Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam eldreråd 28.11.2008 049/08 ARAK Tenesteutvalet 03.12.2008 022/08 ARAK Kvam heradsstyre 16.12.2008 163/08 ARAK Avgjerd av: Saksh.: Arne Aksnes Arkiv: N-403.1 Objekt: Arkivsaknr 07/1302 Plan for legetenester i sjukeheimar i Kvam - lokal normering av legetenester Samandrag: Rundskriv I-4/2007 pålegg kommunen å vedta ei lokal norm for legetenester i sjukeheimar. Dette skulle vore gjort innan utgangen av 2007. Kvam herad har fått utsetting av fylkesmannen i Hordaland til 01.02.09. Utsettinga vart innvilga grunna vi var inne i ein prosess med evaluering av pleie- og omsorgstenestene våre. Det føreligg no sak til heradstyret med forslag til vidareutvikling/ vidareutbygging av tenestene i pleie og omsorg. I rundskriv nr. I-4/2007 vert det presisert ein del krav som ligg til grunn for at kommunane skal fastsetja ei lokal norm for legetenester i sjukeheimane med bakgrunn i regelverket som gjeld i dag. Det er beskrive tiltak og satsingsområde for ei styrking av heile tilbodet om legetenester i sjukeheimar. Saka er bygd opp i samsvar med dei krava som rundskrivet bed kommunen ta stilling til. I Stortingsmelding nr. 25 (2005 2006) Mestring, muligheter og mening. Framtidas omsorgsutfordringar. og i Stortingsproposisjon nr.1 (2006-2007) viser regjeringa til fleire tiltak for å styrkje det allmennmedisinske tilbodet til dei som oppheld seg/bur i sjukeheimar. Det er fleire årsaker som er lagde til grunn for ei slik styrking : 1. Sjukeheimsbebuarar har ofte fleire og svært komplekse helseproblem. Tre firedeler av alle bebuarane har ein demens - sjukdom. 2. Kortare liggjetid på sjukehus gjer at pasientane treng meir oppfølging og behandling lokalt etter utskriving dei er dårlegare enn tidlegare når dei kjem på institusjon, - og det vert fleire korttidsopphald enn tidlegare. 3. Krav til tilbod om rehabilitering av pasientar lokalt er aukande 4. Forventningar og krav til tilbod om palliativ behandling lokalt er aukande. 5. Generelt er det eit aukande krav til kvalitet på tenestene i sjukeheimane våre og ikkje minst i høve kvalitet på legetenester. Skal vi innfri desse krava vil det medføra noko auke i legetimar i institusjonane i Kvam. Oppgåvene legane skal utføra er :
Individretta oppgåver Institusjonsretta oppgåver Samhandlings oppgåver Desse oppgåvene skal løysast fagleg forsvarleg på alle institusjonane i Kvam. For å greia det meinar rådmannen at sjukeheimane må ha 54 legetimar/ veke på institusjonane samla. Utrekninga er gjord etter ein fordelingsnøkkel tilrådd frå den norske legeforening. Pr. i dag er det ingen andre sentrale normer for legedekking i sjukeheimar. Ved å leggje til grunn timetalet vi totalt har i budsjettet for 2008, treng vi ytterlegare 7 timar/veke for å ha tilfredstillande legedekking på institusjonane. Auken i legetimar er nasjonalt tenkt finanisert innanfor veksten i kommunale inntekter/rammetilskot som ein del av regjeringa si målsetting om 10 000 nye årsverk i omsorgstenestene. I saka om vidareutvikling av PLO viser vi til arbeid med etablering av distriktsmedisinsk senter i Kvam, i samanheng med dette reknar vi med at vi får legetimar frå Helse Bergen. Rådmannen rår til at Kvam herad føl tilrådinga frå Den norske legeforening når det gjeld dimensjonering av legetenester i sjukeheimane i kommunen vår. Det gjev oss ei lokal norm for legeteneste i sjukeheimar på 0,71 time pr pasient pr veke (54/76). Rådmannen sitt framlegg til vedtak: Kvam heradstyre vedtek at Kvam herad legg seg på normtala frå Den norske legeforening når det gjeld legedekking i institusjonar i Kvam. Den lokale normen vert 0,71 time pr. pasient pr. veke. Normen vert gjennomførd i 2009. 03.12.2008 Tenesteutvalet Røysting: Rådmannen sitt framlegg fekk 9 røyster og vart samrøystes tilrådd TEN-022/08 Tilråding frå Tenesteutvalet: Kvam heradstyre vedtek at Kvam herad legg seg på normtala frå Den norske legeforening når det gjeld legedekking i institusjonar i Kvam. Den lokale normen vert 0,71 time pr. pasient pr. veke. Normen vert gjennomførd i 2009. 28.11.2008 Kvam eldreråd
