Utval Oppvekstutvalet Møtestad Søreide Dato 11.04.2018 Tid Kl. 09:00-11:30 Møtebok Følgjande medlemar møtte Bernt Reed Jostein Arne Røyrvik Svein-Ottar Sandal Venke Kollbotn Frå SP SP KRF KRF Forfall/møtte ikkje Frå Følgjande varamedlem møtte Frå Hege Lothe SV Gro Vereide, Permitert 10:50 SV Jeffrey Elliott Thomas SP Ingen Gunnvor Sunde SD Kjellrun Hjeltenes SD Andre som møtte Per Arne Strand, oppvekstsjef Vigdis Henden, rektor Hyen skule i sak 019/18 Møteleiar: Bernt Reed Underskrift: Bernt Reed Sakliste Sak nr. Sakstittel 017/18 Godkjenning av møteprotokoll, innkalling og sakliste 018/18 Referat og orienteringssaker 019/18 Orientering om Hyen skule - skuledelen 020/18 Opptaket for barnehageåret 2018-2019 - fullmakt til å opprette nye plassar 021/18 Helse og omsorgsplan for 2018-2030 - sluttbehandling
Arkiv: FE - 033 JournalpostID: 18/4643 Saksbehandlar: Jan Kåre Fure 017/18 Godkjenning av møteprotokoll, innkalling og sakliste Vedlegg i saka: 07.03.2018 Protokoll - Oppvekstutvalet - 07.03.2018 Utvalsleiar si tilråding: 1. Oppvekstutvalet godkjenner møteboka frå sitt møte den 7. mars 2018 2. Oppvekstutvalet godkjenner innkallinga og saklista til møtet den 1. april 2018. Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. OPP- 017/18 Vedtak 1. Oppvekstutvalet godkjenner møteboka frå sitt møte den 7. mars 2018 2. Oppvekstutvalet godkjenner innkallinga og saklista til møtet den 1. april 2018. Side 2
Arkiv: FE - 033 JournalpostID: 18/4683 Saksbehandlar: Jan Kåre Fure 018/18 Referat og orienteringssaker Rådmannen si tilråding Rådmannen legg ikkje fram tilråding i saka. Referatsaker Tittel Rekneskapsrapport for 1. kvartal 2018 Barnehageplassar i Gloppen Avsendar/mottakar Foreldre til barn som har søkt barnehageplass Orienteringssaker: Oppvekstsjefen vil orientere om rekneskapsrapporten for 1. kvartal 2018. Ordet fritt... Orienterinsgsaker: Oppvekstsjefen orienterte om rekneskapsrapporten for 1. kvartal 2018 Oppvekstsjefen orienterte om samarbeidsavtala om GMU klasse på Firda vgs. Ordet fritt: - Venke Kollbotn (Krf) spurte om status på psykologprosjektet i Nordfjord og konsekvensar av lærarnormen for Gloppen. - Svein Ottar Sandal (Krf) tok opp det å vere i forkant som er ei målsetjing i kommuneplanen i høve å vere i forkant med planlegging av barnehage- og skuleplassar på Sandane. spesielt situasjonen til Sandane skule vart nemt. - Oppvekstsjefen orienterte om markeringa som skal vere i samband med at vert Trafikksikker kommune, 8. mai. OPP- 018/18 Vedtak Oppvekstutvalet tok saka til orientering. Side 3
Arkiv: FE - 613, FA - A20, HIST - 16/1353 JournalpostID: 18/4612 Saksbehandlar: Per Arne Strand 019/18 Orientering om Hyen skule - skuledelen Vedlegg i saka: 04.04.2018 Hyen skule - vurdering av alternative tiltak Rådmannen si tilråding Oppvekstutvalet tek saka til orientering og ber om at det vert jobba vidare med planane med tanke på utlysing av prosjektet. Saksutgreiing Bakgrunn for saka Det er vedteke å renovere Hyen skule. Skulen består av to delar, skulebygningen og idrettsbygningen. Det er no vedteke å lyse ut Idrettsbygget med varmesentral på anbod. Skuledelen er ikkje komen så langt, men vi vil orientere om kor langt vi er komne i saka. Fakta i saka Skule- og idrettsanlegget i Hyen er samansett av tre prosjekt: varmeanlegget, idrettsbygget og skuleanlegget. Utan at rådmannen kan sjå at det er gjort noko politisk vedtak om det, har arbeidet så langt lagt til grunn at idrettsbygget skal takast først. Ei arbeidsgruppa nedsett av oppvekstutvalet arbeider med prosjekta samla. Gruppa er sett saman av leiar i oppvekstutvalet, oppvekstsjefen, rektor ved Hyen skule, leiar for eigedomsavdelinga og ein representant for hyarane (Synne Marie Oppheim). Varmesentralen skal forsyne idrettsbygget, barnehagen og skulen. Denne sentralen må byggast først, og er langt på veg uavhengig av kva løysingar som elles blir valt for dei andre to prosjekta. Kostnaden med varmesentralen er inkludert i overslaget på idrettsbygget på 31,1 mill. som er omtala i komunestyresaka om revidert 2018-budsjett. Tilbodet på varmesentralen er vedteke lyst ut på anbod. Idrettsbygget Det som betyr noko kostnadsmessig for idrettsbygget er bassenget. Istandsettinga av bassenget utløyser omfattande krav til universell utforming. Elles er det justeringar på inngangsparti og romløysingar som ligg i idrettsbygget. Så langt er idrettsbygget, inkludert varmesentralen, kalkulert til 31,1 mill, medrekna moms. Dei driftsmessige konsekvensane av ei slik investering er omtala i komunestyresaka om revidert 2018-budsjett. Vi kan legge til grunn at idrettsbygget vil vere klart til bruk til skulestart i 2019 om utlysing endeleg vedtak om bygging vert gjort og gjennomført. Skulebygget Side 4
