INFORMASJONSHEFTE OM Flatdal barnehage Seljord kommune Adresse: Flatdalsvegen 1139, 3841 Flatdal Telefon: 350 51365 E-post: heddeli.barnehage@seljord.kommune.no Styrar: Kristin Gaarder Opningstid: Måndag til fredag kl.07.30 16.30 Stengt i veke 29 og 30 og f.o.m. jolaften t.o.m. 1.nyttårsdag. Barnehagen er og stengd 5 dagar som personalet har planlegging. Seljord kommune si heimeside: www.seljord.kommune.no Juni 2016 1
Organisering Flatdal barnehage er organisert saman med Heddeli barnehage. Barnehagen er likevel ei sjølvstendig eining og har difor sin eigen årsplan og eige samarbeidsutval. Barnehagen har 24 plassar. Barnegruppa er saman morgon og ettermiddag, men blir delt i grupper etter alder mellom om lag kl. 10.00 og 12.30. Informasjonsrutinar Alt innhald i barnehagen er bygd på Lov om barnehagar, nasjonal og lokal rammeplan. Informasjon og planar for kortare periodar heng på oppslagstavla ved inngangsdøra. Planane får foreldra også med seg heim eller på e-post. På oppslagstavla heng praktisk informasjon, beskjedar til heimane og lister som fortel kva for barn og vaksne som er i barnehagen til ei kvar tid. Årsplanen, som er barnehagen sitt program for barnehageåret, kjem i august/september. 07.30 Barnehagen opnar. Leik inne og ute. 08.00 09.00 Frukost 10.00 13.00 Arbeid i grupper. Samlingsstund, leikegrupper, spelegrupper, formingsgrupper, bibliotek, matlaging, gymsal, gapahuk, turar, måltid, kvilestund, garderobe. 11.15 Formiddagsmat 13.00 16.30 Leik ute og inne. Bibliotek onsdagar. 14.15-14.45 Brød, frukt, grønsaker. 16.30 Barnehagen stenger. Alle klokkeslett gjennom dagen er omtrentlege. Dei minste barna et og søv etter avtale med foreldra. Dagens hjelpar går gjennom dagtavla. Dagtavla er ei tavle der bilete av gjeremål gjennom dagen er satt opp kronologisk. Starten på dagen Barna kryssast inn av foreldra( p.g.a. brannforskrifter) og vaskar hender (reduserer smitte) Barn og foreldre går inn i leikerommet og helsar god morgon. Leiken ute og inne. I leikeperiodar deler vi barna i grupper slik at nokre leikar ute og nokre leikar inne i forskjellege delar av barnehagen. I leiken lærer barna seg å samarbeide og å utvikle språket. Leiken skal variere i tema. Dei ulike tema skal vere i utvikling. 2
Måltid. Samling. Speling. Lesing. Forming. Gymsal. Matgruppe. Kvilestund Garderobe Turar Måltida blir laga med sunn og næringsrik mat; brød, pålegg, mjølk, frukt og grønsaker. Barna er med på å lage eit varmt måltid to gongar i månaden. Under hovudmåltidet kl.11.15 skal barna lære generell bordskikk, som å sende mat, vente på tur, ete fint og takke for maten. Barna skal og lære ferdigheiter som å smøre, skjære ost og å helle mjølk. I samband med måltida skal barna også oppleve ulike smakar, lære om hygiene og søppelsortering. Måltidet startar med bordvers. I samlinga skal barna øve opp konsentrasjon og stimulere språket. Dei skal bli kjende med song, musikk og litteratur. Faste innslag i samlinga er opningssong, dagens hjelpar gjennomgår dagtavla, forteljing eller bok, månadens dikt og song. Nokre barn og ein vaksen spelar spel. Barna skal erfare å vente på tur og å samarbeide. Speling hjelper til å utvikle språk, omgrep og matematikkforståing. Barna skal bli glad i bøker og vite korleis ein handsamar bøker. Å lese bøker styrker språkutviklinga. Barna skal bli lese for kvar dag. Vi brukar biblioteket i opningstida. Barna skal erfare ulike materiale og teknikkar. Barna skal utvikle fantasi og kreativitet. Barna skal utvikle koordinering av kroppsdelar og fin- og grovmotorikk. Dei skal lære regelleikar, samarbeid og å vente på tur. Barna skal erfare korleis ein førebur måltid, slik som middagsrettar, kor forskjelleg mat kjem frå, kva for mat kroppen har behov for, og mathygiene. I matgruppene gjer vi erfaringar med måling, veging, tal og omgrep. Barna skal få høve til å slappe av og t.d. høyre lydbok. Dei som treng det søv. Barna søv i eigne vogner. Barna skal lære å kle på seg sjølve og gjere erfaringar om kva slag klede dom er passeleg til ulikt ver og årstider. Barna skal bli kjende i bygda. 3
