Sakshandsamar, innvalstelefon Nina Vadøy, 5557 2316 Vår dato 07.10.2013 Dykkar dato 30.09.2013 Vår referanse 2012/9227 472 Dykkar referanse Trond Leganger Ragn-Sells AS Postboks 49 2001 LILLESTRØM Mellombels endring av løyvet til Ragn-Sells AS Avd. Bergen Fylkesmannen har gjort ei mellombels endring i løyvet til avfallsverksemd for Ragn- Sells AS Avd. Bergen. Vi gir løyve til å lagre inntil 12 000 tonn trevirke på anlegget i Rådalen og til lagring av inntil 2 500 tonn trevirke på Hanøytangen i Askøy kommune. Den mellombelse endringa gjeld fram til 1. januar 2014. Vilkåra i løyvet av 27. mai 2011, gjeld for både den auka lagringsmengda i Rådalen og for den nye lokaliteten på Hanøytangen. Fylkesmannen legg til grunn at Ragn-Sells AS oppdaterer risikovurderinga for aktivitetane sine. Det er sett krav til støvreduserande tiltak og rapportering kvar månad. Vi viser til søknad av 30. september 2013 om disposisjon til å auke lagringsmengda av trevirke i Rådalen og til mellombels løyve til å lagre kverna trevirke på Hanøytangen i Askøy kommune. Fylkesmannen har endra eksisterande løyve på visse vilkår. Løyvet er endra med heimel i forureiningslova 11, jf. 18. Fylkesmannen har ved avgjerda vurdert forureininga frå tiltaket opp mot fordelane og ulempene som tiltaket elles vil føre til. Løyvet kan seinare endrast i medhald av forureiningslova 18. Endringar skal vere basert på skriftleg sakshandsaming og ei forsvarleg utgreiing av saka. Ein eventuell endringssøknad må derfor liggje føre i god tid før verksemda ønskjer endringa gjennomført. At vi har gitt løyve til forureininga, fritar ikkje erstatningsansvar for skade, ulemper eller tap som forureininga har ført til, jf. forureiningslova 56. I tillegg til dei krava som følgjer av løyvet, pliktar verksemda å overhalde forureiningslova, produktkontrollova og forskrifter som er heimla i desse lovene. Nokre av forskriftene er nemnt i løyvet. For informasjon om andre reglar som kan vere aktuelle for verksemda, viser vi til Miljødirektoratet sine heimesider, www.miljødirektoratet.no og www.regelhjelp.no. Brot på utsleppsløyvet er straffbart etter forureiningslova 78 og 79. Også brot på krav som følgjer direkte av forureiningslova, produktkontrollova og forskrifter, er straffbare. Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
Bakgrunn Ragn-Sells AS har i periodar hatt problem med støv ved opplasting av kverna trevirke (flis) på anlegget sitt i Rådalen. Verksemda har på bakgrunn av dette sett i verk fleire støvdempande tiltak og har hatt mange opplastingar utan klager frå naboane. I veke 38 var vèrtilhøva dårlege under opplastinga av ei båtlast flis, og det var sendt klage til Fylkesmannen frå naboane 17. september 2013 om nedfall av flisstøv i bustadområdet rundt anlegget. Etter at Fylkesmannen sendte naboklagane til Ragn-Sells AS same dag, stoppa verksemda all opplasting av flis på anlegget. Ragn-Sells AS sette også i verk arbeidet med å få etablert ein ny hall for innandørs opplasting av flis. Hallen er likevel ikkje mogleg å ferdigstille før i veke 49. Fylkesmannen og Ragn-Sells diskuterte saka i møte hos Fylkesmannen 27. september 2013, og for å unngå brot på løyvet med tanke på støv og mengder, søkjer Ragn-Sells AS om følgjande: Mellombels løyve til å lagre inntil 12 000 tonn trevirke på anlegget i Rådalen fram til 1. januar 2014. Ragn-Sells AS har per dags dato løyve til å lagre 7 500 tonn trevirke, og har søknad til handsaming hos Fylkesmannen om å få auke mengda til 10 000 tonn. Verksemda har opplyst at dei kan bremse noko av utkøyringa av trevirke, men på grunn av eit dagleg mottak av om lag 120 tonn trevirke (frå mellom anna kommunane i BIR), vil ramma på 7 500 tonn vere for lite fram til den nye hallen er klar til bruk og utkøyringa igjen kan auke. Verksemda går ut frå at dei vil maksimalt ha behov for å lagre 12 000 tonn i denne perioden. Alle mengder over 7 500 tonn vil bli lagra lengre nede i anlegget, ref. dialog med BKK med tanke på høgspentline. Mellombels løyve til lagring av inntil 2 500 tonn kverna trevirke på Hanøytangen i Askøy kommune fram til 1. januar 2014. Ragn-Sells AS opplyser at det med omsyn til mengdene på anlegget ikkje er mogleg å stoppe all utkøyring i 10 veker. Verksemda søkjer derfor om eit mellombels løyve til lagring av