Årsmelding 2017 Hordaland fylkesbibliotek
Framsidebilde: Frå Stord. Nynorske lesegledarar driv direkte formidling av nynorsk litteratur til skular, barnahagar og bibliotek.
Innhald Høgdepunkt i 2017 3 Fylkesbiblioteket sitt oppdrag 4 Utviklingsoppgåver 5 Modellbibliotekprogrammet 6 Auke tal på besøk og arrangement 7 Digital formidling og innhaldsproduksjon 9 Digitale tilbod i biblioteka i fylket 9 Skulebibliotek for kunnskap og trivsel 10 Fleirkulturelle bibliotektenester 12 Interkommunalt biblioteksamarbeid 13 Kompetanseutvikling 13 Kurs 2017 14 Litteraturformidling 15 Sommarles 15 Leseknappen 16 Nynorske lesegledarar 16 Bokgilde 16 Lesarsørvis 16 Leseombod 16 Driftsoppgåver 17 Fjernlån og transport mellom bibliotek 17 Bokbåten 18 Klassesett 18 Råd og rettleiing 19 Informasjonsarbeid 19 Politiske saker 20 Innlegg 20 Internasjonalt arbeid 21 2
Høgdepunkt i 2017 Fedje, Fitjar og Samnanger opna modellbibliotek Konferansen Managing change library transitions samla 140 deltakarar frå sytten land i Bergen Besøket auka på bokbåten Epos Biblioteka i Jondal, Odda og Ullensvang og Granvin og Ulvik lanserte nye felles nettstader Integreringsprosjektet Rom for møte skapte aktivitetar i sju kommunar Lesegledarar blei etablert i fylket og hadde 37 oppdrag med å formidle nynorske bøker for barn og unge 17. august 2017 opna Samnanger sitt modellbibliotek. Snorklyppar var ordførar Knut Harald Frøland, Bygdalista.
Fylkesbiblioteket sitt oppdrag I følgje Lov om folkebibliotek skal fylkeskommunen ivareta regionale bibliotekoppgåver og regional bibliotekutvikling. Fylkesbiblioteket er bibliotekfagleg rådgivar for kommunane og biblioteka i vidaregåande opplæring. Vi initierer, leier, finansierer og støttar utviklingsarbeid i biblioteka i Hordaland. Dei fem regionale biblioteksamarbeida, som omfattar 32 kommunar, er basis for arbeidet vårt. Ei kjerneoppgåve er å utvikle og oppdatere kompetansen hjå bibliotektilsette i fylket gjennom strategisk arbeid, kurs, konferansar og andre kompetansehevande tiltak. Arbeidet i fylkesbiblioteket er styrt av Biblioteklova og Hordaland fylkeskommune sin vedtekne bibliotekpolitikk, som er nedfelt i Premiss : Kultur - Regional kulturplan for Hordaland 2015-2025 og Skulebiblioteket kunnskapskjelde, kulturberar og sosial møteplass : strategi for utvikling av skulebibliotek i vidaregåande opplæring i Hordaland 2017 2020. Fylkesbiblioteket er leia av fylkesbiblioteksjefen og har 7,8 faste stillingar. På grunn av sjukdom var vi ved årsskiftet 6,95 årsverk. Møte i biblioteksamarbeidet Hardanger og Voss med deltakarar frå fylkesbiblioteket. Kulturbanken 29.09.17. 4
Utviklingsoppgåver Sterk, spenstig og klar Prosjektet Sterk, spenstig og klar er forankra i Premiss: Kultur. Regional plan for kultur 2015-2025, som vart vedtatt i Fylkestinget hausten 2014. Gjennomføring av prosjektet har vore integrert i fylkesbiblioteket sin årsplan og -budsjett. Prosjektet har strekt seg frå våren 2014 til seinhaustes 2017. Eit par tiltak vil først stå ferdige i 2018. Prosjektet byggjer på prosjektet Biblioteklandskap i endring, som vart gjennomført i 2011-2013. Då etablerte fylkesbiblioteket, saman med 32 kommunar, interkommunale biblioteksamarbeid i fem regionar. Prosjektet gjorde biblioteka betre rusta for framtida og i stand til å yte betre bibliotektenester. Fylkesbiblioteket fekk ei plattform for å nå ut til alle biblioteka i fylket, og grunnlaget var lagt for å ta fatt på eit nytt og omfattande prosjekt. Hovudmålet for prosjekt Sterk, spenstig og klar er at innbyggjarane i Hordaland skal oppleve fornya biblioteklokale og meir aktiv formidling i det fysiske og digitale bibliotekrommet. Biblioteka skal systematisk og planmessig bli betre i stand til å oppfylle den nye formålsparagrafen i biblioteklova. Partnarskap mellom dei regionale samarbeida og fylkesbiblioteket skal styrkast i prosjektet. I tillegg til å arbeide med konkrete strategiar for å ruste biblioteka til å oppfylle den nye føremålsparagrafen i Biblioteklova, har fylkesbiblioteket prøvd ut arbeidsmetodar og tenester til biblioteka med utgangspunkt i rolla som regional utviklingsaktør. Frå Bibliotekleiarmøte 2017. Kulturbanken i Granvin.
