Årsmelding 2011 Frivilligsentralen Førde Frivilligsentralen Førde Årsmelding 2011 1
Innhaldsliste 1.0 Innleiing Nytt sidan 2010. s. 3 2.0 Organisering 2.1 Styret.. s. 3 2.2 Tilsette s. 3 2.3 Samarbeid..s. 3 3.0 Drift av sentralen 3.1 Aktivitetar i 2011...s. 4 3.2 Årlege aktivitetar/markeringar s. 5 3.3 Marknadsføring...s. 7 3.4 Økonomi..s. 8 4.0 Avslutning 4.1 Året 2012.s. 8 4.2 Takk.s. 8
1.0 Innleiing - Nytt sidan 2010 Tilsette-situasjonen endra seg frå og vere fordelt på to personar med 50% kvar første halvår, til å vere delt 70/30 frå juli. Les meir under 2.2 Tilsette. Av nye aktivitetar i 2011 kan Møteplass for støttekontakt og Handlerute nemnast, les meir under 3.1 Aktivitetar i 2011. Frivilligsentralen Førde var ein av fleire sentralar som hadde 20 års jubileum i 2011. Tema for Frivilligsentralane i 2011 har vore inkludering, meir om dette under punkt 2.3. 2.0 Organisering 2.1 Styret Styret for Frivilligsentralen Førde har i 2011 hatt fylgjande styresamansetting: Styreleiar: Doris Rutledal Styremedlemmar: Emma Bjørnsen,Tom Farsund, Halvard Brekke, Gro Indrebø, Henning Bysheim og Oddvar Etnstad. Ragnhild Myklebust, Siri Ødelien gjekk ut av styret ved årsmøtet. Det vart avhalde 4 styremøter i 2011 der 35 saker vart handsama. Det vart òg halde årsmøte i 2011 der 9 saker vart handsama. 2.2 Tilsette Monica Rye har vore tilsett i 50 % stilling som vikar for dagleg leiar frå 1.januar til 7 juli. Therese Kleive Veimo har jobba i 50 % stilling til 7 juli då ho gjekk opp i 70 % stilling. Vi lyste ut 30 % stilling med oppstart 8 august. Taina Stubseid begynte i 30 %. 2.3 Samarbeid Frivilligsentralen Førde deltek i Førde kommune sitt helsefremjande arbeid. Dette betyr m.a. at sentralen er representert i arbeidsgrupper som er oppretta på tiltaksområde som kommunen har prioritert, og er ein aktiv part i pågåande prosjekt, eks. Trygge eldre, Den kulturelle spaserstokk og Skrivarløa. Sentralen har også vore representert i Førde kommune si folkehelsegruppe sidan 2009 og flytta kontoret til Skrivarløa i januar 2011. Frivilligsentralen Førde har eit godt samarbeid med Førde Røde Kors og Sogn og Fjordane Røde Kors, Bergum Mottakssenter, Bygdekvinnelaget, Førde kommune, Blomereina Arbeidslag, Kronborg Ressurshage og Førde Kyrkje.
Seniornett Noreg er framleis ein samarbeidspart. Vi har i 2011 hatt tre klubbar og eitt nybyrjarkurs. Vi arrangerte Seniorsurfdag 5. oktober i samarbeid med Førde bibliotek. Andre nye samarbeidspartar i 2011 er Blindeforbundet Sogn og Fjordane som vi har arrangert lesegruppe med. Les meir om lesegruppa på pkt 3.1. Fargerike Førde og Bornas Verdsdagar vart arrangert i lag for andre år, og var ein stor suksess. Meir om det i pkt 3.1. Kriminalomsorg i Fridom, Nav og Norsksenteret har også vore ein samarbeidspart i 2011. Våren 2011 hadde vi to person på utprøving frå Nav. Fylkesdirektøren i Nav, og den lokale leiaren i Nav Førde var på to av nettverksamlingane vi hadde i 2011. Vi fekk også høyre eit foredrag om «Inkludering» av Sara Terese Osland som arbeidar på vidareutdanning i psykisk helsearbeid ved Høgskulen i Sogn og Fjordane. Sentralen hadde to sjukepleiarstudentar frå Høgskulen i Sogn og Fjordane på observasjonspraksis i to veker. Temaet var «helsefremmande og førebyggande arbeid». Studentane deltok på alle aktivitetane våre, og brukte også tid på «manne-rommet» på Bergum Mottakssenter der dei spelte biljard og hadde samtalar med bebuarane. 3.0 Drift av sentralen 3.1 Aktivitetar i 2011 Frivilligsentralen har i løpet av 2011 hatt 208 arrangement. Desse aktivitetane/tiltaka er gjennomført: 20 års jubileum. 09.september 1991 fekk Frivilligsentralen tilskotet første gang. Det vart feira 9.september 2011 med kaker og ope hus. Feiringa fortsette på Regionskonferanse i Flåm.
