fredag 30. august d.å kl. 09.30 i Bømlo Rådhus.

Jnr. 1179.13 GJG/rr Ordførarar og rådmenn i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert med dette kalla inn til møte i Samarbeidsrådet for Sunnhordland fredag 30. august d.å kl. 09.30 i Bømlo Rådhus. Då vert føre: Sak 39/13 Godkjenning av referat frå møte 13 juni 2013 Sak 40/13 Skriv og meldingar a) Kommunestruktur b) Omdømmeprosjektet - Sunnhordlandsfilm premiere - Sunnhordlandstreff c) Seminar bygg og energi 17. september d) Reiselivet orientering frå møte mellom Shl og Haugalandet e) Reiselivssatsinga i Sunnhordland f) Høyring NoU 2013:9 Ett politi rustet til å møte fremtidens utfordringer g) Næringsareal Sak 41/13 Plan for idrett, friluftsliv og kulturanlegg Sak 42/13 Partnarskap for folkehelsa Sak 43/13 Scenario Sunnhordland Sak 44/13 Ymse Det vert styringsgruppemøte for Interkommunal strandsoneplan kl. 09.30. Saker: 1. Orientering status i prosjektet v/ Knut Hellås, Asplan Viak 2. Framdrift 3.Økonomi Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no

Sunnhordland, 26. august 2013 Gro Jensen Gjerde Dagleg leiar

MØTEBOK Samarbeidsrådet for Sunnhordland Fredag 30. august kl. 09.30 Bømlo rådhus Sak 40/13 GJG/rr Skriv og meldingar a) Kommunestruktur Samarbeidsrådet har i tidlegare møte poengtert at diskusjonane i Samarbeidsrådet skal handla om strategi og prosess ikkje struktur. Dette er viktig å informera om når ein gjev orientering i kommunane. I møte vert det: - Kort orientering om status frå kommunane. - Drøfting om mogleg Scenario av strategi og prosess. Innleiing ved Kjetil Hestad. b) Omdømme / rekruttering Arbeidet med Sunnhordlandsfilmen er i sluttspurten, og det vert lagt opp til premiere i samband med eit ambassadørtreff og eventuelt eit Sunnhordlandstreff i oktober. Neste Sunnhordlandstreff vil blant anna ha fokus på sommarjobb i Sunnhordland 2014. c) Seminar bygg og energi 17. september Som del av Klimaplan for Hordaland samarbeider Samarbeidsrådet for Sunnhordland med Husbanken og Hordaland fylkeskommune om å auke kompetansen på klimavenleg bygging og motivere til framtidsretta energistyring. Seminaret er gratis og ope for alle, men krev påmelding. Målgruppa er kommunar og entreprenørar og utbyggarar. d) Reiseliv - møte mellom Shl og Haugalandet Det har vore eit møte mellom representantar frå VisitHaugesund og VisitSunnhordland for å drøfta ny struktur for destinasjonsselskapa. Administrasjonen vil gje ei orientering i møtet. e) Reiselivssatsinga i Sunnhordland Administrasjonen syner til sak 41/12 der det vart det gjort vedtak om å rå kommunane til å støtte reiselivssatsinga med kr. 12 pr. ibuar. Det vert ikkje sendt eigen søknad om midlar, men administrasjonen legg til grunna at kommunane følgjer opp strategisk plan for reiselivet 2010-2015. f) Høyring NoU 2013:9 Ett politi rustet til å møte fremtidens utfordringer Politireforma er ute på høyring med høyringsfrist innan midten av oktober. I møte vil ordførar Odd Harald Hovland gje ei kort orientering før ei drøfting i møte. Dette vil danna grunnlaget for ein uttale til saka som kjem opp til endeleg godkjenning i Samarbeidsrådet i møte 11.oktober.

g) Næringsareal Administrasjonen har delteke på eit fellesmøte mellom Business Region Bergen, Haugaland Vekst og Greater Stavanger. Dei har alle gjennomført ei kartlegging av næringsareal i sine kommunar. Desse areala vert no tilgjengeleg på ein felles nettportal. På kartet ligg deler av Sunnhordland som ein kvit flekk. På møte i Arbeidsutvalet ba administrasjonen om klarsignal for å gjera eit arbeid for at Sunnhordland kan kjøpa seg inn i prosjektet. Administrasjonen vil fram til møte 11.oktober gjera eit arbeid for å vurdera omfang, kostnader og finansiering. h) Felles formannskapsmøte Arbeidsutvalet drøfta i møte 23. august om det er ønskjeleg å arrangera eit fellesmøta mellom alle formannskapa i regionen. Det er fleire tema som kan vera aktuelle å drøfta i eit slikt møte. Det kom blant anna forslag om areal og transport og interkommunal plan for strandsona.