Gapahuk Uteliv Slutt på dagen Barna skal bli kjende og glade i naturen. Dei skal erfare naturen gjennom årstidene. Barna skal få kjennskap til tre, blomar og dyreliv i området. Vi har fokus på miljøvern. Barna skal erfare koreleis det er å vere ute og på tur i all slags ver. Vi er mykje ute. Barna må difor ha godt med klede til forskjellig ver og skift i barnehagen. Fint om kleda er merka. Ei dagbok ligg på kommoden i gangen. Der står det litt om korleis dagen har vore. Ta gjerne kontakt med personalet om du vil høyre meir. Takk for i dag og foreldra kryssar barnet ut. (p.g.a. brannforskrifter) Innhald i barnehagen Personalet ynskjer å skape ein barnehagedag fylt med leik, læring, humor, glede og tryggleik Personalet legg vekt på å ha ein hyggeleg barnehagedag med minst mogeleg avbrot i leiken til barna. Barna vil bli organisert i små grupper fordelt på fleire rom og i uterommet. Det vil minske støy og styrke læringsmiljøet. Gjennom barnehagedagen skal barna få hjelp til å utvikle sosial handlingsdugleik, språk, kommunikasjonsevne og venskap. Slike ferdigheiter vil vere med på å jamne ut sosiale forskjellar, førebygge diskriminering og likestille gut og jente. Høgtider og merkedagar Fødselsdagar blir markert med fødselsdagssong, vi sender opp "rakettar", flagg og har bilde av fødselsdagsbarnet i gangen. Fødselsdagsinvitasjonar skal ikkje leverast ut i barnehagen. Dyrsku'n. Tema knytta til Dyrsku'n. FN-dagen og verdensbarnedagen blir markert ved å bli betre kjend med tradisjonar frå andre kulturar som er representert i barnehagen. Jol og advent blir markert med tradisjonell bakst, jolepynt, songar og fortelingjar. Samefolkets dag 6. februar blir markert med samefolkets flagg og tradisjonar. Fastelavn blir markert med bollebakst og karneval. Påske blir markert med egna litteratur, songar, formingsaktivitetar og sett i samanheng med våren. 17.mai blir markert med forteljingar om 17.mai. Barna blir kjend med nasjonalsongen, og andre 17.mai songar. Barna lærer om flagget og om kvifor vi feirar 17.mai. 4
Barns rett til medverknad Barn har rett til å medverke i korleis barnehagedagen skal vere. Rammeplan for barnehagar krev at barna skal vere med å bestemme i sitt eige barnehageliv. Personalet forstår omgrepet slik at kvart barn har rett til å bli sett, høyrd, respektert, og til å deltake og prøve seg fram. Vi jobbar difor systematisk med den vaksne si rolle i møte med det enkelte barn og barnegruppa. Barna er etter tur "dagens hjelpar". "Dagens hjelpar" hjelper til i samling og fruktmåltid. Fødselsdagsbarn er "dagens hjelpar". Praktisk arbeid blir, når det er mogeleg, gjort saman med barna. Sjuke barn. Folkehelseinstituttet har laga retningsliner for sjuke barn og barnehageopphald. Barnehagane i Seljord fylgjer desse. Informasjon om sjuke barn og barnehageopphald ligg på Seljord kommune si heimeside under barnehage og linken sjuke barn og barnehage. Dokumentasjon og vurdering. Barnehagen tek vare på noko av arbeida til barna fram til barna sluttar i barnehagen Alt blir samla i ei mappe som barna får med seg når dei sluttar. Det enkelte barn og barnegruppa sitt utbytte av barnehagedagen blir vurdert gjennom observasjon, i personalmøte, i foreldresamtaler og i samtaler med det enkelte barn. TRAS og MIO er enkle kartleggingsverktøy for språk, omgrep og sosiale ferdigheter. Vi nytter desse som eit hjelpemiddel til oppfølging av det enkelte barn. Kartleggingsskjema blir makulert når barnet sluttar i barnehagen. Nokre av arbeida til barna blir stilt ut eller hengt opp til utstilling. Kvar dag skriv personalet i ei dagbok korleis dagen har vore. Nokre dagar blir det lagt inn bilete på PC'en i gangen. I personalmøte, foreldremøter, samarbeidsutval, samtalar med foreldre og barn og på Planleggingsdagar blir barnehagen vurdera i forhold til lokale og sentrale målsettingar. Barns rett til medverknad i barnehagelivet sitt, korleis personalet møter det enkelte barn og barnegruppa, vaksenrolla, blir vurdert og reflektera omkring på personalmøte. Vi nyttar ulike metodar for vegleiing. 5
Kontakt heim barnehage. Personalet ynskjer eit godt samarbeid med heimen. Vi erfarer at det daglege møtet morgon og ettermiddag er den beste arena for kontakt. Dersom det er noko du ikkje er nøgd med eller noko du lurar på, vil vi gjerne ha tilbakemeldingar. Barnehagen skal tilpasse seg mange forskjellege heimar, ynskjer og behov. Difor er personalet avhengig av å høyre kva føresette meiner for å gjere ein best mogeleg jobb. I løpet av barnehageåret har vi nokre arrangement med føresette. Det er og to foreldresamtaler. Avtalar om å bli med kvarandre heim skal avtalast med føresette i forkant av barnehagedagen. Når andre enn foreldra hentar, skal barnehagen ha beskjed. Foreldreråd og samarbeidsutval Alle foreldra er medlem av foreldrerådet. Rådet skal vere eit forum der føresette kan møtast og drøfte ynskjer og behov, og kome med innspel til barnehagen. Leiar og nestleiar blir vald for kvart barnehageår. Samarbeidsutvalet består av leiar av foreldrerådet, ein personalrepresentant og ein representant for eigar (dvs. ein politikar). Styrar er sekretær. Samarbeidsutvalet skal drøfte barnehagens innhald og fremme kontakt mellom barnehagen og heimane. 6