VANYLVEN KOMMUNE MØTEPROTOKOLL UTVAL: Formannskapet Møtestad: Ordførarens kontor - Rådhuset, Fiskå Dato: 03.10.2017 Møtet tok til 09:00 Møtet slutta 13:55. Møtet var innkalla ved utsend sakliste datert 28.09.2017. Ordførar Lena Landsverk Sande leia møtet. Faste medlemar som møtte: Namn Funksjon Representerer Lena Landsverk Sande Ordførar V Bjarne Sætrenes Varaordførar FRP Ingebrigt Berget Medlem SP Idar Brekke Medlem H Øystein Blom Medlem KRF Lena Nordal Vedeld Medlem H Ottar Jan Løvoll Medlem AP 7 av 7 medlemar møtte. Frå administrasjonen møtte: Namn Andreas Chr. Nørve Kåre Kvangarsnes Stilling Rådmann Møtesekretær. Dessutan utan møtte kommunalsjef teknisk sektor Terje Kolstad t.o.m. sak 118/2017, i sakene 122/2017 og 129/2017 og under «Eventuelt». --------------------------------------- Kommunalsjef helse- og omsorgssektor Arnhild Nordaune orienterte om situasjonen på helse- og omsorgssenteret og heimetenesta og om matservering på institusjon: Ein har 60 institusjonsplassar på Vanylven helse- og omsorgssenter. Ca 120 personar arbeider der. Det er god samordning mellom dei ulike tenestene.
Ingen står på venteliste i dag. Det ligg heller ingen utskrivingsklare pasientar frå Vanylven på sjukehusa. Til tider har ein hatt ein pressa situasjon. No er situasjonen betre. Auka behov dei siste åra i heimebaserte tenester. Det er inga krise korkje på omsorgssenteret eller i heimebasert omsorg. Det fungerer greitt. Sjølv om bemanninga er auka med 1 stilling i 2017, er den likevel marginal. Har 1-2 lærlingar pr. avdeling. Måltid institusjon: Etter pålegg frå sentralt hald, basert på ernæringsmessige forhold, starta ein for ei tid tilbake med seinare middagsservering på Vanylven helse- og omsorgssenter. Då dei som bur på omsorgssenteret ville ha middagen servert tidlegare, gjekk ein tilbake til gamal ordning. No vert det servert frukost ca kl. 09.00, middag ca kl. 12.30, kaffi/kaker/frukt mellom kl. 15.00 og 15.30, kveldsmat mellom kl. 17.30 og 18.00, og alle får tilbod om suppe, evt. brød mellom kl. 21.00 og 22.00. Ein er positiv til å ta bruk dataprogram for innleige av vikarar. Utfordringar innan sektoren: Få nok kvalifisert personale Sjukefråver - Set i verk prosjekt for å få ned sjukefråveret på avdelingar med størst sjukefråver Auka behov, større krav - Kvardagsrehabilitering vil gje betre livskvalitet for den enkelte. Kommunen deltek i KS-nettverk om den multisjuke pasienten. Ein har også eit nettverk på Sunnmøre om dette. Vidare skal kommunen delta i prosjekt om velferdsteknologiens ABC. Det vart opplyst at ein får stort sett gode tilbakemeldingar på tenestene. Ein får likevel nokre klagar, som ein tek på alvor. Det er viktig med god kommunikasjon med pårørande og brukar. På spørsmål frå formannskapet opplyste kommunalsjefen at ein i første halvår har brukt mellom kr. 100.000 og 120.000 på utskrivingsklare pasientar på sjukehus. Stad Skipstunnel orientering v/svein Gjelseth, Vanylven Utvikling AS: KS2-arbeidet er i gang. Skal vere ferdig til årsskiftet 2017-2018. Vonar at ein får prosjektet inn på statsbudsjettet for 2019. Rovdefjordsambandet - orientering v/svein Gjelseth, Vanylven Utvikling AS: Fylkesplannemnda for samferdselssaker drøfta i møte 29.09.2017 prinsipp og prosedyrar for sjølvfinansierande samferdselsprosjekt. Saka skal handsamast i samferdselsutvalet 25. oktober og på fylkestinget 10. 12. desember 2017. Sak om Rovdefjordsambandet vert då handsama på fylkestinget i mars 2018. Orienterte vidare om at ein arbeider med å få produsert stålpontongar til flytebrua, i staden for betong. Satsar på at oppgradert forprosjekt vert sendt til fylkeskommunen før jul 2017.
