saksframlegg Dato: Referanse: Vår saksbehandlar: 22.11.2018 126272/2018 Hilde Hernes Hovland Saksnr Utval Møtedato Kultur- og folkehelseutvalet 06.02.2019 2019 - Driftstilskot regionale kulturinstitusjonar Bakgrunn Fylkeskommunen har ansvar for utvikling, formidling og forvaltning av kulturområdet. Driftstilskota bidreg til å sikre føreseielege rammer til verksemder som har langsiktige mål, held høgt kunst- og kulturfagleg kvalitetsnivå og er viktige aktørar i regionen. Fylkesplan 2017-2020 og (Økonomiplan 2019-2022 med budsjett for 2019) legg føringar på prioriteringar innan kulturfeltet. Framlegg til fordeling av driftstilskot til regionale kulturinstitusjonar er gjort med bakgrunn i retningsliner for tildeling av Kulturtilskot for Møre og Romsdal. Dette gjeld institusjonar innan museum, arkiv, verdsarv, vaksenopplæring, i tillegg til musikk, teater og kunst. Vurdering Dei regionale institusjonane har god aktivitet og stabil drift. For nokre av institusjonane er driftstilskotet tredelt mellom stat, fylkeskommune og kommunar. Dette gjeld ikkje Interkommunalt Arkiv Møre og Romsdal, Møre og Romsdal kunstsenter og Atlanterhavsparken. Meld.St. 8 Kulturens Kraft viser den overordna politiske retninga for kulturpolitikken framover. Hovudbodskapen i meldinga er at kunst og kultur er ytringar med samfunnsbyggjande kraft, og at eit rikt og variert kulturliv er ein føresetnad for ytringsfridom og eit vel fungerande demokrati. Vidare står det mellom anna: «Offentlege finansar vil i tida framover vere under press på grunn av høge offentlege utgifter kombinert med reduserte inntekter. Dette vil kunne få følger også for overføringane til kultursektoren og kan tvinge fram krevjande økonomiske prioriteringar i åra som kjem.» Som ein følge av regionreforma er det vedtatt at fylkeskommunen får tilført nye oppgåver på kulturfeltet i åra som kjem. Dette krev ein tydeleg regional kulturpolitikk som sett retning og prioriterer satsingar, både fagleg og økonomisk. Den regionale finansieringa av kulturinstitusjonane har som mål å gje god tilgang til kulturopplevingar uavhengig av kor du bur i fylket. Fylkeskommunen legg difor opp til at institusjonane opprettheld nivået på sine fylkeskommunale tilskot også i 2019.
Fylkesrådmannen tilrår følgjande driftstilskot for 2019: I kolonna «Tillegg 2019» er endringane for 2019 lagt inn. Det kan vere auka driftstilskot eller andre tilskot for ein avgrensa periode. Alle endringar er omtalt under kvar institusjon Mottakar Tildelt driftstilskot 2018 Forslag driftsog husleigetilskot 2019 Endring i % Tillegg i 2019 Forslag til samla tilskot 2019 Atlanterhavsparken 3 284 000 3 366 000 2,5 3 366 000 IKA Møre og Romsdal 3 012 000 3 072 000 2 3 072 000 Møre og Romsdal 2,5 kunstsenter 1 894 000 1 941 000 1 941 000 Moldejazz - husleigetilskot 786 000 786 000 786 000 Moldejazz - driftstilskot 2 495 000 2 557 000 2,5 2 557 000 Operaen i Kristiansund 3 736 000 3 826 000 2,4 3 826 000 Reservepost museum 1 100 000 500 000 500 000 Stiftinga Geirangerfjorden 2,5 Verdsarv 1 673 000 1 715 000 150 000 1 865 000 Stiftinga Kulturkvartalet 1 561 000 1 600 000 2,5 250 000 1 850 000 Stiftinga Nordmøre museum 5 637 000 5 645 000 2,5 450 000 6 095 000 Husleigetilskot Romsdalsmuseet 1 700 000 2 700 000 2 700 000 Stiftinga Romsdalsmuseet 5 107 000 5 235 000 2,5 950 000 6 185 000 Stiftinga Sunnmøre museum 5 870 000 6 017 000 2,5 250 000 6 267 000 Stiftinga Sunnmøre museum/folkemusikkarkivet for Møre og Romsdal 468 000 480 000 2,5 480 000 Teatret vårt husleigetilskot 2 104 000 2 104 000 2 104 000 Teateret vårt - driftstilskot 6 394 000 6 546 000 2,4 6 546 000 VOFO - drift/sekretariat 308 000 314 000 2 314 000 VOFO - rammetilskot studieorg. 821 000 837 000 2 837 000 Totalt 47 950 000 49 241 000 2 050 000 51 291 000 Operaen i Kristiansund og Teatret Vårt Statsbudsjettet er lagt til grunn for fylkeskommunen si prisjustering. Driftstilskotet er fordelt mellom stat, fylkeskommune og kommune slik: Operaen i Kristiansund (68/16/16) og Teatret Vårt (70/15/15). Teatret Vårt mottar i tillegg eit husleigetilskot på 2,104 mill. kroner. Atlanterhavsparken Atlanterhavsparken er prisjustert med 2,5 prosent i 2019.
