HARAM KOMMUNE Sakspapir Utval Møtedato Saksnr Saksbeh. Formannskapet 20.08.2013 057/13 Kåre Beite Kommunestyret 19.09.2013 059/13 Kåre Beite Avgjerd av: Kommunestyret Arkiv: L81 Arkivsaknr 13/525 Hellandshaugane byggefelt - utbygging Framlegg frå Rådmannen: Formannskapet rår kommunestyret til å gjere følgjande vedtak: 1. Kommunestyret vedtek å finansiere og gjennomføre utbygging av byggefeltet Hellandshaugane, jf vedtak i K-sak 57/09 og avtale med Hellandshaugane Invest AS. 2. Økonomisk ramme for prosjektet vert sett til 7 mill kr, som vert finansiert med låneopptak. 3. Arbeid med prosjektering og innhenting av anbod kan settast i gang når avtalen med Hellandshaugane Invest AS om refusjon av utgifter er godkjent. Behandling i Formannskapet den 20.08.2013: Avtaleutkast av 16.08.13 med Hellandshaugane Invest AS vart utdelt i møtet. Ordførar Bjørn Sandnes,H kom med framlegg om eit nytt pkt. 4 slik: Kommunestyret viser til pkt 1 i avtalen om at det skal vere dokumentert at det er inngått bindande avtale for sal av 40% av tomtene før utbygging vert sett i gong Ved røysting vart rådmannen sitt framlegg med tilleggsframlegget frå B. Sandnes om eit nytt pkt. 4 samrøystes tilrådd. FS-057/13 Tilråding: 1. Kommunestyret vedtek å finansiere og gjennomføre utbygging av byggefeltet Hellandshaugane, jf vedtak i K-sak 57/09 og avtale med Hellandshaugane Invest AS. 2. Økonomisk ramme for prosjektet vert sett til 7 mill kr, som vert finansiert med låneopptak. 3. Arbeid med prosjektering og innhenting av anbod kan settast i gang når avtalen med Hellandshaugane Invest AS om refusjon av utgifter er godkjent.
4. Kommunestyret viser til pkt 1 i avtalen om at det skal vere dokumentert at det er inngått bindande avtale for sal av 40% av tomtene før utbygging vert sett i gong Vedlegg: Firmaattest - Hellandshaugane Invest AS Oppstart av byggefelt på Hellandhaugane Avtale Avtale - kopi vert lagt fram for formannskapet i møte Saksutgreiing: Kommunestyret behandla i sak 57/09 tiltak på Helland etter at skulen vart nedlagt i 2008. Hovudsakleg omfatta dette bruk av skulen til grendehus, og utbygging av byggefeltet Hellandshaugane. Når det gjeld byggefeltet står her følgjande i andre og tredje punkt: 2. Haram kommune inngår avtale med eigarane av Hauane byggefelt på Helland om finansiering av utbygginga mot refusjon etter kvart som tomter vert selt. Jf avtaleutkastet. 3. Kommunestyret vedtek også å forskottere salsprospekt og marknadsføring med inn til 100.000 kr, finansiert med auka låneopptak for byggefelt. Før oppstart av prosjektering og utbygging av byggefeltet, skal det leggast fram eiga sak for kommunestyret om godkjenning av kostnadsramme og finansiering. 4. Rådmannen får fullmakt til å godkjenne avtalane. Regulering / grunnlag for utbygging: Byggefeltet er regulert, og revidert plan vart godkjent av kommunestyret i sak 29/12. Eigarane av området har oppretta selskapet Hellandshaugane Invest AS, og avtaleutkastet som låg ved K-sak 57/09 er gjennomgått og tilpassa. Vidare er det godkjent av eigarane, og klart til signering frå Haram kommune. I byggefeltet er her 21 tomter for frittliggande einebustadar, og 5 område for konsentrert utbygging med plass til 16 leilegheiter i fleirleilegheitshus. I følgje pkt 1 i avtalen skal 40% av tomtene vere sikra selt før utbygging, og utbygginga vert delt i to fasar for å tilpasse interesse og avgrense økonomisk risiko. I samråd med selskapet er det 1. byggetrinn som no vert gjort klar for utbygging med til saman 17 tomter / refusjonseiningar. I brev 09.04.13 frå selskapet vert 7 tomter bekreft selt; til saman vel 40%. Etter avtalen er dette tilfredsstillande grunnlag for at kommunen kan sette i gang arbeid med å vedta finansiering og bygge ut vegar og tekniske anlegg. Avtale / refusjon: Avtaleutkastet som låg til grunn for vedtaket i K-sak 57/09 er oppdatert og tilpassa utviklinga fram til no. Hovudsakleg gjeld dette at eigarane som avtalepart har
