ULSTEIN KOMMUNE MØTEPROTOKOLL Utval: Ulstein kommunestyre Møtestad: Kommunestyresalen, Ulstein rådhus Dato: 17.03.2016 Tid: 18:00 20:30 Faste medlemmer som møtte: Navn Funksjon Representerer Knut Erik Engh Ordførar FRP Alf Johan Antonsen Medlem FRP Einar Nevstad Medlem FRP Mariette Gjerde Medlem FRP Jon Åge Eidem Medlem FRP Svein Børre Dimmen Medlem FRP Heidi Strand Medlem H Tor Meinseth Medlem H Kari Warholm Medlem H Knut Kleiven Medlem H Egil Ulfstein Medlem H Magne Grimstad jr. Medlem AP Hanne Notøy Medlem AP Marianne Breivik Medlem AP Ottar Kaldhol Medlem AP Steinar Torvik Varaordførar KRF Trond Berg Medlem KRF Odd Arne Vikebakk Medlem KRF Pål Grødahl Medlem V Eldar Knotten Medlem V Hannelore Måseide Medlem V Lisa Mari Breivik Anderson Medlem SP Oddvar Gjerde Medlem SP Morten Feiring Medlem SV Faste medlemmer som ikkje møtte: Navn Funksjon Representerer Renathe Rossi-Kaldhol MEDL AP Varamedlemmer som møtte: Navn Møtte for Representerer Magne Gurskevik Renathe Rossi-Kaldhol AP Frå administrasjonen møtte: Navn Stilling 1
Einar Vik Arset Verner Larsen Rune Urke Svein Arne Orvik Rådmann Assisterande rådmann Dagleg leiar i UEKF Politisk sekretær Ugildskap Marianne Breivik og Ottar Kaldhol tok ikkje del i handsaminga av sak PS 16/15. 2
SAKLISTE Saksnr Tittel Arkivsaknr OPEN TALARSTOL / SPØRJETIME PS 16/11 GODKJENNING AV INNKALLING OG SAKLISTE PS 16/12 GODKJENNING AV PROTOKOLL FRÅ SISTE MØTE PS 16/13 RS 16/4 RS 16/5 RS 16/6 RS 16/7 RS 16/8 MELDINGSSAKER UL 01-16 SAK 08-16 KONTROLLRAPPORT - ÅRSRAPPORT 2015 SKATTEOPPKREVJARFUNKSJONEN - UTSKRIFT TIL KOMMUNESTYRET, SKATTEOPPKREVJAR OG RÅDMANN REFERAT FRÅ MØTE MELLOM FORHANDLINGSUTVAL 27.1.2016 REFERAT FRÅ MØTE MELLOM FORHANDLINGSUTVAL 4.3.2016 REFERAT PROSJEKTGRUPPEMØTE 21 - NY KOMMUNESTRUKTUR - SAMANSLÅING AV KOMMUNAR PÅ YTRE SØRE SUNNMØRE REFERAT PROSJEKTGRUPPEMØTE 22 - NY KOMMUNESTRUKTUR - SAMANSLÅING AV KOMMUNAR PÅ YTRE SØRE SUNNMØRE 2007/15 2010/453 2010/453 2010/453 2010/453 RS 16/9 MØTEPROTOKOLL FRÅ VALSTYRET 16.2.2016 2016/219 RS 16/10 OVERSENDINGSFRAMLEGG FRÅ SV - UTVIDING AV 2016/56 FORMANNSKAPET SOM STYRINGSGRUPPE PS 16/14 REVISJON AV BEREDSKAPSPLAN MOT AKUTT 2015/1928 FORUREINING - DELPLAN ULSTEIN KOMMUNE PS 16/15 DETALJREGULERING NAUSTOMRÅDE TUENESET - 2015/339 HANDSAMING ETTER OFFENTLEG ETTERSYN PS 16/16 ETISKE RETNINGSLINJER FOR FOLKEVALDE OG 2016/239 TILSETTE I ULSTEIN KOMMUNE PS 16/17 ÅRSMELDING FOR KONTROLLUTVALET 2015 2014/153 PS 16/18 VAL AV VILTNEMND OG STYREMEDLEM I STIFTINGA VIKHOLMEN 2014/1038 Orienteringar Søre Sunnmøre Reinhaldsverk om utbyggingar, prisnivå, tenestekvalitet og vidare utvikling ved Einar Heimdal og Linn Urke Osnes Arbeidet til kontrollutvalet ved Ivar Mork og Jostein Støylen Gåve til markering av Hødd 100 år ved Ulstein Rotaryklubb Stoda i arbeidet med kommunereforma ved ordførar Knut Erik Engh Ordføraren gjorde greie for at Ulstein kommune har invitert Hareid kommune til tosidige forhandlingar. Spørjetime Spørsmål frå Høgre ved Tor Meinseth: 3
