Årsmelding 2016 Hordaland fylkesbibliotek

Transkript

1 Årsmelding 2016 Hordaland fylkesbibliotek

2 2 Årsmelding 2016 Forsidebilde frå skulebiblioteket på Årstad vgs. Foto: Anne Haugen Pihl

3 Årsmelding Innhald Høgdepunkt i Fylkesbiblioteket sitt oppdrag 5 Utviklingsoppgåvar 6 Delprosjekt 1: Modellbibliotek 6 Delprosjekt 2: Auke tal på besøk og arrangement 7 Delprosjekt 3: Profilere biblioteka sitt nye samfunnsoppdrag 8 Delprosjekt 4: Digital formidling og innhaldsproduksjon 8 Delprosjekt 5: Kompetanseutvikling 9 Digitale tilbod i biblioteka i fylket 10 Skulebibliotek for kunnskap og trivsel 11 Fleirkulturelle bibliotektenester 12 Interkommunalt biblioteksamarbeid 12 Kompetanseheving 12 Kurs Litteraturformidling 14 Sommarles 14 Leseknappen 14 Driftsoppgåver 15 Fjernlån og transport mellom bibliotek 15 Bokbåten 15 Klassesett 16 Råd og rettleiing 17 Samarbeid på tvers av fylkesgrensene 17 Informasjonsarbeid 18 Innlegg 19 Internasjonalt arbeid 19

4 4 Årsmelding 2016 Høgdepunkt i 2016 Opning av modellbibliotek i Lindås, Meland, Granvin og Bømlo Biblioteka i Fitjar, Tysnes, Stord, Austevoll, Kvinnherad, Bømlo, Samnanger, Sveio og Etne, Samnanger og Fusa lanserte nye nettsider Fylkestinget vedtok ny strategi for utvikling av bibliotek i vidaregåande skule Nytt utlånssystem for e-bøker Sommarles: Hordaland deltok for første gong med godt deltaking av kommunar og barn Nordisk konferanse (Halmstadkonferansen) vart arrangert for tredje gong i Bergen Halmstadkonferansen i Bergen. Etter konferansemiddag på Fløien folkerestaurant valde mange av deltakarane å spasere ned frå fjellet i den vakre juninatta. Foto: Ruth Ørnholt

5 Årsmelding Fylkesbiblioteket sitt oppdrag I følgje Lov om folkebibliotek skal fylkeskommunen ivareta regionale bibliotekoppgåver og regional bibliotekutvikling. Fylkesbiblioteket er bibliotekfagleg rådgivar for kommunane og biblioteka i vidaregåande opplæring. Vi initierer, leier, finansierer og støttar utviklingsarbeid i biblioteka i Hordaland, og vi utviklar fem regionale biblioteksamarbeid i samarbeid med 32 kommunar. Ei kjerneoppgåve er å utvikle og oppdatere kompetansen hjå bibliotektilsette i fylket gjennom strategisk arbeid, kurs, konferansar og andre kompetansehevande tiltak. Arbeidet i fylkesbiblioteket er styrt av Biblioteklova og Hordaland fylkeskommune sin vedtekne bibliotekpolitikk, som er nedfelt i Premiss : Kultur - Regional kulturplan for Hordaland og Skulebiblioteket kunnskapskjelde, kulturberar og sosial møteplass : strategi for utvikling av skulebibliotek i vidaregåande opplæring i Hordaland Fylkesbiblioteket er leia av fylkesbiblioteksjefen og har 6,8 årsverk fagstillingar og ei merkantil stilling. På grunn av sjukemeldingar, var det ved årsskiftet 5 fagtilsette og ei merkantil stilling. Nyopning av Bømlo filial på Hillestveit skule 30 november. Bibliotekleiar Astrid Drevland får blomar av fylkesbiblioteksjef Ruth Ørnholt.