Fellesframlegg frå Kvam eldreråd: Som rådmannen sitt framlegg til vedtak med følgjande tillegg: Kvam eldreråd ser det som særs viktig at pasientane på sjukeheimane våre får forsvarleg og godt legetilsyn både ved innlegging og ved faste oppfølgingsundersøkingar, og at det samstundes er godt samarbeid med sjukehus og spesialistar. Planen som nå er lagt fram syns eldrerådet ivaretar dette som er nemnt ovafor på ein god måte. Eldrerådet støttar rådmannen sitt framlegg til vedtak. Røysting: Fellesframlegget fekk 6 røyster og vart samrøystes tilrådd. KER-049/08 Tilråding: Kvam heradstyre vedtek at Kvam herad legg seg på normtala frå Den norske legeforening når det gjeld legedekking i institusjonar i Kvam. Den lokale normen vert 0,71 time pr. pasient pr. veke. Normen vert gjennomførd i 2009. Kvam eldreråd ser det som særs viktig at pasientane på sjukeheimane våre får forsvarleg og godt legetilsyn både ved innlegging og ved faste oppfølgingsundersøkingar, og at det samstundes er godt samarbeid med sjukehus og spesialistar. Planen som nå er lagt fram syns eldrerådet ivaretar dette som er nemnt ovafor på ein god måte. Eldrerådet støttar rådmannen sitt framlegg til vedtak. 16.12.2008 Kvam heradsstyre Røysting: Tilrådinga frå Tenesteutvalet fekk 26 røyster og vart samrøystes vedteke HST-163/08 Vedtak: Kvam heradstyre vedtek at Kvam herad legg seg på normtala frå Den norske legeforening når det gjeld legedekking i institusjonar i Kvam. Den lokale normen vert 0,71 time pr. pasient pr. veke. Normen vert gjennomførd i 2009. Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar IS 1436 Veileder Legetjenester i Sosial og helsedirektoratet sykehjem Lokal bemanningsnorm i sykehjem Den norske legeforening For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket. http://www.kvam.no/innsyn5/wfinnsyn.aspx?response=journalpost_sok&simple=false x
Saksopplysningar: Bakgrunn: Rundskriv I-4/2007 pålegg kommunen å vedta ei lokal norm for legetenester i sjukeheimar. Dette skulle vore gjort innan utgangen av 2007. Kvam herad har fått utsetting av fylkesmannen i Hordaland til 01.02.09. Utsettinga vart innvilga grunna vi var inne i ein prosess med evaluering av pleie- og omsorgstenestene våre. Det føreligg no sak til heradstyret med forslag til vidareutvikling/ vidareutbygging av tenestene i pleie og omsorg. Legeressursen på sjukeheimar er knytt tett opp til denne organiseringa. I rundskriv nr. I-4/2007 vert det presisert ein del krav som ligg til grunn for at kommunane skal fastsetja ei lokal norm for legetenester i sjukeheimane med bakgrunn i regelverket som gjeld i dag. Det er beskrive tiltak og satsingsområde for ei styrking av heile tilbodet om legetenester i sjukeheimar. Saka er bygd opp i samsvar med dei krava som rundskrivet bed kommunen ta stilling til. I Stortingsmelding nr. 25 (2005 2006) Mestring, muligheter og mening. Framtidas omsorgsutfordringar. og i Stortingsproposisjon nr.1 (2006-2007) viser regjeringa til fleire tiltak for å styrkje det allmennmedisinske tilbodet til dei som oppheld seg/bur i sjukeheimar. Det er fleire årsaker som er lagde til grunn for ei slik styrking : 1. Sjukeheimsbebuarar har ofte fleire og svært komplekse helseproblem. Tre firedeler av alle bebuarane har ein demens - sjukdom. 