Modellbibliotekprogrammet I 2017 opna Fitjar, Samnanger og Fedje sine oppgraderte bibliotek. Det kom søknadar frå seks kommunar: Austevoll, Fusa, Radøy, Samnanger, Stord og Tysnes. Alle søknadane var gode og relevante. Utval for kultur, idrett og regional utvikling løyvde midlar til alle prosjekta utanom Austevoll. Tre av løyvingane gjekk over fylkeskommunen sitt budsjett, medan to løyvingar gjekk frå Sterk, spenstig og klar. Det vart funne rom i prosjektet til å gi støtte til interiørarkitekt til Austevoll. Stord og Tysnes er planlagt å bli ferdige i 2018. Spleiselaget mellom stat, fylke og kommune er eit fruktbart samarbeid for å utvikle moderne folkebiblioteklokale og betre tenester. Frå 2014 til 2017 har 15 kommunar vore med i programmet. 13 av desse har fått tilskot på 100 000 kr frå fylkeskommunen. To bibliotek har berre fått tilskot til interiørarkitekt. Alle får aktiv fagleg assistanse av fylkesbiblioteket. Seks av biblioteka er meiropne bibliotek, der brukarane kan kome inn utanom betent opningstid. Ni bibliotek er ferdig moderniserte gjennom prosjektet. I 2017 hadde fylkesbiblioteket 10 oppdrag med aktualisering av samlingane ved seks ulike bibliotek, og det vart brukt 19 dagsverk til dette arbeidet. Barn og unge i Fedje fekk ny avdeling i biblioteket i 2017. 6
Auke tal på besøk og arrangement Turnear i 2017 Adele Duus og Monika Solheim : Himmelspringaren/Farfars bombekrater : 17 framsyningar : 1045 besøkande Klovnen Knut i samband med avslutning av Sommarles 2017: framsyningar : 1202 besøkande Valgt det: forestilling om menneskehandel: 1 framsyning : ukjent tal på besøkande Smooth Operator: Den vonde bodberaren Bob Dylan og 60-talet: 10 program : 237 besøkande Klimaendringar på Vestlandet. Korleis handtere det uunngåelege? Med forskar og geolog Kikki Kleiven og dagleg leiar for norsk klimastiftelse, Lars-Henrik Paarup Michelsen. Starta november 2017. Avslutta i 2018. Utsending av informasjon om fleire ulike forfattarar og andre kulturutøvarar som ønskjer turnear i Hordaland. Klovnen Knut på avslutning av Sommarles 2017, Kvam folkebibliotek.