6 6 Årsmelding 2016 Utviklingsoppgåver Sterk, spenstig og klar Nasjonalbiblioteket løyvde kr til tredje og siste år av prosjektet Sterk spenstig og klar. Målet er at innbyggjarane i Hordaland skal oppleve fornya biblioteklokale og meir attraktiv formidling i det fysiske og digitale bibliotekrommet. Folkebiblioteka skal såleis bli betre i stand til å oppfylle føremålsparagrafen i Biblioteklova. Prosjektet, med til saman 1,8 mill. kr i statlege utviklingsmidlar, har gripe inn i fleire av utviklings-oppgåvene på bibliotekfeltet. Fylkesbiblioteket har prøvd ut nye arbeidsmetodar og tenester i prosjektet, og gjennomføringa er integrert i fylkesbiblioteket sin årsplan og -budsjett. Prosjektet har gitt stor utteljing, både for dei kommunale biblioteka og for arbeidsforma i fylkesbiblioteket. Prosjektet omfattar alle kommunane i Hordaland utanom Bergen. Prosjektet blir gjennomført i fem delprosjekt: Delprosjekt 1: Modellbibliotek Modellbibliotekprogrammet har vist seg å vere eit veleigna tiltak for å utvikle dei kommunale folkebiblioteka. Kommunane går inn i eit spleiselag med fylkeskommunen, som nyttar dei statlege utviklingsmidlane og kr over budsjettet til fylkesbiblioteket. Modellbibliotekprogrammet er inne i sitt tredje år, og interessa for å vere med er stor. Behovet for fornying og tilrettelegging av biblioteklokala er omfattande, og prosjektet har skapt grobotn for innovative og spennande idear kring utviklinga av det einskilde Frå Ord i spor-stien på Steinsland i Sund. Foto: Sigrid Furnes bibliotek. Det kom inn seks søknadar, og etter politisk handsaming i Kultur, idrett og ressursutvalet, vart folkebiblioteka i Fitjar, Fedje og Eidfjord valde som modellbibliotek i Fitjar skal prøve ut ein modell med samordning med biblioteket i Fitjar vidaregåande skule. Gjennom eit forpliktande samarbeid har dei skapt eit bibliotek der ressursane blir utnytta betre, noko som kjem alle brukargrupper til gode. Fedje skal legge til rette møteplassfunksjonen for barn og unge gjennom å fornye bibliotekrommet og samlinga. Støtta til utvikling av lokale og nye tenester vil hjelpe biblioteket i å møte dei nye krava i biblioteklova.

7 Årsmelding Eidfjord skal flytte biblioteket til 1. etasje i kommunehuset og prøve ut nytt samarbeid med tenestetorget for å kunne utvide opningstidene og utvikle nye publikumstenester. Både Fitjar og Fedje kom godt i gang med arbeidet i løpet av året, medan ein av ulike grunnar ikkje fekk starta prosjektet i Eidfjord. Sund, Bømlo og Granvin fekk lønstilskot til brikking av bøker, som hjelp i den tidkrevjande prosessen med å klargjere samlinga til sjølvbetent utlån. Det var opning av modellbibliotek i fire kommunar. 17.mars opna Kulturbanken i Granvin. Kommunen har utvikla biblioteket til eit fleirbruksrom og storstove. Under prosessen vart biblioteket flytta til nye lokale, og det er i praksis blitt eit nytt kulturhus i kommunen. I Lindås og Meland opna Strilabiblioteket 14.april. Det er eit alternativ til hovudbibliotek- filialstruktur ved kommunesamanslåing. Bibliotektilbodet i Lindås og Meland har blitt to spesialiserte bibliotek som utgjere eit heile. i bygda. Alle biblioteka er meiropne, dvs. at dei er tilgjengelege for publikum utanom betent opningstid. I desember vart det lyst ut midlar til modellbibliotek 2017, og det kom inn fem søknadar. Delprosjekt 2: Auke tal på besøk og arrangement 1. Utlysing av støtte til akustikkmåling i folkebibliotek. Siktemålet med målinga var å finne ut kor godt eigna lokala er til å framføre tale og musikk. Seks bibliotek med til saman 10 målepunkt søkte og fekk støtte. Hordaland musikkråd utførte målingane og laga rapportar med resultat og forslag til tiltak. malinger-hordaland/ 30.november var det nyopning av Bømlo filial på Hillestveit skule. Det er eit kombinert skule- og folkebibliotek i ein relativ stor barne- og ungdomsskule. Biblioteket har blitt meir tilgjengeleg og ein attraktiv møtestad for ungdom

