Sogn og Fjordane fylkeskommune inviterer til Reiselivskonferansen 2. og 3. februar 2011 Flora Samfunnshus, Florø Fjordane frå bre til hav PROGRAM Møteplassen for deg som ønskjer å utvikle nyskapande og lønsame opplevingsprodukt i ei tid med sterk konkurranse og rask endringstakt. Gjennom fagprogrammet desse dagane får du meir og ny kunnskap om kva marknaden vil ha, og korleis utvikle lønsame, synlege og berekraftige opplevingar. Torkjell Berulfsen, konferansier Ingeborg Volan, ein av våre fremste ekspertar på sosiale media Jorunn Torsheim,... og faren du veit!
ONSDAG 2. FEBRUAR 09.00 Registrering og kaffe 09.30 Opning av konferansier Torkjell Berulfsen 09.40 Reiselivsplanen Sogn og Fjordane. Kva gjer vi framover? NæringsdirektørJan Heggheim, Sogn og Fjordane fylkeskommune. 10.05 Framtidsblikk ved Jon Robert Dohmen, Mind 2 Mind 10.35 Natur, design, smak oppskrift på oppleving! Torhild Langklopp og Roar Svenning, Stokkøya Sjøsenter 11.10 Kaffepause. 11.25 Korleis skape god økonomi gjennom innovative opplevingar? Pål K. Medhus, Høve Støtt 11.55 Lunsj i festsalen, Flora Samfunnshus 12.45 Smart marknadsføring: Bruk av sosiale media! Ingeborg Volan, Sermo Consulting 13.30 Film gir effekt! Per Tomas Govertsen, Govertsen FILM. 14.00 Kaffepause. 14.30 Parallellsesjonar 1) Film sjølv! Kreative moglegheiter og konkrete tips og råd for korleis du sjølv kan produsere enkle og effektive filmar for vising på nettet (Youtube, Facebook mm). Workshop med praktisk bruk av kamera, mobiltelefon, redigering og opplasting på nettet. Per Tomas Govertsen, Govertsen FILM 2) Møt media! Lær å leite fram dine gode saker og presentere dei for media. Korleis komponere bodskapen på ein slik måte at det lokkar lesarar og kundar til akkurat deg! Særs spennande workshop med Sølve Stang og Eirik Andresen, Stang Media. 3) Produktutvikling og opplevingsproduksjon. Pål K Medhus er i internasjonal toppklasse når det gjeld utvikling av reiselivsprodukt og opplevingsproduksjon. Eit interaktivt og særs lærerikt minikurs som gir grunnlag for betre lønsemd! Pål K Medhus, Høve Støtt. 16.30 Minglepause med tur til Paviljongen ved Litlevatnet, lett underhalding og servering av tapas. Varer til kl. 17.30. 19.00 Reiselivet sin festkveld. Utdrag frå førestellinga Susanna frå Sunnfjord av og med Jorunn Torsheim. Og Oddvar dukkar opp. Festmiddag og humoristisk kåseri av Torkjell Berulfsen. Flora Samfunnshus. 22.00 Mingling i lobby-baren på Comfort Hotel. TORSDAG 3. FEBRUAR 08.30 Ulike syn på reiselivstilboda i Sogn og Fjordane. 5 på gata svarar. 08.45 Nærøyfjorden Verdsarvpark, samspelet med reiselivet for auka verdiskaping. Erling Oppheim, dagleg leiar Nærøyfjorden Verdsarvpark. 09.00 Natur og kultur: Konseptutvikling og kommersiell opplevingsproduksjon. Leif Øverland, konserndirektør Fjord1 09.30 Vi vandrar med freidig mot! Om temasatsing vandring. Kaia Finne, NCE Tourism. 09.55 Kaffepause. 10.10 Birkebeineren trippel suksess for arrangementbasert reiseliv. Tone Lien, dagleg leiar Birkebeinerrittet AS. 10.40 Hotell i særklasse. Korleis snu trugsel om konkurs til suksess. Agnes Berntsen, hotelldirektør & entusiast. 11.20 Utan mat og drikke. Kva betyr gode smaksopplevingar for god lønsemd. Morten Schakenda, Bakeriet i Lom 11.50 Lunsj i festsalen, Flora Samfunnshus. 