HJELMELAND KOMMUNE INSTRUKS FOR RÅDMANNEN DELEGERINGSREGLEMENT Vedtatt i kommunestyret 21.09.2011, sak 057/11
INSTRUKS FOR RÅDMANNEN 1: Rådmannen er, i medhald av Kommunelova 23 nr.1, den øvste leiar for den kommunale administrasjon. Rådmannen vert tilsett av kommunestyret etter forutgåande offentleg kunngjering, med dei rettar og pliktar som følgjer av lovgivninga, denne instruks og gjeldande reglement for arbeidstakarar i kommunen. Rådmannen fråtrer ved oppnådd aldersgrense etter vedtekter for kommunen si pensjonsordning eller etter oppseiing med 3 månaders gjensidig frist. 2: Rådmannen kan ikkje utan formannskapet sitt samtykke, ha anna løna stilling eller faste bierverv. Ved fråvær av rådmannen er assisterande rådmann rådmann i hans stad. 3: Rådmannen førar tilsyn med heile kommuneforvaltninga. I medhald av Kommunelova 23 nr.2, skal rådmannen sjå til at alle saker som blir lagt fram for folkevalde organ er forsvarleg utgreia og at vedtak blir sett i verk. Rådmannen har innstillingsrett til alle politiske utval med unntak av dei forskriftsheimla saker der kontrollutvalet innstill. 4: Med dei avgrensingar som følgjer av særskilte lovar, er rådmannen overorda tenestemenn i forvaltninga og har ansvar for ein forsvarleg leiing herunder instruksjon og tilsyn. 5: Rådmannen har møte- og talerett, personleg eller ved ein av sine underordna, i alle kommunale folkevalde organ med unntak av Kontrollutvalet, jfr. Kommunelova 23 nr.3. 6: Rådmannen har tilvisningsrett. 7: Rådmannen pliktar å finne seg i dei endringar i denne instruks som kommunestyret måtte fastsette.
DELEGERING TIL RÅDMANN 1.0 Delegering til rådmann 1.1 Delegering etter kommunelova 23 pkt. 4. Med heimel i Kommunelova 23 pkt. 4 i lov av 25. september 1992 nr.107 om kommunar og fylkeskommunar, gir kommunestyret rådmannen fullmakt til å ta avgjersler i alle saker som vert rekna som kurante. Ei sak er å sjå på som kurant når det ligg føre retningslinjer for korleis den skal behandlast eller det ligg føre praksis frå liknande saker. Det vert forutsett at vedtaka vert gjort innafor budsjettet sine ramar, etter retningslinjer som er fastsett i lov, eller i medhald av lov, og etter dei reglement og prinsipp som er fastlagt av kommunestyret. Rådmannen har utgreiingsplikt og innstiller i saker til alle politiske styrer, nemnder og utval som kommunestyre, formannskap, andre utval i samsvar med vedtatt struktur osv. med unntak av dei forskriftsheimla saker der kontrollutvalet innstiller. Rådmannen utgreier saker gjennom ass.rådmann, kommunesjefar, økonomiansvarleg og seksjonsansvarlege til de respektive politiske utval. Instruksjonsmynde frå kommunestyret, formannskap og utval til administrasjonen skal gå gjennom rådmannen eller dei som representerer rådmannen i vedkommande utval. 1.2 Personalsaker Permisjonar Innvilge permisjonar etter retningslinjer i godkjent permisjonsreglement med høve for vidaredelegering. Innvilge lovbestemte, avtalebestemte, og andre permisjonar utan løn. Tilsetting Rådmannen har tilsettings- og avgjerslemynde i alle saker, med unntak av tilsetting av rådmann som er tillagt kommunestyret. Rådmannen har tilsettingsmynde og benytter faglige rådgivere som assisterende rådmann og kommunesjefar. Oppseiing Rådmannen gis mynde til å suspendere, si opp og avskjedige tilsette i stillingar der rådmannen har tilsettingsmynde. Rådmannen gis mynde til å opprette og inndra stillingsheimlar for dei stillingane der rådmannen har tilsettingsmynde. Kurs- og opplæringsverksemn Beordre personell og forvalte økonomiske midlar til kurs og kompetanseheving i samsvar med hovudavtale og innafor vedtatt budsjett.