Interkommunalt Arkiv Møre og Romsdal (IKA MR) Driftstilskotet til IKA MR gjeld drift av Senter for digitalisering av kulturarven (SEDAK), FylkesFOTOarkivet for Møre og Romsdal, Kulturnett Møre og Romsdal og Privatarkivprosjektet. Driftstilskotet er prisjustert med 2 prosent i 2019. Møre og Romsdal kunstsenter: Driftsramma er foreslått prisjustert med 2,5 prosent. Moldejazz Tilskotet til Moldejazz er prisjustert med 2,5 prosent. Kulturrådet har redusert sitt tilskot Moldejazz med 200 000 kroner både for 2019 og 2020. Festivalen er ein av verdas eldste jazzfestivalar og skal feire 60-årsjubileum i 2020. Den regionale verdien av festivalen er stor og for Møre og Romsdal fylkeskommune er det eit viktig signal å ikkje redusere tilskotet. Molde kommune har gjort same vurdering av festivalen sin regionale og nasjonale verdi. I tillegg til driftstilskotet mottar Moldejazz eit husleigetilskot på 786 000 kroner. Husleigetilskotet blir utbetalt etter faktura. Stiftinga Geirangerfjorden Verdsarv Tilskotet til Stiftinga Geirangerfjorden Verdsarv er prisjustert med 2,5 prosent. I tillegg er det lagt inn tilskot på 150 000 kroner til finansiering av stilling som kulturvernforvaltar i verdsarvområdet som ei prøveordning for åra 2019-2021. Vilkår for tilskotet til ein kulturvernforvaltar er at Stiftinga Geirangerfjorden Verdsarv saman med kommunane og andre samarbeidspartar stadfester finansiering av minimum ei 50 prosent stilling. Musea Den generelle prisjusteringa på driftstilskota til musea er på 2,5 prosent. Tilskota som er lagt inn frå 2019 er ikkje med i prisjusteringa. Stiftinga Nordmøre Museum Som følge av at Rindal kommune blir ein del av Trøndelag fylke frå 1. januar 2019 blir driftstilskotet til drift av museumverksemd i Rindal, redusert med 130 000 kroner frå same dato. Det reduserte driftstilskotet er prisjustert med 2,5 prosent. I driftstilskotet er det lagt inn eit årleg tillegg på 450 000 kroner som gjeld 50 prosent stilling til fagkoordinator FoI bygnings- og fartøyvern. Dette er ein oppfølging av Regional delplan museum (sak T-52/17), og sak KF 56/18 Forskingsog innovasjonsstrategi for musea i Møre og Romsdal. Stiftinga Romsdalsmuseet I sak KF-52/18 Søknad frå Stiftelsen Romsdalsmuseet tilskot til kjøp av bygg til museumsformål var det gjort vedtak om løyving på 2 mill. kroner til kjøp av bygningsmassen. 1 mill. kroner vart løyvd i 2018 med ytterlegare 0,5 mill. kroner i 2019 og 250 000 kroner for åra 2020 og 2021. 500 000 kroner er lagt inn i tilskotet til Stiftinga Romsdalsmuseet for 2019. I driftstilskotet er det også lagt inn eit årleg tillegg på 450 000 kroner som gjeld 50 prosent stilling til koordinator for forsking og kunnskapsutvikling i musea (forskingskoordinator). Dette er ein oppfølging av Regional delplan museum (sak T- 52/17), og sak KF 56/18 Forskings- og innovasjonsstrategi for musea i Møre og Romsdal.