MØTEBOK Samarbeidsrådet for Sunnhordland Fredag 30. august kl. 09.30 Bømlo rådhus Sak 41/13 GJG/rr Plan for idrett, friluftsliv og kulturanlegg I 2001 utarbeidde Samarbeidsrådet for første gong Plan for idrett, friluftsliv og kulturanlegg. Bakgrunnen var at kommunane i regionen i større grad ønskte å samarbeida om defineringa av kva som er regionale anlegg, planlegging av regionale anlegg og om utviklinga av dei anlegga som vert definerte som regionale. Dette for at ein gjennom samarbeid og felles forståing skal kunna utvikla eit godt utbygd tilbod innan idrett, friluftsliv og kultur. Planen har sidan vore rullert og revidert annankvart år. Planen har gjennom åra blitt meir ei opplisting av alt som regionen har enn ei prioritering. Administrasjonen la saka fram til drøfting i Samarbeidsrådet i møte 13. juni d.å. Her vart det sett fram forslag om at ein ny plan skal vera meir spissa og at ein vert meir konkret på kva anlegg regionen treng og ønskjer å bygga i framtida. Dette kan blant anna vera anlegg som einskild kommunar ikkje har høve til å bygge åleine og treng økonomisk støtte frå nabokommunar for å gjennomføre og drifte. Administrasjonen vart beden om å koma attende med ei ny sak om korleis ein tenkjer seg gjennomføring, kostnader og finansiering av arbeidet. Administrasjonen har hatt ein ny gjennomgang av planen og meiner at den gjer eit godt bilde av regionale anlegg for idrett, friluftsliv og kulturanlegg. Administrasjonen har trekt fram nokre hovudpunkt i planen: Kriteria for regionale anlegg: må vera av ein slik "tyngde" at dei har ein bruksverdi som trekker til seg folk ut over eigne kommunegrenser. ha ein kostnads- og kommunikasjonsstruktur som gjer at det ikkje er naturleg at kvar kommune kan byggja eigne anlegg. må ha ein særegenhet som gjer at dei naturleg skil seg ut. Prosjekta / anlegga som er definert som regionale vert prioritert etter følgjande definisjonar: Nye anlegg som er påbegynt eller som skal utviklast / byggast i nær framtid, men som ikkje er fullfinansiert. Eksisterande anlegg er anlegg som er i drift, vert definert som regionale, og som er viktige å ta omsyn til då dei i framtida treng rehabilitering / utvikling for å kunna oppretthalde den kvaliteten og det tilbodet dei er meint å gje.

Målsetjing er anlegg som regionen bør ta sikte på å få i framtida. Idrettsanlegg: I planen er det kun idrettsanlegga som er prioritert: 2.1 STATUS SOM REGIONALE IDRETTSANLEGG I SUNNHORDLAND Anlegg Kommune Nye regionale anlegg som er påbegynt eller skal utviklast/ byggjast i nær framtid (prioritert i Eksisterande regionale anlegg som har hehov for utvikling/ rehabilitering 2011-2013 (prioritert i Eksisterande regionale anlegg som ikkje har behov for utvikling/ rehabilitering 2011-2013 parantes) parantes) Hard/Shl Kvinnherad (1) motorsportssenter Eldøyane Sjøsportsenter Stord (2) Fleirbruks rideanlegg Etne (3) Badeanlegg Bømlo (4) Skeisebane på Stord (1) Vikahaugane Fjellhaugen Skisenter Kvinnherad (2) Motorsportsenter/Crossen Stord (3) ter Turnhallane på Stord (4) Vikahaugane Bømlo Dykkaranlegg Bømlo Kvinnherad Rosenter Kvinnherad Motorsportsenter Bømlo Sveio Golfpark Sveio Her har kommunane gjort ei prioritering i 2011. Anlegga er i ulike fasar i planlegging, bygging eller realisering. REGIONALE ANLEGG FOR FRILUFTSLIV Dette er anlegg som vert definert som regionale, og som det er viktig å ta omsyn til då dei i framtida treng rehabilitering for å kunne oppretthalde den kvaliteten og det tilbodet dei er meint å gje. Nordsjøløypene Nordsjøsykkelruta Postvegen Etnefjella KULTURHUS Kommunane i Sunnhordland har dei seinare åra fått fleire nye kulturhus. Dette er viktige arena for kulturformidling og møteplassar for innbyggjarane. Stord kulturhus har sidan 1978 hatt status som regionalt kulturhus. Samarbeidsrådet for Sunnhordland drøfta i møte 27. mai 2011 om det er rett å fremja eit av kulturhusa som regionalt og

