Sogn regionråd Postboks 153-6851 SOGNDAL Møteprotokoll Utval: SOGN REGIONRÅD Møtestad: Kyrkjestova, Vik Møtedato: 25.06.2012 Tid: 1105-1530 A. Desse møtte Faste medlemmar Noralv Distad, ordførar Aurland kommune (leiar) Terje Horvei, formannskapsmedlem Aurland kommune (sak 15) Harald Offerdal, ordførar Balestrand kommune Olav Lunden, ordførar Leikanger kommune Ivar Kvalen, ordførar Luster kommune Jan Geir Solheim, ordførar Lærdal kommune Jarle Aarvoll, ordførar Sogndal kommune Marta Finden Halset, ordførar Vik kommune Arild Ingar Lægreid, ordførar Årdal kommune Medlemmar Kjellaug Brekkhus, rådmann Balestrand kommune Odd Arve Rakstad, rådmann Leikanger kommune Jarle Skartun, rådmann, Luster kommune Oddbjørn Ese, rådmann Vik kommune Karina Nerland, dagleg leiar Eksterne gjestar Trond Ueland, seniorrådgjevar, Sogn og Fjordane fylkeskommune (observatør) Konstituert politimeister Ronny Iden, Sogn og Fjordane politidistrikt B. Innkalling godkjent utan merknader C. Sakliste godkjent D. Protokoll frå møtet 20.4.2012 godkjent utan merknader E. Ordførar Marta Finden Halset ønskte velkomen
Saksnr. Arkivsaksnr. Tittel 15/12 11/1042 Reiselivsorganisering i Sogn Sakliste 16/12 12/1264 Regionalt barnehage- og skulesamarbeid 17/12 12/1 Orienteringssaker 25.6.2012 18/12 12/2273 Regionalplan for Sogn regionråd 2013-2016 - Næringsanalyse
Sak 15/12 Reiselivsorganisering i Sogn Tilråding: Sogn regionråd arbeider vidare med etablering av eit regionalt reisemålsselskap og opprettar eit interimstyre med representantar frå kommunane og næringa med mandat slik det går fram av saksutgreiinga. Interimstyret blir samansett slik: Sogn og Fjordane fylkeskommune deltek som observatør i interimstyret. Sogn regionråd set av kr 150 000 av fondsmidlar reiseliv til det vidare arbeidet med etablering av selskapet. Arbeidet vil søkjast finansiert av eksterne løyvingar. Handsaming Noralv Distad gjekk frå som ugild. Som vararepresentant møtte Terje Horvei. Møteleiar i saka var nestleiar Jarle Aarvoll. Harald Offerdal reiste spørsmålet om han som styremedlem i Balestrand Reiseliv AS er ugild i handsaming av saka. Rådet fann at han ikkje var ugild. Uttale frå Reisemål Sogndal og Luster av 20. juni frå medlemsmøtet den 10. mai vart referert i møtet. Forslag til interimstyre frå nestleiar Jarle Aarvoll og frå reiselivsgruppa Harald Offerdal og Jan Geir Solheim vart utdelt i møtet og forslaget er: Trine Lerum Hjellhaug Sigurd Kvikne Olav Lühr Helene Maristuen Harald Offerdal Jan Geir Solheim Terje Stalheim Det kom framlegg om at Olav Lühr vert vald som leiar av interimstyret. Vedtak: Sogn regionråd arbeider vidare med etablering av eit regionalt reisemålsselskap og opprettar eit interimstyre med representantar frå kommunane og næringa med mandat slik det går fram av saksutgreiinga. Interimstyret blir samansett slik: Trine Lerum Hjellhaug Sigurd Kvikne Olav Lühr Helene Maristuen Harald Offerdal Jan Geir Solheim Terje Stalheim
Olav Lühr vert leiar av interimstyret. Sogn og Fjordane fylkeskommune deltek som observatør i interimstyret. Sogn regionråd set av kr 150 000 av fondsmidlar reiseliv til det vidare arbeidet med etablering av selskapet. Arbeidet vil søkjast finansiert av eksterne løyvingar. Sak 16/12 Regionalt barnehage- og skulesamarbeid Tilråding: Sogn regionråd vedtek å vidareføra Sats på skulen snu Sogn ved å etablera eit varig regionalt barnehage- og skulesamarbeid frå 1.1.2013. Programstyret blir utvida med representant frå Statped Vest. Utviklingsprogrammet skal leggjast fram for regionrådet i løpet av hausten. Sogn regionråd opprettar ei 100% stilling for programleiar frå 1.1.2013 finansiert med midlar frå samarbeidskommunane. Det vil bli søkt om eksterne midlar. Handsaming Det vart sett fram følgjande framlegg til endring av første punkt: Sogn regionråd vedtek å vidareføre det regionale barnehage- og skulesamarbeidet organisert som eit tidsavgrensa prosjekt frå 1.1.2013. Framlegget fekk tre røyster (Olav Lunden, Arild Ingar Lægreid og Jan Geir Solheim). Det vart sett fram følgjande framlegg til nytt punkt: Vertskommunen blir fastsett ved tilsetjing. Framlegget fekk fem røyster (Noralv Distad, Ivar Kvalen, Olav Lunden, Arild Ingar Lægreid og Jan Geir Solheim). Vedtak: Sogn regionråd vedtek å vidareføra Sats på skulen snu Sogn ved å etablera eit varig regionalt barnehage- og skulesamarbeid frå 1.1.2013. Programstyret blir utvida med representant frå Statped Vest. Utviklingsprogrammet skal leggjast fram for regionrådet i løpet av hausten. Sogn regionråd opprettar ei 100% stilling for programleiar frå 1.1.2013 finansiert med midlar frå samarbeidskommunane. Det vil bli søkt om eksterne midlar.
