saksframlegg Dato: Referanse: Vår saksbehandlar: 23.10.2015 68214/2015 Geir Løkhaug Saksnr Utval Møtedato Utdanningsutvalet 09.11.2015 Yrkesopplæringsnemnda 26.11.2015 Skolebruksplan 2016-2019 Bakgrunn Skolebruksplanen bestemmer kva tilbod skolane kan lyse ut og gir ei samla oversikt over undervisningstilbodet ved kvar einskild skole i planperioden. Planen gir og grunnlag for å vurdere og planlegge det samla tilbodet i regionane og i heile fylket. Det er ei tett kopling mellom skolebruksplanen og økonomiplanen. Det må være mogleg å realisere tilbodet som skolebruksplanen legg opp til innafor dei økonomiske rammene som vert stilt til rådvelde. Budsjettframlegget for 2016 er i hovudsak i samsvar med den kapasiteten og dei tilboda som er lagt inn i skolebruksplanen. Ekstra klassar/tilbod som vert oppretta gjennom inntaket må finansierast ved bruk av midlar frå klassereserven (ramme 34). Det er viktig å oppretthalde ein klasse-reserve som er stor nok til at ein kan ivareta nødvendig fleksibilitet ved inntaket slik at ein kan oppretthalde målsettinga om at 90 prosent av søkjarane skal få oppfylt sitt førsteval om utdanning. Finansieringa av tilboda vert gitt etter vedteken budsjett-tildelingsmodell. Klassetalet for dei ulike tilboda ved dei einskilde skolane vil bli tilpassa i inntaksarbeidet våren 2016. Det er eit mål at kapasitet i skolebruksplanen er sett slik at krava vedtatt i sak Ud- 5/14 vert stetta. I saka vart det mellom anna fatta følgjande vedtak: 1. Minimum inntakskapasitet vert sett til 65 % av vedteke klassekapasitet i skolebruksplanen. 2. For småskalatilbod vert minimum kapasitet sett til 4 ungdomsrettssøkjarar. 3. For halvklassar innafor yrkesfag som rekrutterer til lærefag vert minimum kapasitet sett til 6 elevplassar. 4. For TAF/ YSK-tilboda (Tilbod som gir både yrkes- og studiekompetanse) vert minimum kapasitet ved inntaket sett til 10 elevplassar. 5. Nye tilbod skal i utgangspunktet vere søkbare i tre påfølgjande skoleår. Dersom det ved tredje forsøk ikkje lukkast å etablere tilbodet, vert det teken ut av tilbodsstrukturen. Inntaket 2015 Inntakstala for skoleåret 2015/2016 viser at av den samla kapasiteten på 10356 elevplassar er det etter at skolane er ferdige med sitt ajourhald i det skoleadministrative systemet 1024 ledige plassar.
Klassar 2014/2 015 Plasser 2014/20 15 Ledig 2014/20 15 Klassar 2015/20 16 Plassar 2015/20 16 Ledig 2015/20 16 Trin n Vg 1 205 3905 196 208 3907 196 Vg 2 198,25 3712 328 197,25 3711 427 Vg 3 105 2685 357 100,25 2549 385 Vg 4 2 54 22 1,5 51 16 Su m 510,256 10356 903 507 10218 1024 Tabell 1- ledige elevplassar skoleåret 2015/2016 Studieprogram Elevpl 2015/2016 Tatt inn 2015/16 Ledig 2015/16 %-ledige plassar Bygg- og anleggsteknikk 208 199 9 4 % Bygg/anlegg,YSK 4år 4 5-1 -25 % Design og håndverk 114 105 9 8 % Elektrofag 338 333 5 1 % Elektrofag,YSK 4år 4 4 0 0 % Helse- og oppvekstfag 485 477 8 2 % Idrettsfag 229 218 11 5 % Medier og kommunikasjon 133 129 4 3 % Mus/dans/drama,dans 14 14 0 0 % Mus/dans/drama,drama 14 14 0 0 % Mus/dans/drama,musikk 110 104 6 5 % Naturbruk 98 91 7 7 % Restaurant- og matfag 131 131 0 0 % Service og samferdsel 130 102 28 22 % Service/samf,YSK 4år 28 27 1 4 % Studiespes,entr/bedr.utv 27 15 12 44 % Studiespes,forskerlinje 28 18 10 36 % Studiespes,internasj 131 116 15 11 % Studiespes,toppidrett 54 49 5 9 % Studiespesialisering 1054 1006 48 5 % Studiespesialisering formgiv. 28 27 1 4 % Tekn/ind prod,ysk 4år 35 33 2 6 % Teknikk og ind. produksjon 510 494 16 3 % Sum 3907 3711 196 5 % Tabell 2 ledige elevplassar Tabellen syner at det var særleg svak oppfylling på tilboda studiespesialisering med entreprenørskap/bedriftsutvikling, studiespesialisering med forskarlinje og service og samferdsel.
