Ny Giv Namn: Elin Vestre Røkke e-post: elin.vestre@stordal.kommune.no telefon: skule: Stordal barn- og ungdomsskule kommune/fylke: Stordal, Møre og Romsdal Kort introduksjon av opplegget: Film, verkemiddel og sjangrar i 10.klasse Kompetansemål frå Læreplanen: Sammensatte tekster tolke og vurdere ulike former for sammensatte tekster vurdere estetiske virkemidler i sammensatte tekster hentet fra informasjons- og underholdningsmedier, reklame og kunst og reflektere over hvordan vi påvirkes av lyd, språk og bilder
UNDERVISNINGSOPPLEGG Lærestoff: NB!Norskboka Film som medium s. 125-167. Tradisjonell undervisning, gjennomgang, lekse, arbeidsoppgaver osv i hovudsak knytt til læreboka (4 * 60 min). Det som var litt annleis enn vanleg: Før gjennomgang Førlesingsaktivitetar (1 * 60 min) Elevane fekk utdelt 20 sant/usant frå kapittelet. Såg utvalde klipp frå Kon-Tiki, Shakespeare in love og Mamma Mia (etter demokratisk avrøysting i klassa i valet mellom åtte meir eller mindre pedagogiske filmar ) Som lærar er det ofte lett å gløyme denne viktige fasen, men for å motivere elevane og hente fram kjende knaggar, valde eg denne gongen å bruke ei norskøkt på å tune elevane inn.
Førlesing: Kva trur du, sant eller usant? S eller U 1. Film er eigentleg 24 stillbilete i sekundet 2. Bollywood er India sitt svar på Hollywood 3. Ein regissør har til oppgåve å skrive eit godt manuskript 4. I eksposisjonsdelen av ein film vert vi kjend med hovudpersonane 5. Status quo tyder at mykje skjer på ein gong 6. Ein protagonist er det same som ein utfordrar 7. Resolusjonen i ein film legg hindringar i vegen for hovudpersonen 8. Dramaturgi er måten filmen er sett saman på, og måten verkemidla er brukt på 9. Eit ultratotalt bilete er eit oversiktsbilete, der menneska er plassert i eit miljø 10. Eit ultranært bilete viser ein person i heilfigur 11. Skeiv biletvinkel er filming utan bruk av kamerastativ 12. Scenisk klipping er bruk av ulike kameravinklar 13. Effektlyd skaper fokus når noko er i ferd med å skje i handlinga 14. Fargefilm kom for fullt etter første verdskrig 15. Reallyd er den lyden som naturleg høyrer heime i handlinga 16. Dramatisk tid fortel kor lang filmen er 17. Faktisk tid er kor lang tid handlinga ville ha tatt i det ekte livet 18. Splatterfilm er ein sjanger innan kjærleiksfimar 19. Dokumetarfilmhandlinga er alltid henta frå skulemiljøet 20. Film er rekna som den farlegaste påverknadskjelda til vald
Etter gjennomgang Alternativ prøve (1 * 75 min, februar 10.klasse). 10.klassingane hadde etter jul ein hard periode med mange skriftlege prøver/innleveringar, og mange sleit etter kvart med motivasjonen. Det var difor passande å ta ei annleis kapittelprøve. I tillegg er jo film eit visuelt medium, og det var greitt å kunne bruke ActiveBoard. Klassa vart inndelt i grupper på tre elevar(tilsaman 4 grupper), der kvar gruppe skulle gjennom desse stasjonane: Stasjon 1: Kryss av 30 elevproduserte sant/usant-setningar om faktastoff frå kapittelet Stasjon 2: Hald eit føredrag om filmatiske verkemiddel vha Noteboard, gjerne for ei anna klasse. Stasjon 3: Løys samanparing av bilete-filmsjanger på ActiveBoard Stasjon 4: Samtal med læraren om Hollywood-modellen og aktuelle roller/yrke knytt til bransjen. Reint praktisk vart dette gjennomført slik at alle elevane gjorde stasjon 1 samstundes, sant/usant vart så samla inn. Stasjon 2 vart også gjennomført samstundes for alle gruppene, føredrag i ulike klasser. Velvilje frå andre ungdomsskulelærarar gjorde dette mogleg. Stasjon 3 og 4 kravde faglæraren til stades heile tida, dvs. at det vart litt venting på dei gruppene som ikkje var i elden. Stasjon 1: Elevane hadde parvis produsert 20 sant-usant setningar undervegs i arbeidet med lærestoffet, desse sendte dei til læraren. Det vart gjort eit utval, og desse setningane utgjorde første stasjon.
