Søknad om stønad til etablering og drift av nærmiljøanlegg for skiaktivitet Norddalen Skiforening / Skigruppa Mai 2016
Nærmiljøanlegg for skiaktivitet Norddalen skiforening vil etablere eit nærmiljøanlegg for skiaktivitet. Vi vil få til organisert skiaktivitet for born og unge i vårt område og vi vil lage langrennsløyper av god kvalitet i lysløype samt turløype innover dalen og i fjellet. Det kan og vere aktuelt å kople hyttegrenda på Steiestølen til det nye løypenettet. Vi vil og lage eit skileikområde i anlegget, som både kan nyttast i organisert skiopplæring og til fri leik. Vi vil og setje i stand hytta i Norddalen og gjere den tilgjengeleg som varmestove med toalett for folk som ferdast i lysløypa og i fjellet. Vi arbeider og mot universell utforming av hytte og anlegg, slik at anlegget skal vere tilgjengeleg for alle. Med finansiering frå Stiftinga Fjaler Sparebank, Norges Skiforbund/Skikrinsen og lokale sponsorar, investerte vi i januar 2016 i løypemaskin som skal legge grunnlaget for løyper og anlegg. HUSKY 2008 modell, timetall 3070 timer. Tidligere eier Skiforeningen i Oslo. Bilder av maskinen ved overlevering i januar 2009. Utstyrt med 4-sylindret 177 hk Mercedes-Benz turbodieselmotor med intercooler. Aluminiumsbelter 2,8 meter. 2,8 meters 12-vegs hydraulisk frontskjær med hurtigkobling. Frontskjæret har parallell løft. Fresen er i 2,6 meter versjon. Svingbar fres med hurtigkobling og trinnløs regulering av turtall. To stykk uavhengig løftbare sporsetter. Ekstra utstyr: Owren sporfres. Separate pumper for drift av sporfres. Hydrauliske sidevinger på fres, kvistaviser, flyt på frontskjær, kompakthjul fremme, vannoppvarmet vindusviskere. Ekstra 80 l dieseltank. Hydraulisk sidejustering av høyre sporfres
Skikrinsen er og med i arbeidet vidare med å bygge opp ein skikultur for born og unge i vårt område. I samarbeid arrangerer vi 5 6 samlingar for mellomtrinnet i skulen. Ei grunnopplæring på ski som er finansiert av Sogn og Fjordane Fylkeskommune og Sparebanken Sogn og Fjordane. I samarbeid med idrettslaga vil vi samkøyre idretts - og aktivitetstilbodet for dei yngste borna. I dette samarbeidet vil ski vere prioritert aktivitet for alle i perioden mellom januar og mars månader kvart år. Det betyr at vi og deler på vaksne ressurspersonar i høve drift av aktivitet. Før vintersesongen 15 / 16 har vi bygd fire bruer for å kunne krysse elvane og opne for fleire løypealternativ for å kunne preparere løyper innover i dalen Vi ser at arbeidet med å lage traseàr og løyper samt informasjonsarbeid har resultert i ei klar auke i antal personar i skiaktivitet. Spesielt gjeld dette mosjonistar og barnefamiliar. Vi ser vidare eit potensiale for å få fleire med, og då spesielt ved å: - Organisere aktivitet for born og unge. Lage skileikområde - Oppgradere eksisterande løypenett - Oppgradere skihytte slik at denne vert tilgjengeleg for alle med varme, toalett og enkelt sjølvbetjent kjøken. Norddalen skiforening ynskjer at eit lokalt anlegg for skiaktivitet kan vere med i ein handlingsplan for Fjaler kommune. Vi ser at utvikling av eksisterande anlegg vil rekruttere fleire av innbyggjarane til aktivitet, og ikkje minst at våre yngste får tidleg kjennskap til og glede av skiaktivitet. Norddalen, 12.05.16 For Skigruppa/Norddalen skiforening: Are Morten Follevåg
Økonomiplan for oppgradering og utvikling av skianlegg i Fjaler. Skihytte *Hytta skal vere tilgjengeleg for alle, og må stette krava om universell utforming. Hytta skal og ha ei stabil og trygg løysing for varme, samt funksjonelt toalett og enkelt kjøken Dette inneber utbetring på følgande punkt: - Parkering - Tilkomst for rullestol til hytte og anlegg, samt funksjonell bruk av hytte, tilkomst og bruk av alle rom. Overbygg/svalgang for tilkomst vinter (fare for snøras og opphoping av snø) - Oppgradering av brønn og vasspumpe - Vassrør til kjøken og oppkopling av vask - Straumopplegg til kjøken og oppgradering av anlegg til varme. Maskinarbeid: planering av parkering og område kring hytte kr 15 000,- Tømrararbeid: utskifting av dører og nye romløysingar kr 40 000,- Rørleggararbeid kr 10 000,- Elektikararbeid kr 10 000,- Skileikanlegg For å opparbeide eit område for variert skiaktivitet, må vi utforme terrenget til ulike øvingar. Dette arbeidet krev rydding av skog og opparbeiding av terreng med gravemaskin. Maskinarbeid kr 20 000,- Løypenett I eksisterande lysløype er det behov for drenering av vatn, og noko planering av terreng. I ein vintersesong utan tele i jorda, er det i dag uråd med samanhengande løype på grunn av overvatn i trasèane. I nytt løypenett er det behov for planering av terreng og tre enkle bruer for å unngå tilsvarande utfordringar med vatn. Desse tiltaka vil kunne forlenge skisesongen med fleire veker, då vi kan lage løyper med mindre snø og uavhengig av tele i jorda. Maskinarbeid kr 20 000,- Sum utviklingsarbeid kr 115 000,-
Økonomiplan for drift av skianlegg i Fjaler Vi legg ved kostnad for årleg drift av anlegget. Arbeidet med å finansiere tilbodet er tufta på frivillig innsats/dugnad og på sponsormidlar frå lokalt næringsliv. Dette er ein utfordrande situasjon, som er sårbar og lite forutsigbar. Vi ynskjer å gje innbyggjarane i kommunen eit forutsigbart og godt tilbod og ber om innspel på korleis vi kan sikre økonomi til å ha ei stabil drift framover. Drivstoff 15 000,- Vedlikehald av løypemaskin 15 000,- Vedlikehald av anlegg/ bygningar 10 000,- Forsikring 10 000,- Straum 7 500,- Div. utgifter 2 500,- Sum driftsutgifter pr. år 60 000,- Arbeidstimar Vi anslår at timetalet for dugnad er om lag 450 timar pr. år: - Vedlikehald av anlegg = 120 t - Køyring av løyper i sesong frå desember til april; om lag 40 køyringar x 3 timar = 120 t - Aktivitetsgruppe arrangement: 10 arr. à 5 t x 3 personar = 150 t - Administrasjon: Søknader, møte, planar, økonomi m.m. = 50-60 t Med ein timesats på kr. 200,- utgjer dette ein verdi på kr. 90 000,-.