REFERAT FRÅ MØTE I SAMARBEIDSRÅDET FOR SUNNHORDLAND FREDAG 25 MAI KL. 09.15-13.30 PÅ HYDRO HUSNES Desse møtte: Morten Storebø Austevoll kommune Odd Harald Hovland Bømlo kommune Geir Aga Bømlo kommune Ingemund Berge Etne kommune Wenche Tislevoll Fitjar kommune Olaug Haugen Fitjar kommune Peder Sjo Slettebø Kvinnherad kommune Gaute S. Epland Stord kommune Jorunn Skåden Sveio kommune Kåre Martin Kleppe Tysnes kommune Frå administrasjonen: Gro Jensen Gjerde Reidun Rykkje Forfall: Bjarte Madsen, Austevoll kommune - Pål Nygård, Etne kommune Odd Ivar Øvregård, Kvinnherad kommune Magnus Mjør, Stord kommune Jostein Førre, Sveio kommune - Steinar Dalland, Tysnes kommune. Då var føre: Sak 18/18 Sak 19/18 Sak 20/18 Sak 21/18 Sak 22/18 Sak 23/18 Sak 24/18 Sak 25/18 Godkjenning av referat frå møte 16. mars d.å. Nye oppgåver til fylkeskommunane høyring Bruk av tiltakspotten Interkommunal strandsoneplan for Sunnhordland og Fusa - fellesdel Uttale vedrørande E39 Stord-Os Høgrisiko fengsel i regionen Skriv og meldingar a) Konferanse/temadag om dei vg. skulane i regionen 28 september b) Møte i Sandeid 8 juni fengsel c) SKAP Kurs for reiselivsbedrifter og lokalmatprodusentar i Sunnhordland d) Herifrå 2018 e) Byregionprogrammet f) Søknad om nasjonal status Geopark Sunnhordland Ymse a) Møte med stortings- og fylkestingsrepresentantar frå Sunnhordland b) Skjønsmidlar frå fylkesmannen c) Regionalisering av NAV d) Nye Vestland e) Samferdselsmøte 19 juni Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
Sunnhordland, 28. mai 2018 Gro Jensen Gjerde Dagleg leiar
REFERAT FRÅ MØTE I SAMARBEIDSRÅDET FOR SUNNHORDLAND FREDAG 25 MAI 2018 kl. 09.15-13.30 PÅ HYDRO HUSNES Før møtet fekk Samarbeidsrådet ein presentasjon av Hydro Husnes av Fabrikksjef Johan Berg. Sak 18/18 Godkjenning av referat frå møte 16. mars d.å. Samrøystes vedteke. Sak 19/18 Nye oppgåver til fylkeskommunane høyring Uttalen vart vedteken pr. epost og vart sendt til Kommunal- og moderniseringsdepartementet 8. mai. Sak 20/18 Bruk av tiltakspotten Framlegg til vedtak: Administrasjonen får i saman med styreleiar fullmakt til å nytta delar av tiltakspotten til prosjekt. Bruk av midlane skal orienterast om til Samarbeidsrådet i påfølgjande møte. Det vart i møte sett fram forslag om at eventuelle hastesaker for bruk av tiltakspotten skal sendast ut for godkjenning pr. epost. VEDTAK: Administrasjonen kan i hastesaker nytta delar av tiltakspotten etter godkjenning på epost av Samarbeidsrådet. Sak 21/18 Interkommunal strandsoneplan for Sunnhordland og Fusa - fellesdel Framlegg til vedtak 1. Samarbeidsrådet godkjenner planen slik den ligg føre. Strandsoneplanen vert sendt ut til kommunane med høyringsfrist 15. september d.å. 2. Samarbeidsrådet føreset at kommunane forpliktar seg til å følga dei tilrådingane og retningslinjer, herunder felles føresegner som er utarbeidd i fellesrapporten del 1. i det interkommunale planarbeidet. Det er lang tid sidan kommunane har gått gjennom planen og det vart difor i møte bestemt at før ein sender planen på høyring skal kommunane få høve til å koma med innspel. Frist for innspel frå kommunane vert 30 september.
