BRUKARUTVALET MØTEREFERAT 09 NOVEMBER 2009 Tid: Kl. 10.00-14.00 Stad: LMS. Til stades: Jorunn M. Bakke Per-Arne Mehren Anne - Berit Kolås Inge Johs. Reigstad Helen Aareskjold Geir Ove Søreide Gerd Dåvøy Olga Johannessen Magne Høgelid (ref) Forfall: Turid Sveen Inviterte gjester: Viseadministrerande direktør Anne Sissel Faugstad, overlege Baard Christian Schem, avdelingsdirektør Tor Visnes og overlege Ingvar Bjelland Sak 58/09 Godkjenning av innkalling og saksliste for Brukarutvalet i Helse Bergen Innkalling og saksliste ble godkjent utan merknader. Sak 59/09 Referat 28 septemeber til godkjenning Referatet vart godkjent utan merknader Sak 60/09 Kriterier for brukarrepresentasjon og honorering v/jorunn Bakke Det var behov for å drøfte praktisering av dei nye rutinane av to årsaker: - Økonomiske. Då det no er blitt honorar for representasjon utgjer det ein ekstra kostnad for Helse Bergen. - Behov for å prioritere brukarrepresentasjon på systemnivå. Det er vanskeleg å skaffe skulerte brukarmedverkarar som kan representere alle brukarane. Brukarutvalet ber om at saker om brukarrepresetasjon blir lagt fram for Brukarutvalet til vurdering og avgjerd. I saker der det er ynskje om brukarrepresentasjon sjølv om det ikkje er
2 prioritert av Brukarutvalet vil honorar for Brukarrepresetnasjon ikkje bli gitt av Brukarutvalet. Brukarutvalet vil vanlegvis ikkje vera representert i prosjektgrupper når ein har representasjon i styringsgrupper. Sak 61/09 Brukarrepresentantar i nyetablerte DPS-råd (samarbeidsråd) ved Kronstad+ Bjørgvin og psykiatriprosjekt Nordhordland Brukarutvalet i Helse Bergen valde følgjande representantar: DPS råd Kronstad: Gretha Ødegård DPS råd Bjørgvin: Roald Kvamme DPS råd Nordhordland Oddfrid Hole Vara for begge DPS: Jorunn Bakke Frå psykiatriprosjekt Nordhordland var det ynskje om brukarmedverknad frå Mental helse ungdom. Leiar melder tilbake at brukarutvalet ikkje har kunne skaffe slik brukarmedverknad. Dersom det behov for slik brukarrepresentasjon kan prosjektleiar i dette einskilde tilfelle kontakte Mental helse ungdom direkte. Eventuell finansiering av brukarmedverknad må då prosjektet sjølv stå for. Regelen er framleis at alle ønskjer om brukarrepresentasjon skal meldast til Brukarutvalet. Leiar melder tilbake Brukarutvalet sine konklusjonar. Sak 62/09 Brukarrepresentasjon Samarbeidsutval Nordhordland Brukarutvalet valde Anne- Berit Kolås som sin representant i samarbeidsutvalet. Sak 63/09 Kl 10.30-11.00 Tilbodet til pasientane etter nedlegging av Osheim v/ Tor Visnes og Ingvar Bjelland. Tor Visnes gjorde greie for tilbodet for aktuell pasientgruppe etter nedlegging av Osheim våren 2009. Det vart konkludert med at det faglege tilbodet som blir gitt brukarane er forsvarleg samtidig som at utområdet ikkje er like tilfredsstillande som ved Osheim. Brukarutvalet sa seg tilfreds med orienteringa. Sak 64/09 kl 11.00-11.30 Aktuelle saker i Helse Bergen v/ Anne Sissel Faugstad Anne Sissel Faugstad orienterte om følgjande: - Pandemi Helse Bergen har foreløpig ikkje utløyst beredskapsplan, men har klare planer for dette. Det har vore litt rolegare dei seinare dagane utan at ein endå kan seia noko sikkert. Har framleis ordinær driftssituasjon. Frå representant i Brukarutvalet vart det hevda at det har vore mykje fram og tilbake i informasjon om svineinfluensaen. Det vart bedt om at dette vart formidla til rette vedkomande. - Status Barne og