12.30 Minimesse med informasjon om ulike satsingar i fylket. Utstilling av mellom anna: Hanen Vestlandet, Sparebanken Sogn og Fjordane, Fjordkysten, Innovasjon Norge, SIVA, Sogn og Fjordane fylkeskommune m.fl. 13.20 Målselv Fjellandsby: Frå lokalt reisemål til industribedrift med visjon om å bli eit innovativt verdssenter for snøopplevingar. Morten Torp, marknadsdirektør i Målselv Fjellandsby. 13.50 Bygdeturisme: Sats breiare! Bygdeutviklingsforskar Dag Jørund Lønning tek sats. 14.20 Kaffepause. 14.35 Samarbeid som strategi for auka lønsemd. Per Arne Tuftin, reiselivsdirektør Innovasjon Norge. 14.55 PANELDEBATT leia av Torkjell Berulfsen: Tema: Utfordringar og moglegheiter for reiselivet i Sogn og Fjordane; kva strategiske grep bør vi ta? Med m.a Richard Grov (adm.dir. Hotel Alexandra), Eli-Grete Høyvik (Ciderhuset i Balestrand og Interplan), Ståle Brandshaug (studieleiar Reiseliv HSF), m.fl. 15.50 Avsluttande tankar på veg heim. Torkjell Berulfsen og Jan Heggheim. Slutt kl. 16.
Desse kjem: Torkjell Berulfsen Konferansier på konferansen er Torkjell Berulfsen, NRK-profilen som gjennom sine tv-program reiser verda rundt. Reiseliv og lokal mat og drikke er tema Berulfsen har interesse og lidenskap for. Som journalist evnar Berulfsen å setje i gong gode tankeprosessar og god kontakt mellom føredragshaldarar og publikum. Han er utdanna filolog, starta sin karriere i radio med program som Nitimen og Reiseradioen, har i tillegg skrive fleire bøker. Den kunnskapsrike og nyfikne store mannen vil også underhalde med kåseri på kveldstid! Jan Heggheim Jan Heggheim har vore Fylkesdirektør for næring i Sogn og Fjordane fylkeskommune sidan februar 2010. Han er utdanna Reiselivsøkonom frå Høgskulen i Sogn og Fjordane med fleire påbyggingar, mellom anna Serviceleiing. Han har mellom anna drive hotell, har 8 år bak seg som direktør for sal og marknad i Dooria, deretter to år som eksportsjef for Hagen (trapper). Torhild Langklopp og Roar Svenning På Stokkøya Sjøsenter har Roar Svenning og Torild Langklopp skapt ein unik attraksjon med sterk eigenart, med høg kvalitet og stiltryggleik i alle ledd. Dei to delar suksesskriteriar med oss; og fortel om feil dei har gjort og lært av! Torhild er dagleg leiar i selskapet og sit m.a i styret for Innovasjon Norge i Sør-Trøndelag. Stokkøya Sjøsenter er gjennomført med stadstilpassa interiør og natur- og matopplevingar som held det same høge kvalitetsnivået. I november i fjor utpeika magasinet Wallpaper Stokkøya Sjøsenter til éin av topp førti destinasjonar ein må sjå i Skandinavia. Pål K Medhus Pål K. Medhus frå Høve Støtt er ein av dei mest spennande personane innan opplevingsnæringa i Norge. Han er anerkjent som motivator, inspirator og har ei fagleg og praktisk tyngde som vi får nyte godt av. Pål er av kursdeltakarar kåra til Experience Expert of the Year i 2008 og 2009. Pål er også ein av få i verda som er sertifisert Opplevingsøkonomiekspert frå Pine & Gilmore (US).Vi kan love overraskingar og utfordringar gjennom eit engasjerande og tydeleg formidla bodskap. Jon Robert Dohmen Jon Robert Dohmen er Master of Management fra BI med spesialisering på Scenarios, Foresight and Strategy. Han er