Tilleggsinnkalling til Levekårsutvalet Møtedato: 24.05.2016 Møtestad: Flora samfunnshus Møtetid: 09:00 Den som har lovleg forfall, eller er ugild i nokon av sakene, må melde frå så snart råd er, tlf. 57 75 60 00, eller til organisasjonogpersonal@flora.kommune.no, slik at varamedlem kan bli innkalla. Varamedlemar møter etter nærare innkalling. Alternative framlegg til vedtak i nokon av sakene kan du sende på e-post til framlegg@flora.kommune.no. Flora kommune Karianne Torvanger leiar Arne Schei sekretær
Saknr. Tittel Sakliste 038/16 Skjenkeløyve - Tiffany/Fugleskjærsgata drift AS NB: Det vert årsmøte i Frivilligsentralen i samband med dette møtet i levekårsutvalet. Sjå eigen utsending.
Saksframlegg Saksnr Utvalg Type Dato 038/16 Levekårsutvalet PS 24.05.2016 Bystyret PS Sakshandsamar Arkiv ArkivsakID Møyfrid K. H. Ellingsund K2 - U63 16/1249 Skjenkeløyve - Tiffany/Fugleskjærsgata drift AS Framlegg til vedtak: I medhald av Lov om omsetning av alkoholhaldig drikk m.v. (Alkohollova) får Tiffany/ Fugleskjærsgata drift AS, org. nr. 915 067 190, ved dagleg leiar Rune Bareksten løyve for skjenking av alkoholhaldig drikk i omsøkte og godkjente areal inne og ute, jfr skisse vedlagt søknaden. Dette løyvet gjeld i lengste tid fram til 30. september 2020. Lengste tillate opnings- og skjeketid: Skjenkestad Skjenketider Opningstider Under 22 % Over 22 % Uteservering Ope til til Tiffany/ Fugleskjærsgata drift AS, Fugleskjærsgata 6 Søn-tor: 08.00-01.00 Fre-lau: 08.00-02.00 Søn-tor: 13.00-01.00 Fre-lau: 13.00-02.00 Søn-tor: 01.30 Fre-lau: 03.00 Søn-tor: 01.30 Fre-lau: 03.00 Det vert sett som vilkår at det skal vere dørvaktfunksjon og høve til matservering. Løyvet er gjeve i samsvar med retningsliner fastsett i prinsippsak for skjenking av alkohol, handsama i Flora bystyre i sak 021/16, datert 15.03.16. Løyvehavar pliktar å gjere seg kjent med og rette seg etter vedtak i denne saka. Godkjent skjenkestyrar: Rune Bareksten, f.dato: 31.01.1962. Godkjent avløysar: Lenita Nordnes, f.dato: 27.05.1989. Terje Heggheim Rådmann Dette dokumentet er elektronisk godkjent og har difor ingen signatur.
Saksopplysingar: Kva saka gjeld: Flora kommune har motteke søknad om løyve for skjenking av alkoholhaldig drikk frå Tiffany/Fugleskjærsgata drift AS, org. nr. 915 067 190, ved dagleg leiar Rune Bareksten. Innleiing: Fugleskjærgata drift AS er overdrege frå Florø Fotball v/terje Rognsø til nye eigarar, representert ved styreleiar Stig Jørand Book Røed og dagleg leiar Rune Bareksten. Staden heitte tidlegare Stasjonen kafe og bowling. Det nye namnet på staden skal vere Tiffany. Dei nye eigarane driv for tida på tidlegare eigars løyve (overdragingsperiode), og søkjer no om eige løyve. Søknaden gjeld for skjenking inne og ute, slik tidlegare eigarar også har drive. Søknaden er i samsvar med Alkohollova, og dei prinsipp og retningsliner Flora bystyre har vedteke i sak 021/16, datert 15.03.16. All naudsynt dokumentasjon er lagt ved søknaden. I Alkoholpolitiske retningsliner for Flora kommune, vedteke i bystyresak 021/16 står det i punkt 5.7 om avgrensingar ved handsaming av skjenkesøknader: " * Det skal som hovudregel ikkje gjevast løyve i undervisningssenter/lokaler for barn og ungdom. * Det skal som hovudregel ikkje gjevast skjenkeløyve på stader berekna kun for barn og ungdom, ungdomsklubbar og liknande. * Det kan fastsetjast redusert skjenketid for skjenkeløyve der lokalet ligg i bustadområder. * Det skal utvisast varsemd med å gje skjenkeløyve ved kultur- og idrettsarrangement." Rådmannen ber Bystyret vurdere om ein bowlinghall er av ein slik karakter at her bør takast omsyn til brukargruppa barn og unge når det vert gjeve skjenkeløyve. Bowlinghallen vert nytta mellom anna til barneselskap og familieselskap. Rådmannen ber bystyret vurdere desse brukargruppene opp mot opningstider og øvrige vilkår for skjenkeløyve. Levekårsutvalet har ansvaret for å sjå saka ut ifrå eit alkoholpolitisk perspektiv, og ikkje eit næringspolitisk perspektiv. Det er opp til Levekårsutvalet korleis dei definerer eit alkoholpolitisk perspektiv, likevel slik at ein ser det i høve alkohollova. Vurdering: Rådmannen rår til at løyve vert gjeve i samsvar med framlegg til vedtak. Økonomiske konsekvensar: Det vil i samsvar med gjeldande lovverk bli gjennomført kontroll med utføring av løyvet. Vidare vil Flora kommune kvart år krevje inn gebyr for å inneha kommunalt løyve for skjenking av alkoholhaldig drikk. Miljømessige konsekvensar: Aktuelle lover, forskrifter, avtalar mm: Lov om omsetning av alkoholhaldig drikk av 02.06.1989, nr. 27 (alkohollova) med seinare tillegg og endringar Forskrift av 08.06.2005 nr. 538 om omsetning av alkoholhaldig drikk mv.v. Forskrift av 08.06.2005 nr. 539 om engrossal og tilverknad av alkoholhaldig drikk m.v. Lov av 13.06.1997 nr. 55 om serveringsverksemd Forskrift av 15.12.1994 nr. 1187 om internkontroll for å oppfylle næringsmiddellovgjevinga