Det var stor glede i Ulsteinvik då vi i 2015 fekk ny storhall i kommunen. Ein av dei 3 største hallane i landet. Dette har ikkje minst Dimna IL hatt stor glede av. Like sikkert som amen i kyrkja får vi kvar år besøk av ein sterk storm/orkan. Dette bør ikkje overraske nokon. Denne gongen var det "Tor" som besøkte oss. Det vart store skader langs kysten. Men vår kommune slapp billeg frå det denne gongen. Stormen er som dyra, den angriper det svakaste punkt. Denne gongen var det storhallen som var det svake punkt. Den fikk store vasslekkasjar i tak og veggar. Vatnet rann ned over alt. Korleis kan dette skje med ei ny hall som knapt er tatt i bruk.med dei reglane vi har, og den teknologien som er tilgjengeleg er dette ikkje til å tru. Mine spørsmål er: Kven var entreprenør? Kven var byggeleiar? Kva tid er hallen 100 % reparert så den toler framtidige stormar? Det er eitt ord for dette: "flause". Ein hall på vestkysten av Noreg mot storhavet må tole både ein og fleire stormar. Ber om utfyllande svar, ikkje svadasvar. Svar frå Rune Urke, dagleg leiar i Ulstein Eigedomsselskap: Vi fekk signal om at det vart skade på anlegget då ei takluke rauk ut. Det viste seg at halve taktekkinga over tribunen, med isolasjon, var vekk. Vi brukte Severin Myklebust som rådgivar, og meldte skade til KLP. Takstrapporten konkluderte med at det var mangelfull innfesting. Vi er også i garantitida for bygget. Det betyr at dette ikkje er ein naturskade, men ein reklamasjon. Kontraktspart her er Rise Bygg som hovudentreprenør, som igjen har leig inn eit taktekkarfirma. Rise Bygg tar ansvar og ordnar ut, og arbeidet er nesten ferdig når det gjeld tekkejobben. Der er mange småsår i taket, og kanskje har vi ikkje funne alle enno, men no til påske reknar vi med at det er fullt og heilt utbetra, og på ein måte som vi er sikker på er sterk nok. Så forhåpentlegvis blir det ikkje fleire slike episodar på bygget. Spørsmål frå Venstre ved Eldar Knotten: Arena Ulstein er under bygging. Vi ønsker å få ei oppdatering på kor langt vi er komne når det gjeld økonomi, framdrift og korleis Ulstein kommune følger opp dette store prosjektet, det største prosjektet kommunen har hatt. Det er veldig viktig at vi har ei leiing og ei prosjektleiing på dette som følger opp og rapporterer rettmessig og i god tid. Ulstein Fjernvarme har Ulstein kommune brukte mykje pengar på. Framdrift i prosjektet der: Kva er status i selskapet? Spesielt økonomien. Vi veit at selskapet enno ikkje har begynt å levere fjernvarme, verken til Høddvoll eller til vidaregåande skule, det går på straum framleis. Spørsmålet er: Kva tid er vi klare til å begynne å levere? Etter det som var sagt då selskapet vart stifta, skulle vi vere i gang då hallen opna. Det er no snart eit år sidan, og vi er enno ikkje i gang. Svar frå rådmann: Det er stor interesse for desse investeringsprosjekta, og det er det all grunn til. Vi har felles interesse av at det er god prosjektstyring på alle våre investeringsprosjekt og at det er god informasjon der store verdiar er i spel. Generelt meiner eg at vi må få til ei formalisert prosjektrapportering for aktiviteten både i vårt KF og i vårt heileigde fjernvarmeselskap, slik at det går i linja. Altså via styra i desse selskapa og til eigar kommunestyret primært i skriftleg form. Både eg og assisterande rådmann nokså god informasjon om utviklinga i