Det er eit mål at kapasitetane i skolebruksplana vert sett slik at krava som vedtaka i Sak Ud-5/14 vert stetta. Etter at skolane er ferdige med sitt ajourhald etter andre gongs inntak hausten 2015, var det fleire tilbod som ikkje stetta desse krava. Tabell 3 viser tilbod som ikkje stettar kravet om at 65 % av vedteke kapasitet skal vere nytta. Skole Nivå Studieprogram Klassa r Plassar Tat t inn Ledig Nytta kapasitet Borgund vgs vg 3 Apotekteknikk 1 12 6 6 50 % Studiespes,forskarlinje Fagerlia vgs vg 1 1 28 18 10 64 % Fagerlia vgs vg 2 Dans 0,5 14 5 9 36 % Fagerlia vgs vg 2 Musikk 1 27 15 12 56 % Fagerlia vgs vg 3 Drama 0,5 14 7 7 50 % Fræna vgs vg 1 Studiespes,internasj 1 27 15 12 56 % Barne- og Fræna vgs vg 2 ungdomsarbeiderfag 1 15 9 6 60 % Fræna vgs vg 2 Fiske og fangst 0,5 12 7 5 58 % Gjermundnes vgs vg 2 Anleggsgartner- og idrettsanl. 0,25 7 4 3 57 % Gjermundnes vgs vg 3 Påbygg. gen. studiekompetanse 0,5 20 10 10 50 % Haram vgs vg 3 Påbygg. gen. studiekompetanse 0,5 7 1 6 14 % Herøy vgs vg 2 Kokk- og servitørfag 1 14 9 5 64 % Kristiansund vgs vg 2 Formgivingsfag 0,5 14 5 9 36 % Kristiansund vgs vg 2 Kokk- og servitørfag 2 26 16 10 62 % Kristiansund vgs vg 3 Formgivingsfag 0,5 14 3 11 21 % Rauma vgs vg 2 Realfag 0,5 14 5 9 36 % Påbygg. gen. Rauma vgs vg 3 studiekompetanse 0,5 10 5 5 50 % Stranda vgs vg 2 Idrettsfag 1 30 15 15 50 % Stranda vgs vg 3 Idrettsfag 1 30 15 15 50 % Bygg- og Sunndal vgs vg 1 anleggsteknikk 1 14 9 5 64 % Surnadal vgs vg 2 Helsearbeiderfag 0,5 7 4 3 57 % Surnadal vgs vg 3 Automatiseringsfaget 1 14 5 9 36 % Påbygg. gen. Surnadal vgs vg 3 studiekompetanse 0,75 21 11 10 52 % Tingvoll vgs vg 1 Studiespesialisering 0,5 13 6 7 46 % Medier og Tingvoll vgs vg 2 kommunikasjon 0,5 14 8 6 57 % Tingvoll vgs vg 2 Realfag 0,25 7 3 4 43 % Tingvoll vgs vg 3 Idrettsfag 0,5 14 9 5 64 % Tingvoll vgs vg 3 Språk, samfunnsfag og økonomi 0,25 4 1 3 25 % Ulstein vgs vg 1 Service og samferdsel 1 15 8 7 53 %
Volda vgs vg 1 Volda vgs vg 2 Ålesund vgs vg 1 Service og samferdsel 1 15 9 6 60 % Salg, service og sikkerhet 1 15 9 6 60 % Studiespes,entr/bedr.utv 1 27 15 12 56 % Ålesund vgs vg 2 Realfag,entr/bedr.utv 0,5 6 3 3 50 % Tabell 3 Når det gjeld halvklassar innafor yrkesfag som rekrutterer til lærefag er minimum kapasitet sett til 6 elevplassar. Tabell 4 nedanfor syner tilbod som ikkje stetta dette kravet. Skole Trin n Studieprogram Klas -sar Tatt inn Ledi g Plassar Nytta kapasi -tet Surnadal vgs vg 2 Helsearbeiderfag 0,5 4 3 7 57 % Kristiansund vgs vg 2 Interiør og utstillingsdesign 0,5 5 2 7 71 % Rauma vgs vg 2 Barne- og ungdomsarbeiderfag 0,5 5 2 7 71 % Rauma vgs vg 2 Helsearbeiderfag 0,5 5 2 7 71 % Sykkylven vgs vg 2 Helsearbeiderfag 0,5 5 2 7 71 % Tabell 4 Årgangstal i perioden I perioden 2015-2019 varierer talet på 16-åringar, jf. Tabell 5.
Tabell 5 årgangstal GSI-tala er henta frå Grunnskolens Informasjons System der kommunane og private skolar er pålagde å legge inn faktisk elevtal på trinna 1-10. For planperioden legg ein til grunn dei elevane frå 6.trinn til 10.trinn som faktisk er registrert i grunnskolane i fylket. Tala viser at elevtalet i fylket samla sett vil gå noko ned i planperioden. Byane Tabell 6 Ut frå inntaksområda til dei tre byane Kristiansund, Molde og Ålesund er det ikkje noko som tilseier at det er behov for å auke elevplasskapasiteten i perioden, jfr, tabell 6. Tala syner ein i løpet av dei neste tre åra kan vente ein nedgang på om lag 70 færre søkjarar til vg1i Kristiansund, om lag 60 færre i Molde og om lag 100 færre i Ålesund. I desse tala er det medrekna venta tilgang frå andre inntaksområde. Det er difor lite som tyder på at det er naudsynt å auke kapasiteten i byane. Truleg bør kapasiteten takast ned på nokre tilbod.
Nordmøre Sunndal vgs, Surnadal vgs og Tingvoll vgs Tabell 7 Årgangstala viser at Tingvoll vgs også i åra som kjem vil slite med å få nok søkjarar til alle tilboda dei har hatt. Også Sunndal og Surnadal vil få færre søkjarar i åra som kjem. Prøveinntaket viser at Tingvoll berre vil ta inn 26 primæsøkjarar på vg1 for skoleåret 2015/2016. Med eit så lavt elevtal vil det vere svært vanskeleg å oppretthalde eit forsvarleg skoletilbod over tid. Det blir ei utfordring for skolane å oppretthalde det breie fagtilbodet dei har no. Utfordringa blir difor å sjå på korleis ein skal oppretthalde tilbod som kan gi eit robust og reelt søkjargrunnlag innafor akseptable ressursrammer.
Romsdal Tabell 8 Årgangstala viser at Fræna vgs i åra som kjem vil få ein auke i elevtalet medan elevtalet ved Rauma vgs vil halde seg stabilt. For skolane Molde vgs og Romsdal vgs viser vi til årgangstala for byane.
