Rotary 3 minutt 2015-01-07 Førre: Rotary 3 minutt 2014-06-18. Olav P. President, Rotaryvenner! Julemøtet er forbi, og jula også; nesten. Som kjent er det 20.dag-Knut; 13. januar, som jagar jula ut, med bl.a. eit oppned drikkehorn på primstaven som merke. (Dagen etter midtvinter 12.januar) (Øksa på primstaven viser til korleis Knut Lavard, ein dansk greve og seinare helgen, blei drepen av søskenbarnet sitt. Drikkehornet viser til at ein drikk ut jula, klokka til at ein ringer henne ut, og sopelimen til at ein feiar all spor etter høgtida vekk.) Men på Julemøtet 17.desember altså, denne Paul Harris Fellow-utnemninga: Eg lyt nok ein gong få takke president og medlemmer så mykje for dette påfunnet bak min rygg. Det er ei stor ære å bli medrekna blant desse PH-kameratane, og eg reknar det som ei påskjøning som vil hefte ved meg til min døyande dag. Hjarteleg takk! Så vil eg vise til ein kronikk i Sunnmørsposten i dag, skriven av professor Harald Yndestad ved Høgskulen i Ålesund. Somme hugsar kanskje at for nesten 3 år sidan hadde eg 3-minutt om operativsystem og appar på mobiltelefonen. Eg hadde forresten ikkje hugsa det sjølv, om det ikkje var for at det finst nedskrive. Her i dagens kronikk kjem det naturlege framhaldet! Les han! Professoren Yndestad dreg lina vidare til ein ny generasjon med Smart Teknologi, der, -eg siterer: «Mye tyder på at det denne gang er de offentlige tjenester, som står framfor en dramatisk omstillingsprosess. En omstillingsprosess, som ingen vet hvor vil ende.» Smart media. Smart grid/ kraftnett. Smart samferdsel. Smarte byer. I staden for å gå inn i kronikken det kan de gjere sjølve, vørde rotarianarar, vil eg fortelje om mobil og tv i mi eiga stove i dag! Kanskje du har det likeeins i di stove. Du har i alle fall høve til det. Vi har ein Samsung smart-tv som vi kjøpte før jul i 2011. Samtidig kjøpte vi ein såkalla «lydplanke» av merket Panasonic for å få betre lyd, primært med tanke på musikk. «Planken» har Bluetooth, Blåtann, som er. Frå Wikipedia: Blåtann, eller på engelsk Bluetooth, navnet brukt på radiooverføringsprotokollen som benyttes for å sende og motta data trådløst mellom enheter i et personlig datanett sammensatt av mobiltelefon, datamaskin, og/eller andre enheter som støtter protokollen. Blåtann ble først utviklet av Ericsson, og senere formalisert av
Bluetooth Special Interest Group (SIG), som ble presentert den 20. mai 1999. SIG var sammensatt av Sony Ericsson, IBM, Intel, Nokia og Toshiba. Navnet er inspirert av kong Harald Blåtann (Harald 1 (Gormsson) Blåtann) som var konge i Danmark, trolig fra 958 til 987. Han var den andre i den danske kongerekken.[1] Logoen for Blåtann er satt sammen av bokstavene H (Runic letter ior.svg) og B (Runic letter berkanan.svg) i runealfabetet. Ny smart-mobiltelefon kjøpte eg for eit par år sidan. No til jul prakka eg på kona ein også. Black Friday-kjøp. Alle smart-telefonar i dag har også Blåtann, som altså kan kommunisere via radiobølgjer med andre einingar som har Blåtann,- til dømes lydplanken. (Du har noko liknande med fjernkontrollen for bilen.) Så var det desse appane på mobilen og tv-en. Til dømes ein som ber logoen/ merket til Spotify. Viss eg abonnerer på Spotify,. (Frå Wikipedia: Spotify sammentrukket av «spot» og «identify» er et svensk rettighetsbeskyttet musikkstreamingprogram som gir brukerne mulighet til å lytte til musikk fra et stadig voksende online lydbibliotek. Spotify har blitt utviklet siden 2006 av en gruppe ved Spotify AB, Stockholm. Firmaet Spotify ble etablert av Daniel Ek og Martin Lorentzon, delgrunnlegger av TradeDoubler, i Stockholm. Hovedkvarteret er lokalisert i London, og konsernet har avdelingskontorer i Stockholm og Göteborg.). har eg tilgang til eit online lydbibliotek med tilnærma uavgrensa storleik. Der ER sjølvsagt ei grense, men i praksis finn eg det eg leitar etter. No har eg ikkje lydplanken for tv-en her, men denne vesle Blåtannhøgtalaren gjer nytta, og ved å opne Spotify-appen på mobilen kan Nyttårs-songen vår tone ut i rommet, til dømes frå Friedbert Kerschbaumer si panfløyte. Takk for meg! (Auld lang syne)