Sogndal kommune MØTEINNKALLING (08/1539) Utval: FORMANNSKAPET Møtestad: Formannskapssalen Møtedato: 26.06.2008 Tid: 09:00 Eventuelt forfall kan meldast til telefon 57 62 96 00 - Varamedlemmar møter etter nærare avtale. SAKSLISTE Saksnr. Arkivsaksnr. Tittel 50/08 08/22 Formannskapet 26.06.2008 - Opning - orienteringar og drøftingar 51/08 08/1464 Fellingsavgifter for hjort 52/08 07/2517 Ny selskapsavtale for Sogn og Fjordane revisjon IKS 53/08 08/806 Amlabukti Grendalag - Bygeutviklingsmidlar 2008. Kommunalt tilskot. 54/08 08/1513 Hodlekve drift AS Søknad om kommunal garanti Sakene er offentleg utlagde i Tenestetorget, Sogndal bibliotek og Busenteret i Fjærland. Du finn og informasjon på heimesidene våre: www.sogndal.kommune.no Sogndal, 20.06.2008. Jarle Aarvoll -ordførar- Gerd Kleiven formannskapssekretær
Sogndal kommune Sak 50/08 Formannskapet Saksh.: Gerd Kleiven Arkiv: 033 Arkivsak: 08/22 Saksnr.: Utval Møtedato 41/08 Formannskapet 05.06.2008 50/08 Formannskapet 26.06.2008 Sak 50/08 Formannskapet 26.06.2008 - Opning - orienteringar og drøftingar Pkt. 1. OPNING A. Konstituering av møtet: Møtet lovleg sett med følgjande til stades: Ordførar Jarle Aarvoll, varaordførar Heidi-Kathrin Osland, Klaus Endre Timberlid, Helge Torstad, Karen Marie Hjelmeseter, Kjetil Ertesvåg, Astrid Hove, Christen Knagenhjelm, Rita Navarsete. Frå administrasjonen møter rådmann Jostein Aanestad. Innkalling og sakliste Godkjenning. Møteleiar: Ordførar Jarle Aarvoll. Ope møte. B. Protokoll frå møtet 05.06.2008 - godkjenning. Pkt. 2 ORIENTERINGAR OG DRØFTINGAR A. Orientering frå ordførar: 1. Ferieavvikling politisk. 2. Fosshaugane Campus møte. B. Orientering frå utval: 1. Kyrkjelege fellesråd: Referat frå møte 06.06.2008. C. Innspel frå medlemane. D. Orientering frå rådmann: 1. Gjennomgang av finansreglementet. 2. Friområde Eide. 3. Ombygging Helse- og sosialsenteret. 4. Fjernvarme Sogndal. E. Drøftingar. Pkt. 3 SKRIV OG MELDINGAR A. Rapport for sesongen 2007 2008 Hodlekve Drift AS. Skriv datert 23.05.2008. B. Kirkenes SOS Søknad om driftsstøtte, brev datert 30. mai 2008 med svarbrev frå ordførar datert 12.06.2008. (J:08/1410) C. Vedk. Deltidsstillingar i kommunen.brev datert 4.juni 2008 frå Sogn og Fjordane Arbeidarparti. (J:08/1364) D. Fatlatunnelen AS Referat frå generalforsamling i Fatlatunnelen AS den 05.06.2008. (j:08/1136) E. Gå ikke glipp av en gullgruve på arbeidsmarkedet. Brev datert 6.juni 2008 frå Norges Blindeforbund, Sogn og Fjordane (J:08/1411) F. Vedk. Distriktssenteret. Frå Kommunal- og regionaldepartementet. Side 2 av 11
Sak 50/08 G. Invitasjon til uttale Endringar av den administrative leiinga og utviding av geografisk område for samarbeid. B rev frå Politiet datert 29.05.2008. H. Tilsegn om tilskot til Næringsfond for ungdom. Brev datert 30.05.2008 frå Sogn og Fjordane fylkeskommune, regionalavdelinga. Vedlegg: Til punkt 2.B.1 og 3 Sogndal, 19.06.2008. Gerd Kleiven -F.sekr.- Side 3 av 11
Sogndal kommune Sak 51/08 Formannskapet Saksh.: Eva Nilsen Huke Arkiv: K42 Arkivsak: 08/1464 Saksnr.: Utval Møtedato 51/08 Formannskapet 26.06.2008 Sak 51/08 Fellingsavgifter for hjort Rådmannen si innstilling: Sogndal kommune fastset nye fellingsavgifter på hjort i Sogndal kommune frå jaktsesongen 2008. Fellingsavgifta vert no kr. 210,- for kalv og kr. 350,- for vaksen hjort. Fellingsavgift vert rekna av felte dyr. Vedtaket er gjort med heimel i forskrift om kommunale viltfond og fellingsavgift for elg og hjort 5. Vedlegg: 1. Brev frå Direktoratet for naturforvaltning Informasjon om rapportering av hjortevilt, jegerprøven, jegeravgift, fellingsavgifter