gjorde følgjande vedtak: Samarbeidsrådet for Sunnhordland meiner at ingen av kulturhusa i Sunnhordland har ein særegenhet som gjer at dei naturleg skil seg ut. Det må likevel vera eit mål å vidareutvikla desse og satsa på nye slik at tilbodet samla sett kan verta enda betre. OVERSIKT OVER KULTURHUS/SENTER I SUNNHORDLAND Bømlo Kulturhus Fartein Valensenteret Fitjar Kulturhus Kulturhuset Husnes Kvinnherad Kultursenter Skakke senteret i Etne Stord Kulturhus KULTURANLEGG Eksisterande Nye/under planlegging Arbeidsgruppa valde ved vurderinga av regionale kulturbygg/anlegg ein litt anna strategi for utveljing. Mangfaldet og skilnaden mellom dei ulike anlegga var så stor at ein valde å ikkje setja dei ulike tiltaka opp i prioritert rekkjefølgje. Anlegga er derimot sett opp i ulike kategoriar i høve til stoda på anlegget. STATUS SOM REGIONALE KULTURANELGG Anlegg Kommune Nye regionale anlegg som skal utviklast/byggja st i nær framtid eller som er påbegynt Eksisterande regionale anlegg som treng rehabilitering 2011-2013 Eksisterande regionale anlegg som ikkje treng rehabilitering 2011-2013 Baroniet - kulturarena Kvinnherad Ferdslevegen og gravområda i Tysnes Uggdalsdalen Gruvene på Litlabø Stord Halsnøy historiske senter Kvinnherad Kenneth Sivertsens stiftelse Bømlo Marstein Fyr Austevoll Moster Amfi/Mostraparken Bømlo Onarheim Kultursenter Tysnes Rekkjetunet på Færavåg Tysnes Rimsvarden Fitjar

Ryvarden Kulturfyr Sveio Smedholmen Fitjar Steinriket Bømlo Bømlo Sunde kyst- og Kvinnherad litteratursenter Sunnhordland Museum Stord Visningssenter for fiskeri og havbruk Austevoll Mangfaldet og skilnaden mellom kulturanlegga er stor. Fleire er vel etablerte kulturinstitusjonar, andre er under planlegging. Felles for dei er at dei har ein regional status som kan bety eit pluss når dei arbeider for finansiering av utvikling /rehabilitering. IDRETTSANLEGG SOM REGIONEN BØR HA SOM MÅLSETTING Å BYGGJA Fotballhall 50 m. symjebasseng 2.3.1 Fotballhall Samarbeidsrådet for Sunnhordland ser at det er behov for ein fotballhall og meiner at regionen bør ha som mål å etablera eit slikt anlegg. Dette vert ei stor utfordring både i høve investeringar og drift. Sidan det kun er snakk om eitt slikt anlegg i regionen, er det ein føresetnad at realiseringa skjer gjennom eit godt regionalt samarbeid. 2.3.2 50 m. symjebasseng Skal symjesporten i regionen utvikla seg vidare er det viktig å satsa på eit 50 meters symjebasseng. Dette vil då vera eit anlegg i nasjonal samanheng. Det vil vera ei stor føremon om dette kan vera eit interregionalt anlegg. Vurdering Gjennom arbeidet med planen er det gjeve ein regional status til mange idretts, friluftsliv og kulturanlegg i regionen. Denne prioriteringa har ein verdi for desse anlegga. Administrasjonen meiner difor at ein ny plan med spissing ikkje må føra til at statusen som regionale anlegg vert endra for desse anlegga. Planen vart rullert i 2011, og det er gjerne for kort tid til at dei idrettsanlegga som vart prioritert har fått gjennomført dei tiltaka som var planlagt. Administrasjonen føreslår difor at planen vart gjeldande i to år til, og at det vert gjort ei ny vurdering på revisjon våren 2015. Dersom det kjem eit initiativ til bygging av eit større anlegg, må initiativtakar sjølv gjera eit arbeid for å få med fleire kommunar dersom dette er ynskjeleg. Link til planen finn du her

Framlegg til vedtak: Samarbeidsrådet går inn for at Plan for idrett, friluftsliv og kulturanlegg i Sunnhordland 2009-2013 vert gjeldane ut 2015.

