Saksframlegg Dato Referanse 31.05.2011 2011/551-2955/2011 Sakshandsamar Bente Heiberg/Wenche Fjørtoft, tlf 57 67 61 20 Saksgang: Saksnr. Utval Møtedato VS 11/47 Høgskulestyret 16.06.2011 ORIENTERING OM MELLOMBELSE TILSETTINGAR VED HSF Framlegg til vedtak: Styret tek saka til vitande. Saksvedlegg: Saksframstilling 1. Bakgrunn Regjeringa har vedteke at bruken av mellombelse tilsettingar i universitets- og høgskulesektoren skal ned. Styret bad om å bli informert om status for bruk av mellombelse stillingar ved HSF. Saka vil gå gjennom lovverket og status for bruk av mellombelse stillingar ved institusjonen. 2. Lovverket Tilsetting i uh-sektoren er regulert i lov om statens tjenestemenn (tml), lov om arbeidsmiljø, og lov om universitet og høyskoler (UH-lova). Hovudregelen er at arbeidstakarar skal tilsetjast fast, men lovverket opnar unntaksvis for tidsavgrensa kontraktar. Tjenestemannslova 3. Fast og midlertidig tilsetting m.v. 2. Tjenestemann skal tilsettes fast, medmindre: a. Tjenestemannen trengs bare for et bestemt tidsrom eller for å utføre et bestemt oppdrag. b. Arbeidet ennå ikke er fast organisert og det derfor er usikkert hvilke tjenestemenn som trengs. c. Tjenestemannen skal gjøre tjeneste i stedet for en annen (vikar). d. Tjenestemannen skal være aspirant eller elev ved etatsskole. e. Tjenestemannen skal tjenestegjøre i utdanningsstilling. f. Tjenestemannen skal tjenestegjøre i åremålsstilling. Tilsetjingar etter 3-2.a blir ofte brukt ved behov for prosjektmedarbeidarar. Tilsetjingar etter 2.a skal vere tidsavgrensa, enten i oppgåva eller ved at det vert gjeve avgrensa økonomiske midlar (eksterne 1
midlar). Slike mellombelse tilsetjingar (engasjement) kan berre nyttast på arbeid av kortare art og oppdraget må ha ei naturleg avslutning. Vi opplever ofte at det er dei fast tilsette som skal jobbe på prosjektet, og den mellombels tilsette skal ta dei daglege oppgåvene. I slike tilfelle er det rett å tilsetje i eit vikariat fordi ein går inn i oppgåver som ein fast tilsett har. Tilsetjingar etter 3-2b kan berre nyttast ved store organisatoriske endringar og omstillingar, der det er usikkert med kva bemanning ein må ha i framtida som konsekvens av organisatoriske endringar/omstillingar. Tilsetjingar etter 3-2c er vikariat for fast tilsette som går ut i permisjonar. Vi nyttar også heimelen i situasjonar der vikaren erstattar mange, eksempelvis i situasjonar der fleire har reduserte stillingar. Vikartilsetjingar kan og nyttast i påvente av tilsetjing i utlyst stilling, såkalla anonyme vikariat. Universitets og høyskoleloven 6-5. Midlertidig ansettelse i undervisnings- og forskerstillinger (1) Dersom det til fast undervisnings- og forskerstilling ved en høyere utdanningsinstitusjon ikke har meldt seg søker som etter fastsatte vilkår eller ansettelsesmyndighetens vurdering er klart kvalifisert for fast ansettelse, og det ikke er sannsynlig at kvalifisert søker vil melde seg ved ny kunngjøring, kan likevel en søker ansettes for begrenset tid når: a) muligheten for tidsbegrenset ansettelse er nevnt i kunngjøringen, og b) vedkommende, etter ansettelsesmyndighetens vurdering, har forutsetninger for å skaffe seg de nødvendige kvalifikasjoner i løpet av ansettelsesperioden. Ansettelsesmyndigheten fastsetter ansettelsesperioden, som ikke må vare over tre år. Ansettelsesperioden kan dog forlenges med den tid det tar å få gjennomført en forsvarlig vurdering av vedkommendes kvalifikasjoner, men ikke ut over seks måneder. Tidsrommet