Husleigetilskotet til Romsdalsmuseet vart redusert frå 3 mill. kroner til 1,7 mill. kroner frå 2018, men beløpet vart for lite til å dekke renter og avdrag. Det er derfor auka med 1 mill. kroner frå 1,7 mill. kroner til 2,7 mill. kroner frå 2019. Husleigetilskotet blir utbetalt etter faktura. Stiftinga Sunnmøre Museum I sak KF 64/18 Søknad frå Stiftinga Sunnmøre museum tilskot til oppføring av jektenaust og formidlingsbygg vart det gjort vedtak om løyving av 1,5 mill. kroner til bygging av jektenaust og formidlingsbygg for jekta Anna Olava. 750 000 kroner vart løyvd i 2018 og ytterlegare 250 000 kroner per år i perioden 2019-2021. 250 000 kroner er lagt inn i tilskotet til Stiftinga Sunnmøre Museum for 2019. Stiftinga Sunnmøre museum/folkemusikkarkivet for Møre og Romsdal Tilskot til Folkemusikkarkivet for Møre og Romsdal er prisjustert med 2,5 prosent. Stiftinga Sunnmøre Museum har søkt om auka driftstilskot på 100 000 kroner. Søknaden blir vurdert etter at konsolideringsprosessane mellom Stiftelsen Kulturkvartalet og Stiftinga Sunnmøre museum er avslutta. Stiftinga Kulturkvartalet Stiftinga Kulturkvartalet har søkt om ein auke på 650 000 kroner til å bygge opp samlinga på samtidskunst. Museet har eit regionalt ansvar for å dokumentere samtidskunsten i Møre og Romsdal og det må gjerast i samarbeid med andre aktørar både her i fylket og eventuelt utanfor fylket (kunstnarisk råd). Det blir lagt inn ein auke på 250 000 kroner i året til å bygge opp ei samling som reflekterer samtidskunsten i Møre og Romsdal. Reservepost Museum er redusert frå 1 100 000 i 2018 til 500 000 kroner. I 2018 har det vore jobba med samanslåing av stiftingane Folkemusikkarkivet for Møre og Romsdal og Sunnmøre Museum og stiftingane Kulturkvartalet og Sunnmøre museum. I tillegg er det kjøpt kunnskapsgrunnlag frå Telemarksforsking, rapporten Museumsforsking i Møre og Romsdal, sak KF-56/18. Fullføring av prosessane kan skje innanfor forslag til avsett ramme. Voksenopplæringsforbundet i Møre og Romsdal (VOFO): VOFO si driftsramme blir foreslått prisjustert med 2 prosent for 2019. Tilskotet til VOFO består av driftstilskot til Voksenopplæringsforbundet for Møre og Romsdal og rammetilskot til studieorganisasjonane. Når det gjeld rammetilskotet til studieorganisasjonane skal dette stimulerer til auka studieaktivitet. Tilskotet blir fordelt til studieorganisasjonane etter innmeldte studieaktivtetar i frivillige lag- og organisasjonar. Det er Voksenopplæringsforbundet som fordeler ramma på vegne av Møre og Romsdal fylkeskommune. I 2019 vil vi saman med studieorganisasjonane evaluere ordninga. VOFO har prosjektansvaret for det treårige LIM-prosjektet (Likeverd, Integrering og Mangfold) som skal gå frå 2018-2021, jamfør økonomiplan 2018-2021 med budsjett for 2018, sak T-63/17. I prosjektet er også fylkeskommunale tilskotsmidlar til likeverd, inkludering og mangfald overført. Det er satt av 500 000 kroner til prosjektet i 2019, og 500 000 kroner i tilskotsmidlar. Beløpa er ikkje omfatta av denne saka, då prosjektet vil få eiga oppfølging og tildelingsbrev.
