Reguleringsføresegner 05032 Reguleringsplan Vetla Hegg-Hyttefelt Voss Kommune Utarbeidd av: Arkitektbruket ans v/ Ingebrigt Nesheim Arkivsak i Voss kommune: 05/1795 Arkivkode: L12 Sakstittel: Reguleringsplan Vetla Hegg - hyttefelt Planidentitet: 05032 Saksbehandlar i Voss kommune: Thorbjørn Svane signatur... Saksbehandling: Forslag til reguleringsplan og føresegner datert den 02.03.2007 Revisjon av føresegnene den 30.07.2007 Vedtak i planutvalet om utlegging til offentleg ettersyn den 19.04.2007 sak39/07 Utlegging til offentleg ettersyn frå den 14.05.2007 til den 18.06.2007 Vedtak i det faste utval for plansaker den 23.08.2007 sak 104/ 07. Vedtak i Voss kommunestyre den 30.08.2007 sak 70/07 Kunngjering 08.09.2007 Reguleringsføresegner i tilknyting til plan utarbeidd av Arkitektbruket ans, datert 02.03.2007, revidert 30.07.2007. 1. Generelt : 1.1 Det regulerte området er vist på planen med reguleringsgrense. 1.2 Planområdet skal nyttast til fylgjande føremål : Byggjeområde for fritidsbustader etter PBL 25, 1. ledd nr. 1 Offentleg trafikkområde etter PBL 25, 1. ledd nr. 3 Fareområde etter PBL 25, 1. ledd nr. 5 Spesialområde etter PBL 25, 1. ledd nr. 6 : Friluftsområde
Frisiktsoner i vegkryss Fellesområde etter PBL 25, 1. ledd nr. 7 Felles tilkomstveg Felles parkeringsplass Kombinerte føremål etter PBL 25, 2. ledd Felles tilkomstveg / Friluftsområde 2. Felles føresegner : 2.1 Kommunen kan, når særlege grunnar talar for dette, tillata mindre endringar i reguleringsplanen og føresegnene. 2.2 Etter at planen med føresegner er stadfesta, er det ikkje høve til å gjennomføra private servitutt som er i strid med planen eller føresegnene. 2.3 Hyttefeltet skal ha avløpsanlegg dimensjonerte for innlagt vatn. Vassklosett er ikkje tillete. Vassanlegg og avløpsanlegg skal planleggjast av konsulentar med godkjenning i tiltaksklasse 2 i fylgje Statens bygningstekniske etat. 2.4 Byggjeavfall skal leverast til godkjend avfallsdeponi. 2.5 Dersom det under gravearbeid vert oppdaga automatisk freda kulturminne, skal dette straks meldast til kulturavdelinga i Hordaland fylkeskommune. 3. Byggjeområde for fritidsbustader : 3.1 Planområdet inneheld 8 hyttetomter. På kvar av desse kan det førast opp éin frittliggjande fritidsbustad og eitt frittliggjande uthus. Samla bebygd areal (BYA i fylgje NS 3940) pr. tomt er sett til 110 m2. Samla bruksareal (BRA) vert sett til 120 m2. Av dette kan uthuset ha bruksareal på inntil 15 m2. Høgste punktet på takflata kan liggja inntil 6 meter over gjennomsnittsnivå terreng. 3.2 På tomtene, som er definerte av ein sirkel med radius 18 meter, skal hytte og uthus plasserast slik at avstanden mellom bygningshjørne og sirkellinja vert 4 meter eller meir. Avstanden mellom uthus og hytte skal ikkje vera meir enn 5 meter. For B1 og B2 gjeld i
tillegg at ingen del av hytte eller uthus kan liggja i det viste fareområdet. For tomtene B1, B2, B3 og B5 er møneretning på hovudtak vist på plankartet. Dei andre hyttene skal ha møneretning hovudtak anten paralellt med terrengfallet på staden, eller vinkelrett på dette. Endeleg plassering av hytte skal samordnast med nabohytter og med best mogeleg terrengtilpassing. 3.3 Hytter og uthus skal planleggjast og førast opp med vekt på høg estetisk, funksjonell og teknisk kvalitet. Arkitektoniske løysingar skal ta utgangspunkt i staden sin karakter, og synleggjera og styrkja denne. Generelt skal hytter ha skråtak med takvinkel mellom 24 og 38 grader. Det skal ikkje nyttast taktekking av blanke eller reflekterande materialar. Gavlar skal plasserast på bygningane si kortside. Hyttene kan ha hovudbygningskropp med maks. breidd på 6,6 meter. Mindre utbygg, som t.d. inngangsparti, kan gå ut over denne breidda. Bygningane skal vera kledde med stein eller trematerialar. Trekledning kan påførast beis / olje i brun, svart eller grå farge. Hytte og terreng skal tilpassast, slik at største synlege grunnmurshøgd vert 1 meter. 