Vertskommunen blir fastsett ved tilsetjing. Sak 17/12 Orienteringssaker Orienteringar og drøftingar 1. Rådmannsgruppa Sak om System for styrka læring vart drøfta i møtet i rådmannsgruppa 1. juni. 2. Administrasjonen Samarbeidsavtalen om gjennomføring av regionale utviklingsprogram er underskriven av Sogn og Fjordane fylkeskommune System for styrka læring brosjyreutkast og program for 27. september vart omdelt i møtet Utgreiing av flyplassveg vil bli utført innan 1. november 3. Harald Offerdal kom med innspel om eit tilflyttingsprosjekt i Sogn. Sogn regionråd ser dette som interessant og ønskjer å få ei orientering frå Husbanken og prosjektet Flytt til Hardanger. 4. Arild Ingar Lægreid viste til utfordringane innan kraftkrevjande industri, og ber regionen støtta Årdal kommune sitt arbeid for ei styrka satsing i aluminiumsindustrien. 5. Konstituert politimeister Ronny Iden orienterte om status og utfordringar i Sogn og Fjordane politidistrikt. Politiet vil vurdera strukturen av lensmannsdistrikta. Medlemmar i regionrådet gav tilbakemelding om uro for sentralisering og mangel på politiressursar som råkar kommunane i Sogn. 6. Regionrådet fekk omvisning på Meieriet av driftsleiar Per Henning Liljedal. Skriv og meldingar 1. Nasjonal transportplan 2014-2023 innspel til Sogn og Fjordane fylkeskommune, 30.4.2012. Referert ingen merknader. 2. Referat frå møtet 17.4.2012 med samferdslegruppa og Statens vegvesen om ferjesambandet Hella-Vangsnes-Dragsvik. Referert ingen merknader. 3. Kommunal planstrategi svar til Sogndal kommune av 1.6.2012 vedlagt oppsummering av 7.12.2010. Referert ingen merknader. 4. Rullebaneforlenging og flyruter ved Sogndal lufthamn Haukåsen - svar frå Samferdselsdepartementet, 30.4.2012. Referert ingen merknader. 5. Flyruter ved Sogndal lufthamn Haukåsen - innspel til Sogn og Fjordane fylkeskommune, 9.5.2012. Referert ingen merknader. 6. Oppmoding om Fairtrade Rettferdig handel frå Luster kommune, 18.5.2012. Referert. Ordførar Ivar Kvalen oppmoda kommunane om å bli Fairtrade-kommunar og delte ut informasjon om ordninga. 7. Referat frå møte i samferdslegruppa 5.6.2012. Referert ingen merknader. 8. Referat frå møte i helsegruppa 6.6.2012. Referert ingen merknader.
9. Regional transportplan for Sogn og Fjordane 2014-2023 - høyringssvar til Sogn og Fjordane fylkeskommune, 8.6.2012. Referert ingen merknader. 10. Ferjesambandet Hella-Vangsnes-Dragsvik innspel til Statens vegvesen, 11.6.2012. Referert ingen merknader. Sak 18/12 Regionalplan for Sogn regionråd 2013-2016 - Næringsanalyse Tilråding: Sogn regionråd set av kr 100 000 av regionale utviklingsmidlar til næringsanalyse og gjennomføring av regionalplanarbeidet hausten 2012. Handsaming Saka vart lagt fram i møtet. Notat om utforming av regional plan for Sogn regionråd av 21. juni 2012 var utsendt før møtet. Notatet vart drøfta. Sogn regionråd vurderer det som aktuelt at regionplanen går til kommunane for tilslutting. Det kan også vera aktuelt å styrka plansamarbeidet mellom kommunane. RUP-gruppa arbeider vidare med å førebu regionalplanarbeidet og stormøtet med formannskapsmedlemane til hausten. Vedtak: Sogn regionråd set av kr 100 000 av regionale utviklingsmidlar til næringsanalyse og gjennomføring av regionalplanarbeidet hausten 2012. Noralv Distad leiar Harald Offerdal Olav Lunden Karina Nerland dagleg leiar