MØTEBOK Samarbeidsrådet for Sunnhordland Fredag 30. august kl. 09.30 Bømlo rådhus Sak 42/13 GJG/rr Partnarskap for folkehelsa I arbeidet med Regional plan for folkehelsearbeidet i Hordaland er det vurdert korleis fylkeskommunen skal løyse den lovpålagte oppgåva med å understøtte folkehelsearbeidet i kommunane. Fylkesutvalet hadde i mai 2013 oppe ei sak Økonomisk støtte frå Hordaland fylkeskommune til partnarskap for folkehelse forslag til overgangsordning 2014 2016. I saka vert det gjort vurderingar på å få avklart spørsmål om framtidig partnarskapsarbeid. Partnarskap for folkehelse i Hordaland består i dag av 23 kommunar i Hordaland, Fylkesmannen, Helse Bergen HF og fem organisasjonar. Samarbeidet er definert gjennom partnarskapsavtale mellom fylkeskommunen og kvar einskild medlem. For kommunane er dette ein standardavtale. Målet med etablering av partnarskapen var at alle kommunane skulle bli medlem. Per i dag er det 23 av 33 som er medlem. Det er pr. i dag sett stopp for fleire medlemmar, både fordi dei økonomiske rammene ikkje tillet fleire kommunar, og fordi fylkeskommunen har sett behov for å få avklart framtidig modell for korleis fylkeskommunen skal understøtta folkehelsearbeidet i kommunane gjennom regional plan for folkehelsearbeidet i Hordaland. Kvar partnarskapskommune har fått kr. 150 000 i året øyremerkt til ei stilling som folkehelsekoordinator. Budsjettet for folkehelse er ikkje stort nok til å finansiera partnarskap i alle kommunane med 150 000. Det ville krevje ein auke på om lag 0,65 mill kr. meir enn dagens budsjett. Fylkesutvalet gjorde 24.05 2013 følgjande vedtak i saka: VEDTAK 1. Organiseringa av Partnarskap for folkehelse, slik den er i dag, skal endrast. Framtidig modell, mål og tiltak for folkehelsearbeidet skal omtalast i Regional plan for folkehelsearbeidet, med tilhøyrande handlingsprogram. 2. Frå 1. januar 2014skal det innførast ei overgangsordning for å sikre kontinuiteten i folkehelsearbeidet og for å ta i vare kompetansen i kommunane. Innanfor eksisterande økonomiske rammer, held Hordaland fylkeskommune fram med økonomisk støtte til og med 2016, men med endra fordelingsnøkkel til kommunane. Partnarskapskommunar over 10.000 innbyggjarar kan få 150.000 pr. år, medan kommunar mellom 5.000 og 10.000

innbyggjarar kan få 100.000 og kommunar under 5.000 innbyggjarar 75.000 kr pr. år. Dette skal vere basert på avtalar med sikte på å iverksetje eit systematisk og tverrsektorielt folkehelsearbeid i kommunane. 3. Hordaland fylkeskommune skal ha ei aktiv rolle i å understøtte arbeidet i kommunane gjennom å vere ein pådrivar og samordnar av folkehelsearbeidet i fylket. Særleg viktig vert arbeidet med å fremje strategiar og mål for arbeidet i fylket. Det vert arbeidd vidare med å utvikle arenaer og nettverk for erfaringsutveksling, fagleg oppdatering og formidling av kontakt med relevante fagmiljø og forskingsmiljø 4. Hordaland fylkeskommune avviklar ordninga med støtte til organisasjonar/interkommunale friluftsråd i folkehelsearbeidet. I regional plan for folkehelsearbeidet vert det lagt opp til å styrkje samarbeidet med frivillige organisasjonar gjennom å invitere til samarbeid om konkrete tiltak. Vurdering: Frå årsskiftet 2011-12 vart lov om folkehelse innført. Kommunane er etter lova den sentrale aktøren i folkehelsearbeidet. Fylkeskommunen har ansvar for å understøtte kommunane sitt folkehelsearbeid, men arbeidet skal primært skje i kommunane. No legg fylkeskommunen opp til å vidareføra ordninga med støtte til kommunane i ein overgangsperiode, men med eit redusert beløp for kommunar med under 10 000 innbyggjarar fram til og med 2016. Det vert presisert at støtta er avhengig av ar ein arbeider fram mot realisering av konkrete mål, og at det vert inngått avtalar med kvar kommune om korleis måla skal nåast. Det er bra at fylkeskommunen legg opp til eit langsiktig arbeid med å understøtta arbeidet i kommunane, etablera møteplassar for kompetanseoppbygging, erfaringsutveksling og fagleg støtte for kommunane. Regional plan for folkehelsearbeidet i Hordaland skal konkretisera dette, med utarbeiding av tilhøyrande handlingsprogram. Fylkesrådmannen rår i si saksutgreiing til at fylkeskommunen ikkje gjev støtte til finansiering av koordinatorstillingar etter 2015. Fylkeskommunen skal likevel ha ei aktiv rolle og vere pådrivar for og samordne folkehelsearbeidet i fylket. Dette krev at fylkeskommunen må ha høg fagleg kompetanse, og at det er ei politisk oppgåve å setje mål for arbeidet og å vedta strategiar for utvikling av helsearbeidet i fylket. I saksutgreiinga er det fleire avsnitt knytt til fylkeskommunen si rolle som regional utviklingsaktør og oppgåver knytt til folkehelsearbeid. Administrasjonen meiner at det er bra at politikarane i fylkesutvalet ikkje avviklar støtta til kommunane sine koordinatorar. Det er likevel eit urovekkjande signal at støtta fell vekk eller er usikker frå 2016. Kommunane som deltek har då fått på plass ei ordning som fungerer, men som kan verta vanskeleg å drifta over ordinært budsjett. Det er og uheldig at det er sett stopp for at nye kommunar kan koma med. Det kan i saksutgreiinga sjå ut til at ei vidareføring av arbeidet utan støtte til kommunane inneber at fylkeskommunen må styrkja sin kompetanse og sine ressursar for å kunna bistå kommunane. Dette arbeidet innebere å ha ansvar for å utvikla arenaer og nettverk for erfaringsutveksling, fagleg oppdatering og formidling av kontakt med relevante fagmiljø og forskningsmiljø. Det er grunn til å tru at dersom fylkeskommunen skal lukkast i dette arbeidet vil det krevjast at kommunane har ressursar som må vera ein del av dette samspelet.