Besøk og deltakarar på arrangement Folkebiblioteka utan Bergen Bergen offentlige bibliotek Besøk Deltakarar Besøk Deltakarar 2016 842 370 58 104 1 439 527 50 008 2017 771 163 66 473 1 453 375 58 710 Det var ei god auke i besøkstala i folkebiblioteka utan Bergen i perioden 2014-2016. I 2017 var besøkstala tilbake på 2014-nivå. Bergen offentlige bibliotek har hatt auka besøk kvart år i perioden. Arrangement For skular og barnehagar Folkebiblioteka utan Bergen I regi av biblioteket el samarb. med andre 2016 808 1 275 217 2017 754 1 083 208 Eksterne eineansvar for innhald For skular og barnehagar Bergen offentlige bibliotek I regi av biblioteket el samarb. med andre 2016 603 796 256 2017 377 1369 344 Eksterne eineansvar for innhald 8
Digital formidling og innhaldsproduksjon Utvikling av biblioteknettstader Fylkesbiblioteket har ansvar for utvikling av nettstadar til 18 kommunale bibliotek. I 2017 blei det lansert ein ny felles nettstad for Ullensvang, Odda og Jondal, og ein for Granvin og Ulvik. I 2017 fekk ein støtte på 300 000 kr frå Nasjonalbiblioteket til prosjektet Kjelda. Kjernen i prosjektet er å utvikle innhald på biblioteknettstadane. Digitale tilbod i biblioteka i fylket E-bøker Biblioteka i kommunane, utanom Bergen, er saman med dei vidaregåande skulane i Hordaland med i eit konsortium for digitale ressursar, som vert administrert av fylkeskommunen. Konsortiet omfattar ei felles teknisk utlånsløysing og ei felles samling av e-bøker. Alle som har lånekort ved eit av biblioteka som er med i ordninga, har tilgang til e- bøkene i den felles samlinga for fylket. Det vart lånt ut 24 578 e-bøker i 2017, noko som er ein auke på 9 prosent. I 2017 utgjorde e-bokutlånet 4,62% av bokutlånet, og det var 3,76% av totalutlånet i Hordaland utanom Bergen.
PressReader Bruken av den digitale avis- og tidsskriftstenesta PressReader auka frå 6 000 lesne artiklar i 2016 til 57 000 i 2017. Noko av auken kjem av at vi no har eit felles abonnement med Bergen Offentlige Bibliotek, og resten kjem truleg av at tenesta er betre kjent blant brukarane. Skulebibliotek for kunnskap og trivsel Skulebiblioteksatsinga i Hordaland har vore prega av samanslåing og bygging av nye, store skular. Fleire av skulebiblioteka har rydda i samlingane sine og førebudd seg på flytting til nye lokale. Nokre skular har flytta i løpet av året, som t.d. Voss gymnas. I 2017 har det vore 23,5 årsverk i vgs-biblioteka i Hordaland. 16,5 av årsverka blei fylte av fagutdanna bibliotekarar, og desse fordelte seg på 19 av dei 33 skulane. Dei tilsette i skulebiblioteka har vore samla på fire fagdagar fordelte på våren og hausten. Fem skulebibliotekarar var på tre dagars studietur i Akershus og Oslo i oktober. 10
Ein skulebibliotekar fekk stipend for å delta på Ungdomsbokgildet i Drammen i november. Fagforum Vestlandet blei starta opp, det er eit samarbeid mellom skulebibliotekansvarlege i fylkesadministrasjonar i Rogaland, Hordaland og Sogn og Fjordane. To møter blei heldt i 2017, begge i samband med fagsamlingane for skulebibliotekansvarlege i Hordaland. I april hadde skulekoordinator møter med regionleiarane og rektorane ved dei vidaregåande skulane, for å informere om Strategiplanen som blei vedtatt året før. Digital signering av lånekontrakt for nye elevar blei innført ved skulestart 2017. Fleire skular har fått oppfølging og rettleiing i samband med nytilsette vikarar, lærarar som har blitt tildelt bibliotekoppgåver og samlingar som treng aktualisering. Dagleg rettleiing har skjedd over telefon, e-post, It s learning og Facebook. Skulebibliotekarar i Hordaland og skulebibliotekansvarleg ved fylkesbiblioteket deltok på Nasjonalbiblioteket sin leiarkonferanse i Asker, oktober 2017. Fleirkulturelle bibliotektenester
