Arkivref: 2011/2088-16986/2012 Saksh.: Lars Helge Sørheim Saksframlegg Saksnr Utval Møtedato INTERKOMMUNAL LEGEVAKT OG Ø.HJ. DØGNTILBOD Framlegg til vedtak: 1. Komite for helse, rehabilitering og omsorg tilrår at rådmannen held fram arbeidet med realisering av interkommunal legevakt for Bømlo, Fitjar og Stord i samsvar med tilrådingane i rapporten 2. Komite for helse, rehabilitering og omsorg tilrår at rådmannen held fram arbeidet med realisering av korttidsbehandling og observasjonsplassar som kommunalt snøgghjelps døgntilbod for Bømlo, Fitjar og Stord i samsvar med tilrådingane i rapporten. 3. Begge prosjekta vert fremja som eigne saker for komiteen når drøftingane mellom dei ulike partane er gjennomførte.
Rådmannen, 05.11.2012 Vedlegg RHO sak 16/10 Strategi for utvikling av legetenesta i Stord RHO sak 8/12 Legetenesta i Stord. Omfang og organisering Forprosjektrapport om Korttidsbehandling, observasjonsplassar og LMS (Lærings- og meistringsstrategi). Mai -12 Forstudierapport om interkommunal legevakt for Bømlo, Fitjar og Stord. Tilstadesvakt for lege på natt. Juni -12. Brev frå Helse- og omsorgsdepartementet dat. 12.10.12 om fordelingen av midler til etablering av øyeblikkelig-hjelp-døgntilbud i kommunene for 2012. Innleiing (bakgrunn for saka) Nye lover frå 01.01.2012, Folkehelselova og Helse og omsorgstenestelova med tilhøyrande forskrifter, viser døme på framtidige kommunale oppgåver som : tilbod før, i staden for og etter sjukehusopphald med døgnplasser for observasjon, etterbehandling, lindrande behandling, rehabilitering og habilitering. utvikling av tverrfaglege team, inkludert ambulante team etablering av lærings- og meistringstilbod som grunnlag for eigenbehandling Det er å merkja seg at det er klåre nasjonale føringar og endringar som inneber at ein skal byggja opp desse tenestetilboda i kommunane. Kommunane skal vidare ha avklara handsaming av det utvida ansvaret for: snøgghjelpspasientar med trong for heildøgns omsorg medfinansiering av sjukehusinnleggingar betaling for utskrivingsklare pasientar Det ligg til den einskilde kommune å finna dei gode løysningane, men dei må byggja på avtalar med helseføretaka. Det ligg no føre 2 lokale rapportar og rådmannen treng politisk avklaring for å gå vidare med arbeidet. Bømlo kommunestyre har handsama rapportane og støttar tilrådingane i desse. Det skal etablerast snøgghjelps døgntilbod i kommunane innan 2016, og det er sett fram føringar på at det skal vurderast føremålstenlege samhandlingsområde med spesialisthelsetenesta og evt. nærkommunar. Helse Fonna har rettleiingsplikt ovafor kommunehelsetenesta. Denne plikta gjeld i generelle spørsmål og i høve til kvar einskild pasient, bygd på avtalar. Saksutgreiing (fakta, saksopplysningar) Kommunane Bømlo, Fitjar og Stord har gjennomført forprosjekt i Helsetorgmodellen om korleis det kan etablerast døgntilbod for pasientar som har trong for akutthjelp eller observasjon utan trong for spesialisthelsetenester. Det omfattar og til ei viss grad ansvar for utskrivingsklare pasientar og implementering av lærings- og meistringsstrategi (LMS) i tilbodet til desse. Prosjektet er og eit innspel til korleis kommunane kan møta krav om endra bruk av sjukehustenester gjennom ny ordning med kommunal medfinansiering. 2 av 5
Dei same kommunane har og gjennomført ein forstudie om interkommunal legevakt, med tanke på å gå vidare med eit forprosjekt om dette. Rapportane er lagde ved saka og fungerer som grunnlagsmateriale for denne. Begge arbeida har fått støtte frå Helsedirektoratet gjennom Samhandlingsmidlar. Rapportane konkluderer med at kommunane Bømlo, Fitjar og Stord bør oppretta ei felles avdeling for snøgghjelps-/observasjonsplassar med tillegg av plassar for intermediærpasientar, til saman 7-9 sengeplassar. Avdelinga bør etablerast i samarbeid med Helse Fonna i lokale på Stord sjukehus. Det må m.a. vera døgnkontinuerleg tilgjenge på legeteneste. Dette er avhengig av at ein i praksis får til ei felles interkommunal