2. Kortare liggjetid på sjukehus gjer at pasientane treng meir oppfølging og behandling lokalt etter utskriving dei er dårlegare enn tidlegare når dei kjem på institusjon, - og det vert fleire korttidsopphald enn tidlegare. 3. Krav til tilbod om rehabilitering av pasientar lokalt er aukande 4. Forventningar og krav til tilbod om palliativ behandling lokalt er aukande. 5. Generelt er det eit aukande krav til kvalitet på tenestene i sjukeheimane våre og ikkje minst i høve kvalitet på legetenester. Heimelgrunnlag: 1.1. i kommunehelsetenestelova gjev kommunen ansvar for å yta nødvendig helseteneste til alle som oppheld seg i kommunen. Dette inneber m.a. å tilby eit forsvarleg helsetilbod i sjukeheimar, legetenester er ein del av dette tilbodet. Kommunen er forplikta til å ha ei organisert legeteneste i sjukeheimane jfr. Forskrift for sjukeheimar og bustad med heildøgns omsorg og pleie 2-1 første ledd. 2 1 andre ledd pålegg sjukeheimane å vera innretta på fleire ulike oppgåver som rehabilitering, avlastning, permanente opphald, dagopphald, nattopphald og terminal pleie. For fastsetja forsvarleg nivå på tal legetimar, må vi sjå på pasientbehov, kva oppgåver den einskilde sjukeheimen skal dekka/løysa, og korleis tenestetilbodet til dei eldre i kommunen elles er organisert. Risiko og behovsvurdering for legedekking i sjukeheimane våre: Forskrift om kvalitet i pleie og omsorgstenesta pålegg kommunane å utarbeida skriftleg nedfelde prosedyrar som skal sikra at brukarane sine grunnleggjande behov vert ivaretekne og at det vert gjeve tilbod om forsvarlege tenester. Det vert stilt ytterlegare krav om systematiske tiltak og styring av tenestene for å sikre gjennomføring av lovpålagde oppgåver og plikter i forskrift om internkontroll for sosial og helsetenesta. Kommunen var med bakgrunn i dette regelverket pålagd å føreta ei lokal bemanningsvurdering og fastsetja ei lokal norm for legedekking i sjukeheimar innan utgangen av 2007. Vi har fått utsetting til 1.2.09 grunna
evalueringa av pleie- og omsorgstenestene våre. Det er no lagt fram eiga sak til heradstyret som viser korleis rådmannen tenkjer seg vidareutvikla pleie og omsorg. I vurderinga av legedekkinga ser vi på fylgjande element: 1. Utvikling og status for legetenestene i Kvam herad 2. Utvikling og status i høve lovkravet om fagleg forsvarleg teneste i tillegg til eigne krav til kvalitet 3. Analyse av forbetringsbehov og forbetringspunkt for legedekkinga 4. Lokalt bemanningsnivå for legar i sjukeheimar ( innhald, mengde) 5. System for evaluering og revidering Vedkommande pkt. 1.: For å sjå nærare på utviklinga og status for legetenestene på sjukeheimane i Kvam herad er det naudsynt å sjå på : Sjukeheimane sin profil og rolle. I Kvam har vi i dag 4 sjukeheimar lokalisert slik: 2 i Øystese, 1 i Norheimsund og 1 i Strandebarm. Strandebarmheimen har 13 langtidsplassar. Pr. i dag er det 3,75 tilsynslegetimar pr. veke som inkluderer reisetid frå Øystese til Strandebarm. Toloheimen har 24 langtidsplassar, 16 av desse er for demente pasientar. Det er 8 korttidsplassar som gjev tilbod om fast avlastning, utgreiing, terminal pleie og opptrening. Totalt er det 32 plassar på Toloheimen. Pr. idag er det 15 legetimar pr veke. Øysteseheimen har 16 langtidsplassar. Av desse er det 8 plassar som er for demente. I tillegg er det 6 plassar knytt til rehabiliteringsavdelinga som er ein eigen avdeling på Øysteseheimen. Totalt er det 22 plassar på Øysteseheimen. Pr. i dag er det 8 legetimar pr. veke. Firkløveren har 9 plassar for demente. Pr. i dag er det 2 tilsynslegetimar pr veke. Dagtilbod det er dagtilbod i alle sonene. Pasientgrunnlaget: Kvam har fram til no stort sett greidd å ta unna dei ferdigbehandla pasientane som