lang tid? Planen var at når me fekk løpebanen på plass, skulle vi invitera andre skular på jæren til å vera med på idrettsdag hjå oss. Det kostar mykje å vera med på Tinestafetten og det er vanskeleg for små skular å hevda seg der. Då kan vi kjempa litt med skular på våre eigen størrelse. 3. Spørsmål frå Vasshus skule v/ Annabell Kjøllesdal Kva tenkjer politikarane om framtida til Vasshus skule? 4. Innlegg frå Bore ungdomsskule v/ Borghild Sele. Innlegg om Bore ungdomsskule Innstilling: Barn og unges kommunemøte tek svara til orientering. Side 9 av 13
Klepp kommune, Pb 25, 4358 Kleppe Sak 12/16 Barn og unges kommunemøte den 03.11.2016 sak 12/16 Behandling: Kommunalsjef Trond Roy Pedersen svarte: 1. Kommunalsjefen viste til vedtak i Klepp kommunestyre 20.6. sak 26/16, der det blei gjort slikt vedtak i punkt 3: a. Det skal byggjast ein ny barneskule på Kleppe. b. Det blir arbeidd vidare med plassering av ein 3. barneskule i Kleppe. Ei sak blir lagt fram til politisk behandling hausten 2016. Og i punkt 5: Evt flytting av Horpestad og/eller Vasshus skular blir tatt opp til vurdering som ein del av plassering av den 3. barneskulen i Kleppeområdet. Det må derfor først avklarast om Horpestad skule blir lagt ned, før ein kan vurdera kva som kan bli gjort på skulen når det gjeld mangel på naturfagrom, sløydrom og musikkrom. Kommunalsjefen har fått opplyst frå skulen at løysinga med å ha sløyd og symjing samstundes på Orre fungerer greitt. Løysinga med brakker vil ikkje bli vurdert, då dette blir for dyrt. 2. Grunnen for at det ikkje har blitt løpebane på Horpestad skule, er at kommunen ikkje har fått spelemidlar til tiltaket. Kommunalsjefen er positiv til løpebane og hoppegrop som ein del av uteområdet og hadde sett av eigenandelen på kr 200 000. Skulen har svara at ein ønsker å koma med i neste søknadsrunde. Då vil saka bli tatt opp i Klepp sitt idrettsråd og hovudutval for lokal utvikling. Deretter vil det bli søkt igjen i 2017 om spelemidlar. Så får me leva i håpet. 3. Ordførar Ane Mari Braut Nese viste til vedtaket punkt 5 i kommunestyret i svaret til Horpestad skule. Det inneber også for Vasshus skule at skulen kan bli lagt ned. Kommunalsjef Trond Roy Pedersen orienterte om at det må vera ei høyring før eit vedtak om nedlegging. Han viste også til at det vil vera rom for Vasshus skule på Bore skule når tilbygg på Bore skule er ferdig i 2019. Då vil alle elevane på Vasshus skule få plass i nynorskklassane på Bore skule utan at det fører det klassedeling. Bortsett frå på eit trinn, blir heller ikkje klassane store. 4. Borghild Sele frå Bore ungdomsskule takka politikarane for at dei høyrte på elevane og valde påbygging og ikkje nedlegging av skulen. Einstemmig VEDTAK: Barn og unges kommunemøte tok svara til orientering. Side 10 av 13
Klepp kommune, Pb 25, 4358 Kleppe Sak 13/16 Barn og unges kommunemøte Møtedato: 03.11.2016 MØTEBOK Saksbehandlar: Karin Sandve Vereide Arkiv: B41 &76 Arkivsaksnr.: 16/3694-1 SENTRUMSPLANEN Spørsmål frå Bore ungdomsskule v/ Annbjørg Bore Sonflå Kan vi få informasjon om planar for Klepp sentrum? Det skjer mykje i kommunen vår for tida, m.a. er det gamle meieriet borte. Vi på Bore ungdomsskule lurar på kva planar kommunen har for denne tomta? Kan vi få info og sjå kort over nye sentrumsplanar? Innstilling: Barn og unges kommunemøte tek svara til orientering. Barn og unges kommunemøte den 03.11.2016 sak 13/16 Behandling: Ordførar Ane Mari Braut Nese viste ein presentasjon av dei ulike forslaga til sentrumsplan og orienterte om mulige løysingar. Vegar Stokland 12 år frå Kleppe skule, blei intervjua av ordføraren om sine meiningar rundt sentrumsplanen. Deltakarane på BUK kom med mange spørsmål og innspel som ordføraren tek med seg vidare. Einstemmig VEDTAK: Barn og unges kommunemøte tok svaret til orientering. Side 11 av 13
Klepp kommune, Pb 25, 4358 Kleppe Sak 14/16 Barn og unges kommunemøte Møtedato: 03.11.2016 MØTEBOK Saksbehandlar: Karin Sandve Vereide Arkiv: B41 &76 Arkivsaksnr.: 16/1745-5 TILDELING AV EKSTRA STRAKSMIDLAR Vurdering: Barn og unges kommunemøte vedtok på møtet 17.03.16 å utsetta saka om tildeling av dei ekstra straksmidlane dei har motteke frå den nedlagde Klepp skateklubb. Skateklubben ønskjer at midlane skal brukast i Klepp og særleg koma barn og unge som ikkje er aktive i lag og foreiningar til gode. Det er for så vidt ope kva midlane kan brukast til, men klubben ønskjer helst at det skal gå til noko varig. Fire av skulane har levert inn forslag: 1. Forslag frå Horpestad skule v/ Torger Skretting -Frisbee golfbane -Utvida leikeplassen ved rådhuset med utstyr til 50.000,- Kanskje denne etterkvart kan bli en leikepark? -Benker 2. Forslag frå Tu skule v/ Borghild Alsvik Lygren og Oda Elise Omland: -Forslag frå Tu skule er å gi ekstra straksmidler til Frivilligsentralen. (Utgreiing kjem på møte). 3. Forslag frå Bore u. v/ Josie Kuhnert -frisbeegolf fleire plassar i kommunen -balanseapparat i Kleppeloen. 4. Forslag frå Klepp ungdomsskule v/ Bjarne Braut: -Å bruka midlane til utstyr for å utvida leikeapparatet som er ved parkeringsplassen/klepp rådhus. Vi ønsker lekeapparat for litt eldre barn. Innstilling: Barn og unges kommunemøte vil at kr 50.000 skal brukast til. Side 12 av 13
Klepp kommune, Pb 25, 4358 Kleppe Sak 14/16 Barn og unges kommunemøte den 03.11.2016 sak 14/16 Behandling: Tu skule trekte sitt forslag. Forslag frå Klepp ungdomsskule v/ Bjarne Braut: Saka blir utsett. Votering: Forslaget frå Klepp ungdomsskule fekk 22 stemmer og falt. 23 stemte imot. Ein elev gjekk frå møtet før neste votering. Det blei stemt over følgande forslag: 1. 3-4 frisbeegolf korger. 2. Leikeapparat for eldre barn i sentrum. 3. Benker på sirkusplassen. 4. Balansebenk. 5. Frisbeegolf og balanseline. Votering: Forslag 1 fekk 2 stemmer Forslag 1 fekk 30 stemmer Forslag 1 fekk ingen stemmer Forslag 1 fekk ingen stemmer Forslag 1 fekk 12 stemmer Med 30 mot 14 stemmer blei vedtatt: VEDTAK: Barn og unges kommunemøte vil at kr 50.000 skal brukast til leikeapparat for eldre barn i sentrum. Side 13 av 13