Austevoll kommune Haugland gards- og friluftsbarnehage 5392 STOREBØ Vår ref. Arkivkode Dykkar ref. Dato 16/307-2016004803/13 16/307 27.04.2016 Rapport etter tilsyn etter barnehagelova i Haugland gards- og friluftsbarnehage vår 2016 Innleiing Austevoll kommune, har i perioden 09.02.2016 til dags dato, gjennomført tilsyn med Haugland gards- og friluftsbarnehage. Kontaktperson i barnehagen: Eva Kristin Haugland, styrar. Det vart gjennomført tilsyn i Haugland gards- og friluftsbarnehage tysdag 5. april 2016. I denne tilsynsrapporten er det fastsett frist for retting av lovbrot som er avdekte under tilsynet. Frist er 20.06.2016. Dersom lovbrota ikkje er retta innan fristen, kan kommunen vurdera å gje pålegg om retting med heimel i barnehagelova 16. Om tilsynet med Haugland gards- og friluftsbarnehage Austevoll kommune, som barnehagemynde, fører tilsyn med Haugland gards- og friluftsbarnehage, jf. Barnehagelova 16. Kommunen sitt tilsyn med barnehageeigar, er tilsyn med det lovpålagte. Barnehagelova 8 gir kommunen ansvar for å sjå til at barnehagelova blir etterlevd i barnehagane. Barnehagemynde har i 8 fått tre sentrale verkemiddel som kan bidra til at barnehagane etterlever lova: godkjenning, rettleiing og tilsyn. Barnehagelova 7, barnehageigaren sitt ansvar, er ein naturleg del av alle tilsyn med private barnehagar. Regelverk som det blir ført tilsyn med: Barnehagelova - Lov om barnehager Rammeplan for innhaldet i og oppgåver i barnehagen Kompetanse for framtidens barnehage Strategi for kompetanse og rekruttering 2014-2020. (Kunnskapsdepartementet 2013) Tema og føremålet med tilsynet: Barnehagen sitt innhald Strategi for kompetanse og rekruttering 2014-2020. Kompetanse for framtidens barnehage Postadresse Telefon Telefaks Bankgiro E post: postmottak@austevoll.kommune.no 5392 Storebø 55 08 10 00 55 08 10 01 6518.05.00949 Foretaksreg. NO 941 139 787 MVA
Austevoll kommune Side 2 av 6 Dispensasjon frå utdanningskravet for styrar og pedagogisk leiar (Lov om barnehager 17 og 18) Politiattest Teieplikt Opplysningsplikt til barneverntenesta Helsekontroll av barn og personale (Lov om barnehagar 23) rutinar og kjennskap til lova. Tilsynet rettar merksemda mot barnehagen si oppfylling av krav innanfor dei oppgitte emne, og rapporten viser eventuelle avvik som vart avdekte under tilsynet. Rapporten gir såleis inga fullstendig tilstandsvurdering av barnehagen. Om gjennomføringa av tilsynet Tilsyn med Haugland gards- og friluftsbarnehage vart opna gjennom e-post datert 09.02.2016 og varselsbrev datert 07.03.2016. Barnehagen er pålagt å legge fram dokumentasjon for kommunen med heimel i barnehagelova 8. Tilsynet vart gjennomført ved gransking av framlagte dokument og ved intervju av personar på ulike nivå i barnehagen. Følgjande dokument inngår i dokumentasjonsgrunnlaget for tilsynet: Vedlegg nr 1: Gjeldande vedtekter Vedlegg nr 2: Barnehagen si årsmelding Vedlegg nr 3: Årsplan og halvårsplanar med temaplan eller liknande Vedlegg nr 4: 2 siste referat frå samarbeidsutvalet Vedlegg nr 5: 2 siste referat frå foreldrerådet Vedlegg nr 6: Diverse rutinar i barnehagen Vedlegg nr 7: Oversikt over tilsette i barnehagen Vedlegg nr 8: Oversikt over alle barn i barnehagen Vedlegg nr 9: Rutinar for å sikre levering av politiattest Vedlegg nr 10: Rutinar for å sikre levering av teieplikterklæring Vedlegg nr 11: Rutinar for vidareformidling av opplysningar til andre instansar. Vedlegg nr 12: Rutinar for samarbeid med barneverntenesta Vedlegg nr 13: Helseskjema- opplysningar om barn. Rutinar Vedlegg nr 14: Rutinar ved alvorlege ulykker Vedlegg nr 15: Rutinar for helsesjekk av personale Vedlegg nr 16: Eigenvurderingsskjema Vedlegg nr 17: Samla dokumentoversyn Tilsynsteam: Irene Ullensvang, Barnehagefagleg rådgjevar og barnehagemynde, Os kommune, representant frå Midthordland kompetanseregion Brit Trellevik, Rådgjevar Oppvekst, Austevoll kommune. Wenche Gloppen, Rådgjevar administrasjon/barnehage, Austevoll kommune