selskapa og i prosjekta, og dermed også i prosjektstyringa. Vi skal gi ei kort orientering. Assisterande rådmann Verner Larsen har vore med i både dei siste prosjektmøta og styremøte i fjernvarmeselskapet og vil gi ei kort orientering. Svar frå assisterande rådmann: Arena Ulstein først: Viss vi ser på prosjektorganiseringa, er der ei prosjektgruppe med Rune Urke frå eigedomsselskapet, Leif Ringstad og meg. Det er leigd inn byggeleiing frå Hamsto, dei følger opp kvalitet og framdrift på byggeplassen. Dei følger også opp økonomi og endringar. Representantane frå Hamsto har faste møte med entreprenør og faste møte med UEKF. Frå UEKF si side har vi også Per Dimmen inne som prosjektleiar. Så det er relativt mange ressursar 4
på å følgje opp framdrifta i prosjektet. Når det gjeld økonomi, har prosjektgruppa i kommunen faste møte kvar månad, der er også ein representant frå økonomikontoret, og vi driv ei sjølvstendig oppfølging av enkeltbilag opp mot reservepostane i prosjektet. Byggeleiar møter også på desse møta og vi mottar sjølvstendige økonomiske rapportar frå byggeleiar. Slik at vi har to separate straumar med informasjon på økonomisida. Når det gjeld framdrift i prosjektet, er det rapportert no at prosjektet ligg ca. 30 arbeidsdagar bak det som er framdriftsplanen, altså ca. seks veker. Det er status som vi har fått frå entreprenør. Så til fjernvarme: Vekslarhuset på Sjøsida er i drift og energileveransane til Sjøsida er også i drift på varmesida. Der er ingen leveranse på kjølesida, men det er ting som heng på utbyggar på Sjøsida, altså eigedomsselskapet der. Så er det også slik at energisentralen i Holsekerdalen mot omsorgsbustadane er også oppe og går og leverer. Når det gjeld energisentralane på Høddvoll og vidaregåande, så har det vore litt fram og tilbake. Det som har skjedd der no, er at det blir laga to separate energisentralar, ein for Høddvoll og ein for vidaregåande. Det er også ein ting som ein ville gjort uavhengig av tidsfaktoren her. Energisentralen knytt til Ulsteinhallen og Høddvoll skal vere på plass og i drift frå mai. Energisentralen knytt til vidaregåande vil nok ta litt lenger tid, men der er avklaringar gjort med vidaregåande. Så ting byrjar sakte men sikkert å løyse seg der også. Elles held selskapet no på med planlegginga av energisentralen til Arena Ulstein. Der er også eit område for tett utnytting av tomter rett ovanfor vekslarhuset som står i Holsekerdalen, litt nedanfor Ahlsell-bygget. Der vil det bli laga ein energisentral ved vekslarhuset, og der et det kopla fjernvarme på i kontrakten med leverandøren. Det er eit prosjekt som no vil bli utvikla. Det er også gjort ein del undersøkingar for andre kundar, tre interessentar i sentrum har bede om å få ei skisse frå fjernvarmeselskapet på utbygging og erstatning av deira eksisterande anlegg, det vert også jobba litt med å få inn nye kundar. Det vil også bli laga ein oppdatert plan basert på status ved årsskiftet. Det er slik med finansiering at ein har basert seg på at 40 prosent av tiltaka skal finansierast gjennom lån, 10 prosent tilskot, dei andre 50 prosentane må kome frå eigenkapital. Utfordringa med å få inn eksterne på kapitalsida, med den situasjonen vi er inne i no, det viser seg sjølv, det ser ein jo, så det vil nok kome ei sak på langsiktig finansiering av det selskapet fram mot sommaren. Ulsteinvik, 17.3.2016 Knut Erik Engh ordførar Svein Arne Orvik møtesekretær Heidi Strand Svein-Børre Dimmen 5