kan deretter ikke forlenges, og ny tidsbegrenset ansettelse av vedkommende kan heller ikke skje. Ved utløpet av ansettelsesperioden har vedkommende krav på å bli vurdert for fast ansettelse før stillingen kunngjøres på ny. (2) Dersom det ikke har vært mulig å få søkere som tilfredsstiller kompetansekravene for ansettelse etter første ledd, og det på grunn av undervisningssituasjonen er helt nødvendig å foreta ansettelse, kan det foretas midlertidig ansettelse for inntil tre år og seks måneder i lavere stilling som vedkommende tilfredsstiller kompetansekravene til. Vi har innanfor nokre fagområde ikkje greidd å rekruttere kvalifiserte søkjarar. Desse kan tilsetjast mellombels i inntil tre år viss det er sannsynleg at dei greier å kvalifisere seg til den aktuelle stillinga, jmf UH-lova 6-5 b, andre ledd og 6-5 (2). Kort oppsummert kan vi seie at mellombelse tilsettingar/engasjement kan nyttast når vi står overfor større organisatoriske endringar, vikariat, tidsavgrensa oppgåver og oppdrag (eksternt finansierte oppdrag) og når vi ikkje greier å rekruttere kvalifiserte personar. 2
3. Bruk av mellombelse stillingar i HSF: Ulike typar mellombelse stillingar: 1. Åremålsstillingar UH-lova 6.4, første ledd gir høve til å tilsette rektor, adm.dir, prorektor og leiar for avdeling og grunneining (dekan og instituttleiar). 2. Stipendiatar Etter UH-lova 6-4, første ledd er stipendiat ei åremålsstilling. 3. Vikarar Vikariat er tidsavgrensa tilsettingar for å erstatte ein fast tilsett som har permisjon, tml 3-2. 4. Mellombelse stillingar/engasjement. Tidsavgrensa tilsettingar med heimel i tml. 3-2 (a og b). 5. Bistillingar Bruken av bistillingar er knytt til mindre stillingsdelar, som oftast 20%-stillingar samstundes som arbeidstakar har hovudstilling ved ein annan institusjon. Ordninga er eit verkemiddel i institusjonen sitt formaliserte samarbeid med andre institusjonar, og i å tilføre institusjonen auka kompetanse. Status pr 01.05.2011: Avdeling for helsefag Stipendiatar: 3,6 Vikarar: 3,9 Mellombels/engasjement: 0,6 Bistillingar: 1,8 Avdeling for helsefag sine engasjement (0,6 årsv.) er knytt til eksternfinansiert verksemd. 3
Avdeling for lærarutdanning og idrett Stipendiatar: 5,3 Vikarar: 3,75 Mellombels/engasjement: 9,55 Bistillingar: 0,55 Dei tilsette i mellombelse/engasjementstillingar ved ALI (9,55 årsv.) er i 2010 knytt til: - eksterne midlar, ofte som vikarar for fast tilsette som er jobbar på prosjekt - vikarar for fast tilsette som skal ta ut undervisningsfri periode - vidareutdanningar som blir bestemt tett opp mot studiestart og der det er behov for å styrke bemanninga Avdeling for ingeniør og naturfag Stipendiatar: 2,0 Mellombels/engasjement: 3,3 Bistillingar: 0,2 4
AIN sine engasjement (3,3 årsv.) er knytt til eksternfinansiert prosjekt (Fornybar energi). Avdeling for økonomi, leiing og reiseliv Stipendiatar: 3,0 Vikarar: 2,25 Mellombels/engasjement: 5,0 Bistillingar: 0,2 Dei tilsette i mellombelse stillingar/engasjement (5 årsv.) er personar som arbeider med avslutning av doktorgrad, mellombels stilling som høgskulelærar og engasjement knytt til eksternfinansiert verksemd. Avdeling for samfunnsfag Stipendiatar: 4,0 Vikarar: 2,0 Mellombels/engasjement: 0,5 Bistillingar: 0,10 5