legevaktordning der legen har tilstadesvakt. Vurdering Døgnbehandling I rettleiingsmateriellet frå Helsedirektoratet, er det rekna ut at Bømlo kommune vil ha trong for 1,6 døgnplassar, Fitjar kommune 0,4 døgnplassar og Stord kommune 2,2 døgnplassar til rådvelde for snøgghjelps døgnopphald for stetta krava i helse- og omsorgslova. Dersom ein tenkjer etablering av ei lita avdeling for 4 snøgghjelpspasientar, vil det verta ei avdeling som vil vera lite effektiv og svært dyr. Erfaringar viser at ei avdeling med 7-9 senger vil vera ein meir kostnadseffektiv storleik. Det inneber at eit kommunalt tilbod bør kunna femna om fleire pasientgrupper enn dei som har akutt trong for døgnopphald i institusjon. Kommunane kan greia å etablera billegare døgnplasser enn betalingsplikta for utskrivingsklare og medfinansieringskostnadene til kommunane for spesialisthelsetenester for fleire pasientgrupper. Prosjekta har kome med tilrådingar om korleis kommunane i lag med helseføretaket på ein fagleg og økonomisk forsvarleg måte, kan løysa desse lovpålagde oppgåvene. Prosjektgruppa ser det som ønskjeleg at denne avdelinga blir etablert i lokale i Stord sjukehus som vil gje følgjande fordeler: Lettare tilgang til utgreiingsressursar (laboratorietenester, røntgen m.m.) Lettare tilgjenge til spesialistkompetanse Rask overføring og rask tilgang på naudsynte ressursar ved akutte forverringar Lettare tilgang til og mogleikar for kompetanseoppbygging og kompetanseoverføring Gjensidig styrking av lokalsjukehuset og kommunehelsetenesta Mest truleg kvalitetsmessig det beste tilbodet for pasientane Ei slik omorganisering kan verta oppfatta som reduksjon av sengeplassar eller at observasjonssenger vert borte i Stord sjukehus, men det er dei same pasientane, det same utgreiings/ behandlingsbehovet me snakkar om som i dag. Stord sjukehus har stort sett alle desse pasientane i dag. Det er berre snakk om ei omorganisering for betre å nytta kompetansen i spesialisthelsetenesta til oppgåver som dei skal syta for, og få kommunane til å gjera det dei kan ta over ansvaret for. Det er ikkje kommunane som skal løysa helseutfordringane, men samarbeidet mellom kommune og spesialisthelsetenesta og samarbeidet mellom kommunar. Kommunane får tilskot frå Helsedirektoratet når avtale er klar og frå Regionalt Helseføretak når tilbod er etablert. Det skal vera grunnlag for full finansiering. Får å gå vidare med lokaliseringsalternativet ved Stord sjukehus har administrasjonen i dei 3 kommunane vendt seg til Styret i Helse Fonna med framlegg til samarbeid om etablering av korttidsavdeling. Styret handsama saka den 1.11.12. 3 av 5
I sak om høyring i høve føretaksgrenser gjer administrasjonen framlegg om å visa til trongen for eit slikt samarbeid i Stord sjukehusområde. Interkommunal legevaktordning. Bømlo, Fitjar og Stord kommunar har i lengre tid arbeidd for å få til eit interkommunalt samarbeid om legevakt for fleire av kommunane i lokalsjukehusområdet. Årsaka til dette er at ein har sett utfordringane når det gjeld rekruttering, samarbeid, administrasjon og fagleg kvalitet på dagens ordning i kommunane. Ein har meint at ei interkommunal legevaktordning i dei 3 kommunane, har kapasitet til å ta hand om dei som bør ha kontakt med lege, før legekontora opnar neste dag. Ei prosjektgruppe har gjennom arbeid med kartlegging, samrøystes kome fram til m.a. fylgjande tilrådingar: Dagens legevaktsordning bør styrkast med tilstadesvakt på natt gjennom eit interkommunalt samarbeid. Ei slik ordning vil styrke den faglege kvaliteten på legevakta. Plasseringa av tilstadesvakt på natt bør leggast i nærleiken til Stord Sjukehus på grunn av støttetenester som røntgen, laboratorium og spesialisthelsetenesta. Prosjektgruppa meiner eit interkommunalt samarbeid på kveld vil vera ei vidare styrking av legevakta, men ei naudsynt kartlegging før dette bør ikkje utsette eit samarbeid på natt. Legevakta er ei portvakt i høve til spesialisthelsetenesta. I kva grad vaktlegen