Det har vore jobba saman med firma Arkilag om ei vurdering av alternative tiltak. Utgreiinga vert presentert i møtet og ligg som vedlegg til saka. Førebels kostnadsoverslag er om lag 45 mill. medrekna moms. Så langt viser utrekningane at det ikkje er stor skilnad på kostnaden med å bygge ny skule samanlikna med å renovere eksisterande bygg. Det er lagt til grunn at det skal vere ein 1-10 skule, med dimensjonering på 75 elevar. Det har vore møte og innspel har kome både i ope møte og frå tilsette og elevar på skulen. Det har vore førande for planlegginga så langt at det skal vere fleksibilitet i bygningen, det skal vere rom for å skille litt mellom småskulen, mellomtrinnet og ungdomsskulen. Det har samtidig vore viktig å få fram ei løysing som kan vere god for uteområdet til skulen og dei trafikal løysingane i området. Bibliotek teneste for Hyen er planlagt inn. Det er og viktig at skulen er tenleg som eit bygg for bygda og kan nyttast i samband med arrangement på idrettsbana og elles. Det skal samtidig gjerast ei vurdering av å renovere eksisterande bygg, kontra å rive å bygge nytt. Økonomiske konsekvensar for kommunen Det må vi kome tilbake til i seinare sak, når utlysing og byggevedtak skal gjerast. Rådmannen si vurdering Rådmannen meiner at det må jobbast vidare med prosjektet med tanke på å få fram grunnlag for utlysing. Med utgangspunkt i dei vurderingane som så langt ligg føre, må vi tenkje nybygg for Hyen skule, både med tanke på økonomi, men og meir tenlege løysingar for romprogram og uteområde. Svein Ottar Sandal (Krf) hadde følgjande framlegg til vedtak: Som tilrådinga med tilegg om at: "Alternativet med rehabilitering av skulen skal vere med vidare i utgreiinga av Hyen skule" Framlegget fekk to røyster. Så vart det røysta over rådmannen si tilråding. OPP- 019/18 Vedtak Oppvekstutvalet tek saka til orientering og ber om at det vert jobba vidare med planane med tanke på utlysing av prosjektet. Side 5
Arkiv: JournalpostID: 18/4648 Saksbehandlar: Per Arne Strand 020/18 Opptaket for barnehageåret 2018-2019 - fullmakt til å opprette nye plassar Rådmannen si tilråding Oppvekstutvalet tar saka til orientering og opprettar 3 mellombelse plassar i Bakkelidgrenda barnehage. Rådmannen får fullmakt til å vurdere frå kva tidspunkt dei skal etablerast. Saksutgreiing Bakgrunn for saka Det vart orientert om barnehageopptaket for barnehageåret 18/19 på førre møte i oppvekstutvalet. Det vart då oppretta nokre nye plassar for å tilfredstille behovet for plassar. Oppvekstsjefen ser behov for å orientere oppvekstutvalet om status i opptaket så langt då det er noko som opptek mange. Fakta i saka Vi har sendt ut tilbod til dei som vart tildelt plass i dei barnehagane dei hadde på si prioriteringsliste i alle 3 opptaksområda. Vi har ikkje sendt tilbod til dei som vil få tilbod om plass i Breim fordi det ikkje er plass rundt Gloppefjorden. Vi har gjort det slik for å sjå om det er nokon som ikkje tek i mot plassen. Er det nokon som ikkje tek imot plass rundt Gloppefjorden så opnar det for at fleire får plass i nærleiken av buplass. Vi har i skrivande stund fått inn mange svar, så langt alle positive. Vi reknar fristen ut veke 14 på å stadfeste barnehageplassen for dei som ikkje har gjort det. Siste oppdaterte tal vert presentert i oppvekstmøte. Det er pr no eit par plassar som er sagt opp, noko som opnar for rokkeringar på listene. Planen er å få ut tilbod til alle så rakst som råd etter at vi har svar frå alle som har fått tilbod. Det er og kome til 2 nye søkjarar etter fristen. Vi har i tillegg barn som ynksjer plass frå nyttår 2019 eller seinare i 2019. Nokre barn har fått barnehageplass frå no i vår. Økonomiske konsekvensar for kommunen Kostnadane med barnehageopptaket vert lagt fram i eiga sak, når opptaket er ferdig. Rådmannen si vurdering På bakgrunn av status så langt vil rådmannen tilrå at vi opprettar 3 ekstra plassar i Bakkelidgrenda barnehage. Plassane må vurderast om dei skal etablerast frå august eller frå nyttår 2019. Rådmannen vil gjerne ha fullmakt til å vurdere frå kva tidspunkt dei skal opprettast utifrå opptaket og søknadar framover. Side 6