søkjer sjukeheimsplass/hjelp frå PLO ved utskriving frå sjukehus. Vi har ikkje kø til sjukeheimsplassar, men opplever periodevis eit press frå sjukehusa og heimetenestene og fastlegane. Det er godt samarbeid mellom fastlegane og PLO, og det er god dialog ved vurdering av behov for institusjonsplassar frå heimane. Først rundt 2025 vert det verkeleg utfordringar med dramatisk auke av tal gamle over 80 år i Kvam. Legedekking i kommunen generelt og på sjukeheimane spesielt: Kvam har ei stabil allmennlegegruppe som har jobba i kommunen i mange år. Dei har god oversikt over befolkinga. Det er og god kommunikasjon mellom legane og PLO med jamnlege møte sonevis. Tilsynslegane har vore stabile og har god oversikt over pasientane i institusjonane. Kommuneoverlegen er med på vurderingane av inntak i institusjonane. Legeressursane vart reduserte i 2005 i samband med reduksjon i tal institusjonsplassar. På Toloheimen har vi auka stillinga att, først ved at kommuneoverlegen var vikar i 1 år, no med innleigd vikar i 60 % stilling ut året. Legane sin kompetanse og spesielle interesseområde: Tilsynslegearbeid har til no vore vurdert som ei av dei allmennmedisinske offentlege oppgåvene som er tillagde fastlegane å utføra. I Kvam er no alle legane anten ferdige spesialistar i allmennmedisin (7) eller under utdanning til spesialist i allmennmedisin. Alle deltek såleis i formalisert etter og vidareutdanning i regi av legeforeningen. Utdanninga skal m.a. gjera dei endå betre skikka til å utøve teneste som
tilsynslegar. Tilsynslegane er både fagleg oppdaterte og kompetente til arbeidet sitt. Dei er interesserte og motiverte for arbeidet med dei gamle. Organisering av legetenesta Legetenesta i Kvam er til liks med PLO organisert med 4 ulike kontor i 4 bygdesentra. Alle fastlegane er pålagde offentlege timar. 3 av legane er pålagde tilsynslegeoppgåver. Legevakt er ei kommunal oppgåve. Fastlegane er gjennom avtale tilplikta å ta del i slik vakt. Legevaktsentralen og legevaktslokala er lagde til legekontoret i Øystese. Det er inngått ein avtale på åremål. Vi planlegg no å knyta legevakt og ambulansestasjon opp til Toloheimen og ei framtidig halvannalineteneste/dms (distriktsmedisinsk senter) jfr eiga sak til heradstyret. Tilgang på legar Vi har så langt greidd å rekruttera legar til Kvam. Vi står framfor eit generasjonsskifte ( mange legar er 50 +) og kan sjå at rekruttering kan verta ei utfordring. Rekruttering til legevakt er truleg meir utsett/vanskeleg enn rekruttering til eldreomsorgsarbeid. Plikt til å ta del i legevakt er knytt til fastlegeavtalane. Arbeidstilhøve kontor utstyr Pr. dato opplever tilsynslegane at det er for knapp tid til å gjera ein fullgod jobb som tilsynslege. Kontorfasilitetane er ikkje gode nok, og det er sparsomt med utstyr. Det er i den nye veiledaren lagt opp til at standarden på tenester på sjukeheimane skal vera på same nivå som standarden på legekontora. Slik er det ikkje på nokon av institusjonane i Kvam pr. i dag. Det er sett i gong eit arbeid med kvalitetsheving av laboratorietenestene ved å knyte sjukeheimane til Noclus. ( Norsk kvalitetsforbedring av laboratorievirksomhet utenfor sykehus). Vi tek for tida del i og er i ferd med å avslutta eit gjennombrotsprosjekt i regi av Sosial og helse direktoratet, sjukepleieforbundet og legeforeningen med fokus på ernæring. Vi er også med i eit prosjekt som skal førebu innføring av elektronisk meldingar mellom PLO, sjukehusa og fastlegane. Dette prosjektet gjer vi saman med Voss og Granvin. For å oppnå den kvaliteten det er lagt opp til i dei nasjonale føringane, har vi eit stykkje å gå før vi har gode nok kontor og laboratorietilhøve og nødvendig utstyr til