Austevoll kommune Side 3 av 6 Oversyn over personar i barnehagen som var direkte involvert i tilsynet: Namn Funksjon Opningsmøte Intervju Sluttmøte Eva Kristin Haugland Styrar x x x Cathrine Sjursen Ped. Leiar (permisjon) Else Karin Grindheim Assistent x x x x x Sluttmøte vart gjennomført tilsynsdagen. Generelt om barnehagen Barnehagen er helseverngodkjent for 45 barn mellom 0 og 6 år, 20 av barna kan vera under 3 år. Barnehagen har i dag 27 barn, 7 tel som små barn og 20 barn tel som store når det gjeld pedagogdekking. Barnehagen er delt inn i skulegruppa, smørblomar, kvitveiser og tussihattane. Det er 50 % styrarressurs i barnehagen kombinert med 50 % pedagogstilling. Det er 150 % stilling som pedagog med dispensasjon frå utdanningskravet. 100 % pedagog, som er i permisjon, kjem tilbake 2. mai 2016. Den eine pedagogstillinga på dispensasjon vil då gå inn i fagarbeidarstilling. I tillegg er det tre heile assistentstillingar og 100 % stilling som barne- og ungdomsarbeidar. Ein fagarbeidar sluttar 29. april. Barnehagen ligg fint til, har stort uteområde med dyr. Det er ikkje leikeapparat i barnehagen. Områda inne er store og lyse, det er ryddig og oversiktleg og lett å orientera seg. Personalet rullerer mellom dei ulike gruppene. Rettslege krav Etter barnehagelova 16 fører kommunen tilsyn med alle barnehagane i kommunen. Kommunen kan gje pålegg om retting av uforsvarlege eller ulovlege tilhøve ved godkjente eller godkjenningspliktige verksemder, og vedta tidsavgrensa eller varig stenging. Kommunen bestemmer sjølv korleis og kor ofte tilsyn skal gjennomførast. Kommunen sitt stengingsvedtak skal sendast fylkesmannen til orientering.vi viser elles til Kunnskapsdepartementet sin rettleiar om tilsyn i barnehagar. Når kommunen driv rettleiing og tilsyn med barnehagane, er dette utøving av offentleg mynde. Det følgjer av barnehagelova 8 at kommunen, som barnehagemynde, skal rettleie og sjå til at barnehagane driv i samsvar med gjeldande regelverk. Kommunen sin kunnskap om barnehagane dannar grunnlag for å vurdera trong for å bruke verkemidla rettleiing og tilsyn. Kommunen sine undersøkingar og vurderingar Barnehagen sitt innhald (Lov om barnehagar 2) Austevoll kommune vurderer at Haugland gards- og friluftsbarnehage driv ei pedagogisk verksemd. Barnehagen gir moglegheiter for leik og meiningsfylte aktivitetar i det fysiske miljøet både ute og inne. Barnehagen sin praksis tek omsyn til alder og funksjonsnivå i barnegruppa, og personalet hadde god kjennskap til alle barn i barnehagen. Barnehagen arbeider helsefremjande og er med i «Ren hånd» prosjektet.
Austevoll kommune Side 4 av 6 Årsplan og annan skriftleg dokumentasjon viser at barnehagen sin årsplan må utviklast. Barnehagen sin årsplan har overordna mål og har nokre lokale mål. Årsplanen fortel lite om på kva måte barnehagen vil sikra at alle krav i barnehagelova 2, Barnehagens innhald, er ein del av kvardagen i barnehagen. Årsplanen til barnehagen må bli tydelegare på innhald og arbeidsformer. Barnehagen sin pedagogiske plattform kan gjerne gjerast tydelegare. Samarbeidsutvalet skal fastsetja ein årsplan med utgangspunkt i rammeplanen, og eigaren sine eigne retningsliner for lokal tilpassing. I utarbeiding av årsplan skal personale, barn og føresette medverka. Det er personalet si oppgåve å sikra at årsplanen held faglege mål. Strategi for kompetanse og rekruttering 2014-2020 «Kompetanse for framtidens barnehage» Barnehagen hadde ikkje kjennskap til denne. Dispensasjon frå utdanningskravet for styrar og pedagogisk leiar (Lov om barnehager 17 og 18) Barnehagen har kjennskap til lov og forskrift. Barnehagen har eit utviklingspotensiale når det gjeld å følgje opp rutiner ved utlysning og oppfølgjing av vedtak. Politiattest (Lov om barnehagar 19) Barnehagen kjenner til lovverket og endring i lov per 1. des 2015. Teieplikt (Lov om barnehagar 20) Barnehagen er kjent med lovverk og har rutinar som er kjent for alle. Opplysningsplikt til barneverntenesta (Lov om barnehagar 22) Barnehagen er kjent med lovverk og har rutinar som er kjent for alle. Helsekontroll av barn og personale (Lov om barnehagar 23) Barnehagen er kjent med lovverk og har rutinar som er kjent for alle. Anna som kom fram under tilsynet: Under tilsynet kom det fram at vedtektene i barnehagen ikkje er i tråd med krav i 7 i barnehagelova. Barnehageeigar har eit ansvar for å fastsetje barnehagen sine vedtekter. Det kom fram at dei ikkje er oppdaterte. Alle barnehagar skal ha vedtekter, og endringar må føretakast gjennom formelle vedtaksendringar, dvs eit vedtak av eit styre eller foreldreråd. Vedtektene skal vera tilgjengelege for tilsette, føresette og tilsynsmynde. Kommunen sin konklusjon (barnehagen sin praksis sett opp mot lovkrav, tema for tilsynet) 1. Barnehagen sitt innhald (Lov om barnehagar 2) Barnehageeigar har plikt til å ta stilling til det som er nødvendig for å sikra eit barnehagetilbod i samsvar med barnehagelova og forskrift om rammeplan for barnehagens innhald og oppgåver.