også Sivilingeniør innan IKT. Han har drive ei rekke foresightprosjekter i store selskap dei siste åra. Han var ein av gründerane i Foresight Norge, og driv i dag sitt eige selskap Mind 2 Mind. Han har jobba som senioringeniør i Etterretningstjenesten i Norge i 10 år. Jon Robert jobbar også med leiing og kreative prosessar og har lang erfaring med fagområda informasjon & kommunikasjon. Ingeborg Volan Ingeborg er rådgjevar innan digitale medier og selskapet Sermo Consulting sin kursansvarlege. Ho er ei særs ettertrakta føredragshaldar med stor kompetanse og glimrande formidlingsevne. Etter eit føredrag med Ingeborg blir du ein smartare marknadsførar! Ho har vore fagmedarbeidar på Institutt for journalistikk, har studert journalistikk og økonomi ved Høgskolen i Bodø/ Handelshøgskolen i Bodø og samfunnsvitskaplege fag og medievitskap på Universitetet i Bergen. Og jobben hos Sermo fekk Ingeborg. via Twitter!
Per Tomas Govertsen Per Tomas Govertsen er regissør, tv-produsent og kunstnar. Han har m.a. laga ei rekke reiseprogram for TV2 som einmannsteam på motorsykkel rundt i verda. Govertsen er ein ettertrakta føredragshaldar. Han har vore aktivitetssjef for Kongeparken i Stavanger, prosjektleiar/fleirkameraregissør i TV2, programleiar for Smak av Norge TV 2, TV-instruktør i Sør-Aust Asia, driv teambuilding med bedrifter, hatt konferanseregi for m.a. NHO. Det siste året har han produsert film for bedriftsnettverket Innovative Opplevelser i Nordland og Innovasjon Norge eit filmprosjekt med filmar produsert og tilrettelagt for nye og moderne distribusjonskanalar som Youtube, Facebook etc. Sølve Stang og Eirik Andresen Journalist Sølve Stang har eit stort engasjement for Sogn og Fjordane og reiseliv. Stang er frå Stongfjorden og har lang fartstid bak seg som journalist i NRK. No driv han bedrifta Stang Media og vil leie eit lærerikt minikurs med tema korleis møte pressa saman med Eirik Arnesen. Arnesen har lang erfaring frå PR og journalistikk, m.a i VG og Østlandets Blad. Arnesen er utdanna PRrådgjevar frå Oppland DH og BI. Han arbeider til dagleg med medierådgjeving og -handtering, publisering og PR-strategi. Erling Oppheim Erling Oppheim frå Aurland er dagleg leiar av stiftinga Nærøyfjorden Verdsarvpark og områdekoordinator (Site Coordinator) for verdsarven Vestnorsk fjordlandskap Nærøyfjorden. Desse har som føremål å fremje verdsarvstatusen for området samt medverke til og støtte opp om ei natur- og kulturbasert næringsog samfunnsutvikling som ivaretek og fremjar verdsarvverdiane. Oppheim har bakgrunn og røynsler frå kommunal landbruks,- natur- og miljøforvaltning som landbrukssjef. Leif Øverland Leif Øverland, konsernsjef i Fjord1. Øverland kom frå stillinga som produktdirektør i Hurtigruten ASA, der han også har hatt fleire andre leiande stillingar for selskapet sine aktivitetar knytt til forretningsområda Hurtigruten Norskekysten, og Hurtigruten Reiseliv. Øverland har tidlegare også hatt stillinga som adm. dir Oslotrikken AS, samt ei rekkje stillingar i NSB. I tillegg til omfattande samferdslekompetanse har Øverland brei erfaring frå reiseliv, og sit m.a i nærings- og handelsdepartementets strategiske råd for reiseliv. KAIA FINNE Kaia Finne har fagleg bakgrunn som