Personalforvaltning Rådmannen gis i samsvar med til Kommunelova 24 nr.1 fullmakt til å avgjere alle saker i den løpande personalforvaltning der avgjerslemynde ikkje ligg til formannskap eller kommunestyret. Rådmannen skal bl.a. avgjere følgjande type problemstillingar innanfor personalområdet: * Omorganisering som ikkje medførar nedlegging av avdelingar og seksjonar og som ikkje bryt med overordna ansvarsnivå i årsbudsjett. * Avgjerd om omgjering av stillingar, avgjersle av normering og lønsfastsetting av stillingar innafor fastsette hovudlinjer og innvilge permisjonar jfr. vedtatt reglement. * Foreta direkte tilsetting ved friviljug omplassering eller jobbrotasjon utan utlysing av stilling. * Utlyse stillingar internt i organisasjonen, kor både fast tilsette og vikarar med meir enn 6 månader arbeidstid kan søkje. * Utviding av fast stillingsheimel inntil 50 % under forutsetning av at det ligg føre behov og budsjettmessig dekning er tilstades. * Gi skriftleg åtvaring til tilsette. Flyttereglement Fatte avgjersler innafor rama av vedtatt reglement. Dette skal skje i samråd med leiar for det området saka gjeld. Reglement for tjenestetelefon Fastsette godtgjersle i samsvar med vedtatt reglement. Arbeid utanom kommunen Avgjere spørsmål om ekstraarbeid utanom hovudstilling i kommunen. Dekning av utgifter i samband med tenesten Avgjere spørsmål om dekning av tenesteutgifter i samsvar med Staten sitt reiseregulativ hovudtariffavtale, og tiltrådte særavtalar. Fastsette arbeidstid og beslutte kompensasjon for særskilt arbeidstid Fastsette arbeidstid i samsvar med Arbeidsmiljøloven, Hovudavtalen og Hovudtariffavtalen, eige reglement, også som arbeidstid i romjula. Fastsette godtgjersle for særskilt arbeidstid. Tildeling av kommunal barnehageplass Ved behov tildele reserverte barnehageplassar til prioritert fagpersonell. Påskjønningar Gi påskjønning til tenestemenn, sende blomar, helsingar, kransar osv. innafor rama av reglement og sedvane. 1.3 Andre saksområde Budsjett og finansforvaltning I samsvar med ei kvar tid vedtekne reglement av kommunestyret, jfr. Budsjett- og finansforvaltningsreglement. Innhente tilbod og ta opp lån i samsvar med vedtekne investeringsbudsjett.
Fastsette renta på kommunal utlån. 1.3.1 Bustadforvaltning Rådmannen gis mynde til i enkelttilfelle å fråvike kommunestyret sitt utleieregulativ. Rådmannen gis fullmakt til å tildele utleiebustader og leiligheter i utleiebustader/ flyktningebustader. 1.3.2 Støtte til politiske partier Å fordele støtte til politiske parti etter regler fastsett av departementet/kommunestyret. 1.3.3 Utleie av arbeidskraft Rådmannen gis fullmakt til å inngå avtaler om at kommunen skal utføre arbeid for andre mot betaling. 1.3.4 Administrativt forhandlingsutval Rådmannen er kommunen sin arbeidsgjevar for forhandlingar etter hovudtariffavtalen. Rådmannen sine fullmakter gjeld ikkje for forhandlingar om leiarløn etter HTA kap. 3 pkt. 3.4.1, rådmann og assisterende rådmann, men har ansvaret for at det vert gjennomført årlege lokale drøftingar om kommune sin lønspolitikk og forhandlingar etter hovudtariffavtalane. Rådmannen si forhandlingsmynde gjeld også vilkår for friviljug omplassering av tilsette, og å inngå lokale særavtalar innafor arbeidsgjevarområdet. Rådmannen har oppseiingsmynde av tilsette, tilsett etter pkt.1.2, samt tilsettingar innafor prøvetida i samsvar med arbeidsmiljølova kap. 15. Når kommunestyret vedtar nedlegging av stillingar bl.a. i samband med behandling av årsbudsjett- og økonomiplan, kan rådmannen velje ut kva for stillingar som blir berørt, og eventuell foreta oppseiingar og endringsoppseiingar i andre ledige stillingar. I tillegg kan rådmannen beslutte i formelle oppseiingssaker (arbeidstakar som har hatt sjukeløn, IA-avtale). 1.3.5 Tilvisningsmynde I samsvar med budsjettreglement. 1.4 Særlover Straffelova av 22.mai 1902 nr 10 Kommunestyret delegerer avgjerdsretten etter prg 79, 5.ledd om å krevja påtale for straffbare handlingar overfor kommunen til rådmannen Lov om omsetning av alkoholhaldig drikk av 2.juni 1989 nr 2: Som bestemt i framlegg til kommuneplan 2011-2023 Lov om serveringsverksemd av 13.juni 1997 nr 5 Kommunen sine oppgåver og avgjerdsrett vert i saker som er av ikkje prinsippiell betydning, delegert til rådmannen Lov om film og videogram av 15.mai 1987 nr 21