VEDTAK: Samarbeidsrådet vedtek at planen vert sendt til kommunane for innspel før planen vert sendt til høyring. Frist for innspel frå kommunane vert 30 september 2018. Sak 22/18 Uttale vedrørande E39 Stord-Os Framlegg til vedtak: Samarbeidsrådet godkjenner uttalen slik den ligg føre. Det vart i møte gjort merksam på nokre skrivefeil som måtte rettast før utsending. VEDTEKEN UTTALE: Vestlandet er inne i ein periode der behovet for omstilling er stor. Det er difor svært viktig at ein får på plass ein moderne trafikksikker 4 felts veg mellom Bergen og Stavanger, slik at ein får knyta Vestlandet saman. Eit større bu og arbeidsområde mellom Stavanger og Bergen vil gje konkurransemessige fordelar for næringslivet på heile sør-vestlandet. Hordfast er eit av dei mest lønsame prosjekta i NTP og det er viktig at prosjektet vert fullfinansiert i neste NTP rullering (2022-2027). Mykje av arbeidsmarknaden i Bergensområdet ligg sør for Bergen sentrum, noko som ved realisering av Hordfast vil gje pendlaravstand mellom Sunnhordland og Bergen. Statens vegvesen har hatt Planforslag med tilleggsutredning for to nye brualternativ over Bjørnefjorden E39 Stord Os på høyring. Høyringsfristen var 30. april. Det er lagt opp til at dei to nye brualternativa skal handsamast saman med den øvrige kommunedelplanen i Samferdsledepartementet og Kommunal og moderniseringsdepartementet medio 2018. I denne handsaminga ligg og ei avgjerd over kor bru over Langenuen skal kryssa. Samarbeidsrådet ber om at det kjem ei avgjerd som planlagt innan medio 2018, slik det er lagt opp til. Dette er viktig for å få ei snarleg realisering av traseen mellom Bergen og Stavanger. Sak 23/18 Høgrisiko fengsel i regionen Framlegg til vedtak 1. Samarbeidsrådet for Sunnhordland meiner at det føreligg god og grundig dokumentasjon på at Haugesund fengsel må erstattast med eit nytt høgrisiko fengsel i regionen. 2. Samarbeidsrådet meiner at Sveio peiker seg ut som ein god lokasjon for ei slik etablering. 3. Sandeid fengsel må få rammer til å vidareutvikla seg som eit lågrisikofengsel.
Ordførar i Etne kommune, Siri Klokkerstuen sendte epost til Samarbeidsrådet i forkant av møte der Etne kommune ba om utsetting av saka til etter møte i Sandeid 8. juni. Etter ei drøfting vart ein samde om å utsetja saka til 22 juni. I møte vart det sett fram forslag om å få til eit møte i Haugesund fengsel. VEDTAK: Saka vert utsett til 22 juni. Sak 24/18 Skriv og meldingar a) Konferanse/temadag om dei vg. skulane i regionen 28 september b) Møte i Sandeid 8 juni fengsel c) SKAP Kurs for reiselivsbedrifter og lokalmatprodusentar i Sunnhordland d) Herifrå 2018 e) Byregionprogrammet f) Søknad om nasjonal status Geopark Sunnhordland Samarbeidsrådet tek orienteringa til følgje. Sak 25/18 Ymse a) Møte med stortings- og fylkestingsrepresentantar ny dato Det planlagde møte med stortings- og fylkestingsrepresentantar 4. mai frå vart avlyst. Nytt møte vert 12 oktober. b) Skjønsmidlar frå fylkesmannen Ordførar Gaute Epland, Stord kommune tok i møte opp prioritering av søknadane av skjønsmidlane frå fylkesmannen. Det er ikkje samsvar mellom regionrådet si prioritering og fylkesmannen si endelege prioritering. Det vert lagt opp til ei drøfting med fylkesmannen i møte 22 juni. c) Regionalisering av NAV Rådmann i Fitjar kommune Olaug Haugen orienterte om strukturendringa som er på gong i NAV. Det har vore lite reell involvering i dei prosessane som pågår og kartet som skal ta utgangspunkt i dei nye bu og arbeidsregionane skal allereie vera klart juni/juli. Saka har og vore oppe i KS og skal opp i nytt møte 4 juni. Odd Harald Hovland tek kontakt med KS og sender ut oppsummering frå møte. Rådmann Geir Aga, Bømlo kommune og rådmann Olaug Haugen, Fitjar kommune ser på saka og informerer dei andre kommunane. Saka blir drøfta vidare i arbeidsutvalet 8. juni.
d) Nye Vestland Det vart i møte drøfta prosessen som pågår med det nye Vestland. Samarbeidsrådet har sendt brev med innspel til kva funksjonar regionen ønskjer å få lagt til seg. Dette må følgjast opp med spørsmål til fylkesordførar. e) Samferdselsmøte 19 juni Hordaland fylkeskommune har invitert til samferdselsmøte 19 juni kl. 10-15 i Bergen.