Hordaland fylkesbibliotek er saman med Bergen Offentlige Bibliotek og Det Felles Innvandrarråd i Hordaland tildelt 1 mill. kr frå Gjensidigestiftinga til prosjektet Rom for møte i 2017-18. I dette året vart det delt ut 180 000 kr til prosjekt i sju kommunar. Det blei arrangert Rom for møte-turne i Askøy, Fjell og Sund. Språkkafé og utlån av symaskinar er vellukka Rom for møte-prosjekt ved Masfjorden folkebibliotek. Interkommunalt biblioteksamarbeid 12
Fylkesbiblioteket arbeider med oppfølging av biblioteksamarbeida i fylket gjennom å delta på møte i dei fem regionsamarbeida. For å fremje dialog og tett samarbeid er målet at fagpersonalet på fylkesbiblioteket skal reise ut og vere med på eit møte kvart halvår i kvart av samarbeida. Dette sikrar at arbeidet på fylkesbiblioteket blir retta inn mot behova i regionane. Møte i Bjørnefjordsamarbeidet med deltakarar frå fylkesbiblioteket, Samnanger oktober 2017. Kompetanseheving Fylkesbiblioteket har eit lovfesta ansvar for å arrangere møte og kurs om bibliotekspørsmål. Gjennomføring av forskjellige typar kurs og konferansar for ulike målgrupper er ei prioritert oppgåve på fylkesbiblioteket. Fylkesbiblioteket arrangerte åleine, eller i samarbeid med andre, 21 kurs eller konferansar med 687 deltakarar, sjå oversyn. Fleire arrangement har grunnlag i ulike prosjekt.
Kurs 2017 Dato Namn på kurs Stad Deltakarar 01.02 Workshop om Lesarsørvis Bergen 24 16.-17.02 Lesegledarar Bergen 40 29.03 Fortell, u sheeg! Bergen 20 06.- 07.04 Lesegledarar Bergen 40 20.04 Nettsideopplæring Odda 4 05.- 06.05 Fagdagar skulebibliotek Bergen 23 02.06 Bokbussmøte Bergen 10 Bibliotekdagane, Sterk spenstig og 07.06 klar Ulvik 40 15.08 Managing change Bergen 139 31.08 Inspirasjonsdag for leseombod Stord 26 Stord og 13.09 Digidel Bergen 11 14.09 Digidel Bergen 26 15.09 Lesegledarar 15 25.09 Rom for møte - inspirasjonsseminar Bergen (og streama) 33 05.10 Nettsideopplæring Knarvik 6 11.10 Lesarsørvis Odda 21 06.11 Fagsamling for skulebibliotektilsette Bergen 32 07.11 Lesarsørvis Bergen 33 22.11 Bibliotekleiarmøte Bergen 28 29.11 Årets bøker Bergen 102 14.-15.12 Verkstad om Lesarsørvis BoB Bergen 14 Til saman: 687 14
Frå Managing change, studietur til Bergen offentlige Bibliotek, Loddefjord avdeling. Litteraturformidling Sommarles 2017 Sommarles er ein landsdekkjande digital lesekampanje for barn i 1. - 7. klasse. Målet med kampanjen er å halde i hevd og styrke lesedugleiken gjennom frivillig lesing i sommarhalvåret. Digitale spel og løysing av oppgåver, registrering av bøker ein les, lesetips og små premiar som ein hentar på biblioteka, gjer at kampanjen treff målgruppa godt og skapar begeistring både hos barn og bibliotektilsette. 6000 grunnskulebarn tok del i kampanjen i Hordaland. Frå å vere ein regional kampanje i Vestfold er han utvida til ein nasjonal frå 2016, og det har ført til vanskar med å få alt på plass til rett tid. Likevel er interessa i Hordaland for kampanjen aukande frå 21 deltakande bibliotek til 24. Fylkesbiblioteket står for administrering, og vi betalar også delar av kostnadane knytt til deltaking for dei påmeldte biblioteka. I tillegg organiserer vi ein turné til avslutninga av kampanjen. I 2017 var det