8 8 Årsmelding I november organiserte fylkesbiblioteket turné i samarbeid med Hordaland folkeakademi, med formidlaren Tone Loeng. Ho er ekspert på kofter og koftehistorikk, i tillegg til at ho designar og redesignar kofter. Loeng hadde 14 arrangement, to av desse var om bord i bokbåten Epos. 3. Utsending av informasjon om fleire ulike forfattarar og andre kulturutøvarar som ønskjar turnéar i Hordaland, og knyte kontakt mellom det enkelte folkebibliotek og dei ulike utøvarane. 4. Tal på arrangement i folkebiblioteka i Hordaland (utan Bergen) har auka med 225 % frå 2013 til Tal på deltakarar har auka med om lag 170 %. Auken er reell og svært stor, men det er gjort nokre endringar i korleis biblioteka rapporterer arrangementsverksemd, som kan slå ut på talet for auken.. 5. Besøk i folkebiblioteka utanom Bergen har auka med 14,7 % frå 2013 til Delprosjekt 3: Profilere biblioteka sitt nye samfunnsoppdrag Profilering av folkebiblioteka sitt nye samfunnsoppdrag er etterkvart integrert i alle delprosjekt og til-tak, som t.d. på nettsider, i programarbeid og ved formidlingsaktivitetar. Den auka bruken av biblioteka avspeglar at denne måten å tenkje marknadsføring og profilering fører fram. Delprosjekt 4: Digital formidling og innhaldsproduksjon 1. Biblioteknettstadane blir utvikla vidare etter initiativ frå kommunane. 1. halvår utvikla vi nett-stader i Wordpress i samarbeid med Mediebruket (Førde) og biblioteka i Fitjar, Tysnes, Stord, Austevoll, Kvinnherad, Bømlo, Samnanger, Sveio og Etne. Desse nettstadene vart sett opp i Hordalandbiblioteka sin mal for biblioteknettstader. Fusa fekk nye Webløft-sider i oktober, utan at fylkesbiblioteket var særleg involvert i arbeidet. Lesing i hvelvet - frå kulturbanken i Granvin. Foto: Sigrid Furnes

9 Årsmelding I november kom Petter von Krogh og Håkon Knappen frå Webløft-prosjektet i Buskerud til Hordaland. Det vart diskutert vidare samarbeid, og jobba med ein kravspesifikasjon for vidareutvikling av WL Article Adaptor. 3. I desember var fylkesbiblioteket representert på ein to dagars Webløft-konferanse i Drammen. Delprosjekt 5: Kompetanseutvikling Fylkesbiblioteket arrangerte ei rekke kurs og samlingar i 2016, sjå oversyn s. NN. Fleire arrangement er med grunnlag i dei ulike delprosjekta: 1. To like dagskurs i arrangørkompetanse i Leirvik og i Bergen, i samarbeid med folkebiblioteka dei to stadane. Monica Helvig frå Nasjonalbiblioteket snakka om å arrangere, og Tomin Tollefsen frå Konsertsystemer hadde ein teoretisk-praktisk verkstad der deltakarane fekk øve seg på mikrofonbruk og å stille inn lydvolum. 2. Årets bøker for vaksne vart arrangert i samarbeid med Vest-Agder fylkesbibliotek. Kjell Ola Dahl, forfattar og medlem av Det litterære råd i Den norske forfatterforening, formidla bøker. 3. Konferanse om litteraturformidling i Trondheim for tilsette i fylkesbiblioteka. Saman med fylkesbiblioteka i Trøndelag-fylka og Sogn og Fjordane fylkesbibliotek arrangerte vi konferansen. 4. Samarbeid med Litteratursymposiet i Odda om seminar over to dagar. Temaet for symposiet, var Hjelp. Tittelen på seminaret var Ei hjelpande hand : Å miste seg sjølv, å hjelpe seg sjølv, å finne seg sjølv - litteratur som døropnar, vegvisar og fristad. Innleiarane snakka om lesegrupper og shared reading, om å formidle litteratur, om litteratur som provokasjon og om den einsame guten i litteraturen.