maksimalt 2 500 tonn kverna trevirke direkte på kai og på industriområdet nordvest på Hanøytangen. Det aktuelle området har fast dekke av betong i tillegg til støypte kantar. Ragn-Sells AS har vurdert tiltaket til å ikkje føre til uakseptabel miljørisiko. Denne løysinga gjer at verksemda kan køyre ut større mengder flis fortløpande og stoppe utkøyring ved uheldige vertilhøve. Verksemda opplyser vidare at dette ikkje er mogleg ved direkte opplasting på båt når det blir lasta opp inntil 6 000 kubikk på eitt døgn. Saksgang Saka hastar og løysinga vil gje reduserte forureiningsulemper for nærmiljøet. Vi har derfor gjort unntak frå førehandsvarsel i handsaming av denne saka, jf. forureiningsforskrifta 36-7. Askøy kommune vart kontakta i samband med ny lokalitet på Hanøytangen i Askøy kommune. Til orientering så har Ragn-Sells søknad om permanent lagerauke av trevirke til handsaming hos Fylkesmannen. Denne saka er høyrt på vanleg måte. 2
Uttale frå Askøy kommune Askøy kommunen føreset at trevirket ikkje er trykkimpregnert og at Ragn-Sells AS gjer tiltak for å hindre at flisstøv blir ei ulempe for nærmiljøet, jf. telefonsamtale med miljøvernleiar Målfrid Eide 1. oktober 2013. Kommunen opplyste også at det er ei aktiv seglforeining like ved. Fylkesmannen si vurdering Fylkesmannen meiner å ha tilstrekkeleg informasjon for å kunne fatte vedtak i saka. Når vi avgjer om løyve skal bli gitt og fastsetje vilkår, skal vi leggje vekt på dei forureiningsmessige ulempene ved tiltaket vurdert opp mot dei fordelane og ulempene tiltaket elles vil føre til, jf. forureiningslova 11. Vurderingstemaet blir supplert av krava i vassforskrifta 4-6 og kravet i naturmangfaldlova 7 om at prinsippa i naturmangfaldlova 8-12 skal leggjast til grunn som retningsliner ved skjønnsutøving etter forureiningslova. Fylkesmannen har vedteke å gje mellombels løyve som Ragn-Sells AS har søkt om. God og miljøriktig handtering av trevirke er ein viktig funksjon i det avfallsystemet samfunnet er avhengig av. Ragn-Sells AS får om lag 120 tonn trevirke inn kvar dag og har store mengder trevirke på lager etter stopp av opplasting av flis etter klage. Verksemda har krav om å redusere støv til eit minimum, men vi har registrert at det blir generert meir støv no enn kva som var førespegla då verksemda vart etablert. Likevel har vi vurdert at fordelane med at Ragn-Sells AS held fram med opplasting av flis fram til ny hall er på plass, er større enn ulempene. Ragn-Sells AS har opplyst at ein ny hall for innandørs opplasting av flis skal stå ferdig i veke 49. Vi vurderer at tiltaket vil redusere støvutslepp frå opplasting av flis. Det er viktig at Ragn- Sells AS handterer trevirke fortløpande for å kunne halde lagringsmengdene nede med tanke på den maksimale lagringsmengda verksemda har løyve til å lagre til ei kvar tid. Tiltaka Ragn-Sells AS har søkt om vil redusere støvutsleppa frå opplasting av flis fram til den nye hallen er ferdig. Vurdering av resipienten og naturmangfaldet i Rådalen Avrenning av overflatevatn frå anlegget i Rådalen skal reinsast via sandfang og oljeutskiljar før påslepp på sigevassleidning frå nedlagt avfallsdeponi, jf. løyve av 27. mai 2011. Vi vurderer tiltaket til ikkje å gje vesentleg auke av utslepp til sjø, sidan det er eventuell avrenning av trevirke/treflis og det er eit mellombels tiltak. Vi vurderer derfor at krava i vassforskrifta ikkje er til hinder for å gje løyve etter forureiningslova. Tiltaket vil ikkje føre til ei vesentleg endring i type aktivitet på anlegget og heller ikkje til ei vesentleg auke av utslepp. I tillegg er anlegget lokalisert i eit område som er regulert for industri. Kravet i naturmangfaldlova 8 om at saka i hovudsak skal baserast på eksisterande og tilgjengeleg kunnskap, er med det oppfylt. Vi har derfor vurdert det til å ikkje vere nødvendig å gjere vurderingar etter dei andre miljøprinsippa i naturmangfaldlova 9 12. Vurdering av resipienten og naturmangfaldet på Hanøytangen Lagring av kverna trevirke utandørs kan føre til avrenning ved nedbør. Ragn-Sells AS har opplyst at kverna trevirke skal lagrast på fast dekke av betong med støypte oppkantar. Vi vurderer dette til ikkje å gje vesentleg auke av utslepp til sjø, sidan det er eventuell avrenning 3