Klovnen Knut som var med på feiringa, med 15 tilskipingar med til saman 1202 barn. Leseknappen Leseprogrammet inneheld ein fysisk leseknapp, lesekort, litteraturlister og ulike skriv til foreldre og skular. Fellestinging av leseknapp gjorde at vi fekk god kvantumsrabatt. Fylkesbiblioteket har fått trykt 5200 lesekort og laga skriv og litteraturlister, slik at biblioteka får eit fiks ferdig opplegg. Hovudmålgruppa er elevar i 2. klasse. Målet er at elevane gjennom stimuleringstiltaket lettare skal klare å knekke lesekoden. Programmet er tilrettelagt for bibliotek, og det vert gjennomført i eit samspel mellom foreldre, skule og bibliotek. Leseknappen vart først utvikla av Lenvik bibliotek, og han har vore i bruk i Bergen kommune gjennom fleire år. Enkelte bibliotek i Hordaland følgjer den opphavlege metoden, medan andre har utarbeidd eigne opplegg. Nynorske lesegledarar er personar med engasjement og kunnskap om bøker, som driv direkte formidling til skular, barnehagar og bibliotek. Ordninga er støtta av fylkeskommunen og Nynorsksenteret, og organiseringa er eit samarbeid mellom fleire fylke. I Hordaland har dei 13 lesegledarane hatt 37 oppdrag i 2017. Bokgilde er eit tilbod der bibliotektilsette formidlar bøker til kvarandre på eit årleg arrangement, med skjønn- og faglitteratur for vaksne. I løpet av året starta vi opp arbeidet for å få til dette i Hordaland i 2018. Lesarsørvis er ein måte å formidle bøker på som bygger på amerikanske Readers Advisory. Metoden handlar om å analysere bøker etter bestemte appellfaktorar, for å finne titlar å ein kan anbefale til lånarar. I 2017 hadde vi både verkstad og kurs for å lære meir om Lesarsørvis. Leseombod er personar som les høgt for menneske som har vanskar med å lese sjølve. Dette er ein del av Leser søker bok si Bok til alleordning, som 16 folkebibliotek i Hordaland er med i. Om lag 30 leseombod les høgt i regi av desse biblioteka, og vi hadde ei inspirasjonssamling for leseomboda på Stord. 16
Verkstad i Lesarsørvis på Litteratursymposiet i Odda 2017. Driftsoppgåver Fjernlån og transport mellom bibliotek Lån mellom bibliotek i Noreg har endra seg dei seinare åra. Nedgang i biblioteka sine mediebudsjett og ein moderne infrastruktur har ført til auka innlån og nye lånevegar. Fjernlånet auka med 2 % frå 2016 til 2017. Bergen offentlege bibliotek sto for 48 % av fjernlånet i Hordaland. 8 % av innlånet gjekk til Bergen. Innlånet i folkebiblioteka i fylket minka med 8 % frå 2016 til 2017, noko som tydar på at sjølvforsyningsgraden framleis aukar. Norsk bibliotektransport har ansvar for frakt av bøker og anna materiale mellom biblioteka i fylket og ut av fylket. Alle dei kommunale folkebiblioteka utanom Eidfjord, Modalen og Etne er med. (Etne har transportordning saman med Vindafjord i Rogaland.) Hovudmålet for transporttenesta er at det skal bli enklare og raskare for biblioteka å låne frå kvarandre, og at ein i samarbeidsregionane i fylket kan planlegge felles mediesamlingar utan tanke på tungvint transport.