Møteplass for støttekontaktar. Er ein møteplass ein gong i månaden for alle som er støttekontakt i Førde kommune. Kommunale representantar tek opp aktuelle tema kvar gong. Og det er servering av kaffi med noko attåt. Handlerute Er eit prøveprosjekt i samarbeid med Kronborg Ressurshage, der vi sendte ut brev med invitasjon til ei handlerute til alle i eitt bu-område i Førde sentrum som var over 80 år. Vi fekk tilbakemelding frå 6 damer som var interesserte i dette tilbodet. Vi har 5 frivillige som rullerer på og køyre damene på Domus for å handle, og deretter vidare på 10- Kaffien der dei kjøper seg kaffi og vaffel. Boka kjem Er eit tilbod for folk som av ein eller anna grunn ikkje kjem seg på biblioteket. Vi har 4 frivillige som har tilbudt seg og køyre ut bokpakkar. Lånar må på førehand ha fylt ut eit skjema der ein skriv kva som interesserer ein. I 2011 har vi hatt 3 deltakarar på «Boka kjem». 10-kaffi Vert arrangert kvar onsdag frå januar til juni, og frå september til desember. Kafeen er open for alle som vil utvide nettverket sitt, slå av ein prat, lese aviser, drikke kaffi og ete nysteikte vaflar. På 10-kaffien møtes Turgruppa og slår av ein prat før dei legg ut på tur i skog og mark. Vi hadde juleavslutning på 10-kaffi i desember med basar og utlodding av mange flotte premiar. Lesegruppe Blindeforbundet i Sogn og Fjordane inviterte Frivilligsentralen på frukostmøte der vi skulle fortelje om arbeidet i Frivilligsentralen. Dette resulterte i eit samarbeid. Nokre medlem i Blindeforbundet sakna eit tilbod om høgtlesing. Vi starta opp lesegruppe på 10- kaffien som eit prøveprosjekt fram til jula 2011.
Kultur og handarbeid- strikkegruppa vert arrangert annankvar tirsdag frå januar til juni, og frå september til desember på Bergum Mottakssenter. Ein gjeng strikkeglade damer frå mange land stiller kvar gong opp på strikkegruppa for å lære strikkekunstar og andre handarbeidsaktivitetar. Sommaravslutninga på strikkegruppa vart arrangert med tur til Sunnfjord Museum, Movika 7.juni. Etter sommarferien fekk gruppa besøk av 15 elevar frå Folkehøgskulen i Førde. Gruppa vart også invitert opp på Folkehøgskulen der det var matservering og vart laga div smykker. På juleavslutninga hadde vi sosialt samvær med mat og musikkinnslag, pluss nokre aktivitetar for borna. Seniornett-klubb Dataklubb for seniorar som ønskjer å lære meir om bruk av PC og Internett. Klubben har i 2011 også hatt to faste instruktørar og ca 72 lærevillige personar innom på kurs. Ved årskifte 2011/2012 hadde klubben 46 medlemmar. Tema på klubbmøta varierer etter ønskje frå deltakarane. Hausten 2011 fekk vi valgt eit styre for Seniornett Førde. Datakurs I 2011 starta vi to nye nybyrjarkurs i data for seniorar. Første kurset vart starta i januar og hadde 12 deltakarar. Den andre gruppa vart starta opp på hausten og hadde 14 deltakarar. Kursa hadde same instruktørar som dataklubben, i tillegg til at fleire av medlemmane var med som hjelparar. Fleire av deltakarane på kurset meldte seg inn i Seniornett Førde etter kvart og gjekk over til ordinær seniornett-klubb.