organisert seg i selskapet Hellandshaugane Invest AS, sjå vedlagte firmaattest. Vidare har eigarane dekt kostnadane med sal og marknadsføring, og kommunen har i staden forskottert kostnadar med regulering og arkeologiske utgravingar. Avtalen omfattar betaling av refusjon av kommunens kostnadar for utbygging av feltet etter kvart som tomter vert selt. Som sikkerheit har kommunen 1. prioritets pant i heile arealet for 1. byggetrinn, der pant vert fråfalle etter kvart som tomter vert frådelt og refusjon betalt. For tomter som evt ikkje er selt innan 8 år, kan kommunen krevje refusjon frå selskapet. Utbygging: Hellandshaugane Invest varslar i brev 09.04.13 at 7 tomter / refusjonseiningar (40%) i 1. byggetrinn er selt, og selskapet ber samstundes om at kommunen set i gang utbygging av infrastruktur med vegar og tekniske anlegg, jf avtalen pkt 1 og vedtak i K-sak 57/09 pkt 3, siste setning. ETD utarbeidde hausten 2012 kostnadsoverslag for utbygging av 1. byggetrinn på vel 6 mill kr. I tillegg kjem mva for materiell, og for eit samla refusjonsgrunnlag må her også leggast til kostnaden på 100.000 kr som er forskottert for regulering, arkeologiske utgravingar, m.m, og for utgifter til oppmåling og frådeling. Ut frå dette vil behovet for finansiering / låneopptak vere omlag 7 mill kr. Kostnaden for utbygging er lagt inn i økonomiplanen i 2013-14, der 4 mill kr er løyvd i årets budsjett. Først når vedtak om finansiering og gjennomføring er gjort av kommunestyret, kan vidare arbeid med prosjektering og innhenting av anbod settast i gang. For samla tid med prosjektering, anbod og utbygging kan det reknast 10 12 mnd. For evt utbygging av 2. byggetrinn kan det inngåast eigen avtale når 1. byggetrinn er utbygd og kostnadane dekt. Vurdering: Grunnlaget for kommunen sin medverknad for utbygging av byggefeltet Hellandshaugane, er den spesielle situasjonen kring nedlegging av Helland skule, der interesser i bygda medverka til skulenedlegging mot etablering av byggefeltet og omgjering av skulen til grendehus. Det er dette som vert følgt opp i denne saka og tidlegare K-sak 13/13 om skulen. Byggefeltet på Hellandshaugane har mange gode kvalitetar. I kommunedelplanen er Helland nemnt som eit resursområde for kommunesenteret innan m.a. bustad, natur og friluftsliv. Med avstand på berre ca 10 km ligg her derfor til rette for eit verdifullt tillegg til bustadområda i Brattvåg; med valfridom mellom sentrumsnært og det gode liv på landet. I dei seinare åra har kommunen gått vekk frå å stå for utbygging av bustadområde i eigen regi, og i staden legge til rette for private utbyggarar. Med bakgrunn i situasjonen som er nemnt, bør dette derfor vere eit unntak. Økonomisk vil kommunen imidlertid få dekt kostnadane når tomtene vert selt, og selskapet Hellandshaugane Invest har teke på seg sal av alle tomtene i løpet av 8 år.
Ramme for finansiering vil etter overslag som er gjort vere om lag 7 mill kr. Ut frå vurderingane som er lagt til grunn, vert det tilrådd å vedta finansiering av utbygging av Hellandshaugane mot avtale om refusjon av kostnadar. Rådmann Kåre Beite Rådgjevar