PS 16/11 GODKJENNING AV INNKALLING OG SAKLISTE Innkallinga og saklista vert godkjende med tillegg av to saker: PS 16/18 ÅRSMELDING FOR KONTROLLUTVALET 2015 PS 16/19 VAL AV VILTNEMND OG STYREMEDLEM I STIFTINGA VIKHOLMEN Årsmelding for kontrollutvalet vert ikkje handsama som referatsak (jf. innkallinga). Saka «Bustadsosial handlingsplan 2015 2018» vert trekt frå møtet. Fellesrådet for eldre og menneske med nedsett funksjonsevne skal få høve til å gi uttale i saka før levekårsutvalet gir si tilråding til formannskapet og kommunestyret. Protokollmerknad: «Når kommunestyret, med heimel i kommunen sitt reglement, no har stoppa realitetshandsaming av ei bestilling til kontrollutvalet om å få full innsikt i kva som har gått føre seg i forløpet til og i vedtaksfasen for den saka der fylkesmannen har påvist lovbrot, reknar kommunestyregruppa i Ulstein Arbeidarparti med at kontrollutvalet av eige initiativ går inn i saka i full breidde og melder tilbake til kommunestyret om resultatet av granskinga. Ulstein kommune kan ikkje leve med at forvaltning og eventuelle involverte politikarar er medverkande til at kommunen har ei sakshandsaming som fører til lovbrot, med alvorlege konsekvensar for dei som vert ramma av ulovlege vedtak og med vesentleg tap av omdømme for kommunen. Kommunestyregruppa i Ulstein Arbeidarparti ser det som ei plikt for kommunestyret å gjere det som er muleg for å hindre lovbrot i kommunen sin regi og for å rydde opp i det som er gjort feil.» Arbeidarpartiet gjorde framlegg om å ta opp ei sak: «Saka gjeld: Ulstein kommune si handtering av sak som har medført skriv frå fylkesmannen, datert 25.02.2016, om: «Varsel om pålegg til retting undervisningstilbod til einslege mindreårige asylsøkjarar» (jf. skriv frå Ulstein Arbeidarparti 10.3.2016, løpenr. 3976/2016). Ordføraren sa seg ugild i saka og veik sete. Det same gjorde Mariette Gjerde, som er gift med ordføraren. Varaordføraren tok over møteleiinga. Det vart halde gruppemøte og deretter vart det røysta over gildskapet til ordføraren og Mariette Gjerde. Kommunestyret fann samrøystes at ordføraren og Gjerde er gilde i saka, og dei tok sete att. Ordføraren orienterte om at kontrollutvalet på eige initiativ alt hadde tatt tak i saka og har ho til behandling, og meinte at det ikkje er naudsynt å be kontrollutvalet gjere noko dei alt gjer. Det vart så røysta over om saka Ap hadde gjort framlegg om, skulle takast opp til behandling. 7 røysta for å ta opp saka, 18 røysta imot. Arbeidarpartiet bad om å få ført inn ein protokollmerknad. 6
