ULSTEIN KOMMUNE Ulstein eigedomsselskap KF Nasjonalforeningen for folkehelsen Att: Randi Kiil Postboks 7139 Majorstuen 0307 OSLO Saksnr Løpenr Dato 2014/907 11911/2014 17.12.2014 MELDING OM VEDTAK De får med dette melding om at Ulstein kommunestyre gjor følgjande vedtak den 11. desember 2014 i sak PS 14/110: Samla saksframstilling ligg ved. Vedlagt følgjer også to eksemplar av samarbeidsavtalen, signert av ordførar Jan Berset. Vi ber om at eitt signert eksemplar returnerast til Ulstein kommune. Ulstein kommune ser fram til samarbeidet med Nasjonalforeningen for folkehelsen. Vi vil kome tilbake på nyåret for å avtale eit møte for å avklare det vidare arbeidet i samarbeidet. Med helsing Rebekka Bjørndal Dokumentet er elektronisk godkjent og har ingen signatur. Postadresse: Informasjonen: 70 01 75 00 postmottak@ulstein.kommune.no Org. nr: NO 964 979 456 Postboks 143 Telefon (dir): 928 81 306 rebekka.bjorndal@ulstein.kommune.no Bankgiro: 3910.21.99816 6067 Ulsteinvik www.ulstein.kommune.no
Side 2 av 6 ULSTEIN KOMMUNE SAKSFRAMLEGG Sakshandsamar: Rebekka Bjørndal Arkivsak: 2014/907 Løpenr.: 10411/2014 Utvalsaksnr. Utval Møtedato 14/83 Levekårsutvalet 02.12.2014 14/110 Ulstein kommunestyre 11.12.2014 Saka gjeld: SAMARBEIDSAVTALE - DEMENSVENLEG SAMFUNN Vedtak i Ulstein kommunestyre, 11.12.2014: Handsaming: Tilrådinga frå levekårsutvalet vart vedteken med 25 mot 0 røyster. Tilråding frå levekårsutvalet, 02.12.2014:
Side 3 av 6 Handsaming: Tilrådinga frå rådmannen vart vedteken med 9 mot 0 røyster. Tilråding frå Rådmannen:
Side 4 av 6 Saksfakta: Bakgrunn Ulstein kommunestyre fekk i møte 3.okt orientering frå Ytre Søre Sunnmøre Demensforeining om kva kommunen kan gjere for å betre tilbodet for folk med demenssjukdomar. I møtet vart Ulstein kommune oppmoda til å inngå ein samarbeidsavtale med Nasjonalforeningen for folkehelsen for å strukturere arbeidet for eit meir demensvenleg samfunn. Kva er Nasjonalforeningen for folkehelsen? Nasjonalforeningen for folkehelsen er ein frivillig, humanitær organisasjon med helselag og demensforeiningar over heile landet. Målet til foreininga er å kjempe mot hjarte- og karsjukdomar og demens. Det gjer foreininga gjennom forsking, informasjon, førebyggjande tiltak og helsepolitisk arbeid. Over 70 000 menneske i Noreg er ramma av demens og det finst per i dag ingen kur. Sjukdomane er ei mental svikt som skuldast skade eller sjukdom i hjernen. Menneske som har demens vil etter kvart miste evna til å ta vare på seg sjølv. Nasjonalforeningen for folkehelsen samla inn midlar for å bidra til forsking på demens. Foreininga arbeidar helsepolitisk for å betre situasjonen for personer med demens og deira pårørande. Nasjonalforeningen sine helselag og demensforeiningar arrangerer samtalegrupper, pårørandeskular, driv helsepolitisk arbeid samt mange små og store trivselstiltak. Målet med arbeidet er å gjere kvardagen betre for den enkelte og vere pådrivar for betre pleie og omsorgstilbod. Kva inneber eit meir demensvenleg samfunn? Menneske med demens treng ikkje berre omsorgstenester og pleie. Dei treng også å få hjelp til å leve sjølvstendig, vere trygge når dei er ute og gjer ærend eller går tur, og få ei hjelpande hand når det er vanskeleg å orientere seg. Målet med Nasjonalforeningen for folkehelsen si kampanje for eit meir demensvenleg samfunn, er at menneske med demens skal møte forståing, respekt og støtte frå dei gruppene i befolkninga som dei trenger hjelp frå. Nasjonalforeningen for folkehelsen ynskjer at personell i offentlig og privat servicenæring skal få opplæring i korleis dei best mogeleg kan møte menneske med demens, som for eksempel: bibliotekarar, butikkmedarbeidarar, kioskmedarbeidarar, servitørar, bussjåførar og medarbeidarar på kommunen sitt servicetorg. Eit meir demensvennlig samfunn inneber at det leggjast til rette for at den som har demens kan oppleve å bli inkludert og møtt med støtte og forståing i sitt nærmiljø.