Planprogrammet var til høyring i 2011 og endeleg plan skal vedtakast i fylkestinget i oktober. Deretter startar arbeidet med handlingsplan. Her må regionen vera deltakarar i arbeidet. Dersom Samarbeidsrådet ynskjer å påverka innhaldet i sjølve planen eller seia noko om vedtaket som vart gjort i fylkesutvalet i mai d.å, må dette vera retta mot fylkespolitikarane. Framlegg til vedtak 1. Samarbeidsrådet for Sunnhordland er uroa over at fylkeskommunen har redusert sitt tilskot til folkehelsekoordinatorar frå 2014, då dette er eit svært viktig tiltak for arbeidet med folkehelse i kommunane som er med i ordninga. 2. Samarbeidsrådet for Sunnhordland meiner at det er viktig at det vert gjort eit arbeid for å auka ramma til folkehelsearbeidet og at det vert gjort eit arbeid for at fleire kommunar vert med i ordninga. 3. Samarbeidsrådet for Sunnhordland meiner at auke i ressursar for folkehelsearbeidet må gå til arbeidet i kommunane.

MØTEBOK Samarbeidsrådet for Sunnhordland Fredag 30. august kl. 09.30 Bømlo rådhus Sak 43/13 GJG/rr Scenario Sunnhordland brukryssing over Langenuen Samarbeidsrådet for Sunnhordland vedtok i møte 13. juni d.å å starta opp eit arbeid med Scenario Sunnhordland brukryssing Langenuen. Administrasjonen vart beden om å senda ein kravspesifikasjon, der ein ba om at regionen gjennom dette arbeidet blant anna får belyst følgjande: kva effektar dei tre ulike brualternativa kan ha for ein samla Sunnhordlandsregion og for den einskilde kommune spesielt. vurdering av eit samfunnsøkonomisk aspekt. Det vart sett frist til 21.august med å koma med tilbod. Det vart sendt ut førespurnad til tre ulike selskap. Innan fristen er det kome inn eit tilbod frå selskapet Cowi AS. Vedlagt ligg tilbodet der prisane er sladda etter avtale med Cowi AS. Arbeidsutvalet hadde ein kort gjennomgang av tilbodet i møte 23.august. Arbeidsutvalet vart samde om at leiar Liv Kari Eskeland og nestleiar Kjetil Hestad tek ein gjennomgang av tilbodet og vil gje sin konklusjon i møte. Samarbeidsrådet har tidlegare sett av inntil kr. 100 000 til arbeidet, men vil vera avhengig av ei delfinansiering av arbeidet. Det vart og drøfta om fleire aktørar kan vera aktuelle for ei slik finansiering. Det vert gjort eit arbeid med å få dette på plass og ein vil gje ei orientering om dette i møte. Framlegg til vedtak: 1. Samarbeidsrådet for Sunnhordland går inn for at Cowi AS får oppdraget med Scenario Sunnhordland brukryssing over Langenuen. 2. Styreleiar og dagleg leiar får fullmakt til å gjera naudsynte forhandlingar med Cowi AS.