10 10 Årsmelding 2016 Digitale tilbod i biblioteka i fylket E-bøker Fylkesutvalet har vedtatt at fylkeskommunen bør ta på seg ei utviklar- og koordineringsrolle for å sikre innbyggarane i Hordaland tilgang til e-bøker i biblioteka, uavhengig av kommunestorleik og ressurstilgang. Fylkesbiblioteket har etablert eit konsortium for e-bøker for folkebiblioteka (utanom Bergen) og dei vidaregåande skulebiblioteka i Hordaland. Konsortiet omfattar ei felles teknisk utlånsløysing og ei felles samling av e-bøker, som fylkeskommunen har kjøpt inn. Alle som har lånekort ved eit av biblioteka som er med i ordninga, har tilgang til e-bøkene i den felles samlinga for fylket. E-lån Hordaland hadde 9533 lisensar fordelt på 2432 e-boktitlar ved utgangen av Det vart lånt ut e-bøker i 2016, noko som er ei auke på 120 % frå året før. Det er lånt ut i overkant av 2000 ulike titlar i 2016, mot 1300 i Etter ein anbodsprosess i februar, vart utlånssystemet bytta til ebokbib, levert av Bibliotek-Systemer AS. Fylkesbiblioteket utforma ein marknadsføringskampanje for e-bokutlån i samarbeid med Snitt reklamebyrå våren Biblioteka fekk tilsendt bilde til bruk på nett, ferdig utforma Facebook-postar, plakatar og anna trykt materiale, samt eit jakkemerke. Vidare hadde vi reklame på bibliotektransporten sine bilar, og kvart biblioteksamarbeid fekk ein roll-up som dei skulle sirkulere seg imellom. Biblioteka gjennomførte kampanjen i dei to siste vekene før påske. PressReader Innkjøpet av e-bøker har ikkje vore så høgt som forventa. Frå 2016 fekk konsortiet i Hordaland 3 eksemplar av kvar tittel innkjøpt av Kulturfondet, noko som har gjort behovet for innkjøp mindre. I tillegg er det framleis av-grensa utval norske e-bøker til sals for utlån i bibliotek. Fylkesbiblioteket har difor nytta midlar som var sett av til e-bøker, til PressReader, som gir digital tilgang til over 6000 dagsferske aviser og tidsskrift på meir enn 60 ulike språk. Biblioteka som nyttar Bibliofil, kan óg gi lånarane sine tilgang til tenesta heimanfrå.

11 Årsmelding Skulebibliotek for kunnskap og trivsel Skulebiblioteket kunnskapskjelde, kulturberar og sosial møteplass : strategi for utvikling av skulebibliotek i vidaregåande opplæring i Hordaland vart vedtatt i fylkestinget 13.desember. Hovudmålet for planen er at skulebiblioteket skal vere eit trygt og stimulerande læringsmiljø, eit sosialt rom, ein kulturarena og integrert medspelar for å nå skulen sine overordna mål. - Planlegging av ny skule i Åsane vart starta opp. Skulen blir lokalisert saman med Åsane kulturhus på tomta der U Pihl ligg i dag. Bygginga startar våren Skulebiblioteket blir eit kombinasjonsbibliotek med Bergen Off. Bibliotek sin filial i Åsane. - Fana gymnas vart lagt ned våren 2016, og boksamlinga spreidd til fleire andre skular. - Nye Voss vgs vartopna hausten 2016 og fekk nytt bibliotekrom gunstig plassert sentralt i bygget. - Lønborg vgs og Åsane vgs vart slått saman til ein skule hausten 2016: Bibliotekarstillinga på 60% ved Lønborg vgs gjekk inn. - Skulebibliotekkoordinator Guri Aarhus slutta i juli. Anne Haugen Pihl gjekk inn i stillinga frå 1.august. Fagsamling for skulebibliotektilsette på hotell Augustin i Bergen, 28 november. Kompetanseutvikling: I 2016 har det vore 24,5 årsverk i vgs-biblioteka i Hordaland. 15,5 av årsverka vart fylte av fagutdanna bibliotekarar, og desse fordelte seg på 18 av dei 41 skulane. Dei tilsette i skulebiblioteka har vore samla på fire fagdagar fordelte på våren og hausten, i tillegg til eit todagars Bibliofilkurs med kursleiar frå Bibliotek Fleirkulturelle bibliotektenester Fleire skular har fått oppfølging og rettleiing i samband med nytilsette vikarar, lærarar som har blitt tildelt bibliotekoppgåver og samlingar som treng aktualisering. Dagleg rettleiing har skjedd over telefon, e-post, It s learning og Facebook. To skulebibliotekarar har fullført nettstudiet Skolebibliotekets rolle for elevens læringsarbeid i april Dei fekk økonomisk støtte frå skulen og fylkesbiblioteket til kursavgifta. Det er arbeidd med at fleire frå fylket kan ta dette kurset i løpet av 2017/18. Nytilsett skulebibliotekkoordinator har vore på kurs for Bibliofil-administratorar oktober oktober var skulebibliotekarkoordinator på vitjing i Førde og møtte kollegaer frå Rogaland og Sogn og Fjordane, med tanke på eit nærare samarbeid om fagsamlingar og liknande.