og lisensfelling dat. 09.04.2008 2. Forskrift om kommunale viltfond og fellingsavgift for elg og hjort Saksutgreiing: Sogndal kommune har motteke brev frå Direktoratet for naturforvaltning om m.a. fellingsavgifter. Direktoratet har sett nye maksimale fellingsavgifter med maksimale satser for hjort kalv på kr. 210,- og vaksne dyr på kr.350,-. Sogndal kommune har dei seinare åra hatt fellingsavgifter på kr 200,- for kalv og kr 330,- for vaksne dyr. Etter jakta i 2007 vart det kravd inn kr.131.590,- i fellingsavgifter. Dette er dei viktigaste inntektene til kommunen for å drive forvaltning av hjortestamma. Frå Fylkesmannen fekk vi i 2007 kr. 5.513,- i ordinært tilskot. Det er tildelt 922 løyve i 2008. Ved 60% felling, av det 30% kalv, vil auken i satsane bety ei meirinntekt på om lag kr. 9.000,- i høve jakta 2008. Vi har eit viltfond ( bygd opp av fellingsavgift over tid ) som pr 31.12.2007 var på kr.315.226,-. Blant utgiftene i 2007 var 30.000,- til innleige av konsulenttenester frå Norsk Hjortesenter til Kaupangerprosjektet (refundert 20.000,- frå Statens Vegvesen og Fylkesmannen i Sogn og Fjordane), kr 24.000,- til vaktordning med Sogndal ettersøkslag, kr 16.913,- til tilskot til videregående ettersøkskurs for Sogndal ettersøkslag ( pålagt kurs for ettersøksjegere med avtale med kommunen) og kr. 18.580,- til kjøp av jaktoppsyn frå Luster kommune. Vidare er det betalt kr. 45.235,- for ettersøk i 2006 minus selt kjøt til Sogndal ettersøkslag. Vi har vesentlege utgifter til ettersøk av skada vilt og til jaktoppsyn. Utgiftene til ettersøk er ikkje kjende på førehand, dei har vore sterkt stigande p.g.a. auke i tal påkøyrsler. Vi må syte for å ha ein buffer slik at vi kan dekke inn utgiftene til dette. Direktoratet har no opna for å auke fellingsavgiftene for 2008 og framover. Vi har i 2008 tildelt vesentleg fleire løyve enn tidlegare med tanke på å redusere problem knyta til hjorten. Vi kan då ikkje rekne med fellingsprosent på 75 som i 2007, men likevel vert det truleg felt vesentleg fleire dyr enn i 2007. Auka inntekt vil gje kommunen auka handlingsrom m.o.t. å gjere gode tiltak knytt til viltforvaltning, t.d. viltgjerder, tilskot til drift av storvald og kurs/opplæring i tillegg til dei pålagde utgiftene med t.d. ettersøk etter skada vilt. Regelverk: Side 4 av 11
Sak 51/08 I forskrift om kommunale viltfond og fellingsavgift for elg og hjort heiter det i 1 Formål: Formålet med kommunale viltfond er å skape økonomisk bakgrunn for å fremme viltforvaltningen i kommunen. Kommuner der det er adgang til jakt etter elg og/ eller hjort skal etablere et kommunalt viltfond. Øvrige kommuner kan etablere et slikt viltfond i samsvar med reglene i denne forskrift. I 3. Inntekter til fondet heiter det : a. Som inntekter til fondet skal regnes : - offentlig fellingsavgift for elg og hjort fastsatt av kommunen, jmf 5. - Tilskudd fra det statlige viltfondet - Fondets årlege avkastning Som inntekter til fondet kan regnes: - inntekter fra omsetning av ulovlig felt vilt og fallvilt av hjortevilt og bever samt hjortevilt og bever som felles etter tillatelse gitt i medhold av viltloven 13. - Eventuelle kommunale avsetninger. - Eventuelt andre midler. I 4 disponering av fondet heiter det at : a. Fondet kan brukes til : - tiltak for å fremme viltforvaltning, styrke kunnskapen om viltet, jaktorganisering m.m. i kommunen og nabokommuner gejnnom samarbeid i regi av organisasjoner, enkeltpersoner eller kommunen selv. - Å dekke kommunens utgifter til ettersøk og håndtering av skadd vilt og fallvilt i kommunen. - Tiltak for