Nordre Sunnmøre Tabell 9 Årgangstala viser at Haram vgs dei komande åra vil få ein liten nedgang i elevtalet. For Stranda vgs ser vi at ein i løpet av planperioden vil få ein stor nedgang i elevtalet. Også Sykkylven vgs vil få nedgang i elevtalet. For skolane Borgund vgs, Fagerlia vgs, Spjelkavik vgs og Ålesund vgs viser vi til årgangstala for byane. Det er gjort få endringar i tilbodsstrukturen i Ålesund i dette framlegget.
Søre Sunnmøre Tabell 10 For indre søre Sunnmøre (Ørsta vgs og Volda vgs) ser vi elevtalet vil halde seg stabilt i planperioden. For ytre søre Sunnmøre (Ulstein vgs og Herøy vgs) ventar vi ein nedgang i elevtalet. For Vanylven ventar vi ein oppgang i elevtalet for skuleåret 2015/2016. Utover i planperioden vil elevtalet gå kraftig ned. Tilbodsstrukturen Tilbodsstrukturen ved den einskilde skole er i all hovudsak foreslått ført vidare frå førre skolebruksplan. Ein har justert kapasiteten på Vg2- og Vg3-nivå etter inntaket til skoleåret 2015/2016. Ønskje om nye tilbod Elektrofag, studiekompetanse, 3.årig og TIP, studiekompetanse, 3.årig Romsdal vgs ber om å få starte tilbodet som består av ein klasse ved TIP og ein klasse ved EL, totalt 24 elevar. Opplæringsløpet er 3-årig, og består av programfag elektrofag og TIP, programfag realfag, og fellesfag. Elevane kan enten får studiekompetanse etter 3 år eller gå ut i lære etter 2 år. Viser og til sak UD 5/15. Høyringsfråsegn Saka har vore på høyring hos dei vidaregåande skolane, lærarorganisasjonane, Opplæringskontora, LO og NHO. Det kom inn 40 fråsegner. Desse følgjer saka som vedlegg. Under følgjer eit kort utdrag frå fråsegnene. Etter desse kjem Rådmannen sine vurderingar.
Høyringsfråsegn frå skolane Nordmøre Atlanten vgs Skolen har ikkje levert høringsfråsegn. Kristiansund vgs Design og handverk.(dh) Skolen foreslår å oppretthalde to parallellar på Vg1 og Vg2 Interiør- og utstillingsdesign for å kunne ha ei fagleg bredde på utdanningsprogrammet, og for å kunne ta hand om ungdomsgruppa i årene framover. Skolen ønskjer å starte eit utviklingsarbeid saman med NAV der den kartlegg jobbmoglegheiter og utdanningsbehov i forhold til dette. Skolen vurderer søkje om å opprette eit tverrfagleg Vg2-tilbod som skal kvalifisere ungdom med kort butid i Norge ein inngang til arbeidsmarknaden. Elektrofag.(EL) Skolen ser at høyringsutkastet foreslår en reduksjon på Vg1-klasser frå fire til tre og reknar med at dette vil bli tilpassa søkinga i åra framover. Helse- og oppvekstfag.(ho) Skolen er einig i at det vert planlagt for ein klasse Vg2 Barne- og ungdomsarbeidarfag, men meiner det bør være to klassar Vg2 Helsearbeiderfag. Teknikk og industriell produksjon.(tip) Skolen kommenterer at rom og utstyr er designa for 12 elevar og ikkje 15 som er sett i skolebruksplana. Skolen skriv at om elevtalet skal aukast, vil det krevje vesentlege utstyrsinvesteringar. Skolen foreslår at Vg2 Brønnteknikk vert vidareført, men med redusert kapasitet. Skolen ber om å få fortsette med to klassar innan maritime fag fordelt på ein for motormann og ein for matros. Det lite gunstig økonomisk å ha ein klasse, då dette krev deling i programfag for motormann og programfag for matros. YSK (Yrkes og studiekompetanse)/ TAF(tekniske og allmenne fag) Høyringsutkastet foreslår TAF berre for programområdet kjemiprosessfag. Skolen skriv at dei ikkje vil greie å skaffe 10 praksisplasser innan dette eine faget og ber om at skolen får starte eit fleirfagleg TAF med kjemiprosess, industriteknologi, byggfag og elektrofag. Service og samferdsel (SS) Skolen har nå to parallellar Vg1 Service og samferdsel, samt 1 Vg1 Service og samferdsel som SAF (Service og samferdsel med generell studiekompetanse) som vekslingsmodell over fire år. På Vg2 skal desse elevane gå inn i ordinære klasser. Skolen skriv at dei då må ha ei fagleg bredde på Vg2-nivå. Skolen ber difor om at Vg2 Reiseliv vert teken inn i skolebruksplana. Studiespesialisering med formgjeving/ Utdanningsprogram for kunst, design og arkitektur. Skolen ønskjer å starte opp ei klasse på Vg1 Utdanningsprogram for kunst, design og arkitektur frå hausten 2016.