konsulent i Booz Allen Hamilton. Energibunten er siviløkonom frå University of Utah, og har jobba som seniorkonsulent innan management consulting m.a med fagfelta strategi og omorganisering. I 2003 vart ho hyra inn for å vere dagleg leiar for Ekstremsportveko på Voss. Frå 2004 blei ho prosjektleiar for delprosjekt entreprenørskap og produktutvikling i Arenaprosjektet Innovativ Fjellturisme, deretter hovudprosjektleiar i Innovativ Fjordturisme og no prosjektleiar i NCE Tourism Fjord Norway. Ho har også vore prosjektleiar for Norges Skiforbund, reiselivskoordinator i Voss Næringsforum, og har i dag fleire styreverv, m.a i Vossajazz, Festival Voss og Tide Reiser. Tone Lien Tone Lien frå Eleverum er dagleg leiar i Birkebeinerrittet AS. Tone er siviløkonom med spesialisering i marknadsføring. Birkebeinerarrangementa er samla og kvar for seg nokre av verdas største massearrangement. Birkebeinerrittet er verdas største terrengsykkelritt med 18.000 deltakarar i fjor. Totalt hadde Birkebeinerarrangementa 55.000 deltakarar i 2010.
Foto: Marius Lykre Holen Agnes Berntsen Hotelldirektøren på Strand Hotel i Fevik som snudde eit konkurstruga hotell til suksess. Eit fyrverkeri av ei dame! Driv i tillegg si eiga bedrift, Tangoo. Agnes fokuserer på lidenskap, leiing, og det å snu seg 360 grader for å få til ei lønsam og sikker bedrift. Ho fokuserer m.a på hardt arbeid, design/profil, vertskapsrolla og matkonseptet. Morten Schakenda Morten Schakenda; ein av Norges beste kokkar som pakka vekk kokkeknivane og blei bakar i Lom. Morten jobba som kokk m.a på restaurantar som; D Artagnan og Bagatelle. Han var med på å starte Terra Bar & Restaurant, jobba med Harald Osa på Holmenkollen Restaurant, var mange år på Gastronomisk Institutt og på Kokkelandslaget før han starta på nytt som lærling ved Åpent Bakeri. Etter to år flytta han til Lom og etablerte Bakeriet. Morten har særs gode føresetnader for å snakke om gode matopplevingar som konkurransefortrinn. Morten TORP Morten Torp er marknadsdirektør i Målselv Fjellandsby og leiar av destinasjonsselskapet Visit Snowman. Morten har tidlegare vore sals- og marknadsdirektør i SAS og Hurtigruten, og adm dir i DFDS og reisebyrået Go. I Målselv har dei no fått på plass 67 millionar i finansiering for utvikling av destinasjonen. På planlista står m.a nytt hotell, betre alpinanlegg, leilegheitskompleks, serveringsverksemder med meir. Om det går som den inspirerande marknadsdirektøren vil, så landar det charterfly direkte frå London på Snowman Int. Airport, Bardufoss om ikkje lenge! Briksdalsbreen. Dag Jørund Lønning Dr.philos og sosialantropolog Dag Jørund Lønning er rektor ved Høgskulen for landbruk og bygdenæringar. Lønning har spesialkompetanse på nyskaping som fenomen, og har fokusert spesielt på ny identitetsbygging/nyskaping og moglege implikasjonar og potensial for bygdesamfunn. Han har gjennom ei rekkje publikasjonar og prosjekt søkt medvite etter nye utviklingsrom for bygda, og vore leiande i Noreg når det gjeld forsking på natur- og kulturbasert nærings- og stadutvikling. Lønning meiner satsinga innan bygdeturisme i Noreg er for snever; det må satsast breiere! Lønning stifta og har leia Senter for natur- og kulturbasert nyskaping ved Telemarksforsking- Bø og han har vore direktør ved Norsk senter for bygdeforsking og seniorforskar ved Nordlandsforskning. Foto Marte Kopperud/Innovation Norway