Underskrifter: Vi stadfestar at det som er ført i møteboka er i samsvar med det som vart vedteke på møtet. 6143 Fiskå, den
SAKLISTE Saksnr. Sakstittel PS 115/2017 PS 116/2017 PS 117/2017 PS 118/2017 PS 119/2017 Frå kl. 09.00: Kommunalsjef Arnhild Nordaune orienterer om matservering og generelt om situasjonen på helse- og omsorgssenteret samt heimetenesta. Godkjenning av innkalling Godkjenning av møteprotokoll frå siste møte Skriv og meldingar Orientering frå rådmannen Interkommunalt samarbeid med Herøy kommune på følgjande fagområde: Planlegging, byggesak, kart/oppmåling, felles brannsjef. Etablering av politisk styringsgruppe i samband med interkommunale samarbeidsprosjekt. Formål, oppgåver, mandat. PS 120/2017 Tertialrapport nr 2-2017 PS 121/2017 Endring av budsjett for 2017 PS 122/2017 PS 123/2017 PS 124/2017 PS 125/2017 PS 126/2017 PS 127/2017 PS 128/2017 Tilleggsløyving - kjøp av brannbil - Syvde Endring av grunnkretsnamn - Vik Retningsliner for bruk av sosiale media Kommunikasjonsstrategi - endringar Val av nye varamedlemar til formannskapet Val av ny kommunal varamedlem til råd for funksjonshemma TV-aksjonen 2017 - Unicef: Løyving frå Vanylven kommune Eventuelt Ekstrasak PS 129/2017 Bustadfelt Fredsvoll Aust: Oppstartløyve
PS 115/2017 Godkjenning av innkalling Innkallinga vart godkjend PS 116/2017 Godkjenning av møteprotokoll frå siste møte Møteprotokoll frå siste møte vart godkjend. PS 117/2017 Skriv og meldingar Skriv av 02.10.2017 frå brannmannskapa i Vanylven Brann og Redning v/svein Sørdal og Trond Barstad; jfr. f-sak 118/2017. Kopi av brev av 26.09.2017 frå Fylkesmannen i Møre og Romsdal: Søknad om utgreiing av grenseendring etter inndelingslova Vanylven kommune. Søknaden er avvist. Skriv av 31.08.2017 frå Forsvarsdepartementet: Avvikling av kommunale heimevernsnemnder. Møtebok frå ekstraordinær generalforsamling i Tussa Kraft AS 27. september 2017. Brev av 1. oktober 2017 frå Asbjørn Egil Nystøyl: Klage på handsaming av høyring ang. søknad om dispensasjon frå kommuneplanens arealdel for dyrking av makroalgar ved Klovningen i Vanylven kommune. Orientering frå rådmannen: Saker ein har arbeidd med dei to siste vekene: Førebuing til lokale lønsforhandlingar. Mellomleiarsamling to dagar førre veke der ein m.a. tok opp kommunikasjon, medietrening, og kommuneadvokaten orienterte om styringsrett og varsling. Har delteke på KS-møte i Molde der han orienterte om nærdemokratiprosjekt. Framlagde skriv og orientering vart tekne til vitande.
PS 118/2017 Interkommunalt samarbeid med Herøy kommune på følgjande fagområde: Planlegging, byggesak, kart/oppmåling, felles brannsjef. Skriv av 02.10.2017 frå brannmannskapa i Vanylven Brann og Redning v/svein Sørdal og Trond Barstad vart delt ut. Samrøystes tilråding som framlegget. Vanylven kommune er positiv til å utarbeide eit interkommunalt samarbeidsprosjekt med Herøy kommune på tekniske fagområde knytt til planlegging, byggesak og kart/oppmåling seinast frå 1. januar 2019. Vanylven kommune og Herøy kommune ynskjer å utarbeide ein samarbeidsavtale om å etablere felles administrativ brannsjefstilling frå 1. januar 2019. Vanylven kommune skal ved eit slikt samarbeid ta ut ein effektiviseringsgevinst på 0,5 årsverk i løpet av prosjektperioden. Samarbeidsprosjektet går over 2 år med påfølgjande evaluering. PS 119/2017 Etablering av politisk styringsgruppe i samband med interkommunale samarbeidsprosjekt. Formål, oppgåver, mandat. Det vart gjort slik samrøystes 1. Det blir etablert ei politisk styringsgruppe for å kome i møte den politiske styringsutfordringa ved dei interkommunale prosjekta og sikre overordna politisk samordning på andre samarbeidsprosjekt. Prosjektgruppa skal ha følgjande samarbeidsområde ved oppstart: a. Økonomi/løn/service b. Plan/teknisk/brann c. Barnevern/NAV d. Samarbeid vedkommande samferdsel Styringsgruppe består av tre folkevalde frå kvar samarbeidande kommune.