å forebygge skader på landbruksnæring voldt av hjoretvilt. a. Fondet kan ikke brukes til: - kommunal administrasjon av viltforvaltningen ( faste utgifter til lønn, møtegodtgjersler, reiser mv.) - å erstatte skader voldt av vilt - skuddpremier Vurdering: Direktoratet for naturforvaltning har opna for høvet til å auke fellingsavgiftene. Endringa er kr. 20,- pr. vaksne dyr og kr. 10,- pr. kalv. For kvart løyve er det ein mindre auke sett i høve til sal av kjøt / inntekter ved utleige av jakt, men for kommunen totalt vil det medføre noko auka inntekter. Vi har mange utfordringar på viltfronten og har trong for midlar til ulike naudsynte og gode tiltak. Rådmannen vil difor tilrå å auka satsane i samsvar med nytt regelverk frå Direktoratet for natirforvaltning. Sogndal 18. juni 2008 Jostein Aanestad rådmann Side 5 av 11
Sogndal kommune Sak 52/08 Formannskapet Saksh.: Jarle Aarvoll Arkiv: 210 Arkivsak: 07/2517 Saksnr.: Utval Møtedato 52/08 Formannskapet 26.06.2008 Sak 52/08 Ny selskapsavtale for Sogn og Fjordane revisjon IKS Rådmannen si innstilling: Sogndal kommune sluttar seg til representantskapet sitt framlegg av 27.05.08 til ny selskapsavtale for Sogn og Fjordane Revisjon IKS. Vedlegg: Brev av 30.05.2008 frå Sogn og Fjordane Revisjon IKS Protokoll frå møte i representantskapet i Sogn og Fjordane Revisjon IKS 27.05.08 Utkast til ny selskapsavtale SAKSOPPLYSNINGAR Etter gjennomført evaluering av kontroll- og tilsynsordninga i 2007, uttalte Sogndal kommune fylgjande om sitt forhold til selskapet Sogn og Fjordane Revisjon IKS, jfr kommunestyret sitt vedtak den xx.xx.07: Sogndal kommune ønskjer å oppretthalde SF revisjon IKS, men oppgåvene vert avgrensa til finansiell revisjon. Kommunen kjøper tenester knytt til forvaltningsrevisjon frå andre selskap, på bakgrunn av kommunestyret/kontrollutvalet sine definerte behov for slik revisjon. Selskapsavtalen til SF revisjon vert på dette grunnlaget teke opp til endring. Vedtaket var i samsvar med Sogn regionråd si tilråding til vedtak. Representantskapet for Sogn og Fjordane Revisjon IKS har no lagt fram eit framlegg til ny selskapsavtale. Representantskapet har gjort slikt samrøystes vedtak: Representantskapet ber kommunestyra og fylkestinget om å godkjenne den nye selskapsavtalen for Sogn og Fjordane revisjon IKS som er førelagt. Selskapsavtalen har vore drøfta i fleire møte i rådet og i rådmannsgruppa i Sogn regionråd. Desse drøftingane har m.a. avklara finansieringsfordeling og til dels kva føremål og ansvarområde selskapet skal ha. Det er ulike oppfatningar kring 3. avsnitt i 3 i selskapsavtalen, som opnar for at selskapet kan yte tenester som forvaltningsrevisjon til eigarar etter avtale. Slik fleirtalet av kommunane har utforma sine vedtak, er det ein motstrid mellom vedtaka og framlegg til selskapsavtale på dette punktet. Ved brev av 23.05.08 frå Sogn regionråd til SF Revisjon vart det informert om fylgjande merknad frå rådmannsgruppa i høve til 3 i selskapsavtalen: Side 6 av 11
Sak 52/08 3. avsnitt må bli teke ut fordi det strir mot kommunestyra sine vedtak. Det går fram av protokollen frå møte i representantskapet den 27.05.08 at dette har vore drøfta, og at fleire av medlemane understreka at det er viktig at selskapet ikkje bygger opp sin kompetanse og kapasitet innanfor tenesta forvaltningsrevisjon. Det går vidare fram av protokollen: Vurdering: Både styreleiar og dagleg leiar presiserte at det ikkje vil vere aktuelt utan at selskapet får klare meldingar frå eigarane om det, og viste til nedtrappinga som vart gjennomført i 2007 med ein reduksjon frå tre