Styre/råd/utval Møtedato Saknr Fellesnemnd for den nye kommunen 16.03.2018 16/18 Saksansvarleg: Kristin Karlbom Dahle Arkiv: K1-141, K3 - &10, K1-020 Arkivsaknr.: 17/2804 Kommuneplanens samfunnsdel for Midt-Telemark kommune 2019-2031. Fastsetting av planprogram Rådmannen tilrår: Vedlagt planprogram for interkommunal samfunnsdel av kommuneplan for Sauherad og Bø kommunar vert vedtatt med følgjande endringar jf. plan- og bygningslova 11-13: 1. Kap 3.2: Regional plan for folkehelse 2018-2030 vil bli vedtatt i april-18 og vere førande for planarbeidet. 2. Kap 4.1.2: Kommunikasjons- og medverknadsgruppe utgår og samansetting av prosjektgruppe endrast i tråd med saksomtale Naturvernforbundet i Midt-Telemark blir invitert til ref.gruppe for frivillig sektor 3. Kap 4.3.2: Det leggast inn tillegg om: Tre opne møte i april Drøfting av utkast til samfunnsdel i hovudutvala i juni/aug 4. Kap 5: Det presiserast at folkehelse, kulturarv og beredskap er tema for planarbeidet 5. Kap 6: Oppdatert folkehelseoversikt for båe kommunane utarbeidast i løpet av planprosessen, og kommunerapportar frå Ungdataundersøkinga frå 2018 vil vere del av kunnskapsgrunnlaget. 16.03.2018 Fellesnemnd for den nye kommunen Behandling: Framlegg frå Aslaug Norendal (V) om nytt punkt 6.: Det presiserast at naturmangfold og forvaltning av naturområde samt omsyn til barn og unge skal være eit tema i arealstrategien. Rådmannen si tilråding med tillegg lagt fram av Aslaug Norendal (V) vart samrøystes vedteke. Fellesnemnd- 16/18Vedtak: Vedlagt planprogram for interkommunal samfunnsdel av kommuneplan for Sauherad og Bø
kommunar vert vedtatt med følgjande endringar jf. plan- og bygningslova 11-13: 1. Kap 3.2: Regional plan for folkehelse 2018-2030 vil bli vedtatt i april-18 og vere førande for planarbeidet. 2. Kap 4.1.2: Kommunikasjons- og medverknadsgruppe utgår og samansetting av prosjektgruppe endrast i tråd med saksomtale Naturvernforbundet i Midt-Telemark blir invitert til ref.gruppe for frivillig sektor 3. Kap 4.3.2: Det leggast inn tillegg om: Tre opne møte i april Drøfting av utkast til samfunnsdel i hovudutvala i juni/aug 4. Kap 5: Det presiserast at folkehelse, kulturarv og beredskap er tema for planarbeidet 5. Kap 6: Oppdatert folkehelseoversikt for båe kommunane utarbeidast i løpet av planprosessen, og kommunerapportar frå Ungdataundersøkinga frå 2018 vil vere del av kunnskapsgrunnlaget. 6. Det presiserast at naturmangfold og forvaltning av naturområde samt omsyn til barn og unge skal være eit tema i arealstrategien. Bakgrunn for saka: Fellesnemnda behandla forslag til planprogram i sak 4/18. Etter dette vart oppstart av planarbeidet varsla og planprogrammet lagt ut til offentleg ettersyn i 6 veker jf. plan- og bygningslova 11-12 og 11-13. Høyringsfrist var 7.3.18. Planprogrammet vert no lagt fram for å fastsettast endeleg av fellesnemnda. Saksomtale: Følgjande merknader har kome inn til planprogrammet og varsel om oppstart: 1. Fylkesmannen i Telemark. Innspelet frå Fylkesmannen kom ikkje innan fristen og blir ettersendt til fellesnemnda. 2. Telemark fylkeskommune kommenterer tema folkehelse og kulturminne. Innanfor temaet «tidleg innsats innanfor helse og oppvekst» er det viktig å sjå på utfordringane innan levekår, psykisk helse og sosiale skilnadar i helse som finst i dei to kommunane. Arbeid med samfunnsdelen kan vere eit godt høve til å etablere eit meir systematisk folkehelsearbeid, noko som krevst for å møte utfordringane. Lov om folkehelse krev at kommunen skal ha ein skriftleg oversikt over helsetilstanden hjå innbyggarane, og denne skal ligge til grunn for kommunaplanen. Resultat av ungdataundersøkinga for 2018 vil vere klar innan 1.mai og kan vere eit relevant kunnskapsgrunnlag og grunnlag for medverknad med barn og ungdom. Regional plan for folkehelse 2018-2030 vil bli vedtatt i april-18 og vil vere førande for planarbeidet.