ungdomssenteret Utvalet vart orientert om at det sist fredag vart sendt mail til HOD om saka med relevante dokument i saka. Helse Bergen er svært glade for den positive tilbakemeldinga i denne saka. Det er no ikkje eit spørsmål om ein får støtte, meir et spørsmål om når og kor mykje. - Økonomiske resultat 2009 Foreløpig er Helse Bergen i balanse. Dersom ein klarer dette dei siste to/tre månadane så vil det vera første gong. - Budsjett 2010 Helse Bergen vil også neste år få meir disponibelt på grunn av: - oppfølging av Magnussenutvalget sin innstilling( halvparten 2009 og resten 2010)
3 - ein har tatt i bruk same indikatorar i fordelingsmodellen internt i Helse Vest. Her har også Helse Bergen kome godt ut av det. Helse vest har lagt som premiss at desse ekstraressursane skal nyttast til investeringar. - Pasientjournal 2010 Det blir ei svært stor sak i 2010. Har konsekvensar for brukarane og det er derfor viktig at Brukarane held seg orientert. - Innspel til møte med kreftforeningen Anne Sissel Faugstad er invitert til møte med Kreftforeininga og ville gjerne ha innspel frå brukarane. Brukarutvalet kom med følgjande innspel: Ein oppfattar ikkje Kreftforeininga å vera ein ordinær pasientorganisasjon, dei er like mykje ein kreftfagleg organisasjon. Det er fleire pasientorganisasjonar knytt til einskild diagnosar. I og med at kreftforeininga ikkje er knytt til ein paraplyorganisasjon fell dei ikkje inn i det ordinære mønsteret. Det er for Brukarutvalet ikkje noko problem å bli representert av personar frå kreftforeininga når dette er naturleg og aktuelle personar har relevant kompetanse. For brukarutvalet er det svært viktig at dei som representerer brukarane har alle brukarane sin interesser i høgsetet. Ein skil her mellom oppgåver på systemnivå og på individnivå. Når det er behov for person med brukarerfaring på individnivå kan ein fritt velje. Brukarutvalet vil peike på at det har vore ei svært positiv utvikling i Helse Bergen vedrørande brukarmedverknad. Det har vore ein gjensidig holdningsendring både hjå pasientorganisasjonane og i Helse Bergen. - Sentralblokka Ein av medlemane stilte spørsmål om vidare utbygging av sentralblokka der brukarane har delteke i planleggingsarbeidet. Dette er ein av dei viktigaste tiltaka i helse Bergen i 2010, konkrete planer for nytt akuttmottak, dagkirurgi, hjerte/oppvaking og ferdigheitssenter. Sak 65/09 Forlag til møteplan 2010 v/ Jorunn Bakke Brukarutvalet vedtok følgjande møteplan for første halvår 2010. 26 januar, 22 februar, 22 mars, 26 april, 25 mai og 21 juni. Sak 66/09 Fagveiledere, korleis vert dei brukt og konsekvensar for brukarane v/ Baard Christian Schem Det er no utarbeidd om lag 30 nasjonale fagveiledarar. Henvisningar blir vurdert og får enten: - Rett til nødvendig(prioritert)helsehjelp - med frist. - Rett til helsehjelp frå spesialisthelsetenesta utan frist - Utan rett til helsehjelp i spesialisthelsetenesta blir eit ansvar for fastlege/kommunane. Bakgrunn for utvikling av veiledarar var store variasjonar mellom regionar og på tvers av fagområder. Målet er å harmonisere praksis. Har utvikla veiledarar som dekkjer 70-80% av tilstandane. Ein har i arbeidet lagt til grunn prioriteringsforskrifta som legg vekt på: - Kor sjuk er pasienten (Lønningutvalget) - Kva prognose har pasienten (har ein behandling som verkar) - Rimelig forhold mellom kostnad og effekt. Alder er ikkje eit kriterium i seg sjølv.
