Post: Liane, 4164 Fogn Faktura: Finnøy Kommune, Rådhuset, 4160 Finnøy Referat frå møte i SU (Samarbeidsutvalet) ved Møtedato og stad: Torsdag 26. oktober 2017 kl. 18.00 på personalrommet. Desse møtte: Marianne Skregelid Bø (foreldrerepresentant i barnehagen) Anne Skogen (representant for tilsette i barnehagen) Elin Bø (representant for tilsette i barnehagen) Pål Rune Grønås (foreldrerepresentant i skulen) Stig Morten Sangedal (foreldrerepresentant i skulen) Emma Grønås (elevrådsrepresentant) Eirik Bø Rolfsen (elevrådsrepresentant) Kjersti Sandanger (representant frå lærarane) Dag Olav Sæbøvåg (verneombod, møter ved behov) Jon Olav Runestad (kommunal representant) Håvard Østhus (rektor og kommunal representant) Forfall: Anne Martha Straumstein (representant frå andre tilsette) Alexander Stensnes (foreldrerepresentant i barnehagen) levande og lærande
SAKLISTE Sak 01 17/18: Godkjenning av innkalling og sakliste Sak 02 17/18: Godkjenning av referat frå førre møte Sak 03 17/18: Gjennomgang av oppgåver og ansvarsområde til FAU, SU, SMU og elevråd Sak 04 17/18: Konstituering av SU 2017-18 Sak 05 17/18: Møteplan for SU/SMU 2017-18 Sak 06 17/18: Orienteringar frå rektor Sak 07 17/18: Ynskje om endra leveringstid i barnehagen Sak 08 17/18: Kommunal skulerute 2018-19 Sak 09 17/18: Sakliste for SMU (Skulemiljøutvalet) Sak 10 17/18: Ymse levande og lærande
Sak 01 17/18: Godkjenning av innkalling og sakliste Innstilling frå rektor: SU godkjenner innkalling og sakliste. Sak 02 17/18: Godkjenning av referat frå førre møte Innstilling frå rektor: SU godkjenner referat frå førre møte. Sak 03 17/18: Gjennomgang av oppgåver og ansvarsområde til FAU, SU, SMU og elevråd Saksutgreiing: Rektor informerte kort om kva FAU, SU, SMU og elevråd er, kven dei består av, og kva for oppgåver og ansvarsområde dei har. Innstilling frå rektor: SU tek rektor sin gjennomgang til orientering. Sak 04 17/18: Konstituering av SU 2017-18 Saksutgreiing: Vi skal velje både leiar og nestleiar av SU. Innstilling frå rektor: Ingen Vedtak: Pål Rune Grønås vart leiar og Stig Morten Sangedal vart nestleiar i SU. Sak 05 17/18: Møteplan for SU/SMU 2017-18 Saksutgreiing: Det står i årshjulet for heim/skulesamarbeid at det skal vera fire møte i SU og SMU kvart skule- og barnehageår. SMU har møta sine direkte etter SU, i og med at alle som er i SMU, alt har stilt opp på møte i SU. I tillegg til møtet i dag, 26. oktober, foreslår rektor desse datoane og tidspunkta: levande og lærande
Tysdag 5. desember kl. 18.00 Torsdag 22. februar kl. 18.00 Torsdag 24. mai kl. 18.00 Innstilling frå rektor: SU seier seg einige i årsplanen for SU/SMU 2017-18. Vedtak: Etter ein gjennomgang kom vi fram til å ha møta desse datoane: Tysdag 28. november kl. 18.00 Torsdag 22. februar kl. 18.00 Torsdag 24. mai kl. 18.00 Sak 06 17/18: Orienteringar frå rektor Saksutgreiing: Her vil rektor orientere om Barnehage- og skuleoppstarten denne hausten. Herunder også personalsituasjonen. o Det har vore ein fin oppstart både i barnehagen og på skulen. Det er 9 barn i barnehagen (men i februar kjem det to til), og 38 elevar i skulen. o Vi har, i tillegg til «vanlege skuleting», hatt mellom anna hausttur, rekordsein badedag og felleslunsj for heile oppvekstsenteret. o I personalet er det desse endringane: Marianne Skregelid Bø er tilbake som lærar etter eit års permisjon. Julia Torp er lærling i skulen fram til nyttår. Janne Merete Arnesen Semb er tilsett 80% fast som reinhaldar. Aud Marie Bøe og Paul Arne Aano har slutta. o Rektor har, sidan oppstarten i august, vore engasjert i ein personalkabal som vikarierer for rektor på Sjernarøy, som er sjukmeldt. Budsjettarbeid 2018 o Rektor er ferdig med budsjettforslaget for. Det er lagt opp til ein liten reduksjon i stillingsprosent frå august 2018, men dette er av naturlege grunnar, og vil i praksis ikkje vere nokon reduksjon. Elles har vi lagt opp til same drift som før. Satsings- og fokusområder for skule- og barnehageåret o I skulen har vi arbeida med nye skjema og ordningar for utviklingssamtalar. Desse vil føresette og elevar snart stifte bekjentskap med, då samtalane skal gjennomførast i november. Vi er også i ferd med å avslutta VFL-satsinga. levande og lærande