Fylkeskommunen tilrår å trekke inn satsing på materiell og imateriell kulturarv som del av mål og tiltak, og som delgrunnlag for vekst. Samfunnsdelen bør omtale og vise vilkje til bruk av Midt-Telemark si rike kulturarv. Ei utgreiing om dette i ein kulturminneplan kan vere eit nyttig verkty for prioriteringar og satsingar. Kulturarv kan nemnast som faktor i bustadpolitikken, der analyser viser at attraktiviteten aukar når bustader etablerast i nærleiken av verneverdige bygg og andre kulturminne. Bruk av eksisterande verneverdige bustader gir meirverdi. Kulturarv kan nyttast strategisk i barnehagar og skular for å skape identitet og bør nemnast som ein viktig faktor for utvikling av reiselivet i kommunen, da kultureller naturarv ligg til grunn for det meste av reiselivet. Tilrettelegging for bruk av kulturminne gjennom skilting og skjøtsel kan inngå i satsing på folkehelse eller turisme. Folkehelse bør løftast tydelegare fram som plantema, og oversikten over folkehelsetilstanden i dei to kommunane bør reviderast i løpet av planprosessen som grunnlag for denne. Regional plan for folkehelse leggast inn under føringar for planen i kap 3.2 og ungdataundersøkinga som kunnskapsgrunnlag i kap 6. Sauherad og Bø kommunar har nyleg utarbeidd ein felles kulturminneplan, der det er utarbeidd mål og strategiar for forvaltning av materiell og imateriell kulturarv. Kulturarva si rolle i bygging av identitet og utvikling reiseliv i ny kommune bør omtalast som eit aktuelt plantema. Andre kommentarer er innspel til sjølve planarbeidet, ikkje til planprogrammet, og blir tatt med i planarbeidet. 3. Statens vegvesen meiner planprogrammet er godt gjennomarbeidd og ingen merknader utover dette. 4. Midt-Telemark næringsutvikling gir innspel på bakgrunn av analyser frå Telemarkforsking, erfaringar frå bedriftsbesøk og innspel frå næringslivet gjennom prosjekt som MTNU deltar i. HSN er ein motor for utvikling i Midt-Telemark, det er behov for å satse på tilrettelegging for HSN, samspel mellom næringsliv og HSN og samlokalisering av næringslivet i kunnskapsmiljø. Stadutvikling og tilrettelegging for næringsliv er viktig på stader ein ønskjer aktivitet. Det er i dag mange tomme vindu i Gvarv sentrum, men ein ser no på høvet til å etablere eit cideri her. Gvarv sentrum kan bli eit framtidig norsk senter for fruktdyrking, foredling og viktig besøksdestinasjon, og det bør planleggast for dette. For å ivareta framtidig behov for næringsareal, bør ein vurdere å utvide areal for industri til heile området fram til Steinsenteret. Eit forprosjekt som vurderer etablering av ny travbane for Telemark i tilknyting til Bø Sommarland/Bø camping/høyt og lavt/telemarkshallen er under utarbeiding. Dersom dette blir aktuelt, bør trafikkbelasting og parkering vurderast. Auka interesse for reemineraler i Fensfeltet og næringslivsetableringar i tilknyting til dette kan påverke næringslivet i nabokommunane. Det bør difor kartleggast og leggast til rette for auka mineralutvinning i komunen. Mineraler vert viktig som innsatsfaktor i nye miljøvenlege produkter og difor viktig i ein omstilling til grønne næringar. God tilretteleggging for uttak av sand og infrastruktur for transport er viktig for det betydelege industrimiljøet knytt til betongproduksjon i