Sunndal vgs Skolen har ikkje merknader til plana utover ei korrigering om ein klasse i helsearbeidarfaget som er gjort i inntaket 2015. Surnadal vgs Skolen ønskjer å tilby Vg2 transport og logistikk i neste planperiode. Tingvoll Tingvoll vgs sluttar seg i hovudsak til forslaget til skolebruksplan 2016 2019. Skolen ber om at ein halv klasse Vg1 Medier og kommunikasjon kjem i tillegg til det som er skissert i høyringa. Skolen ønskjer også å starte opp att småskalatilbodet på Vg1 Bygg- og anleggsteknikk og Vg1 Elektrofag. Romsdal Fræna vgs YSK (Yrkes og studiekompetanse)/ TAF(tekniske og allmenne fag) Skolen ønskjer å fortsatt gje eit tilbod med YSK. Vidare skriv skolen at det er uheldig å legg ned dette tilbodet i Romsdalsregionen, tilbodet er etterspurt i næringslivet og elevar frå denne regionen vil ikkje pendle til dei andre regionane som har dette tilbodet. Skolen har i høyringssvaret skissert ein ny opplæringsmodell for YSK-tilbodet ved Fræna vgs og skriv at denne modellen er mindre ressurskrevjande. Helse- og oppvekstfag: Skolen skriv at søkinga til HO har auka kraftig i år. Skolen har i år 2,5 klassar på HO, men likevel er det mange på venteliste. Skolen ønskjer å utvide kapasiteten til 3 klassar. Allmennfagleg påbygging Skolen ønskjer å auke kapasiteten til 28 plassar. Spesielt er det mange med fagbrev som ønskjer dette tilbodet. Studiespesialisering Fræna vgs har 2 klassar på Studiespesialisering ein ordinær og ein internasjonal klasse med eigen søkekode. Skolen ønskjer no to ordinære klassar på Studiespesialisering og så organisere elevane i eigne basisgrupper rett etter skolestart ut frå om dei vil delta på internasjonalisering eller ikkje. Elevtal pr. klasse: Skolen kommenterer elles i høyringsutkastet kravet om minimum 65 % oppfylling. Skolen meiner at klassekapasiteten er sett for høgt og at det er grunnen til den låge oppfyllingsgarden. Innføringsklasse for minoritetsspråklege. Med bakgrunn i kompetanse og erfaring, ønskjer skolen å ta opp igjen dette tilbodet. Gjermundnes vgs Skolen har ikkje levert høringsfråsegn.
Molde vgs Skolen har tidligare signalisert at dei ønskjer å setje i gang ei forskarlinje frå skoleåret 16/17. Dette har skolen gått vekk i frå. Skolen har og skrive om endringane i utdanningsprogrammet Media og kommunikasjon som kan endre dei framskrivne elevtala. Rauma vgs Rauma vgs ønskjer fortsatt å kunne tilby både ordinært påbygg og påbygg etter yrkeskompetanse. (PB3 og PB 4 med 0,5 og 0,25 klasseressurs) Rauma vgs ønskjer å tilby eit breiare Vg2-tilbod på utdanningsprogramma TIP og HO utan å ha spesifisert dette nærare. Romsdal vgs YSK (Yrkes og studiekompetanse)/ TAF(tekniske og allmenne fag) Skolen ønskjer å oppretthalde TAF-tilbodet. Grunngjevinga er at dette er eit etterspurt tilbod frå næringsliv og er godt søkt frå elevane. Skolen meier det i tillegg er kortsiktig å bruke konjunktursvingingane som eit argument for nedlegging. Ekstrakostnaden knytt til å rekruttere frå fleire utdanningsprogram meiner skolen er liten. Klima, energi og miljø (KEM) Skolen ber om at tilbodet om programområdet KEM blir tatt inn i skolebruksplanen ved Vg2 Bygg- og anleggsteknikk ved Romsdal vgs frå hausten 2018. Grunngjevinga frå skolen er planlegging og oppføring av byggeprosjekt K1 04, «Nye Romsdal vgs» der det er satt av betydelege verkstadareal spesielt tilrettelagt for KEM. Elektrofag, studiekompetanse og TIP, studiekompetanse, 3.årig Skolen ber om å få starte tilbodet som består av ein klasse ved TIP og ein klasse ved EL, totalt 24 elevar. Opplæringsløpet er 3-årig, og består av programfag elektrofag og TIP, programfag realfag, og fellesfag. Denne kombinasjonen gir elevane spesiell studiekompetanse etter 3 år. Elevane kan og velje om dei vil gå eit lærlingløp etter 2 år. Service og samferdsel (SS) Vg1 service og samferdsel: Skolen meiner det er grunnlag for at det fortsatt skal vere 2 klassar. Vg2 Sal service og sikkerhet: Skolen meiner rett tall på elever 10 og ber om at det blir retta opp til politisk handsaming. Dette gjer at krav i sak Ud-5/14 om minimum 65 % dekning er stetta. Vg2 reiseliv Skolen ber om at tilbodet om Vg2 reiseliv fortsatt må vere søkbart ved skolen frå hausten 2016. Skolen skriv at tilbodet har hatt jamn søking og ved første-inntaket 15/16 var tilbodet oversøkt. Skolen viser til samarbeidsavtale med «Hoteles Escuela de Canarias» i Spania om utdanninga ved Vg2 reiseliv og til interessa frå næringa. Service og samferdsel med allmenne fag (SAF) Skolen ønskjer å sjå på moglegheita for SAF i Molderegionen frå hausten 2016 etter modell frå Kristiansund og Ålesund.