o Det er også mykje nytt å læra knytta til den digitale utviklinga på skulen, og vi prøver ut forskjellige ting i klassane, som vi haustar erfaringar frå, og prøver å dele med dei andre i kollegiet. o I barnehagen har vi fått ny rammeplan, og arbeider med å implementere denne. Har i år særleg fokus på fagområdet mengd, rom og form. Mattebord kvar dag. o Eit spesielt fokus på Kardemommeby i år. o Barnehagen held framleis fram med tidlegare satsingar: Være saman Språkløyper Refleksdagen 19. oktober 2017 o Borna fekk utdelt to refleksar kvar, og vi både såg på film om refleks og snakka saman om kor viktig det er med refleks. Det vart laga nettsak som minna om refleksbruk, og at føresette (og andre) må køyre forsiktig. Framdrifta på Robin Hood-skogen (tidlegare kjent som uteplassen) o Skogen er så godt som klar. Litt småplukk gjenstår, men det skal vere klart til opninga på måndag 30. oktober. Då kjem avdelingar frå både Talgje og Hagatoppen barnehage for å vere saman med oss, og vi avsluttar med foreldrekaffi der oppe. Nasjonale prøvar o Vi er inne i gjennomføringsperioden av desse, og vi er ferdige med gjennomføringa av prøvane i både lesing, rekning og engelsk i 5. klasse, altså alle prøvane. Det er for tidleg å seie så mykje om resultatet, men innsatsen til elevane var det ingenting å seie på! Innstilling frå rektor: SU tek orienteringa til etterretning. Sak 07 17/18: Ynskje om endra leveringstid i barnehagen Saksutgreiing: Slik situasjonen er i dag, skal alle barnehageborn verta leverte i barnehagen mellom klokka 07.30-09.30, og hentast mellom klokka 15.00-16.20. Det har no kome eit ynskje frå pedagogisk leiar om at borna skal leverast mellom klokka 07.30-09.00 i staden. Nokre av argumentene for dette ynskjet er: Barnehagen, som går på tur to gonger i veka, kan koma seg fortare ut av dørene på desse turdagane. levande og lærande
Det er eit intervall på to timar mellom klokka 07.30 og 09.30, noko som gjer at leiken til dei borna som kjem tidleg gjerne har «sett seg», slik at det igjen vert utfordrande for dei borna som kjem seint å kome inn i leiken. Det er stor forskjell på å ete frukost rundt klokka 07.30 og i forkant av 09.30. Dette gjer at det er stor forskjell knytta til kor sultne borna er til måltidet som per i dag er klokka 11.00. Rektor ser at det er positive sider med å forkorte «leveringsperioden» ned til 1,5 timar, og ynskjer å bidra til å legge til rette for dette. Samstundes er dette noko som i stor grad har innvirkning i dagsrytmen til dei føresette, noko som igjen gjer at det blir viktig å få innspel frå dei, og høyre korleis dei tenkjer. Dersom det ikkje kjem tungtvegande argumenter imot, ynskjer rektor å innføre ein prøveperiode med levering før klokka 09.00 fram til SU-møtet i februar 2018. Her vil ordninga bli evaluert. Det må likevel vere rom for at enkeltborn vert levert etter klokka 09.00 somme dagar, på same måte som det til dømes er rom for at borna blir henta før klokka 15.00 enkelte dagar, etter avtale med dei føresette. Innstilling frå rektor: SU støttar rektor sitt forslag om å innføre ein prøveperiode med levering før klokka 09.00 fram til SU-møtet i februar 2018., med dette tillegget: FAU ber rektor undersøkje om det er mogleg å utvide opningstida i barnehagen, slik at borna kan leverast frå klokka 07.00. Sak 08 17/18: Kommunal skulerute 2018-19 Forslag til kommunal skulerute for 2018-19 er vedlagt. Skuleruta for 2018-19 skal handsamast politisk i januar/februar 2018. SU på Fogn kan uttala seg om forslaget, og sidan dette alt ligg føre, legg rektor det fram for SU i dette første møtet. Rektor liker det forslaget som ligg føre, mellom anna av desse grunnane: Det verkar til å vere ein god ting for både elevar og tilsette, at første skuledag ikkje er på ein måndag, når kalenderen ligg til rette for dette. I forslaget er første skuledag ein torsdag. levande og lærande
Det er lagt inn fridag 31. mai, altså dagen etter Kristi Himmelfart. Slik rektor ser det, så er det ikkje uvanleg at mange born søkjer seg fri på slik «inneklemte fridagar» dersom skuleruta ikkje legg opp til fri. Difor kan desse dagane med fordel stå som fridagar i skuleruta, slik det er gjort på vedlagte forslag. Innstilling frå rektor: SU støttar det vedlagte forslaget til skulerute 2018-19. Sak 09 17/18: Sakliste til SMU Sak 01-17/18: Godkjenning av innkalling og sakliste Sak 02-17/18: Godkjenning av referat frå førre møte i SMU Sak 03 17/18: Konstituering av SMU Sak 04 17/18: Presentasjon av ordensreglar Sak 05 17/18: Diverse informasjon frå rektor Sak 06 17/18: Ymse Innstilling frå rektor: SU tek SMU si sakliste til orientering Sak 10 17/18: Ymse Ingen saker meldt inn her levande og lærande