Andre disponeringar: Atlanterhavsparken: I sak T-59/18 Økonomiplan med handlingsplan 2019-2022 med budsjett for 2019 er det gjort vedtak om ein varig auke av driftstilskotet med 700 000 kroner. Auken gjeld marint vitensenter. Midlane blir sett av på budsjettet, men blir ikkje utbetalt før senteret er etablert. Stiftelsen Sunnmøre Museum/Folkemusikkarkivet for Møre og Romsdal: Folkemusikkarkivet for Møre og Romsdal vil få status som fellesfunksjon når fusjonsprosessen mellom dei to stiftingane er fullført. Det blir sett av inntil 420 000 kroner på budsjett til disposisjon når fusjonen er gjennomført. Forslag til vedtak: 1. Kultur- og folkehelseutvalet sluttar seg til fylkesrådmannen sitt framlegg om driftstilskot for 2019 til regionale kulturinstitusjonar med slik fordeling: Mottakar Forslag samla tilskot 2019 (inkl tillegg) Tillegg i 2019 ikkje prisjustert Driftstilskot - auke i prosent Atlanterhavsparken 3 366 000 2,5 IKA Møre og Romsdal 3 072 000 2 Møre og Romsdal kunstsenter 1 941 000 2,5 Moldejazz - husleigetilskot 786 000 Moldejazz - driftstilskot 2 557 000 2,5 Operaen i Kristiansund 3 826 000 2,4 Reservepost museum 500 000 Stiftinga Geirangerfjord Verdsarv 1 865 000 150 000 2,5 Stiftinga Kulturkvartalet 1 850 000 250 000 2,5 Stiftinga Nordmøre museum 6 095 000 450 000 2,5 Husleigetilskot Romsdalsmuseet 2 700 000 Stiftinga Romsdalsmuseet 6 185 000 950 000 2,5 Stiftinga Sunnmøre museum 6 267 000 250 000 2,5 Stiftinga Sunnmøre museum/folkemusikkarkivet for Møre og Romsdal (FAMR) 480 000 Teatret vårt husleigetilskot 2 104 000 Teateret vårt driftstilskot 6 546 000 2,4 VOFO - drift/sekretariat 314 000 2 VOFO - rammetilskot studieorg. 837 000 2 Totalt 51 291 000 2 050 000
Andre disponeringar: Atlanterhavsparken 700 000 Satt av på budsjett for 2019 Stiftinga Sunnmøre Museum/FAMR 420 000 Satt av på budsjett for 2019 Totalt andre disponeringar 1 120 000 Totalt disponert i denne saka 52 411 000 2. Løyvingane blir å dekke frå budsjettet til kulturavdelinga, ramme 57 Kulturtilskot. Etter disponering av 52,411 mill. kroner, står det til rest 23,877 mill. kroner på Ramme 57 Kulturtilskot. 3. Dei generelle krava til rapportering og retten til innsyn i bruken av tilskotsmidlane blir som før lagt til grunn for alle tilskotsmottakarane. Jf. retningslinjer og føresetnader for tilskot frå Møre og Romsdal fylkeskommune og vedtak i fylkestinget sak T-59/18, punkt 8. 4. Kultur- og folkehelseutvalet presiserer vidare følgjande: a) Det er stilt krav til føring og revisjon av rekneskap i organisasjonar og institusjonar som får tilskot frå Møre og Romsdal fylkeskommune. Det skal gå fram av årsmelding og eigen post i rekneskapen at det er motteke tilskot frå Møre og Romsdal fylkeskommune. b) Det skal gå fram av program, informasjonsdokument, rapportar og liknande at verksemda har motteke tilskot frå Møre og Romsdal fylkeskommune. c) Rapportering frå året før (2018) må leverast kulturavdelinga innan 30. juni 2019 for sluttutbetaling av tilskot. d) Som prinsipp skal ein følgje fordeling mellom kommune/kommunar og fylkeskommune som er avtalt ved start av eit tiltak. I særskilte tilfelle kan det gjerast ei anna vurdering. e) Ordninga med følgjekort for funksjonshemma brukarar skal gjelde for dei opne kulturtilboda som tilskotsmottakarane står som arrangør av. f) Tiltak som får prosjekt eller driftstilskot frå Møre og Romsdal fylkeskommuneskal så langt som råd vere tilgjengeleg for alle, og byggje på prinsippet om universell utforming. g) Kulturinstitusjonar og frivillige organisasjonar skal gjere bruk av Kulturnett Møre og Romsdal sine tenester, www.mr.kulturnett.no h) Tilskotsmottakarar skal legg til rette for bruk av ordninga Kulturrabatt for ungdom. i) Institusjonar og organisasjonar mv skal gi opplysning om organisasjonsnummer for å få tilskot utbetalt. Ottar Brage Guttelvik fylkesrådmann Heidi-Iren Wedlog Olsen fylkeskultursjef