12 12 Årsmelding 2016 Fleirkulturelle bibliotektenester Fylkesbiblioteket har arbeidd aktivt med fleirkulturelle prosjekt. I 2016 fekk ein prosjektmidlar frå Nasjonalbiblioteket til Fortell, u sheeg!, som er eit samarbeid med Buskerud fylkesbibliotek, Det flerspråklige bibliotek og folkebibliotek i Hordaland. Prosjektet skal leggje opp til kurs og gjennomføring av tospråklege eventyrstunder. Hordaland fylkesbibliotek har saman med Bergen Offentlige Bibliotek og Det Felles Innvandrerråd i Hordaland (DFIRH) søkt og motteke støtte frå Gjensidigestiftinga til prosjektet Rom for møte, som vil understøtte integreringsarbeid i folkebibliotek i Hordaland i 2017 og Interkommunalt biblioteksamarbeid Fylkesbiblioteket arbeider med oppfølging av biblioteksamarbeida i fylket gjennom å delta på møte i dei fem regionsamarbeida. For å fremje dialog og tett samarbeid er målet at fagpersonalet på fylkesbiblioteket skal reise ut og vere med på eit møte kvart halvår i kvart av samarbeida. Dette sikrar at arbeidet på fylkesbiblioteket blir retta inn mot behova i regionane. Kompetanseheving Fylkesbiblioteket har eit lovfesta ansvar for å arrangere møte og kurs om bibliotekspørsmål. Gjennomføring av forskjellige typar kurs og konferansar for ulike målgrupper er ei prioritert oppgåve på fylkesbiblioteket. Fylkesbiblioteket arrangerte åleine, eller i samarbeid med andre, 17 faglege møte, seminar og konferansar i 2016, med til saman 627 deltakarar. I september heldt psykolog Jan Gimse Arfeldt kurs i service- og brukarhandteringskurs for 36 ivrige kursdeltakarar.

13 Årsmelding Kurs 2016 Dato Namn på kurs Stad Streama Deltakarar Avspark for ebokbib Bergen ja Kurs i arrangørkompetanse Leirvik Kurs i arrangørkompetanse Bergen Årets bøker for vaksne Bergen Team og teamleiing Bergen Kurs i bruk av sosiale media Olsvikåsen vgs Ny sakprosa Bergen Halmstadkonferansen (medarrangør) 20 Bergen Servicekurs Bergen Ei hjelpande hand. Seminar Odda under Litteratursymposiet i 30 Odda Bibliofilkurs for vgs Bergen Bibliofilkurs for vgs Bergen Neptun-seminaret Bergen 43 (medarrangør) Bibliotekleiarmøte Bergen Fagdag for skulebibliotekarar Bergen Fagdag for skulebibliotekarar Bergen Årets bøker Bergen 105 Til saman: 627

14 14 Årsmelding 2016 Litteraturformidling Sommarles Målet med kampanjen er å halde i hevd og styrke lesekunnskapen gjennom frivillig lesing i sommar-halvåret. I 2016 vart Vestfoldbiblioteka stt digitale Sommarles utvida til fleire fylke i landet, og Hordaland kom med. Utvidinga gjekk ikkje heilt smertefritt for seg, m.a. var det ein del turbulens kring dårleg utvikla premiar og nynorskversjon. Likevel fall den digitale forma med spel og jakta på troféar og premiar i smak, og kampanjen vart ein stor suksess. Heile 21 kommunar meldte seg på, og fleire av desse klarte å innarbeidde kampanjen godt blant grunnskuleelevane. Fitjar fekk med 66,4 % av barna, og då må målet om å halde i hevd og styrke lesekunnskapen vere nådd. Hordaland kom godt ut av kampanjen med god oppslutnad og bibliotektilsette som syntest det var kjekt å jobbe med dette. Dei små kommunane i fylket klarte å plassere Hordaland på ein tredjeplass på fylkesoversikta. Leseknappen Sommarles fekk god oppslutnad i Hordaland Leseknappen vart teken i bruk vinteren bibliotek meldte interesse for å delta. Leseprogrammet inneheld ein fysisk leseknapp, lesekort, litteraturlister og ulike skriv til foreldre og skular. Fellestinging av leseknapp gjorde at vi fekk god kvantumsrabatt lesekort er trykte ved trykkeriet i fylkeskommunen. Fylkesbiblioteket har laga skriv og litteraturlister, slik at biblioteka får eit fiks ferdig opplegg.

