Bustønad er ei statleg økonomisk stønadsordning som blir administrert av Husbanken og kommunane. Formålet med ordninga er å hjelpe husstandar med låg inntekt som slit med å betale buutgiftene sine, til å etablere seg og bli buande i ein trygg og god bustad. Du kan søkje om du har fylt 18 år, og er folkeregistrert på den bustaden du søkjer for. Studentar utan barn og personar som avtener førstegongs-/sivilteneste har ikkje rett til bustønad. Studentar utan barn kan likevel søkje dersom dei studerer som ledd i eit offentleg program for arbeidskvalifisering. Foreldre som bur saman med barn som studerer, mister ikkje retten til bustønad. Søknadsskjema og annan bustønadinformasjon får du ved bustønadkontoret (NAV-/Serviceeller sosialkontoret) i kommunen/bydelen. Skjema kan òg lastast ned frå www.husbanken.no. Skjemaet, saman med nødvendig dokumentasjon (husleige, bustadlån etc.), sender du innan fristen til bustønadkontoret i kommunen/bydelen. Utbetaling: Månadleg Søknadsfrist: Den 14. i kvar månad Vedtak og utbetaling: Ca. den 10. i månaden etter Som mormor vil eg bruke så mykje tid som mogleg saman med barnebarna mine. Når dei daglege sorgene blir mindre, får vi meir tid saman. Torunn, 62 år og minstepensjonist Det er husstands- og bustadsituasjonen på første dagen i månaden du skal opplyse om når du fyller ut søknaden, og som blir lagt til grunn når bustønaden blir utrekna. Det er viktig at søknaden er riktig og fullstendig utfylt før du leverer den til kommunen. Du kan sende skriftleg klage på vedtaket viss du meiner at det byggjer på feil opplysningar. Frist for innsending er tre veker etter mottatt vedtak eller utbetaling.
Reknestykket ser slik ut: Bustaden du søkjer bustønad for, må vere ein godkjend heilårsbustad. Det må som hovudregel vere ein sjølvstendig bustad med eigen inngang, bad/toalett, kjøkkenfunksjon og plass til kvile. Utrekning av bustønad Det er forholdet mellom husstanden sine inntekter og buutgifter som avgjer om det blir innvilga bustønad.du kan berekne bustønad på internettsidene til Husbanken, husbanken.no, under «Tjenester» i høgremenyen. Leigd bustad: månadleg husleige Bustader med felleskostnad (burettslag, bustadsameige, aksje- og obligasjonsleiligheiter): faktiske utgifter til renter, avdrag og gebyr på bustadlån felleskostnader Bustad uten felleskostnad (einebustad): årlege driftsutgifter med eit sjablongbeløp, for tida kr 1000 per månad faktiske utgifter til renter, avdrag og gebyr på bustadlån kommunale avgifter med eit sjablongbeløp fastsett av kommunen eigedomsskatt festeavgift Alders-, uføre- og etterlatnepensjonistar som ikkje får dekt utgifter til oppvarming gjennom husleige eller fellesutgifter, får dette dekt med eit fast beløp (sjablong). Øvre grenser for buutgiftene: Det er fastsett øvre grenser for kva buutgifter som kan leggast til grunn. Sjekk nærmare med din kommune, eller sjå husbanken.no. Eigendel: Eigendel er den delen av buutgiftene du sjølv må dekkje avhengig av den samla inntekta til husstanden. Sjekk nærmare med din kommune eller sjå husbanken.no. Godkjende buutgifter Eigenandel = Sum x 70 %* = bustønad * 80% for dei som bur i kommunale utleigebustader og bustader der kommunen har tildelingsrett Hovedregelen er at det er den samla inntekta til husstanden ifølgje siste tilgjengelege likning som blir lagt til grunn ved utrekninga av bustønad. Fram til juli 2010 vil dette for dei fleste vere likning for 2008. Frå likninga nyttar ein det høgaste beløpet av: personinntekt (brutto årsinntekt) alminneleg inntekt påplussa faktisk minstefrådrag Barn i husstanden kan ha ei inntekt på inntil kr 30 000 per år før inntekta blir tatt med i utrekninga av bustønad. Dersom du har utanlandsinntekt eller formue, pliktar du å gje opplysningar til kommunen om dette. Slike inntekter må dokumenterast. Leigeinntekter Du pliktar å gje opplysningar om skattefrie inntekter du har frå utleige i eigen bustad. Slike leigeinntekter skal reknast som inntekt ved utrekninga av bustønad, og må dokumenterast. Formue 16 % av husstanden si netto formue ifølgje likning blir lagt til inntekta. Bur du i leigd bustad, er det eit fribeløp på kr 250 000. For alle andre blir likningsverdi av eigen bustad inntil kr 500 000 halden utanfor ved utrekninga av formuetillegget.
Anne Olafsen, 29 år og småbarnsmor. Kvardagslykke: stundene med dottera mi blir så mykje betre når eg har litt tryggare økonomi Inntektsnedgang Viss du eller ein i husstanden din har hatt vesentleg inntektsnedgang sidan likningsåret, kan du søkje om å få lagt til grunn faktisk (månadens) inntekt. Inntektsoppgang Viss du eller ein i husstanden din har hatt ein viss inntektsoppgang sidan likningsåret grunna overgang til arbeid, trygd eller ved formue, kan det vere at du skal gje opplysningar til kommunen om dette. Ta kontakt med kommunen for meir informasjon. Øvre inntektsgrenser Det er fastsett øvre inntektsgrenser for husstanden, avhengig av bl.a. talet på husstandsmedlemmer. Dette betyr at same kor høge buutgifter husstanden din måtte ha, vil du ikkje få bustønad dersom inntekta er over øvre inntektsgrense. Rettleiande inntektsgrenser: 1 person: 179 000 kr 2 personar: 201 000 kr 4 personar: 246 000 kr Vi gjer merksam på at desse grensene berre er rettleiande, og at for visse større kommunar, og for unge uføre, kan det gjelde høgare grenser. Grensene vil òg kunne bli oppjustert frå juli 2010. Refusjon av bustønad til kommunen Dersom det er inngått avtale mellom søkjar og kommunen, kan utbetalinga av bustønad skje til kommunen.
For meir informasjon ta kontakt med bustønadkontoret i kommunen eller sjå www.husbanken.no Kontaktinformasjon kommunen: HB 9.E.1 Bustønad Utgitt av Husbanken, februar 2010 Opplag: 20 000 stk. Foto forside/innside: Pia Sønsterød/Lin Stensrud Design: Allegro Drammen Trykk: Bjerch Trykkeri