2. Politisk styringsgruppe blir etablert. Frå Vanylven vert følgjande valde: Ordførar Lena Landsverk Sande Varaordførar Bjarne Sætrenes Ottar Jan Løvoll. Varamedlemar: 1. Idar Brekke 2. Lena Nordal Vedeld 3. Øystein Blom 4. Ingebrigt Berget. 3. Gruppa konstituerer seg sjølv. 4. Gruppa skal basere seg på semje (konsensusprinsippet). 5. Oppgåvene skal vere: - Følgje vedtekne samarbeidsprosjekt 01.01..18 31.12.19. - Utarbeide overordna prosjekt, t.d. på samferdsel, - Utgreie politiske styringsmodellar for samarbeidsprosjekt frå 01.01.2020. 6. Styringsgruppa skal vere i funksjon i perioden 01.01.18 31.12.19. PS 120/2017 Tertialrapport nr 2-2017 Rådmannen orienterte om enkelte feil i tertialrapporten som vil bli retta før utsending til kommunestyret; m.a. ser overskotet ut til å bli ca. 7,5 mill. Samrøystes tilråding som framlegget. Tertialrapport nr 2-2017 vert tatt til vitande. PS 121/2017 Endring av budsjett for 2017 Samrøystes vedtak som framlegget.
Budsjettet for 2017 vert endra slik: a) Kr 190.000 vert overført frå ansvar 2030 til ansvar 2052, Kr 500.000 vert overført frå ansvar 2030 til ansvar 2031 b) Mottekne renter og avdrag på utlån frå risikofondet fråtrekt kompensasjon for administrasjon vert ført tilbake til fondet. c) Kr 8.976.284 vert overført frå sektorane sine pensjonskonti til ansvar 6098. d) Kr 224.000 av løyving på kr 400.000 til reguleringsarbeid på Fiskåholmen i 2016 vert overført til bruk i 2017. e) Det vert overført 1 million kroner frå skulane til ansvar 2002 som betaling for skuleskyss og fosterheimsplasserte elevar som går på skule i andre kommunar. PS 122/2017 Tilleggsløyving - kjøp av brannbil - Syvde Kommunalsjef teknisk sektor svarde på spørsmål. Samrøystes tilråding som framlegget. Det vert gjeve ei tilleggsløyving på kr. 700.000,- til brannbil kjøp med diverse utstyr t.d. skumanlegg. Finansiering ved bruk av unytta midlar på investeringsbudsjettet for 2017. PS 123/2017 Endring av grunnkretsnamn - Vik Tilråding: Formannskapet viser til matrikkellova og endrar namn på grunnkrets nummer 1511-0106 frå Vik til Slagnes. Varaordførar Bjarne Sætrenes sette fram forslag på Vik, Slagnes. Prøvevotering: 6 røyster for tilrådinga frå adm. 1 røyst for framlegget frå varaordførar Bjarne Sætrenes. Endeleg votering: Samrøystes vedtak som framlegget. Formannskapet viser til matrikkellova og endrar namn på grunnkrets nummer 1511-0106 frå Vik til Slagnes.
PS 124/2017 Retningsliner for bruk av sosiale media Samrøystes tilråding som framlegget. Retningsliner for bruk av sosiale media blir vedtekne og retningslinene blir ein del av kommunikasjonsstrategien til Vanylven kommune. PS 125/2017 Kommunikasjonsstrategi - endringar Samrøystes tilråding som framlegget. Kommunikasjonsstrategi endrar namn til: «Kommunikasjonsstrategi med: - retningsliner for bruk av sosiale media - retningsliner for meiroffentlegheit og innsyn - retningsliner for kontakt med media - retningsliner for dokumentinnsyn» Retningsliner for dokumentinnsyn blir vedteke slik dei ligg føre. PS 126/2017 Val av nye varamedlemar til formannskapet Etter framlegg frå Øystein Blom vart det gjort slik samrøystes Joar Lillerovde vert vald som ny 6. varamedlem til formannskapet på fellesliste V, H, SP, KRF og FRP ut valperioden 2015-2019.