forvaltningsrevisorar til ein. Det er motstrid mellom 3. avsnitt i 3 i framlegget til ny selskapsavtale og tidlegare vedtak i kommunestyret. Det som er klart, er at kommunen likevel står fritt til å kjøpe forvaltningsrevisjonstenester hjå dei selskapa ein ønskjer. Det er eit vesentleg poeng at eigarane ikkje har ynskt at selskapet skal bygge opp kapasitet/kompetanse i høve til å levere forvaltningsrevisjonstenester til eigarane. Anten må 3. avsnitt i 3 etter rådmannen si vurdering omarbeidast for å fange opp dette, eller så må vurderinga vere at ein gjennom aktiv eigarstyring klarer å syte for samsvar mellom eigarane sine intensjonar og selskapet sine planar og aktivitet utan nokon nærare presisering i selskapsavtalen. Sogndal 09.96.2008 Jostein Aanestad -rådmann- Side 7 av 11
Sogndal kommune Sak 53/08 Formannskapet Saksh.: Jens Øyrehagen Arkiv: 223 V16 Arkivsak: 08/806 Saksnr.: Utval Møtedato 53/08 Formannskapet 26.06.2008 Sak 53/08 Amlabukti Grendalag - Bygeutviklingsmidlar 2008. Kommunalt tilskot. Rådmannen si innstilling: 1. Formannskapet løyver kr 60 000,- i støtte til Amlabukti Grendalag i samband med opptak i bygdeutviklingsprogrammet. 2. Midlane vert løyvd over næringsfondet. 3. Formannskapet peikar ut N.N. til prosjektstyre. Vedlegg: 1. Søknad om opptak i Bygdeutviklingsprogrammet 2008 2010. 2. Svar frå Fylkesmannen, dagsett 28.05.2008. Uprenta vedlegg: Prosjektplan 2008 2010. Saksutgreiing: Bakgrunn: Amlabukti Grendalag søkte, og vart oppteken i Bygdeutviklingsprogrammet 2008-2010. Prosjektet deira har som mål at : Amlabukti skal vera ein kulturhistorisk fjordoase og ein naturleg innfallsport til verdsarvområdet Vestnorsk fjordlandskap Nærøyfjorden. For å nå dette målet er det laga skisser til fleire delprosjekt. Delprosjekta har karakter av både næringsutviklingstiltak og infrastrukturtiltak. Bygdeutviklingsprogrammet er eit tiltak for områderetta bygdeutviklingsarbeid. Fylkesmannen ved landbruksavdelinga er prosjekteigar og administrerar programmet. Hovudmålet er å utvikle livskraftige lokalsamfunn basert på lokalt engasjement. Det vert plukka ut to nye bygder kvart år. Desse deltek i programmet i tre år. Programmet har innføring i lokal mobilisering og entreprenørskap, fagleg oppfølging frå fylkesmannen, bygdeforum 1 2 gonger i året. Det vert løyvd kr. 60 000,- i året i tre år til gjennomføring av prosjektet. Krav til kommunen er at det vert løyvd minimum kr. 20 000,- pr år i tre år til prosjektet, kommunen må og avsetje tid og ressursar til oppfølging og deltaking i tverrfagleg arbeid i prosjektet og skissere korleis ein tenkjer å vidareføre erfaringane frå prosjektet. Lokalt prosjektstyre skal vera 4 5 personar der ein av dei er utpeika av kommunen. Vurdering: Amlabukti Gredalag søkte om deltaking i Bygdeutviklingsprogrammet både i 2006 og 2007 utan å kome med. Det å søkje på nytt i 2008 vitnar om stor vilje og engasjement til å gjennomføre planen. Det er laga skisser til fleire spennande prosjekt både innan næringsutvikling, men og tilrettelegging og infrastruktur. Rådmannen meiner at Amlabukti Grendalag syner eit initiativ Side 8 av 11
Sak 53/08 som ein må støtte opp om og tilrår å løyve kr. 60 000,- i støtte fordelt over tre år. Vidare bør kommunen peike ut ein person til prosjektstyret, slik det er føresett. Sogndal 13.06.2008. Jostein Aanestad Rådmann Einar Nedrelo Tenesteleiar Side 9 av 11