3.4 Det kan ikkje gjevast igangsettingsløyve for hytter, før utsleppsløyve for hytta sitt avløpsanlegg ligg føre. 3.5 Utgraving av hyttetomtene kan gjerast med gravemaskin. Framføring av slike maskiner i hyttefeltet skal utførast etter søknad til Voss kommune i samsvar med lov om motorisert ferdsle i utmark. Framføringstrasé skal påvisast av grunneigar. Sår i terrenget som fylgje av framføring av maskiner, skal utbetrast. Transport av materialar utanom veg kan utførast med snøskuter på vinterføre. Traktortransport i terrenget er ikkje tillete. 3.6 Oppsetting av gjerde, balkongar og flaggstenger er ikkje tillete. Pr. hytte kan det setjast opp éi utvendig parabolantenne. Maksimal diameter er 70 cm, og antenna skal festast på hytteveggen. Fargen skal vera avstemt mot veggfarge. 3.7 Vegetasjonen i byggjeområda skal ivaretakast, men nødvendig felling av tre kan gjerast i samråd med grunneigar. 4. Offentleg trafikkområde :
Del av Fylkesveg 307 er vist på planen som offentleg trafikkområde i fylgje PBL 25.3. 5. Fareområde : Området skal nyttast til framføring av høgspentanlegg. Det er ikkje tillete å oppføra bygningar i fareområda. 6. Spesialområde : 6.1 Spesialområde friluftsområde : Arealet mellom hyttetomtene skal nyttast som friluftsområde for ålmenta og til beite. Det kan oppførast eit bygg over grunnvassbrønnen på inntil 6 m2 BTA for pumpe og andre tekniske installasjonar. Eit høveleg areal rundt dette kan gjerdast inn. Felles bosbu kan førast opp i tilknyting til tilkomstveg / parkeringsplass. Over bakken kan elles eventuell trafo for straumforsyning til hyttene etablerast. Nedgravde ledningar for el.forsyning, vassforsyning og avløpsanlegg kan førast fram i friluftsområdet. Det er også høve til å leggja deler av hyttene sine avlaupsanlegg i dette området. Dersom det etter gravearbeid skulle oppstå skjemmande skade, pliktar den som står for arbeidet å syta for at denne vert utbetra. Området skal elles nyttast som tilkomst til hyttetomtene. Det kan lagast til gangstiar. Traséar for desse skal fastleggjast av grunneigar. Areala som ligg nærast felles tilkomstveg (Veg 1) og parkeringsplass kan nyttast til lagring av brøytesnø. Om transport i byggjetida : Sjå punkt 3.5 Det er ikkje tillete å parkera langs veg eller elles i friluftsområdet. Vegetasjonen i området skal ivaretakast. Nødvendig stell skal utførast av grunneigar. 6.2 Spesialområde frisiktsoner : Desse områda skal nyttast til å skaffa fri sikt i avkøyrsla frå fylkesveg. Innan desse areala skal det ikkje vera noko som hindrar fri sikt i ei høgd over 50 cm over tilstøytande vegar sitt planum.
7. Fellesområde : 7.1 Tilkomstveg : Den viste tilkomstvegen er felles for grunneigar og hytteeigarane i planområdet. Skuldrar, grøfter og fyllingar / skjeringar inngår i friluftsområdet. Terreng som vert berørt av vegbygginga, skal stellast i stand og plantast / såast til med stadeigen vegetasjon etter at veg er opparbeidd. Parkering langs vegen er ikkje tillete. 7.2 Parkering : Dei tolv biloppstillingsplassane er felles for dei åtte hytteeigedomane i feltet. Hyttene kan ikkje takast i bruk før parkeringsplass er ferdig opparbeidd. 8. Kombinert føremål felles tilkomstveg / friluftsområde : Innan dette arealet skal det førast fram ein 3 meter brei transportveg som er felles for grunneigarane og eigarane av B5 til B8. Vegen sine skuldrar, grøfter og fyllingar / skjeringar inngår i føremålet sitt friluftsområde, som består av arealet som ikkje går med til sjølve vegtraséen. Vegen skal ikkje vinterbrøytast. Voss den 02.03.2007 Revidert 30.07.2007 Jfr. Vedlegg 7 Arkitektbruket ans Ingebrigt Nesheim