av trevirke/treflis og det er eit mellombels tiltak. Vi vurderer derfor at krava i vassforskrifta ikkje er til hinder for å gje løyve etter forureiningslova. Den nye lokaliteten på Hanøytangen er i eit område som er regulert for industri. Vi har likevel gjort eit søk i Naturbase 3. oktober 2013, som viser at det ikkje er registrert artar eller utvalde naturtypar som er klassifisert som trua eller nært trua i direkte nærleik av tiltaket. Opplasting av kverna trevirke kan føre til flisstøv. Ragn-Sells AS har vilkår i løyvet om å redusere dette til eit minimum. Kravet i naturmangfaldlova 8 er med det oppfylt. Vi har derfor vurdert det til å ikkje vere nødvendig å gjere vurderingar etter dei andre miljøprinsippa i naturmangfaldlova 9 12. Vilkår Ragn-Sells AS har løyve med vilkår til fleire avfallsaktivitetar i Rådalen, jf. løyve av 27. mai 2011. Fylkesmannen set som krav at vilkåra i eksisterande løyve gjeld for både den auka lagringsmengda i Rådalen, men også for lagring av kverna trevirke på den nye lokaliteten på Hanøytangen i Askøy kommune. Trevirke skal lagrast på Hanøytangen som vist i kartvedlegg til søknad. Fylkesmannen legg til grunn at Ragn-Sells AS har gjort avtale med grunneigar om lagring av kverna trevirke på Hanøytangen. Vi presiserer at rammeendringa ikkje gjeld impregnert trevirke. Impregnert trevirke skal handterast som farleg avfall, jf. punkt 8.2 i løyvet. Fylkesmannen set i tillegg krav om at Ragn-Sells AS vurderer vêrtilhøva før opplasting av flis, og at verksemda vurderer vêret under opplasting og stoppar om nødvendig. Vi føreset også at verksemda oppdaterer risikovurderinga. Fylkesmannen har sett krav om at støv og lukt frå kverning, sikting og omlasting av kverna trevirke skal reduserast til eit minimum. Ragn-Sells AS må setje i verk nødvendige tiltak for å hindre ulemper for nærmiljøet, jf. punkt 3.3 og 6.2 i løyvet av 27. mai 2011. Risikoklasse Ragn-Sells AS sitt anlegg i Rådalen er plassert i risikoklasse 2, jf. løyve av 27. mai 2011. Tiltaka er underlagt denne risikoklassen. Det gjeld også verksemda på den nye lokaliteten Hanøytangen i Askøy kommune. Fylkesmannen har lagt forureiningspotensialet og eigenskapane til resipienten til grunn for val av risikoklasse. Risikoklassen viser forventa ressursbruk ved tilsyn, jf. forureiningsforskrifta 39-6. Risikoklassen blir også brukt til å avgjere normalt intervall mellom tilsynsbesøka. Rapportering Fylkesmannen set krav om at Ragn-Sells AS skal gje ein kort rapport innan den 1. kvar månad fram til 1. januar 2014. Rapporten skal innehalde ei vurdering av dei støvreduserande tiltaka som er brukt, oversikt over utslepp av støv og spreiing, rapporterte klager og lagerstatusen til lagra trevirke både i Rådalen og på Hanøytangen. 4
Gebyr Fylkesmannen tek sakshandsamingsgebyr for arbeid med løyve. Reglane om gebyrinnkrevjing er gitt i forureiningsforskrifta kapittel 39. Vi har plassert arbeidet med søknaden under gebyrsats 2, jf. forureiningsforskrifta 39-5. Verksemda skal betale 21 900 kroner i gebyr for løyvet. Gebyrsatsen er vald basert på ressursbruken Fylkesmannen har brukt for å handsame søknaden. Miljødirektoratet sender faktura. Rett til å klage De kan klage på løyvet til Miljødirektoratet. Partane involvert i saka og andre med spesielle interesser, kan klage innan tre veker frå de har fått dette brevet, jf. forvaltningslova 28. De kan også klage på vedtaket om gebyrsats, jf. forureiningsforskrifta 41-5. Ei eventuell klage skal vere grunngitt. Send klagen til Fylkesmannen i Hordaland, miljøvern- og klimaavdelinga, innan fristen går ut. Med visse avgrensingar har partane rett til å sjå dokumenta i saka. Nærare opplysningar om dette kan de få ved førespurnad til Fylkesmannen. Andre opplysningar om sakshandsamingsreglar og andre reglar av verknad for saka vil Fylkesmannen også kunne gje på førespurnad. Med helsing Kjell Kvingedal e.f. miljøvernsjef Nina Vadøy overingeniør Brevet er godkjent elektronisk og har derfor ingen underskrift. Vedlegg: Løyve til avfallsverksemd for Ragn-Sells AS Avd. Bergen gitt 27. mai 2011 Kopi til: Ragn-Sells AS v/cecilie Lind Ragn-Sells AS v/trond Leganger Bergen kommune, Postboks 7700, 5020 Bergen Bergen kommune v/vann- og avløpsetaten Bergen kommune v/grønn etat Askøy kommune, Postboks 323, 5323 Kleppestø Askøy kommune v/målfrid Eide Råvarden Sameie 5