15 Årsmelding Hovudmålgruppa er elevar i 2. klasse. Målet er at elevane gjennom stimuleringstiltaket lettare skal klare å knekke lesekoden. Programmet er tilrettelagt for bibliotek, og det vert gjennomført i eit sam-spel mellom foreldre, skule og bibliotek. Leseknappen vart først utvikla av Lenvik bibliotek, og han har vore i bruk i Bergen kommune gjennom fleire år. Leseknappen har halde fram i 2016, og nytinging av knappar viser at mange brukar programmet særs aktivt. Enkelte følgjer den opphavlege metoden, medan andre har utarbeidd eigne opplegg.» Driftsoppgåver Fjernlån og transport mellom bibliotek Lån mellom bibliotek i Noreg har endra seg dei seinare åra. Nedgang i biblioteka sine mediebudsjett og ein moderne infrastruktur har ført til auka innlån og nye lånevegar. Fjernlånet auka med ca. 8 % frå 2015 til Bergen Off. Bibliotek stod for litt under halvdelen av fjernlånet i Hordaland. 7,8 % av innlånet i fylket går til Bergen. Innlånet i folkebiblioteka i fylket sank med om lag 11 % frå 2015 til Til saman tyder dette på at sjølvforsyningsgraden i folkebiblioteka er aukande. Norsk bibliotektransport har ansvar for frakt av bøker og anna materiale mellom biblioteka i fylket og ut av fylket. Alle dei kommunale folkebiblioteka utanom Eidfjord, Modalen og Etne er med. (Etne har transportordning saman med Vindafjord i Rogaland.) Hovudmålet for transporttenesta er at det skal bli enklare og raskare for biblioteka å låne frå kvarandre, og at ein i samarbeidsregionane i fylket kan planlegge felles mediesamlingar utan tanke på tungvint transport. Nasjonalbiblioteket arbeider med eit nytt Biblioteksøk som skal bli det verktøyet biblioteka skal bruke når dei driv fjernlånsarbeid. For å få låne materiale gjennom Biblioteksøk, må biblioteka stille eigne samlingar til disposisjon for andre. Og for å gjere det, treng dei OAI-PMH-protokollen i biblioteksystema sine. Fylkesbiblioteket tok i 2016 initiativ til å få alle biblioteka til å kjøpe protokollen, og han er no på plass hos alle. Bokbåten Bokbåttenesta er eit samarbeidsprosjekt mellom fylkeskommunane i Hordaland og Møre og Romsdal. Bokbåten Epos er eit mykje brukt og høgt verdsett bibliotek- og kulturtilbod som femnar breitt i kyst- og fjordområda i fylket. Bokbåten Epos hadde 42 driftsdagar i Hordaland, med 50 stopp fordelt på 20 kommunar. Utlånet var noko lågare (9.373) samanlikna med 2015 (10.898) og besøkstalet noko høgare (4.292) enn i fjor (3.977). Stoppet på Hellesøy vart lagt ned hausten 2016.

16 16 Årsmelding 2016 Som alltid, hadde båten med seg både gode bøker og gode kulturprogram. Fire ulike barneprogram alternerte om bord, alle var populære blant barna og av god kunstnarisk kvalitet. Våren 2016 hadde vi med Roald Kalde-stad og Roy Ole Førland med programmet 269 dagar og Siv Wyller med Hockeysveis fører til dårlige rim. På haustturen var Bjørn Ousland og teikneseriefiguren Bisk med, i tillegg til Sirkus Bobbini. For andre år var det også program for vaksne om bord. Kenneth Bruvik heldt foredrag på Skjeret på Bømlo om fiske i Karibia, og på Matre og i Øystese hadde vi historiske foredrag om kofter av Tone Loeng. Både barneprogramma og Tone Loeng-programma var i eit samarbeid med Folkeakademiet Hordaland. Bokbåten Epos vart invitert som festivalbåt til litteraturfestivalen blest. Tysvær folkebibliotek fekk midlar frå Nasjonalbiblioteket til å utvide kulturarenaene med bokbåten, noko som var ein stor suksess. Det var ope bibliotek dei to døgera båten var med, først i Hinderåvåg og så i Skjoldastraumen. blest-festivalen hadde velsigna båten med særs gode program, barneprogram om dagen, ettermiddagsprogram for fleirspråklege om ettermiddagen og vaksenprogram om kvelden. Båten har tidlegare vore med på den nynorske barnebokfestivalen Falturiltu på Stord, at den no fekk vere med i nabofylket på ein ny festival viser det omdømme båten har som litteraturhus og kulturarena. November og ruskever på Sletta og Bøvågen i Nordhordland. Foto: Sigrid Furnes Avtala mellom fylkeskommunen og Lindås kommune om kjøp av tenester, slik som t.d. bokinnkjøp, ruteplanlegging og bemanning, er fornya fram til Nettstaden til bokbåten blir stadig oppdatert med nyhende, og på Facebook har bokbåten over 2500 følgjarar. Dette er ei auke på 400 frå Klassesett Fylkesbiblioteket låner ut klassesett til grunnskular i fylket utanom Bergen. I 2016 vart det lånt ut 181 klasse-sett (2015: 135). Det er 151 klassesett/gruppesett i samlinga,