Brevet frå ei gruppe foreldre som ligg under referatsaker vart lagt fram i møte og lest opp. OPP- 020/18 Vedtak Oppvekstutvalet tar saka til orientering og opprettar 3 mellombelse plassar i Bakkelidgrenda barnehage. Rådmannen får fullmakt til å vurdere frå kva tidspunkt dei skal etablerast. Side 7
Arkiv: JournalpostID: 18/4470 Saksbehandlar: Beate Kornberg 011/18 Eldrerådet 09.04.2018 011/18 Rådet for menneske med nedsett funksjonsevne 09.04.2018 021/18 016/18 Helse- og omsorgsutvalet 11.04.2018 Kommunestyret 041/18 Formannskapet 18.04.2018 Helse og omsorgsplan for 2018-2030 - sluttbehandling Vedlegg i saka: 03.04.2018 Helse- og omsorgsplan 2018-2030 - til endeleg godkjenning april 2018 13.03.2018 Høyringsuttale helse- og sosialplan Rådmannen si tilråding Kommunestyret godkjenner vedlagt framlegg til «Helse- og omsorgsplan for 2018-2030». Saksutgreiing Bakgrunn for saka I «Planstrategi for Gloppen 2016 2020» vart det vedteke at det i løpet av 2017 skal utarbeidast ein ny helse- og omsorgsplan. Arbeidet med planen starta opp våren 2017 og vart gjennomført i tråd med vedteke planprogram, mellom anna med fleire brukarrepresentantar i arbeidsgruppa. Arbeidsgruppa har delteke i heile prosessen, både når det gjeld innhald, avgrensingar og struktur i planen. Helse- og omsorgsutvalet behandla rådmannen sitt høyringsutkast i sitt møte 31. januar, og vedtok å legge planen ut på høyring. Fakta i saka Helse- og omsorgsutvalet sitt høyringsutkast til ny «Helse- og omsorgsplan for 2018 2030» har no lege ute på høyring frå 2. februar til 16. mars. I samarbeid med frivilligsentralen gjekk varsel om høyring ut til ei rekkje frivillege lag og organisasjonar, i tillegg til at det vart kunngjort i avisa og på kommunen si nettside. Det har kun kome inn eit innspel til planen, dette frå Sandane Lions Club (sjå vedlagt høyringsuttale). Dei kom ikkje med endringsforslag. Dei støtta opp om planen, særleg strategien om auka samarbeid med frivillege, og er positive til å stille opp. Den einaste endringa som er gjort i høve høyringsutkastet er at det er lagt inn eit samandrag av planen. Økonomiske konsekvensar for kommunen Planen legg føringar for kommunen sine prioriteringar i planperioden, som må innarbeidast i økonomiplan og årlege budsjettprioriteringar. Rådmannen si vurdering Rådmannen vurderer at framlegget til ny helse- og omsorgsplan er ein brei og omfattande plan, med Side 8
eit gjennomgåande fokus på ei heilskapleg og tverrsektoriell tilnærming til framtidige helse- og omsorgsutfordringar. Planen legg stor vekt på å vere i forkant i si tilnærming til utfordringane, og finne nye måtar å løyse dei på. Dette er i tråd med viktige strategiar i vedteken samfunnsdel. Eldrerådet 09.04.2018 Helse- og omsorgssjef Anita Lothe og rådgjevar Beate Kornberg orienterte om saka. ELD- 011/18 Vedtak Helse- og omsorgsplan 2018-2030 er svært ordrikt og flott, men kanskje litt vanskeleg å få med seg alt. Frå kapittel 7 og utover er det ei grei oppsummering av alle tiltak i kappittel 5 og 6. Trass alle råd og gode hjelpemiddel kjem vi alle til det punkt då vi er heilt avhengig av full pleie og omsorg. Tiltak for dette manglar i oppsummeringa. Dei pårørande og den opne omsorga er avhengig av at dei kan feste lit til at denne tenesta fungerer. Korttidsplassane er ein viktig del av den opne omsorga, og desse plassane må ikkje verte oppfylt av personar som har behov for varig heildøgnsplass. Eldrerådet ber om at dette vert teke med i oppsummeringa. Rådet for menneske med nedsett funksjonsevne 09.04.2018 RAD- 011/18 Vedtak Rådet for menneske med nedsett funksjonsevne meiner at planen kan vedtakast slik han er lagt fram. Helse- og omsorgsutvalet 11.04.2018 HOU- 016/18 Vedtak Helse- og omsorgsutvalet er samd i tilrådinga. OPP- 021/18 Vedtak Oppvekstutvalet er samd i tilrådinga. Side 9