Ordføraren informerte om at kontrollutvalet får ei utgreiing frå ordførar og rådmann om saka, og at kommunestyret vil bli gjort kjent med utfallet av saka i utvalet. PS 16/12 GODKJENNING AV PROTOKOLL FRÅ SISTE MØTE Protokollen frå møtet 28.1.2016 vert godkjent. PS 16/13 MELDINGSSAKER Kommunestyret tek meldingane til vitende. RS 16/4 UL 01-16 SAK 08-16 KONTROLLRAPPORT - ÅRSRAPPORT 2015 SKATTEOPPKREVJARFUNKSJONEN - UTSKRIFT TIL KOMMUNESTYRET, SKATTEOPPKREVJAR OG RÅDMANN RS 16/5 REFERAT FRÅ MØTE MELLOM FORHANDLINGSUTVAL 27.1.2016 RS 16/6 REFERAT FRÅ MØTE MELLOM FORHANDLINGSUTVAL 4.3.2016 RS 16/7 REFERAT PROSJEKTGRUPPEMØTE 21 - NY KOMMUNESTRUKTUR - SAMANSLÅING AV KOMMUNAR PÅ YTRE SØRE SUNNMØRE RS 16/8 REFERAT PROSJEKTGRUPPEMØTE 22 - NY KOMMUNESTRUKTUR - SAMANSLÅING AV KOMMUNAR PÅ YTRE SØRE SUNNMØRE RS 16/9 MØTEPROTOKOLL FRÅ VALSTYRET 16.2.2016 RS 16/10 OVERSENDINGSFRAMLEGG FRÅ SV - UTVIDING AV FORMANNSKAPET SOM STYRINGSGRUPPE 7
PS 16/14 REVISJON AV BEREDSKAPSPLAN MOT AKUTT FORUREINING - DELPLAN ULSTEIN KOMMUNE Kommunestyret godkjenner Beredskapsplan mot akutt forureining delplan for Ulstein kommune, sist datert 24.11.2015. Tilrådinga frå teknisk utval vart vedteken med 25 mot 0 røyster. PS 16/15 DETALJREGULERING NAUSTOMRÅDE TUENESET - HANDSAMING ETTER OFFENTLEG ETTERSYN Ulstein kommunestyre godkjenner i medhald av plan- og bygningslova 12-12, framlegg til detaljregulering for naustområde Tueneset på Dimna, PlanID 20150001, datert 11.06.2015, med tilhøyrande føresegner, datert 11.06.2015, sist revidert 09.02.2016. Marianne Breivik sa seg ugild i saka fordi reguleringsplanen omfattar delar av eigedomen hennar. Kommunestyret fann Breivik ugild, og ho tok ikkje del i handsaminga av saka. Ottar Kaldhol sa seg ugild i saka fordi han er svoger til Lars K. Breivik, som er ein av dei som får innregulert nausttomter i denne planen. Kommunestyret fann Kaldhol ugild, og han tok ikkje del i handsaminga av saka. Røysting: Tilrådinga frå teknisk utval vart vedteken med 23 mot 0 røyster. PS 16/16 ETISKE RETNINGSLINJER FOR FOLKEVALDE OG TILSETTE I ULSTEIN KOMMUNE Ulstein kommunestyre godkjenner Etiske retningslinjer for folkevalde og tilsette i Ulstein i samsvar med framlegget. Tilrådinga frå administrasjonsutvalet vart vedteken med 25 mot 0 røyster. 8
PS 16/17 ÅRSMELDING FOR KONTROLLUTVALET 2015 Kommunestyret tek til etterretning kontrollutvalet si årsmelding for 2015. Tilrådinga frå kontrollutvalet vart vedteken med 25 mot 0 røyster. PS 16/18 VAL AV VILTNEMND OG STYREMEDLEM I STIFTINGA VIKHOLMEN 1 Ulstein kommunestyre vel viltnemnd for perioden 2015 2019 med denne samansettinga: Representantar Hans Ole Låbakk Lidar Wingsternes Vivian Roppen Eldrid Anne Vik Petter Olav Dimmen Leiar: Hans Ole Låbakk Varaleiar: Vivian Roppen Vararepresentantar 1 Jan Arve Ringstad 2 Nils Gunnar Moldskred 3 Erling Ove Flø 4 Wenche Osnes Låbakk 5 Oddvin Velsvik 6 Silje Therese Meinseth 7 Hallvard Dimmen 2 Ulstein kommunestyre vel varaordførar Steinar Torvik som styremedlem i stiftinga Vikholmen, med ordførar Knut Erik Engh som varamedlem. Før røystinga vart skrivemåten av to av namna korrigerte: Eldrid Anne Vik, Lidar Wingsternes. Røysting: Tilrådinga frå valnemnda vart vedteken med 25 mot 0 røyster. -----------o---------- Lenke vert sendt til: 1 Kommunestyret 2 Rådmannen 3 Assisterande rådmann 4 Kommunalsjefane 5 Mellomleiarane 6 Servicetorget 7 Kommunerevisoren 8 Vest Kontroll v/jostein Støylen 9 Kontrollutvalet med vara Ulstein kommune, politisk sekretariat, 21.3.2016 Svein Arne Orvik 9
politisk sekretær 10