4 Det er ei stor utfordring å sikre lik praktisering, her kan Brukarutvalet trykkja på føretaket i høve utvikling av gode opplæringsprogram. Det vart stilt spørsmål om bruk av rettleiarane vil medføre prioritering av yrkesaktive i forhold til uføretrygda. Schem avkrefta at det var meint slik. Tvert om er det meint at rettleiarane skal hindre ulikebehandling av slike årsaker. Det vart då stilt spørsmål om ordninga raskare tilbake. Til det svarte Schem at det var Stortinget som hadde etablert den ordninga. Den strider mot prinsippa i prioriteringsarbeidet og fagrettleiarane, men prosjektgruppa kan ikkje overprøva Stortinget. Schem sa også at ein berre skal ha ei frist for behandling i spesialistheletenesta. Ein skulle ikkje lage nye fristar dersom ein pasient blir henvist internt mellom sjukehus eller på tvers av avdelingar. Berre når ein oppdagar tidlegare ukjent sjukdom er det aktuelt med nye fristar. Brukarutvalet sa seg svært tilfreds med orienteringa Sak 67/09 Til/frå Brukarutvalet Leiar orienterte om følgjande: - Brev motteke frå FFO vedrørande brev om brosjyre vedrørande pasientreiser og Brukarutvalet si handsaming av denne saka. - Brukarutvalet viser til at utvalet i handsaminga av saka var einstemmig. Brukarutvalet vedtok å ta brevet frå FFO til orientering. - Sak om rehabilitering i Bergen kommune. Arbeidsgruppe peika ut av samarbeidsutvalet i Bergen kommune har stilt brukarane spørsmål om kva tilbod ein har, saknar og kva som trengs etablert dei komande åra. Tilbakemelding gis til sekretariatet. - Brev frå departementet om følgje ved sjukehusopphald. Brevet er formidla til Helse Bergen som p.t har laga avtale med Bergen kommune om dette. - Spørsmål om kvalitet på ambulanse frå tidlegare møte. Har fått svar frå Brattebø, er dette tilfredsstillande? - Eldrerådet har framleis kritiske innspel til pasientkøyringa. Har mottatt klager vedrørande oppsamling av fleire og at det medfører lang ventetid på tramsport heim. - Eldrerådet har også mottatt klager vedrørande utfylling av skjema for reisepenger til NAV. Når dette frå 12 november blir et ansvar for helseføretaka lurer eldrerådet på korleis dette blir handtert. Brukarutvalet tilrådde eldrerådet å senda dette som ei formell sak til Brukarutvalet med dei klager som er mottekne.brukarutvalet viser også til dokument som er sendt eldrerådet, ein ber om at desse blir presentert for eldrerådet. - Leiar orienterte om at rapport vedrørande tilbodet til schisofrene er ferdigsstilt og skal innarbeidast i prosjektet pasientflyt og skal behandlast i styret. Det skal ikkje ende i ei skuff. Brukarutvalet har delteke i utarbeiding av rapporten. - Oppdragsdokumentet psykiatri. Her har direktør ved Psykiatridivisjonen bedt om innspel med frist til 01.12. Leiar har meldt inn behovet for opplæring av pasientar og pårørande. - Ønskje frå Hospitality om å møte brukarutvalet vedrørande pasientterminalar. Dei har vore leverandør ved parkbygget. Brukarutvalet ynskjer å avvente samarbeid med firma inntil det er avklart i Helse Bergen kven som får eventuell framtidig avtale.
5 - Gerd Dåvøy bad om innspel i forhold til liste over saker som er utarbeidd for behandling i Samarbeidsutvalet Bergensregionen. Kvar einskild melder innspel til Gerd direkte. Lista er den same som er sendt til leiarane av alle samarbeidsutvala. - Inge Johs Reigstad orienterte om. o Møte på Voss vedrørande rehabilitering. Det var om lag 100 deltakarar. Han hadde 20 min. tilgjengeleg til å orienter om samhandlingsreforma frå brukarståstad. Fekk gode tilbakemeldingar. o Møte i Stavanger vedrørande nye avtalar med private rehabiliteringsinstitusjonar. Det var ein diskusjon om ein treng det private tilbodet. Nokre meinte in kunne klare seg med kommunal og sjukehusrehabilitering. Brukarane peika på at det er nødvvendig med dette supplementet. Spesielt aktuelt for kronikarar henvist frå kommunane/fastlegane og som ikkje kan gis egna rehabiliteringstilbod i kommunane, spesielt i små kommunar. o Prosjekt ombygging i Nevroklinikken. Alt var sluttført før han ble invitert til omvisning. Det såg bra ut. Klinikken har beklaga at brukar vart utegløymt. - Anne - Berit Kolås orienterte om. o Arbeidsgruppe rehabilitering der ho hadde meldt frå at det ikkje er naturleg med Brukarmedverknad. Vil bli invitert til møter i nettverket. o Prosjekt trafikksikkerheit HUS blir sluttført 26.11.09. o Prosjektoversikt, må oppdaterast. Anne Berit Kolås tar ansvar for dette saman med sekretariatet. Sak 68/09 Eventuelt Neste møte er 15 desember. Førebels er det planlagt følgjande saker: - Psykiatri- gjennomgang av bestillingsdokument. Hans Olav Instefjord - Pasientreiser - inviterte gjester - Orientering om HUS sitt utanlandske engasjement.