Service og samferdsel med Innovasjon og leiing Skolen ber om at klassekapasiteten for tilbodet vert sett til 15 elevar. Design og handverk Vg2 Interiør og utstillingsdesign: Skolen meiner dette er framtidsretta fag og er viktige for å oppretthalde bredde i tilbodet på Vg2-nivå ved skolen. Skolen ber om at tilbodet fortsatt må være søkbart ved Romsdal vgs frå hausten 2016. Vg2 Aktivitør: Skolen ber om at det blir oppretta ein Vg2-klasse i aktivitørfaget frå skoleåret 2017/2018. Skolen skriv at det er behov for yrkesgruppa i kommunane og det har vore dårleg rekruttering dei siste åra. Eit slikt tilbod vil gje skolen meir bredde i tilbodet på vg2-nivå. Fannefjord vgs Skolen har ikkje levert høringsfråsegn. Nordre Sunnmøre Borgund vgs Skolen ber om at vg3 Apotekarteknikk ikkje vert tatt bort frå skolebruksplana. Skolen skriv at det er stor etterspørsel etter denne kompetansen. Skolen meiner at rekrutteringsvanskane kan skyldast at søkjargrunnlaget i heile fylkeskommunen berre er 2 Vg2-klassar. Skolen skriv at det er ønskjeleg med ein klasse til på Vg2-nivå, helseservice. I tillegg meiner skolen at det er eit rekrutteringspotensiale til dette tilbodet med elevar med vaksen-, fullførings- og ikkje-rett. Skolen kommenterer i høyringsfråsegna at ein ynskjer å redusere talet på elevplassar i ei rekke av yrkesfagklassane frå 15 til 12 elevar, alternativt at finansieringa av desse vert styrka. Skolen ber om at Vg1 DH vert auka til 4 klassar. Skolen skriv at dette er under føresetnad av at søkjartala aukar. Fagerlia vgs Skolen ber om at Vg2 Ambulansefag vert tatt inn i planen. Haram vgs Skolen har ikkje levert høringsfråsegn. Spjelkavik vgs Skolen har ikkje levert høyringsfråsegn. Stranda vgs Skolen meiner årgangstala inntaksregion Stranda (Stranda, Norddal og Stordal) ikkje samsvarer med eigne tal. I skolebruksplana er tala frå SSB (GSI -Tal på elevar i grunnskolen) brukt. Rådmannen meiner desse tala gjev eit rettare bilde av elevutviklinga. Sykkylven vgs Design og handverk Skolen ber om at ein får behalde tilbodet med 1 klasse Design og handverk. Skolen viser til tilbodet er ein viktig del av ei større satsing i samarbeid med kompetansesenteret for møbel. Skolen skriv og at utdanninga kan nyttast i eit
kryssløp med Vg2, Barne- og ungdomsarbeidarfag. Vg3 Påbygg til generell studiekompetanse Skolen ønskjer å ha både ordinært påbygg og påbygg etter yrkeskompetanse. Skolen ber om at det i skolebruksplana vert sett opp med 1 klasse Vg3 Påbygg. Skolen unngår då å få redusert timetalet. Vg2 Automatisering og Vg2 Industriteknologi Skolen ønskjer å redusere talet på elevplassar i skolebruksplana til 12. Grunngjevinga er plass-utfordringar i verkstadane. Ålesund vgs Vg2 Kjemiprosess Skolen meiner det ikkje er hensiktsmessing å tilby dette tilbodet ved skolen. Skolen viser til vanskar med praksis- og læreplassar. I tillegg viser skolen til fordelinga av utdanningstilbod mellom skolane der det er vedtatt at Ålesund vgs ikkje skal ha tekniske fag frå 2018. VG 2 Maritime fag. Skolen er støttar forslaget om å redusere talet på elevplasser frå 60 til 45. Skolen ber om at elevane allereie ved innsøking kan søke på matros eller motormann med eigen kodar. Slik kan skolen betre sikre relevant opplæring med tilstrekkelige praksisplasser for alle. Viser til uttalen frå Kristiansund vgs om det same. Vg2 IKT-sørvisfag. Det er planlagt med to klasser i planperioden. Skolen skriv at det er vanskeleg å skaffe både læreplasser og arbeid for elevene og ber difor om at kapasiteten blir vurdert i forhold til tilgang på læreplasser. Vg3 Medium og kommunikasjon. Skolen ber om at kapasiteten blir justert ned til 1 klasse. Søre Sunnmøre Herøy vgs Småskalatilbod ved Herøy vgs, avd. Vanylven Skolen ber om at småskalatilboda Vg2 Helsearbeidarfag og Vg2 industriteknologi vert tatt inn i skolebruksplanen. Skolen viser til godt samarbeid mellom skolen og lokalt arbeidsliv. I tillegg meiner skolen at med utviklinga i arbeidsmarknaden, kan desse utdanningane meir aktuelle for fleire. Ulstein vgs Skolen har kommentarar til skolebruksplana når det gjeld kapasitet og oppfylling av klassar. Skolen kommenterer og pilotprosjektet med ei innføringsklasse for innvandrarar og ønskjer det som eit permanent tilbod. Volda vgs Vg1 Service og samferdsel Skolen ber om at tilbodet vert søkbart i planperioden. Skolen meiner det ikkje gjennomført bygningsmessige endingar som gjer ei samling av tilbodet på Ulstein vgs mogleg. Skolen viser og til god tilgang på kompetanse og erfaring med utdanningsprogrammet.