Midt-Telemark. Det bør leggast meir til rette for at dei store bedriftene med mange tilsette kan fortsette å vekse, og på næringar der det er naturgitte føresetnader for å bli gode. Foredling, vidareutvikling og utvidingar innanfor fruktnæringa i landbruket er døme på dette og her er det vekstpotensiale. Det same gjeld reiseliv, besøksnæringar, steinindustri og anna industri knytt til naturressursar. For reiselivet er det viktig at besøkande får gode opplevingar (skilting, innbydande areal, handelstilbod og sentrumsutforming) for å få lyst til å kome tilbake. God infrastruktur er viktig for effektiv logistikk. Mykje av produksjonen i Midt- Telemark eksporterast ut av området med store bilar, og entreprenørverksemd er avhengig av vegar med høg aksellast. MTNU har gode og konkrete innspel til planarbeidet, som blir tatt med vidare. Innspela gjer ikkje grunn til å endre planprogrammet. 5. Miljøpartiet de Grønne Midt-Telemark foreslår at Naturvernforbundet i Midt- Telemark inviterast med i referansegruppa for frivillige da deira kompetanse er svært relevant for to av hovudområda i nasjonale forventningar til kommunal planlegging; berekraftig areal- og samfunnsutvikling og attraktive og klimavenlege by- og tettstader. Natur- og miljøinteressene er ikkje representert i referansegruppa for frivillig sektor. Naturvernforbundet i Midt-Telemark representerer interessene i både Sauherad og Bø og bør inviterast inn i referansegruppa. 6. Bø idrettsråd understreker at idrettsråda både i Bø og Sauherad bør vere representert i referansegruppe for frivillig sektor. For både idrettsråda, kulturnettverka og turlaga er det lagt opp til at laga frå båe kommunar skal inviterast til referansegruppa. I høyringsperioden for planprogrammet, har dette blitt drøfta i regionalt planforum, referatet følgjer som vedlegg. Administrativ organisering av planarbeidet er vist i kap 4.1.2. Samansetninga av prosjektgruppa er noko endra. Som følgje av endring av kommunalsjefområda vil Terje Kili bli leiar av gruppa, folkehelsekoordinator Frøydis Haukeland vil gå inn i gruppa og kommunikasjonsrådgjevar Marte Midtun Lie vil erstatte Joar Sættem. Med kommunikasjonsrådgjevaren inne i gruppa, vil det ikkje vere behov for ein eigen kommunikasjons- og medverknadsgruppe. Beredskap og samfunnstryggleik er ikkje nemnt som plantema, men bør takast inn i kap 5 i
planprogrammet. Alle hovudutvala har hatt felles utvalsmøter for utvala i Sauherad og Bø for å gje innspel til planarbeidet i ein tidleg fase. Hovudutvala for oppvekst/kultur/integrering kom med innspel (vedlagt) til pkt 4.2 i planprogrammet om at hovudutvala bør ha samfunnsdelen oppe som sak i juni 2018, etter at kunnskapsgrunnlaget er ferdig utarbeidd og referansegruppene har fått gitt sine innspel. Innspelet frå hovudutvalet bør følgjast opp med at det leggast inn i planprogrammet at utvala har nye fellesmøte med samfunnsdelen som tema i møte i juni/aug. Kommunalsjefane har innhenta innspel på kva for strategiar som bør leggast til grunn for å nå måla i intensjonsavtala. Strategiane knyter seg i stor grad til utvikling av kommunen som organisasjon og vil bli drøfta vidare med tillitsvalte. Konklusjon Planprogrammet bør fastsettast med dei endringane som er omtalt over. Grovutkast til plan vil bli lagt fram for fellesnemnda til drøfting i junimøtet. Vedlegg: 25.01.2018 Planprogram 376745 09.03.2018 Høringssvar frå Telemark fylkeskommune 384366 01.03.2018 Merknader til varsel om oppstart av planarbeid og 382894 høyring av planprogram for felles samfunnsdel av kommuneplanen for Midt-Telemark kommune 2019-2031 sendt fra Statens vegvesen 28.02.2018 20180228131955895.pdf 382628 07.03.2018 Innspill fra Bø idrettsråd til felles samfunnsdel av 384086 kommuneplanen, sak 17/2804 06.03.2018 Felles samfunnsdel av kommuneplanen, sak 17/2804 383793 06.03.2018 Uttalelse til Samfunnsdelen fra Utvalg for oppvekst 383824 kultur og integrering 08.03.2018 16-05060-8 Planforum, felles interkommunal samfunnsdel for Bø og Sauherad kommuner - Refera 853472_622905_0.DOCX 384160