ASF har tilsett i 0,5 stilling som høgskulelærar i mellombels stilling. Administrative stillingar Vikarar: 1,0 Mellombels/engasjement: 2,55 Lærling/tiltak: 2,0 I dei administrative stillingane er tilsettingane i mellombelse tilsettingar/engasjement knytt til studentparlamentet, Veka og trainee-ordning. UH-sektoren Registrering i dbh (database for høgre utdanning) viser at HSF ligg noko høgre i andel mellombels tilsette i vitskaplege stillingar samanlikna med andre statlege høgskular. I 2010 var gjennomsnittet ved dei statlege høgskulane på 25,3% medan ved HSF var på 26%. I 2009 låg høgskulane på 25,6% medan HSF var på 29%. I dei administrative stillingane var gjennomsnittet ved dei statlege høgskulane på 20,1% i 2010 medan det ved HSF var på 14%. Tilsvarande tal i 2009 var 19,8 % ved dei statlege høgskulane og 19% ved HSF. Vurdering Det er ei målsetjing å redusere omfanget av mellombelse tilsettingar i Staten. Samstundes er det i ein del tilfelle naudsynt å gjere bruk av mellombelse tilsettingar. Ein ordinær utlysings- og tilsettingsprosess kan ta fleire månader, og dersom det er naudsynt med kommisjonsvurdering kan tilsettingsprosessen ta opp mot eitt år. Vi har situasjonar der det er naudsynt å rekruttere personar raskt for å ivareta vanlege driftsoppgåver. Vi har då høve til å tilsetje utan utlysing, og rektor har høve til å tilsetje i fagstillingar inntil eit år og i administrative stillingar i inntil 6 mnd. Ein skal då tilsetje i vikariat, heimla i påvente av tilsetjing i utlyst stilling. AHF er den avdelinga som har størst andel bistillingar. Avdelinga har tretten personar i 10-20% stillingar som førsteamanuensis/professor. Avdelinga nyttar bistillingar i kvalitetsarbeid og kompetansebygging av eigne tilsette. Avdelinga har tidlegare hatt mange mellombels tilsette. Avdelinga har tilsett i mellombelse stillingar (høgskulelærar) fordi dei ikkje har vore kvalifisert til høgskulelektor som er minimum utdanningsnivå i sektoren. Det at registrerte mellombelse stillingar/engasjement pr mai 2011 er relativt lågt, kan tyde på at situasjonen er i ferd med å endre seg. 6
AIN sin relativt høge andel engasjement, er i hovudsak knytt til eitt stort eksternfinansiert prosjekt, Fornybar energi. AØR sine mellombelse stillingar/engasjement er knytt til personar som har avslutta stipendiatperioden og til eksternt finansierte prosjekt. ALI har i mange år hatt ein relativt høg andel engasjement. Dels er dette knytt til høg aktivitet innan eksternfinansiert verksemd, dels til organisering av vidareutdanningstilbod som kan variere frå år til år. Avdelinga tilbyr vidareutdanningstilbod innan fleire fag og tilpassar tilbodet til marknaden til ei kvar tid. For å redusere risiko og unngå overbemanning i periodar der vidareutdanningstilboda ikkje er etterspurde, nyttar avdelinga mellombels tilsetting. Uvisse kring rekrutteringsgrunnlag innan ny lærarutdanning har og gjort at avdelinga i noko grad har tilsett i mellombelse stillingar. Andelen mellombelse stillingar i HSF vart redusert frå 2009 til 2010, både i faglege og administrative stillingar. På administrativt område vil vi sannsynlegvis auke noko i 2011 då vi har tilsett mellombelse i nokre stillingar som følgje av Ou-prosessen vi er inne i med heimel i Tjml. 3-2 (b). Det er viktig at HSF følgjer opp statleg politikk og arbeider for å redusere bruken av mellombelse tilsettingar. Dette vil vi gjere gjennom å forplikte leiarar i rekrutteringsarbeidet gjennom opplæring og bevisstgjering. Alle tilsettingssaker der ein tilset mellombels/engasjement skal innehalde ei vurdering av heimelsgrunnlaget. I tillegg vil rektor leggje opp til eit aktivt samspel mellom tillitsvalde og leiarar for å halde mellombelse stillingar på eit minimumsnivå. 7