Nytt tilbod om Studiespesialisering med formgjevingsfag. Skolen ønskjer å vente med å starte opp dette tilbodet. Grunngjevinga er at skolen er usikker korleis ein skal innpasse tilbodet slik elevtal og rom-situasjonen er no. Skolen har elles kommentarar til elevtalet i skolebruksplanen. Ørsta vgs Skolen kommenterer skolebruksplana og ber om at desse endringane vert tekne inn i planen. Tilbod som ikkje bør bli tatt ut av planen: Vg2- Arbeidsmaskiner vert vidareført og søkbart frå hausten 2016 Nye tilbod skolen ber om blir tatt inn i planen: VG2- Aktivitør, tilbod frå hausten 2016 Vg2- Anleggsteknikk, tilbod frå hausten 2016. Vg2- Kulde- og varmepumpeteknikk, tilbod frå hausten 2106 Vg4-Påbygg til generell studiekompetanse, tilbod frå hausten 2016 Høyringsfråsegn motteke frå andre Molde næringsforum Forumet ber om at TAF-tilbodet i Molderegionen vert vidareført. Dei skriv at tilbodet er ettertrakta og oversøkt. I ei periode med omstillingar og utfordringar er det framtidsretta å halde på dei gode utdanningstilboda. Vidare ber Molde Næringsforum om at forslaget om endring av tilbodet Innovasjon og leiing ved Romsdal vgs vert utsett. Dei skriv at det er sett i gang eit arbeid saman med skolen og andre aktørar for å betre søkinga til tilbodet. Nordmøre Næringsråd og Kom Vekst Vg2 Brønnteknikk Næringsrådet og Kom Vekst ønskjer at tilbodet fortsatt skal vere søkbart. Dei skriv det er viktig at kompetansen som er bygd opp, vert utvikla vidare og tilbodet fortsatt blir i regionen. YSK (Yrkes og studiekompetanse)/ TAF(tekniske og allmenne fag) Næringsrådet og Kom Vekst ber fylkesutdanningssjefen om å bygge opp eit fleirfagleg TAF-tilbod med kjemiprosess, industriteknologi, byggfag og elektro. Dei skriv at med ei slik ordning vil det vere lettare å få nok læreplassar. Dei skriv og ved ei redusert TAF-ordning vil det etablerte nettverket mellom skole og næringsliv bli redusert. Næringsrådet og Kom Vekst ber på generelt grunnlag fylkesutdanningssjefen investere i yrkesfaga. Maritimt Forum Nordvest Forumet meiner det er feil å redusere TAF-tilboda i fylket. Forumet skriv at tilbodet har gitt industrifaga ei statusheving og synleggjort moglegheitene i fagopplæringa. Dei peikar og på at det er mange jenter som nyttar tilbodet. Maritimt forum meiner og det er feil å legge ned Brønnteknikk ved Kristiansund vgs. Dei skriv det er behov for denne kompetansen i regionen, men at næringa må ta eit krafttak med å tilby læreplassar. Skjer ikkje dette, vil det vere naturleg å vurdere tilbodet på nytt. Opplæringskontoret for anleggs og bergfag (OKAB) Opplæringskontoret skriv at det for anleggsbransjen er viktig med eit desentralisert
tilbod, er derfor kritiske til forslag om å legge ned VG 2 Arbeidsmaskiner ved Ørsta vgs. OKAB Møre og Romsdal foreslår at VG 3 anleggsmaskinmekanikar-faget på sikt vert flytta til Borgund vgs. Kontoret meiner eit tilbod berre ved Fræna vgs vert for snevert. Opplæringskontoret ønskjer ikkje at talet på skoleplassar på Vg2 anleggsteknikk ved Borgund vgs vert redusert frå 28 til 26. Traktorbransjens opplæringskontor Vg2 Arbeidsmaskiner Opplæringskontoret ber om at Vg2 Arbeidsmaskiner må være et permanent tilbod ved Ørsta vgs. Kontoret skriv det er eit aukande behov kompetansen også i nabofylker. Tilbodet eit viktig for nærmiljøet og styrker bredda i næringslivet i regionen. Entreprenørforeininga - EBA, Møre og Romsdal TAF-tilbodet for byggfag Foreininga ber om at TAF-tilbodet for byggfag fortsatt skal vere søkbart. Dei meiner ordninga har gitt gode resultat i form av godt kvalifisert arbeidskraft og at dette ikkje har gått utover tilgangen til ordinære læreplassar i faget. Dei ønskjer og at fylkesutdanningssjefen kan sjå på ei utviding av tilbodet til Sunnmøre og Nordmøre. Nordmøre forening for teknologifag TAF-tilbodet Foreininga rår sterkt i frå å fjerne Industriteknologifaga frå TAF-tilbodet slik at berre kjemiprosessfag står att. Dei skriv at tilbodet gir skreddarsydd kompetanse til næringslivet som har ført til ei statusheving av yrkesfaga, gitt fleire kvinnelege søkarar og eit aktivt nettverk mellom skole og næringsliv. Vg2 Brønnteknikk Forumet etterlyser meir konstruktive løysingar enn å legge med tilbodet. Dei meiner tilbodet er framtidsretta og at ein bør få til liknande tilbod i resten av fylket. Lærebedriftene til Fræna vgs Bedriftene meiner elevane i regionen bør ha eit YSK-tilbod på linje med elevane i andre regionar. Tilbodet må oppretthaldast for å sikre langsiktig rekruttering til næringslivet. Forum for Yrkesfag, Opplæringskontora i Møre og Romsdal Forumet stiller seg bak høyringsuttalen til: Nordmøre forening for Teknologifag (NFT), lærebedriftene til Fræna vgs, Entreprenørforeninga Bygg og Anlegg(EBA) Møre og Romsdal, Kom Vekst og Nordmøre Næringsråd og Romsdal Forum for Teknologifag. Classic Norway Hotels I uttalen ber ein om at Vg2 reiseliv ved Romsdal vgs ikkje vert lagt ned. Dei skriv om ei sterk satsing på reiseliv i regionen. Apotekarforeninga/ AS Apotekernes hus Apotekarforeninga ber om at tilbodet om apotekteknikarutdanning ved Borgund vgs vert oppretthalden. Foreninga ber fylkeskommunen auke kapasiteten på Vg2 Helseservicefag.