PS 127/2017 Val av ny kommunal varamedlem til råd for funksjonshemma Etter framlegg frå Øystein Blom vart det gjort slik samrøystes Robert Warberg vert vald som ny kommunal varamedlem til råd for funksjonshemma ut valperioden 2015 2019. PS 128/2017 TV-aksjonen 2017 - Unicef: Løyving frå Vanylven kommune Etter drøfting vart fellesframlegg samrøystes vedteke. Vanylven kommune løyver kr. 13.000,- i gåvebidrag til TV-aksjonen 2017. Vidare vert det løyvt kr. 2.000,- i driftsstøtte til TV-aksjonen 2017. Løyving over reservepost formannskapet. PS 129/2017 Bustadfelt Fredsvoll Aust: Oppstartløyve Kommunalsjef teknisk sektor svarde på spørsmål Samrøystes vedtak som framlegget Formannskapet vedtek at: 1. Opparbeiding av Bustadfelt Fredsvoll Aust vert sett igong. 2. Prosjektet på kr. 4,9 millionar vert finanisert i økonomiplan med kr. 4 640 000,- i 2017 og 2018, og må få tilført kr. 260 000,- i 2018 budsjett. 3. Det må i eiga sak vurderast om kommunen skal nytte dagens tomtepris i bustadfeltet (230 kr/m 2 ), som medføre at kommunen må dekke kr. 700 000,- av prosjekt kostnadane (16%), eller la tomtekjøpar ta større del av kostnadane med høgare tomtepris. 4. Kontraktforhandlingar om grunnarbeid i bustadfeltet startast opp med Volda Maskin AS.
Eventuelt: Varaordførar Bjarne Sætrenes bad om at klage frå Asbjørn Nystøyl i f-sak 110/2017 Royal Seeweed AS søknad om dispensasjon frå kommuneplanens arealdel; jfr. skriv og meldingar, vart drøfta. Kommunalsjef teknisk sektor Terje Kolstad opplyste at då saka var sendt ut på høyring, vurderte ein det ikkje som aktuelt å sende saka til vedkomande, sidan eigedomen hans ikkje grensar til mogleg anlegg. Saka vil kome tilbake til ny politisk handsaming etter ny høyringsrunde når det ligg føre søknad om produksjon. Kommunen vil rådføre seg med kommuneadvokaten. Ingebrigt Berget bad om orientering om framdrift fiberutbygging i kommunen. Rådmannen orienterte. Det er inngått avtale med Telenor. Utbygginga skal vere ferdig i november 2019. Ottar Jan Løvoll tok opp spørsmål om sal av delar av Eidså Sag. Kva skjer? Ein har ein mogleg kjøpar. Rådmannen opplyste at det vert lagt fram om kommunale eigedomar til neste møte. Kommunalsjef teknisk sektor opplyste at ein har forstått det slik at vedkomande ikkje er interessert i eigedomen. Rådmann og kommunalsjef undersøkjer nærare til neste møte. Idar Brekke spurde kva som skjer med saker ein har teke opp tidlegare. Bad om at det vert lagt fram sak vedk. matservering på institusjon, og at eit fungerande elektronisk vikarsystem vert innført i helse- og omsorgssektoren. Ingebrigt Berget etterlyste svar på spørsmål teke opp i kommunestyret 14. februar 2017: Ingebrigt Berget tok opp sak om eldreomsorg i kommunen, m.a. kapasitetsproblem på Vanylven helse- og omsorgssenter. Bad om at ordføraren syter for at saka kjem opp til handsaming i alle relevante politiske utval. Ordføraren viste til protokollen frå kommunestyremøtet: Fung. rådmann Terje Kolstad viste til at ein har ledige omsorgsbustader på Åheim, og at ein må avvente Telemarksforskning sin gjennomgang av kommunen før ein legg fram saka. Vidare beklaga ordføraren at saka ikkje har vorte fylgt opp. Ein vil no ta tak i saka. Øystein Blom tok opp problemstillingar knytt til vedtak om avskriving av studielån for nytilsette i Vanylven kommune.
Rådmannen tok opp sak vedk. forhandlingsutval til lokale forhandlingar med kommunalsjefane og rådmannen. Kommunestyret valde i sak 114/2016 slik forhandlingsutval: Lena Nordal Vedeld, Øystein Blom og Ottar Jan Løvoll. Leiar Lena Nordal Vedeld har ikkje høve til å delta ved årets forhandlingar. Ein har ikkje varamedlemar. Spurde om ein skulle velje varamedlem og evt. leiar for forhandlingane i år. Det var semje om at dei to øvrige medlemane, med Øystein Blom som leiar, tek seg av forhandlingane Rett utskrift 05.10.2017 Kåre Kvangarsnes