undersøking/diagnostisering/behandling og eit velfungerande journalsystem for tilsynslegane, Anna personell sin kompetanse og dekkingsgrad: Vi har som mange andre kommunar utfordringar med rekruttering av kvalifisert helsepersonell det gjeld både sjukepleiarar, fysioterapeutar og fagarbeidarar. Vi ser at dette kanskje vert den største utfordringa på sikt. Det vert viktig å ha gode planar for rekruttering, tilbod om etter og vidareutdanning og attraktive arbeidstilhøve elles med faglege utfordringar i eit stabilt og breidt fagmiljø Kvalitetsindikatorar i Kvam herad Vi har høge kostnader pr. innbyggjar for helsetenestene i Kvam. For legar og fysioterapeutar har dette vore ei bevisst prioritering for å ha ei stabil og fagleg god teneste. Kvam har betydeleg fleire eldre enn gjennomsnittet i landet. Difor er bruttokostnadane i pleie og omsorg høgare enn samanlikningstal frå andre kommunar. Kostnad pr. brukar 80 + er likevel mindre. Vi har likevel ei god teneste. Dette inneber at PLO driv effektivt. Vedkomande pkt. 2.: Status og utvikling i høve lovkrav om fagleg forsvarleg legeteneste:
For å vurdera om legane i Kvam utøver forsvarleg legeteneste/god praksis i sjukeheimane våre, må vi ta utgangspunkt i kva oppgåver dei skal løysa. Oppgåvene er på 3 hovudnivå: Individretta oppgåver som går på m.a. klinisk undersøking / journalopptak ved innleggelse, oppfølgingsundersøking/samtalar fast og ved behov (pasient og pårørande), tverrfagleg arbeid, utgreiing av demens og evt andre forhold relatert til dei ulike pasientkategoriar som er på institusjonen. Institusjonsretta oppgåver som går på utvikling av medisinsk faglege prosedyrar, legemiddelrutinar, infeksjonskontrollprogram, kriseplan/beredsskapshandtering, retningsliner ved etiske og juridiske problemstillingar, internundervising/fagutvikling/forsking, rutinar knytt til legetenesta, delta i leiingsfunksjon av institusjonen. Samhandlings oppgåver som går på m.a. retningsliner for kommunikasjon og samarbeid med spesialisthelsetenesta og fastlegane, kontakt med ambulante palliative team, samarbeidsmøte med helse og velferdstenesta og pleie og omsorgstenesta i kommunen samt inntaksprosessen i sjukeheimen. Vurderingane som fylgjer byggjer ikkje på systematisk registrering, men tek utgangspunkt i slik det vert opplevd av brukarar og helsepersonell. Ad. i. Alle dei individretta oppgåvene vert utførde i dag anten innafor tilsynslegen si tid eller ved hjelp av turnuskandidat eller legevaktslege. Vi har imidlertid i Kvam eit betydeleg forbetringspotensiale med omsyn til tilgjenge på tilsynslege. Det opplevest både av brukar og tilsette at det tek for lang tid før oppgåvene over vert løyste. Ad. ii. Når det gjeld dei institusjonsretta oppgåvene, er det endå større skilnad på det som i dag vert forventa av tilsynslegen, og det tilbodet som kan bli utført/gjeve innafor den tida som er til disposisjon. Det meste av tilsynslegen si tid har til no gått med til pasientretta arbeid. Ad. iii. Kvam herad er kome langt i arbeidet med samordning og samhandling innafor lokalsjukehusområdet på systemnivå. Vi har likevel eit stykke veg att før vi kan vera nøgde med det arbeidet me gjer inn mot dei einskilde institusjonane og kvar enkelt fastlege og fysioterapeut. Vedkomande pkt. 3. : Analyse av forbetringsbehov og forbetringspunkt innan tilsynslegetenesta. Oppgåva er å definera, prioritera og evt avgrensa dei områda som det er ønskeleg å betra. Korleis vurderer kommunen den lokale normeringa for legetenester på sjukeheimane? Fram til 2008 har tilsynslegetimane i Kvam vore på eit minimumsnivå. I 2008 har tilbodet på Toloheimen vorte auka opp betydeleg, men på dei andre institusjonane har det vore