3.2 Årlege aktivitetar/markeringar: Seniorsurf-dagen Vart arrangert 5.oktober i samarbeid med Førde bibliotek. Seniorsurf-dagen er eit årleg ITarrangement for seniorar. Arrangementet fant stad på Førde bibliotek. I år var temaet Sosiale media: Facebook, Skype, Twitter og You tube. 17 seniorar deltok på Seniorsurf-dagen 2010. Pluss at NRK Sogn og Fjordane var tilstades og intervjua. Fargerike Førde Vart arrangert 19. november i Festsalen, Førdehuset. Arrangementet var ope for publikum frå 12 17. Også i år hadde Fargerike Førde eit samarbeid med Bornas Verdsdagar som vart arrangert i Førdehuset på same dag. Desse arrangementa utfylte kvarandre i stor grad og resulterte i ein internasjonal og kulturell familiedag for store og små med ei verdsscene i salen med masse musikk innslag utover dagen. Det var omtrent 40 deltakarar med på Fargerike Førde, frå bortimot 30 ulike land. Arrangementet hadde ca 2000 besøkande. Av deltakarane hadde dei fleste mat, men det var òg andre innslag. Ein familie frå India og Pakistan selde heimelaga klede, vesker, smykker og pynteting. Gruppa Drop frå UWC selde smykker og andre ting i tillegg til maten. Deltakarane representerte matrettar frå blant anna Thailand, Gambia, Etiopia, Ingusjetia, Eritrea, Iran og Irak. I tillegg til bebuarar frå Bergum Mottakssenter og busette i Førde med innvandrarbakgrunn var også bebuarar frå Jølster mottak med i år. Juletur til Bergen Vart arrangert 7. desember. Turen er for alle som har lyst å vere med, men spesielt for frivillige, deltakarar på våre aktivitetar/tiltak og samarbeidspartar, spesielt Kronborg Ressurshage. 36 personar var med på handletur til Åsane, Bergen.
Julefeiring Tradisjonell julefeiring for alle som ønskjer nokon å feire jul saman med. Tiltaket vert arrangert i samarbeid med Førde kyrkje og kommunen. Vi sendte invitasjon og brosjyrar til nabokommunane Naustdal, Jølster og Gaular. Jølster Mottakssenter var veldig glade for at deira bebuarar fekk tilbudet. Med gjester og hjelparar hadde julaftan eit deltakartal på 100 personar. Kvelden var prega av tradisjonell norsk julefeiring, med mat, song, barneleik, underhaldning, gåver og gang rundt juletreet. Trygge eldre Blomereina Arbeidslag leverer kvar vinter sand til eldre og uføre i Førde kommune for å førebygge fall. Tiltaket er ledd i prosjektet Trygge eldre. Informasjon om tinging av sanden vart distribuert med annonse i lokalavisa Firda, samt informasjon på nettsidene til Frivilligsentralen og Førde kommune. Enkeltoppdrag/ein-til-ein tenester. Frivillige har utført enkeltoppdrag som hagearbeid, snømåking, diverse ærend, småreparasjonar, handling og å vere følgjeperson for blinde. Blomereina arbeidslag er også nytta, spesielt i forhold til hagearbeid og utdeling av strøsand. 3.3 Marknadsføring Også i år er heimesida forde.frivilligsentral.no brukt aktivt for å marknadsføre arrangement, tiltak og tilstellingar. Elles vert lokal avisa nytta der det er behov. NRK Sogn og Fjordane lagde ein reportasje i forhold til julefeiringa vi hadde i desember. 3.4 Økonomi Frivilligsentralen har i 2010 motteke desse midlane: Statstilskot, Kulturdepartementet Tilskot Førde kommune Pluss kommunale ytingar i form av husleige/straum/porto 290 000 kr 154 000 kr 60 000 kr
Gåver: Sparebanken Sogn og Fjordane Sogn og Fj Fylkeskommune 10 000 kr 10 000 kr 4.0 Avslutning 4.1 Året 2012 Framover i 2012 vil vi fortsette å ha fokus på dei aktivitetane som er oppe og går. Vidare vil vi framleis arbeide for å rekruttere fleire frivillige som kan gjere ein innsats på aktivitetane/tiltaka vi driv. 4.2 Takk Frivilligsentralen Førde vil takke alle som har støtta oss i 2011, både økonomisk og på anna vis. Tusen takk til alle frivillige som gong etter gong stiller opp på ulike aktivitetar og arrangement. Utan frivillige ingen frivilligsentral. Takk òg til alle samarbeidspartar for godt samarbeid gjennom året. Førde, 31.mars 2012 Doris Rutledal Therese Kleive Veimo Taina Stubseid Styreleiar Dagleg leiar Vikarierande Dagleg leiar