Sogndal kommune Sak 54/08 Formannskapet Saksh.: Jarle Selseng Arkiv: 256 Arkivsak: 08/1513 Saksnr.: Utval Møtedato 54/08 Formannskapet 26.06.2008 Sak 54/08 Hodlekve drift AS Søknad om kommunal garanti Rådmannen si innstilling: 1. Sogndal kommune stiller garanti gjennom simpel kausjon for Hodlekve drift AS sitt lån i Sparebank Vest på kr. 500.000.- Lånet skal nyttast i samband med innkjøp av brukt trakkemaskin til erstatning for eldre trakkemaskin som vert bytt ut. Garantien gjeld tilsvarande nedbetalingstida på lånet i Sparebanken Vest på inntil 5 år. 2. Sparebanken Vest skal varsle kommunen dersom Hodlekve drift AS ikkje held pliktene som gjeld for lånet. Vedlegg: Søknad om garanti for låneopptak dagsett 17.06.2008. Saksutgreiing: Hodlekve Drift AS søkjer om garanti for låneopptak i Sparebanken Vest til innkjøp av nyare brukt trakkemaskin til erstatning for eldre trakkemaskin. Hodlekve drift AS har fått tilbod om kjøp av ei brukt maskin 2003 modell som har gått ca. 2000 timar, maskina som skal erstattast har gått ca. 6000 timar og vert bytta inn. Totalkostnaden for maskina er kr. 1.250.000 som er tenkt finansiert slik: Innbyte gamal trakkemaskin kr. 300.000 Eigenkapital/tilskot kr. 250.000 Lån kr. 700.000 Sum finansiert kr.1.250.000 Lån frå Sparebanken Vest vert gitt under vilkår av kommunal garanti på kr. 500.000.- I følgje kommunelova 51 er det høve til å gi garanti til anlegg som: Har direkte interesse for dei som bur i kommunen Ikkje er ein del av privat næringsverksemd Side 10 av 11
Sak 54/08 Kommunelova set forbod mot garantiar til næringsverksemd. Kva som er næringsverksemd er i mange tilfelle eit skjønnsspørsmål, men føljande 2 forhold vert ofte trekt fram som sentrale: 1. Forholdet til verksemda er å skape økonomisk gevinst for eigarane 2. Verksemda må fungere i ein marknad med reell økonomisk risiko I vurderinga av om verksemda har eit økonomisk føremål, har det vore tradisjonen for å vurdere om verksemda har eit gevinstsiktemål framfor å vurdere om verksemda har eit gevinstpotensial. Skiljet mellom verksemder som etter sin karakter er offentlige og andre verksemder har etter kvart blitt meir uklart. Det bør difor leggjast vekt på om eigaren av verksemda har eit uttrykkelig gevinstsiktemål. Hodlekve drift AS driv etter forretningsmessige retningslinjer, men anlegget kunne og vore eit kommunalt ansvar til liks med kommunale idrettsanlegg. Fleirtalet av brukarane må vere innbyggjarane i kommunen noko som er tilfelle for Hodlekve som er eit lokalt anlegg. Hodlekve drift AS har ein ikkje ubetydelig dugnadsinnsats som grunnlag for drift av anlegget. Anlegget må ha status som eit kommunalt og ikkje nasjonalt anlegg for at kommunen skal kunne stille garanti. Summen det her er søkt om er kr. 500.000. Føreskrifta (FKR 5 jf. 4) bestemmer at summar som er lik eller mindre enn 500.000 ikkje treng statleg godkjenning, og eit eventuelt vedtak her treng difor ikkje fylkesmannen si godkjenning. Det er alltid knytt risiko til garanti for låneopptak i organisasjonar som Hodlekve drift AS. Gode snøforhold og ein ikkje ubetydelig del dugnadsinnsats må til for å halde drifta på forsvarleg nivå. Selskapet sitt rekneskap for 2007 viser eit resultat på kr. 255.555. Dette viser at det er potensial for ei positiv utvikling av drifta. Det er viktig for bygda å ha eit ski og alpinanlegg som kan tilby brukarane gode forhold. Siste års fjellsportfestival var eit prosjekt med Hodlekve som utgangspunkt. Festivalen vart ein suksess. For at slike arrangement skal kunne gjennomførast med eit godt resultat i framtida må vi kunne tilby gode tilhøve i Hodlekve. For kommunen er det viktig å ha eit godt tilbod i Hodlekve. Rådmannen rår difor til at kommunen gjev garanti slik det er søkt om. Sogndal 19.06.2008 Jostein Aanestad Rådmann Side 11 av 11