Side 5 av 6 Nasjonalforeningen for folkehelsen er oppteken av at menneske med demens kan få ein enklare og meir aktiv kvardag dersom alle er litt meir merksame, har litt meir kunnskap og kan bidra litt oftare med ei hjelpande hand. Det er viktig for både livskvalitet og helse. Kva inneber samarbeidsavtalen for Ulstein kommune? Kommunen pliktar seg til føremålet med avtalen, som mellom anna er å arbeide for å verte meir demensvenleg og slik bidra til at menneske med demens opplev å vere inkludert og involvert i lokalmiljøet. Kommunen pliktar seg også til å etablere ei arbeidsgruppe som får ansvaret for å utarbeide lokale planar for tiltak, med utgangspunkt i lokale behov og undervisningsmateriell som kommunen får frå Nasjonalforeningen for folkehelsen. I arbeidsgruppa skal kommunen inkludere personer med demens og deira pårørande. Arbeidsgruppa skal kartleggje nøkkelorganisasjonar og næringar i lokalsamfunnet som er av betyding for kvardagslivet til personar med demens. Kommunen og arbeidsgruppa skal gjere den lokale innsatsen kjent, mellom anna ved å halde Nasjonalforeningen for folkehelsen informert om arbeidet. Kommunen pliktar også å tilpasse nasjonale kampanjar til lokale forhold i den utstrekning det passar med lokale satsingsområder og planar. Kampanjen har ein eigen logo, som kan brukast på kommunen sine nettsider og i tilknyting til butikkar, servicetorg og andre som har gjennomført opplæring og deltek i kampanjen. Vedlegg: 1 Utkast til samarbeidsavtale eit meir demensvenleg samfunn Uprenta vedlegg: http://www.nasjonalforeningen.no/no/demens/demensvennlig_samfunn/ Vurderingar og konklusjon: Dei pliktene samarbeidsavtalen legg til kommunen vil krevje noko administrative ressursar. Samstundes synast samarbeidsavtalen å leggje opp til at arbeidet skal tilpassast behovet og ressursane i kommunen. Kommunen må etablere ei arbeidsgruppe som får ansvaret for å utarbeide lokale planar for tiltak. Det følgjer av samarbeidsavtalen at i denne arbeidsgruppa skal kommunen inkludere personar med demens og deira pårørande. Nasjonalforeningen for folkehelse foreslår elles at arbeidsgruppa kan setjast saman av representantar frå for eksempel handelsstanden, kommunen sitt servicetorg, og ein fagperson frå helse- og omsorgstenestene. Ulstein
Side 6 av 6 kommune vil utfordre handelsstanden, ved Butikkgruppa i Ulsteinvik, til å ta del i arbeidet om eit meir demensvenleg samfunn. Nasjonalforeningen for folkehelse tilrår at arbeidsgruppa mellom anna ser på behovet for opplæring for tilsette i butikkar og ved servicetorget til kommunen. Det kan gjerast ved for eksempel å leggje til rette for at dei tilsette får høve til å delta på ein time opplæring, med grunnlag i undervisningsmateriell frå Nasjonalforeningen for folkehelse. Ulstein kommune vil gjerne vere med på å arbeide for eit meir demensvenleg lokalsamfunn. Arbeidet med å auke fokuset på eit demensvenleg samfunn treng ikkje nødvendigvis å vere kostnadskrevjande, og kan truleg utførast med enkle grep. Samstundes vil arbeidet kunne kome heile kommunen til gode. 10.11.2014 Einar Vik Arset rådmann Rebekka Bjørndal rådgjevar Dokumentet er elektronisk godkjent og har ingen signatur.