Per Arne Tuftin Reiselivsdirektør Innovasjon Norge. Tuftin er utdanna m.a frå Norges Markedshøyskole og London Business School. Han kom til Innovasjon Norge frå Norges Turistråd der han dei siste 5 åra var direktør for strategi, informasjon og samfunnskontakt. Tuftin har lang erfaring også frå leiande turoperatørar i Norge med arbeidsoppgåver innan marknadsføring, turproduksjon, sal og økonomi. Jorunn Torsheim Som introduksjon til festkvelden onsdagen får vi kortversjonen av Jorunn Torsheim si førestelling Susanna frå Sunnfjord. Susanna er gardsjenta som Mozart vart forelska i sommaren 1786 då han sat i Sunnfjord og komponerte. Ho laga Mozartkuler til han, han skreiv opera til henne! Det blir eit herleg sammensurium der vi er innom både traurig ekteskap, gresk tragedie og Eg og Meg og Mona og forelsking i Falcon Prest!! Dette er ein kammeropera slik vi trur den hadde blitt om Oddvar Torsheim og Mozart hadde møttest. Jorunn Torheim har masterstudie i song (sopran) ved Norges Musikkhøgskule bak seg, og er ein allsidig og kreativ artist. Ho har med seg den dyktige pianisten Ellen Marie Carlsen i ein magisk, humoristisk opera-halvtime. Og far Oddvar dukkar opp til slutt Påmeldingsskjema på neste side
Påmelding Eg/vi ønskjer å delta på (set kryss): Deltaking med overnatting Comfort Hotell Fullpensjon (lunsj begge dagar, festmiddag og frukost), kaffipausar m/frukt, overnatting i dobbeltrom p.p kr 2750,- (inkl 1165 i deltakaravgift) For person nr 2 eller fleire frå same bedrift: p.p kr 2250,- (inkl 665,- i deltakaravgift) Tillegg for enkeltrom p.p kr 350,- Deltaking utan overnatting: Lunsj og kaffipausar m/frukt (begge dagar) eks festmiddag p.p kr 1810,-. (inkl kr 1165 i deltakaravgift) For person nr 2 eller fleire frå same bedrift p.p kr 1310,- (inkl kr 665,- i deltakaravgift) Tillegg for festmiddag dag 1 kr 395,- Eg/vi ønskjer å delta på sesjon: Film sjølv! Møt media! Produktutvikling og opplevingsproduksjon Eg/vi er medlem av NHO Reiseliv (kr 500 i rabatt for medlemer). Rabatten gjeld inntil 2 personar frå same bedrift. Spesielle forhold: (glutenfri mat, vegetar o.l) SPESIFISER Meld deg på elektronisk her (klikk) Du kan også printe ut skjemaet, fylle det ut, scanne og sende til prosjektleiar Per Øyvind Helle, per@hipphipp.no - telefon 40402905. Namn Verksemd/organisasjon Faktura adresse Deltaking berre ein dag inkl deltakarvavgift, lunsj, kaffipausar m/frukt p.p kr 965,- Torsdag Fredag Fjord1 gir 50% rabatt til deltakarane på ekspressbåt til og frå Florø. Tilbodet krev framlegging av rabattbevis. Klikk her for å laste ned rabattbevis. Klikk her for rutetider. Vi oppfordrar til kollektivtransport til/frå Florø eller reis fleire i same bil! Postnr. Telefon/Mobil Signatur Poststad E-post Bindande påmelding innan fredag 7 januar 2011. Overnatting: 65 rom er reservert på Comfort Hotel først til mølla! Betaling: Alle påmelde vil få skriftleg stadfesting m/faktura for deltakaravgifta. Overnatting vert gjort opp på hotellet ved avreise eller tilsendt faktura etter avtale med hotellet. Med atterhald om endringar og trykkfeil.