sender pasientar vidare for diagnostikk eller behandling, er avgjerande for pasienttilstrøyminga til sjukehus. Legevakttenestene skal gje tryggleik om hjelp ved sjukdom og skade og skal sikre helsetilbod for tilstandar og tilhøve som ikkje kan vente til neste arbeidsdag. Legevakta skal vera ein open kanal, ikkje ei open dør. Økonomi Interkommunal legevakt. Ei interkommunal legevaktordning krev styrking av sjukepleiarbemanninga i høve til i dag og utgiftene til leige/drift av legevaktkontoret vil auka. Ut frå gjeldande ordningar kan ein setja opp følgjande budsjett med tanke på samarbeid mellom dei 3 kommunane: Beredskapsløn lege 15-23 132.000,- Tilstadesvakt lege 23-08 (inkl sos. utg. og tariff-festaordn. natt) 2.580.000,- Leige+drift legevaktkontor (inkl. auka bemanning sjukepleiar) 4.300.000,- Sum utgifter 7.012.000,- Inntekter natt (pasienthonorar+helfo) 798.000,- Netto driftsutgifter 6.214.000,- Kostnadene kan delast i høve innbyggjartalet i kommunane. Det vil gje Bømlo ein kostnad på om lag 2.4 mill, Stord 3,3 mill og Fitjar 0,5 mill. Stord og Fitjar sine utgifter til legevakta i dag er på om lag 3 mill. Økonomien vil og vera avhengig av kva avtalar kommunane og legane vert einige om for vaktarbeidet. Tariffen på natt har godtgjering for kvar time utan omsyn til aktivitet. Det er no 4 av 5
høve til å leggja om til liknande fast kompensasjon for resten av vaktarbeidet. Pasienthonorar og inntekter frå HELFO på vakt vil då tilfalla kommunane. Det gjev eit inntektspotensiale på om lag 3 mill utanom natt, men netto inntekt er avhengig av forhandlingsresultat med legane om godtgjersle for vaktarbeidet. Eit interkommunalt samarbeid utover natt vil krevja ytterlegare auke i bemanning og drøfting av beredskapsordningar, men dette kan finansierast gjennom reduserte utgifter til legevakt i Bømlo. Døgnbehandling Dei kalkulerte drifsutgiftene for sengeavdelinga, ut frå rapporten, vil vera om lag slik: 9 sengers avdeling 7 sengers avdeling Sum driftsutgifter 13.440.000 11.385.000 Sengene for snøgghjelps-/observasjons-/korttidspasientar skal vera fullfinansiert gjennom statlege midlar. Ved oppstart etter søknad om prosjektmidlar, seinare som faste overføringar til kommunane. Dette gjeld for 4,5 senger for kommunane Bømlo, Fitjar og Stord. Dei resterande sengene lyt finansierast gjennom innsparingar på medfinansieringsplikta for sjukehuspasientar og utskrivingsklåre pasientar som ikkje kommunane vil kunna gje eit tilfredsstillande tilbod utan dette tiltaket. Dette inneber: 9 sengers avdeling 7 sengers avdeling Fullfinansiert gjennom statlege løyvingar 6.720.000 7.318.900 Må finansierast gjennom innsparing på medfinansieringsplikta 6.720.000 4.066.100 Dette er usikre tal, men det teoretiske grunnlaget for vurderinga og prinsippa kring innsparing på medfinansieringsplikta, gjeld. Kommunane og føretaka vil etter kvart få erfaringstal å byggja på for å setja opp ei meir grundig økonomisk vurdering. Avtale med interkommunal legevakt i deler av døgeret om sjukepleiarbemanning og legearbeid helgar/høgtider vil og verka inn på dette. Utbygging av nytt naudnett innan 2014 vil få konsekvensar for drift av legevaktsentralar og kvalitetskrav til desse. Denne prosessen vil og krevja interkommunale ordningar for å stetta krav i forskrift gjennom ei samfunnsøkonomisk tilfredsstillande løysing. Konklusjon, alternativ tilråding Det sentrale i saka er at det trengst tiltak som gjer at spesialisthelsetenesta i større grad vert brukt til det den har kompetanse til og er rusta for å ta seg av, medan kommunane må setjast i stand til å ta seg av det som naturleg høyrer heime i den kommunale helse- og omsorgstenesta. Saka byggjer på kvalitetsbetring i høve korleis dei aktuelle tenestene møter folk sine behov. Omlegginga vil gje innbyggjarane den tenesta dei treng på eit fagleg forsvarleg nivå og samstundes setja samfunnet i betre stand til å møta framtidig vekst i trong for helse- og omsorgstenester (demografisk utvikling m.a). 5 av 5