Kommunen sine oppgåver og avgjerdsrett vert i saker som er av ikkje prinsippiell betydning, delegert til rådmannen Plan og bygningsloven av 27.juni 2008 nr 71 Forureiningslova av 13.mai 1981 nr 6, med tilhøyrande forskrifter Lov om konsesjon ved erverv av fast eigedom av 28.november 2003 nr 98 Matrikkellova av 17.juni 2005 nr 101 Kommunen sine oppgåver vert delegert til rådmannen, jfr kvedtak 67/09 Grannelova av 16.juni 1961 nr 15 Rådmannen får fullmakt til å opptre på kommunen sine vegne i nabotilhøve. Veglova av 21.juni 1963 nr 23 Vegtrafikklova av 18.juni 1965 nr 4 Lov om havner og farvatn av 17.april 2009 nr 19 Lov om jord av 12.mai 1995 nr 23 Lov om skog av 27.5.2005 nr 31 Lov om viltet av 29.mai 1981 nr 38 Lov om motorferdsel i utmark av 10.juni 1977 nr 82 Lov om laksefisk og innlandsfisk mv av 15.mai 1992 nr 47
Kommunen sine oppgåver og avgjerdsrett, med dei unntak som går fram av denne vert i lova, Lov om forpakting av 26.juni 1965 nr 1. Lov om naturmangfald av 19.juni 2009 nr 100 Lov om kulturminne av 9.juni 1978 nr 50 Lov om friluftsliv av 28.juni 1957 nr 16 Lov om stadnamn av 18.mai 1990 nr 11 Lov om mat av 19.desember 2003 nr 124 Lov om akvakultur av 17.juni 2005 nr 79 Lov om helligdager og helligdagsfred av 24 februar 1995 nr 12 Kommunen sine oppgåver og avgjerdsrett, med dei unntak som går fram av denne lova, vert i saker som er av ikkje prinsippiell betydning, delegert til rådmannen Lov om erverv og utvinning av mineralressursar av 19.juni 2009 nr 101 Kommunen sine oppgåver og avgjerdsrett, med dei unntak som går fram av denne lova, vert i saker som er av ikkje prinsippiell betydning, delegert til rådmannen Lov om eierseksjoner av 23.mai 1997 nr 31 Lov om vern mot tobakkskader av 9.mars 1973 nr 14 Lov om odel av 28.juni 1974 nr 58
Lov om vassressursar av 24.11.2000 nr 82 Kommunen sine oppgåver og avgjerdsrett, med dei unntak som går fram av denne lova, vert i saker som er av ikkje prinsippiell betydning, delegert til rådmannen Lov om vassdragsregulering av 14.12.1917 nr 17 Delegasjon til brannsjefen Lov om brann og eksplosjonsvern av 14.juni 2002 nr 20 saker som er av ikkje prinsippiell betydning, delegert til brannsjefen så langt det går i høve til lov, forskrift og reglement. 1.5 Opplæringsloven av 17. juni 2005 nr. 106 Rådmannen kan fatte vedtak om spesialundervisning etter kap. 5 og tildeling av årsrametimetal for kvart enkelt skuleår innafor vedtatt budsjett, jfr. kap. 8. Vidare vert han delegert mynde for enkeltvedtak i saker som ikkje er av prinsipiell karakter. Dette omfattar også opptak i SFO med dei avgrensingar som følgjer av kommunale vedtekter. 1.6 Lov om behandling av personopplysningar av 14.04.2000 nr.31. Rådmannen vert delegert mynde i samsvar med Lov om behandling av personopplysningar. 1.7 Barnehagelova av 17.06.2005 med tillegg av endringar 19.06.2009 og 18.06.2010. Med dei avgrensingar som følgjer av barnehagevedtektene. 1.8 Kommunehelsetenestelova av 17. juni 2005 og forskrift om miljørettet helsevern i barnehager og skoler m. v. Lov om psykisk helsevern av 01.september 2003. Med dei avgrensingar som følgjer av delegering til utval og til medisinsk faglig instans jfr.kap.3. 1.9 Barneverntenestar av 09. mai 203 nr. 29 Rådmannen har på kommunen sine vegne ansvar, og utpeikar ansvarleg for oppgåver etter lova 2-1. Avgjerslemynde etter lova kapittel 3 og 4, herunder også hasteparagrafen 4-6, andre ledd og 4-9, første ledd, vert delegert til rådmannen. I medhald av Barneloven av 01. april 2003, har rådmannen mynde til å uttale seg etter lova 41.
1.10 Lov om sosiale tenestar av 17.12.2004 nr.86 Med de avgrensingar som følgjer av delegering til utval. 1.11 Lovendringar Ny lov som avløyser eldre lovgivinga endrar ikkje delegasjonsfullmakt til rådmannen. På nytt lovområde har rådmannen fullmakter inntil kommunestyret har vedtatt kven som har fullmakt. Rådmannen gis mynde til å foreta justeringar og formelle endringar som er nødvendig for å bringe reglementet i samsvar med dei vedtak om delegering som blir gjort. Rådmannen gis også mynde til å justere henvisning m.v. i samsvar med endringar i lover eller andre bestemmingar reglementet viser til. 1.12 Vidaredelegering Med mindre særskilt bestemmingar er til hinder, kan rådmannen delegere sin avgjerslemynde i ovannemnde punkt internt innan administrasjonen.