Farmasiforbundet, Parat I uttalen ber ein om at tilbodet om apotekteknikarutdanning ved Borgund vgs vert oppretthalden. Vitus apotek I uttalen ber ein om at tilbodet om apotekteknikarutdanning ved Borgund vgs vert oppretthalden. Lærarteam ved HO, Borgund vgs I uttalen ber ein om at om tilbodet apotekteknikarutdanning ved Borgund vgs vert oppretthalden. Dei ber og om at ein ser på dimensjoneringa av Vg2 Helseservice i fylket. Utdanningsforbundet, Møre og Romsdal Utdanningsforbundet peikar på at elevtala ikkje inneheld informasjon om talet på innvandrarborn som vil kome i løpet av perioden, noko som gjer at talmaterialet kan endre seg drastisk. Dette er noko politikarane må ta høgde for når ein skal lage skulebruksplana for denne perioden. Elevplassar aukar totalt i fylket og stort sett på dei fleste skolane. Det er nokre få skolar som får ein liten nedgang i elevplassar. Utdanningsforbundet er positive til at ein vel å auke talet på elevplassar totalt, men er skeptiske til at det samstundes er foreslått ein reduksjon av talet på klasser med 9,5. Dette vil kunne innebere høgre grad av samanslåing av grupper og høgare oppfylling i ordinære klasser. Utdanningsforbundet skriv og at ein nedgang i klasser også vil føre til overtal av lærarar. Om ein skulle få overtal av lærarar i vårt fylke, er det i denne perioden viktig at ein nyttar lærarressursen til å auke lærartettleiken i staden for å sende naudsynt kompetanse ut i arbeidsløyse. Utdanningsforbundet viser til at dimensjoneringa i skulebruksplanen berre er knytt til elevar med ungdomsrett. Det er etter deira syn ein for snever måte å dimensjonere vidaregåande opplæring på. Utdanningsforbundet skriv at fylkeskommunen bør i større grad enn no, tilby opplæring til vaksne både med og utan rett til vidaregåande opplæring. Dei skriv vidare at det tradisjonelle Vg3-tilbodet i skule på 1 år for elevar utan læreplass ikkje er tilfredsstillande. Møre og Romsdal bør heller satse på eit forsøk med eit 2-årig Vg3 for å kompensere for manglande læreplassar. Utdanningsforbundet, Volda vgs Service og samferdsel Utdanningsforbundet, Volda vgs er ueinig i at tilbodet flyttast til Ulstein vgs. Dei meiner korkje faglege, demografiske eller økonomiske argument støttar flytting. Dei skriv og at flytting vil svekke fagmiljøa for dei økonomiske og merkantile faga ved skolen. Dei ber om at Volda vgs beheld sine klassar innafor Vg 1 Service og samferdsel og Vg2 sal, service og tryggleik. Tilsette ved elektroavdeling, Ørsta vgs v/ Rolf Lystad Vg1 elektrofag Dei tilsette ved elektroavdelinga ved Ørsta vgs er ueinige i å redusere kapasiteten ved avdelinga frå 3 til 2 klassar. Dei skriv at ved ein slik reduksjon vil Vg2-tilbodet bli råka. Ein vil stå i fare for å få halvklassar på fleire Vg2 og Vg3-kurs. Det vert og spurt om kvifor reduseringa i kapasitet skjer ved Ørsta vgs og ikkje på Ulstein vgs.
Vurdering Med bakgrunn i høyringa, tal frå inntaket 2015 og vedtaket i sak Ud-5/14 har rådmannen gjort desse vurderingane: I sine høyringsfråsegner diskuterer fleire av skolane finansieringa av tilboda, klassetal og klassestorleik. Dette vert ikkje kommentert i denne planen. Teknisk, allmennfaglig utdanning (TAF)/ Yrkes- og studiekompetanse (YSK) og Service og allmenne fag (SAF) Å oppretthalde desse tilboda er ei utfordring. Dei krev eit stort volum av læreplassar, noko som gir utfordringar i høve «normalløpet» og tilgangen på læreplassar innafor fagområda Bygg (BA), Elektro (EL) og Teknikk og industriell produksjon (TIP). TAF-tilboda er blitt ressurskrevjande fordi ein ikkje maktar å skaffe nok læreplassar innafor eit utdanningsprogram (noko som var føresetnaden då TAF vart etablert). Ein må difor kombinere læreplassar innafor fleire utdanningsprogram, noko som krev fleire delingstimar. TAF er difor blitt eit kostnadskrevjande tilbod med få elevar. For å få fleire læreplassar innanfor normalordninga vert det ikkje lagt opp til å auke omfanget på TAF-ordninga. For alle TAF/SAF-tilboda som krev førehandsavtale om læreplass krev fylkesutdanningssjefen frå 2016 at avtaler er på plass og dokumentert før 1.mars. Rådmannen kjem attende med ei sak om tilbodet. Teknikk og industriell produksjon På grunn av nedgangen i oljeindustrien er det i år ei stor utfordring å få tilgang på nok læreplassar innafor TIP- spesielt industrimekanikar, maritime fag og elektrofag. Sjølv om det er stor søking innafor desse faga er det ikkje forsvarleg å auke talet på klassar neste år. Kristiansund vgs - Vg2 Brønnteknikk Det har dei to siste åra vore stor mangel på læreplassar innanfor faget Vg2 Brønnteknikk. Av 14 elevar på 2015-kullet på Vg2 Brønnteknikk har til no 3 elevar fått læreplass. Frå 2014-kullet fekk 3 læreplass. Av dei 8 som sto utan læreplass frå 2014-kullet har no i tillegg ein elev fått læreplass. Fylkesutdanningssjefen meiner difor at det no ikkje er forsvarleg å ta inn fleire elevar på dette tilbodet før ein ser at læreplass-situasjonen betrar seg. Rådmannen foreslår difor at tilbodet ikkje vert lyst ut for skoleåret 2016/2017. Borgund Vgs Vg3 Apotekteknikk Få søkjarar med ungdomsrett gjer at rådmannen ikkje meiner det er forsvarleg å setje i gang tilbodet. Rådmannen foreslår difor at tilbodet ikkje vert lyst ut for skoleåret 2016/2017. Fagerlia vgs - Vg2 Ambulansefag Tilbodet var ved ein feil tatt ut i høyringsutkastet til skolebruksplanen. Tilbodet er tatt inn i planen for skoleåret 2016/2017. Ørsta vgs- Vg2 Arbeidsmaskiner Tilbodet er tatt inn i planen for skoleåret 2016/2017. Romsdal vgs- Vg2 reiseliv Tilbodet er tatt inn i planen for skoleåret 2016/2017.