uendra. Vi greier ikkje fullt ut å dekka det individretta tilbodet til pasientane slik vi ynskjer. Legane må i for stor grad behandla pasientane ut frå sjukepleiarane og fagarbeidarane sine observasjonar åleine. Større grad av eigen observasjon av pasientane er ynskjeleg. Det er då viktig at legen får sett pasienten frå dag 1. Spesielt er det behov for auka ressurs innan rehabilitering og behandling av korttidspasientar inkludert pasientar som treng terminal pleie. Likevel gjeld behovet for auka ressurs innan alle avdelingane, spesielt i forhold til dei demente. Fleksibilitet både hos legane og sjukepleiarane gjer at dette likevel
fungerer rimeleg bra i dag, men forbetringspotensialet er tydeleg. Legane sin innsats når det gjeld institusjonsretta og samhandlingsoppgåver har også lide grunna mangel på tid. Tida strekk ikkje til for tilsynslegane til å engasjera seg nok i systemarbeid. Det er såleis behov for auka timetal for tilsynslege om vi skal greia imøtekoma dei krav som er stilt til kommunen i lov og forskrift. Prioriteringsrekkjefølgja for auken er: 1. Tilfredsstillande timetal innan individretta arbeid. 2. Tilfredsstillande timetal innan institusjonsretta arbeid 3. Tilfredsstillande timetal innan samarbeidsretta arbeid. Vurdering av endrings-, kompetanse eller forbetringsbehov elles i helse og omsorgstenestene og sjukeheimane i Kvam som kan påvirka legen si utøving av god praksis, Ei god helseteneste og pleie og omsorgsteneste er avhengig av at det er god grunnbemanning, rett kompetanse og godt tverrfagleg samarbeid. Tenestene i Kvam har så langt vore opplevd som gode sjølv om grunnbemanninga i pleie og omsorg gjennom fleire år har vorte pressa nedover. Nye utfordringar innan tenesta forutset at det er samsvar mellom oppgåvene, grunnbemanning og kompetanse. Andre stikkord er å ha gode nok rammebetingelsar (leiing, økonomi,omdøme) til å gjera godt rekrutteringsarbeid, tilrettelegging av bygningsmessige og utstyrsmessige forhold både i institusjonane og for aktørane utanfor sjukeheimen. Vedkomande pkt 4. : Lokalt bemanningsnivå for legar i sjukeheimar ( innhald, mengde) Mål for legeteneste i sjukeheimar i Kvam Legetenesta på sjukeheimane i Kvam skal ha same nivå som legetenesta på legekontora elles i kommunen, det gjeld både med omsyn til tilgjenge/bemanning og utstyr. Kva nivå på tal legetimar skal vi ha i Kvam? Vi ser for oss å oppgradera legetenesta i sjukeheimane våre i tråd med legeforeninga si tilråding. Utgangspunktet til legeforengingen er at legebehovet må vurderast ulikt i høve ulike typar sjukeheimsplassar og tek omsyn til det i forslaget til bemanningsnorm. Vi treng då 54 legetimar/veke. Korleis skal vi koma dit plan. Ved auken på 18,75 t/veke som vart lagt inn i budsjettet i 2008, er vi mest i mål med planlagd legebemanning på institusjonane våre. Vi gjenstår no med 7 timar / veke som vert lagt inn i 2009 budsjettet. Vi får då ei lokal norm for legebemanning i sjukeheimar i Kvam på 0,71 time pr pasient pr veke. Timane er så fordelte etter oppgåvene som er pålagt dei ulike sjukeheimane. Vedkomande pkt 5. : System for å følgja opp og evaluera planen. a. Årleg vurdera normen opp mot totalt tal plassar og type plassar på institusjonane. b. Vurdera normen og fordeling av legeressursar ved organisatoriske endringar Framdrift a. Vedtak i heradstyret desember 2008 b. Søkja legefordelingsutvalet om utvida legestilling c. Gjennomføra frå 1.januar 2009
Vurdering: Rådmannen rår til at Kvam herad føl tilrådinga frå Den norske legeforening når det gjeld dimensjonering av legetenester i sjukeheimane i kommunen vår. Det gjev oss ei lokal norm for legeteneste i sjukeheimar på 0,71 time pr. pasient pr. veke (54/76).