Bokbåten Bokbåten hadde 42 driftsdagar og 50 stoppestader delt på 22 kommunar. Utlånet gjekk ned frå vel 10.000 til 9.400 utlån. Besøket auka frå 4.292 til 4.485. I samarbeid med Den kulturelle skolesekken var det eit barneprogram på dei fleste stoppa. Med støtte frå Nasjonalbiblioteket og i samarbeid med Folkeakademiet i Hordaland var det fleire vaksenprogram om bord. Bokbåten tok del i litteraturfestivalen Falturiltu i Leirvik med eit barneprogram og eit vaksenprogram. Aukande besøk på Bokbåten. Her er Sirkus Bobbini i aksjon på Veland, mars 2017. Klassesett Fylkesbiblioteket låner ut klasse- og gruppesett av bøker til grunnskular i Hordaland utanom Bergen. Mange av bøkene er på nynorsk. Vi har også 18
nokre lydbøker og dvd-ar i samlinga. I 2017 lånte vi ut 107 sett (2016: 181) og til saman 2019 einingar. Råd og rettleiing Dei tilsette på fylkesbiblioteket svarar i løpet av året på mange spørsmål frå kommunane om innreiing, samlingsutvikling, samarbeid og andre bibliotekfaglege problemstillingar. Aktualisering i Fusa. Bibliotekleiar ved Fusa folkebibliotek Martine Durban Jahr og førstekonsulent Åshild Selbakk Knarvik frå fylkesbiblioteket. Informasjonsarbeid Nettstaden til fylkesbiblioteket blir aktivt brukt til å informere om tenester og prosjekt. Facebook blir brukt særleg til å dele aktivitetar og diskutere bibliotekutvikling med partnarane våre i kommunane og elles. Sida har god rekkevidde i målgruppa, og vi får jamt over god respons på aktiviteten på sida. Fylkesbiblioteket deltar i fleire grupper på Facebook for å ha dialog med kollegaer og på tvers av kommunegrenser.
Postlista til bibliotekleiarane blir nytta til informasjon og invitasjon til kurs, konferansar og liknande. Bokbåten har eigen nettstad og ei Facebook-side i samarbeid med fylkesbiblioteket i Møre og Romsdal. Desse kanalane er også aktivt brukt for å informere om tilbodet og halde kontakten med brukarane og andre interesserte. Skulebibliotekarane i dei vidaregåande skulane i fylket kommuniserer og utvekslar informasjon med kvarandre og med fylkesbiblioteket i ei lukka gruppe på It s Learning og ei gruppe på Facebook. Fylkesbiblioteket bidreg også til å dele ut informasjon til TV-aksjonen, som i 2017 var knytt til Unicef sitt arbeid for utdanning av barn som lever i område med krig og konflikt. Politiske saker Kultur, idrett og ressursutvalet handsama seks biblioteksaker i 2017. Det gjaldt fordeling av midlar til modellbibliotek, integreringsprosjektet Rom for møte, status for folkebiblioteka med utgangspunkt i statistikk og bruk av midlar frå Kommunal og regionaldepartementet til digital deltaking for eldre. Utvalet fekk invitasjon til bibliotekkonferansen Managing Change, men ingen hadde høve til å møte. Innlegg 21.09: Innlegg om Strategiplan for Radøy, Samling for Strilabiblioteket, Alver hotell. Oppdragsgjevar: Strilabiblioteket, Elin Golten 11.10: Offisiell Opning av utstillinga Det norske biblioteket under Litteratursymposiet i Odda, Ruth Ørnholt 01.12: Workshop i Athen, Ruth Ørnholt: Library Marketing: How to begin? 20
Internasjonalt arbeid IFLA Fylkesbiblioteksjef Ruth Ørnholt er med i Management and Marketing seksjonen i IFLA (International Federation of Library Associations and Institutions). I 2017 møttest seksjonen i Vilnius i februar og på verdskonferansen i Wroclaw i Polen i august. Frå IFLA, Wroclaw, august 2017. Erasmus+ Fylkesbiblioteket fekk 38 070 Euro i støtte til 19 reiser i Europa for bibliotektilsette i Hordaland frå Erasmus+-programmet i 2017 og 2018. Mobilitetsprosjektet har mål knytt til å bidra til mangfald og integrering og økt undervisningskompetanse i digitale ressursar, særlig rettas mot eldre og innvandrar. I 2018 fekk tre tilsette ved Bergen Off. Bibliotek støtte til å dra på IFLA-konferansen i Wroclaw, Polen, og det blei delt ut tre stipend til deltaking på The Library Innovation Conference. Internet Librarian International i London i oktober.
22
Agnes Mowinckels gate 5 Postboks 7900 5020 Bergen Telefon: 55 23 90 00 E-post: hfk@hfk.no www.hordaland.no