Elevlaga 1. Ein film består av 42 bilete i sekundet. 2. Subjektivt kamera er når ein ser gjennom auga til personen. 3. Splatterfilmar er ein film om kjærleik. 4. Scripten er sjef for økonomien. 5. Dramaturgi er måten filmen er sett saman på 6. Tilt er ei vassrett kamerarørsle. 7. Sluttdelen er resolusjonen. 8. Ei opptakt kan også bli kalla hook. 9. Eit klimaks er kulminasjonen. 10. Panorering er til dømes når kameraet glir over eit landskap 11. Det er i opptakta konflikten startar 12. Subjektiv kamera erstattar auga til ein person 13. Assosiasjonsklipping blir brukt for å spare tid 14. Film manipulerer med lyd 15. India er det landet i verda som produserer flest spelefilmar i året. 16. Hovudpersonen i ein film blir kalla antagonisten. 17. Westernfilm er filmar om cowboy og indianarar 18. Eit nærbilete er når vi ser heile personen 19. Ein produsent er ein som står for sjølve filminga 20. Å teikne storyboard vil seie å teikne scene for scene i manuset 21. Det er om lag 60% av filmane som blir vist i Noreg som er bygd opp etter Hollywood-modellen.
Stasjon 2: Ei gruppe bruker Noteboard til å halde eit innlegg om filmatiske verkemiddel for ei anna ungdomsskuleklasse. Ein hovudrolleinnehavar og ein sufflør!
Stasjon 3: Ei gruppe arbeider med flip-chart på Active board. Målet er å plassere rett sjanger-namn til rett bilete på kortast mogleg tid. Tidtakar/motivator til venstre. Stasjon 4: Samtale med faglærar.
VURDERING: Elevane fekk på førehand beskjed om korleis prøva skulle organiserast. Dei vart delt inn i grupper, og vi brukte ein time på skulen til å finne og gå gjennom læringsmåla saman. Når det gjaldt vurdering, vart det gjort klart for dei at måloppnåinga i stasjon 2 og stasjon 3 var mest avgjerande for karakteren. Vi avtalte at stasjon 2 (føredrag om filmatiske verkemiddel) skulle resultere i ein munnleg karakter, medan dei tre andre stasjonane berre testa fagstoffet, og gjekk på norsk skriftleg. Tilbakemeldingane/karakterane vart gitt av faglærar individuelt i ein liten samtale neste dag. Det kan verke organisatorisk krevjande å gjennomføre eit slikt opplegg, og det er ikkje til å leggje skjul på at ei ordinær skriftleg prøve på mange måtar hadde vore enklare. Den alternative prøveforma kravde også meir tid, fordi nokre elevar var «på vent» til ein stasjon og måtte arbeide sjølvstendig med leksearbeid utan tilsyn. Dette kan jo vere utfordrande for mange elevar, og er heller ikkje alltid like effektivt. Men det var gevinstar ved denne prøveforma som er verdt å ta med seg: elevane skjerpa seg ekstra for å framføre for andre klasser, og dei fekk også positiv respons frå medelevar 8. og 9.klassingar fekk sjå gode faglege rollemodellar både framføringa og samtalen var god trening i høve til munnleg eksamen den korte tida frå gjennomføring til tilbakemelding/framovermelding frå norsklærar verka gunstig på læringa elevane synest særleg at oppgåva med samanparing på ActiveBoard var gøy, her fekk elevane brukt dei visuelle og taktile sidene sine. Variasjon=motivasjon! elevane vart vurdert av andre norsklærarar enn berre den faste læraren, som jo har sine forventningar(«blanke ark-effekten») norsklæraren skal ha grunnlag for å gi tre karakterar i sluttvurderinga, dette opplegget gav konkrete treffpunkt både i norsk skriftleg og munnleg til bruk for den summative vurdering i mai. norsklærarane ved skulen fekk diskutert rettleiing og vurdering med utgangspunkt i eit konkret opplegg I repetisjonsfasen etter skriftleg eksamen i vår, var film og drama eit av dei emna som elevane ønskte seg som oppgåve til prøvemunnleg eksamen, noko som også vart gjennomført med suksess!