Austevoll kommune Side 5 av 6 Barnehageloven 2, 9. ledd slår fast at samarbeidsutvalet skal vedta (fastsette) barnehagen sin årsplan og at denne skal fastsetjast med utgangspunkt i rammeplanen. Samarbeidsutvalet er omtalt nærmare under merknadene til 4. Det er personalet si oppgåve å sikra at årsplanen held fagleg mål, og foreldra er sikra medverknad gjennom samarbeidsutvalet. For brukarar av barnehagen kan det vera nyttig at dato for vedtak i samarbeidsutvalet er synleg i årsplanen. Barnehagen sin årsplan er ikkje vedteke i samarbeidsutvalet. 2. Strategi for kompetanse og rekruttering 2014-2020 «Kompetanse for framtidens barnehage» Tilsynsteamet viser til tiltaka i strategien Kompetanse for framtidens barnehage: Hovudtiltaket er eit nytt system for kompetanseutvikling. Systemet synleggjer karrierevegar og utviklingsmoglegheiter for alle grupper tilsette i barnehagen. Det omfattar både individuelle og kollektive tiltak. Vidareføring av allereie eksisterande kompetanse- og rekrutteringstiltak som det er gode erfaringar med og som det er stor etterspurnad etter. I tillegg vert det etablert nye tiltak som skal bidra til at fleire ufaglærte får ein grunnleggande kompetanse for arbeid i barnehage og blir stimulerte til vidare utdanning. Tiltaka omfattar både kompetanseheving på arbeidsplassen, og etter- og vidareutdanningstilbod i form av kurs og lengre studier. Det følgjer av barnehagelova 1 og 2 at det enkelte barn skal ha eit individuelt tilrettelagt pedagogisk tilbud. Eigar har ansvar for at barnehagen innehar den kompetansen og dei ressursar som er nødvendige for å drive verksemda i samsvar med regelverket, og til å videreutvikla det pedagogiske arbeidet og sørge for at barnehagen sitt pedagogiske arbeid vert dokumentert og vurdert for å sikra at tilbodet er tilrettelagt for barnegruppen og det einskilde barn. Dette stiller høge krav til kompetansen til dei tilsette i barnehagen. 3. Dispensasjon frå utdanningskravet for styrar og pedagogisk leiar (Lov om barnehager 17 og 18) Tilsynsteamet vil likevel peika på at det er viktig at barnehagen så tidleg som mogleg startar prosess med å søkja etter fleire pedagogar og at det i annonsa står ein eksakt søknadsfrist. 4. Politiattest (Lov om barnehagar 19) 5. Teieplikt (Lov om barnehagar 20) 6. Opplysningsplikt til barneverntenesta (Lov om barnehagar 22)
Austevoll kommune Side 6 av 6 7. Helsekontroll av barn og personale (Lov om barnehagar 23) Frist for retting av lovbrot Kommunen har i punkt nr 1 konstantert praksis som som ikkje oppfyller lovkrava 2 Barnehagens innhald. Etter barnehagelova 16 skal barnehagen ha ein rimeleg frist til å rette tilhøva. Kommunen ber om at barnehagen innan 20. juni 2016 sender ei erklæring om at det ulovlege forholdet er retta, og ei utgreiing om korleis lovbrotet er retta. Dersom forholdet ikkje er retta innan den fastsette fristen, vil kommunen kunne vedta pålegg om retting., jf. Lov om barnehager, 16. Eit eventuelt pålegg om retting vil vera eit enkeltvedtak og kan klagast på etter reglane for dette i forvaltningslova, jf. Forvaltningslova kapittel VI. Vedlegg til tilsynsrapport: Evalueringsskjema som skal fyllast ut av dei i barnehagen som har vore involvert på tilsynsdagen når tilsynet er ferdig. Frist for innlevering av evalueringsskjema er innan to veker etter at tilsynsrapport er motteke. Oppvekst Liv Margareth Østervold Kommunalsjef Wenche Gloppen Rådgjevar administrasjon/barnehage Dette dokumentet er elektronisk godkjent og treng difor ikkje underskrift. Mottakere: Haugland gards- og friluftsbarnehage 5392 STOREBØ Vedlegg: Austevoll kommune - barnehagar evaluering etter tilsynet