Romsdal vgs- Service og samferdsel med Innovasjon og leiing Klassekapasiteten for tilbodet vert sett til 15 elevar. Romsdal vgs- Elektrofag, studiekompetanse og TIP, studiekompetanse, 3.årig Tilbodet er tatt inn i planen for skoleåret 2016/2017. Klassekapasiteten for tilbodet vert sett til ein klasse ved TIP (14 elevar) og ein klasse ved EL (14 elevar), totalt 28 elevar. Tilbodet aukar ikkje kapasiteten ved utdanningsprogramma EL og TIP ved skolen. Vi viser til saksutgreiing og vedtak i UD 5/15 der det vart vedteke å ikkje sette i gang tilbodet, men at Utdanningsutvalet ønska ein dialog om tilbodet på eit seinare tidspunkt. Endringane i tilgangen til læreplassar gjer at vi no legg inn tilbodet i planen. Vilkåret for at tilbodet vert sett i gang er at skolen sikrar at vitnemålskrava er stetta. Utdanningsforbundet, Møre og Romsdal Utdanningsforbundet peikar på at elevtala ikkje inneheld informasjon om talet på innvandrarborn som vil kome i løpet av perioden, noko som gjer at talmaterialet kan endre seg drastisk. I planen er det faktiske elevtalet brukt i utarbeidinga, det er frå Rådmannen ikkje tatt omsyn til ei endring som Utdanningsforbundet skisserer. Innføringsklassar for minoritetsspråklege 2 skolar har og kommentarar til Innføringsklassar for minoritetsspråklege. Ulstein vgs og Fræna vgs ønskjer å starte eller fortsetje eit tilbod. Dette er ikkje behandla i planen. Innspel frå skolane og andre som er vurdert, men er ikkje tatt inn i skolebruksplanen. Dei vurderingane som er gjort er noko ulike, men elevtalsutvikling, søking og tilgangen til læreplassar har vore vurdert. Det same er kapasitetssamanhengen i skoleløpet frå Vg1 til Vg2 og Vg3. Vedtaket frå sak UD-5/14 om Nye og særskilte tilbod har og vore med i vurderinga. Kristiansund vgs Design og handverk- ønskje om å oppretthalde 2 parallellar på Vg1 og Vg2 Interiør og utstillingsdesign Vg2- reiseliv- ønskje om å ta inn tilbodet i planen Surnadal vgs Vg2 transport og logistikk - ønskje om å ta inn tilbodet i planen Tingvoll vgs Ønskje om ein halv klasse Vg1 Medier og kommunikasjon Ønskje om småskaltilbod Vg1 Bygg og anleggsteknikk og småskalatilbod Vg1 Elektrofag Fræna vgs Helse og oppvekstfag- auke kapasiteten til 3 klassar Allmennfagleg påbygging- auke kapasiteten til 28 plassar Romsdal vgs Service og samferdsel- ønskje om å oppretthalde 2 klassar
Design og handverk- oppretthalde Vg2 Interiør og utstillingsdesign Vg2 Aktivitør- ønskje om å ta inn tilbodet i planen Sykkylven Behalde 1 klasse Design og handverk Herøy vgs, avd. Vanylven Småskaltilbodet i Vg2 Helsearbeidarfag og Vg2 Industriteknologi- ønskje om å ta inn tilboda i planen Ørsta vgs ønsker desse tilboda inn i planen : VG2- Aktivitør, tilbod frå hausten 2016 Vg2- Anleggsteknikk, tilbod frå hausten 2016. Vg2- Kulde- og varmepumpeteknikk, tilbod frå hausten 2106 Vg4-Påbygg til generell studiekompetanse, tilbod frå hausten 2016 Service og samferdsel til Ulstein Viser til sak UD 40/14 om å samle Service og samferdsel ved Ulstein vgs. I planen er dette lagt inn frå skoleåret 2017/ 2018. Forslag til vedtak: Utdanningsutvalet sluttar seg til framlegget til vedlagte skolebruksplan. I samband med inntaket til vidaregåande opplæring får rådmannen mynde til å justere elevtalet innafor skole- og tilbodsstrukturen i vedteken skolebruksplan. Forslag om nedlegging og oppretting av tilbod som eit resultat av inntaket 2016, skal leggast fram for utdanningsutvalet til behandling i møtet 31.3.16. Rådmannen får mynde til å gjere dei nødvendige budsjettkorrigeringane for 2016 under fylkestingsramme D05 vidaregåande opplæring, slik at budsjetta til skolane vert i samsvar med vedtak om skolebruksplanen/økonomiplanen 2016-2019, og budsjettjusteringar i høve inntaket 2016. Rådmannen kjem attende med ei sak om utforminga av tilbodet Teknisk, allmennfaglig utdanning (TAF)/ Yrkes- og studiekompetanse (YSK) og Service og allmenne fag (SAF). Ottar Brage Guttelvik fylkesrådmann Rune Solenes Opstad kst. fylkesutdanningssjef Vedlegg 1 Vedlegg 1 til skolebruksplan 2016-2019 2 Vedlegg 2 til skolebruksplan 2016-2019