17 Årsmelding det meste på nynorsk. Til saman utgjer dette 4867 bøker og lydbøker (2015: 2576). Lærarane kan søkje opp bøker i katalogen vår i Bibliofil og bestille frå nettsida. Vi har kjøpt inn 5 nye klassesett i 2016, til saman 183 einingar. Råd og rettleiing Dei tilsette på fylkesbiblioteket svarar i løpet av året på mange spørsmål frå kommunane om innreiing, samlingsutvikling, samarbeid og andre bibliotekfaglege problemstillingar. Åshild Knarvik frå fylkesbiblioteket aktualiserar samlinga saman med biblioteksjef Silje Vågen Torbjørnsen og Rita Hindersland Huse på Fitjar folkebibliotek, 22 april. Foto: Sigrid Furnes. Samarbeid på tvers av fylkesgrensene Tidleg på hausten møttest dei tre fylkesbiblioteka i Rogaland, Hordaland og Sogn og Fjordane i Bergen. Vi vart kjende med kvarandre og vi såg på kva gevinstar vi kan få ut av ei fylkessamanslåing. I etterkant skreiv dei tre fylkesbiblioteksjefane ei felles politisk sak i dei tre fylka. Det var semje om at Hordaland skal gå inn i arbeide med eit lesestimuleringsprosjekt, som Rogaland og Sogn og Fjordane allereie samarbeider om. Prosjektet Nynorske lesegledarar blir starta i 2017.

18 18 Årsmelding 2016 I august var det eit historisk møte i Bergen mellom dei tre fylkesbiblioteka i vestlandsfylka Sogn og Fjordane, Hordaland og Rogaland. Informasjonsarbeid Nettstaden til fylkesbiblioteket har tidlegare blitt aktivt brukt til å informere om tenester og prosjekt. I 2016 fekk fylkeskommunen nye nettsider, og dei passar ikkje like godt til fylkesbiblioteket sine behov. Facebook blir difor aktivt brukt til å dele aktivitetar og diskutere bibliotekutvikling med partnarane våre i kommunane og elles. Sida har god rekkevidde i målgruppa, og vi får jamt over god respons på aktiviteten på sida. Fylkesbiblioteket deltar i fleire grupper på Facebook for å ha dialog med kollegaer og på tvers av kommunegrenser. Postlista til bibliotekleiarane blir nytta til informasjon og invitasjon til kurs, konferansar og liknande. Bokbåten har eigen nettstad og ei Facebook-side i samarbeid med fylkesbiblioteket i Møre og Romsdal. Desse kanalane er også aktivt brukt for å informere om tilbodet og halde kontakten med brukarane og andre interesserte. Skulebibliotekarane i dei vidaregåande skulane i fylket kommuniserer og utvekslar informasjon med kvarandre og med fylkesbiblioteket i ei lukka gruppe på It s Learning og ei gruppe på Facebook. Fylkesbiblioteket bidreg også til å dele ut informasjon til TV-aksjonen, som i 2016 var knytt til Røde Kors sitt arbeid.

19 Årsmelding Innlegg 12.06: Innlegg på møte med bibliotekarar på regionalt nivå i Norge, Sverige og Danmark, Ruth Ørnholt: Delingskultur i norske bibliotek 21.09: Deltaking i paneldebatt under SMH-dagane, Kari Skibenes: Folkebiblioteka si rolle i samband med Kunnskapsbasert praksis i kommunane. 21 september heldt Kari Skibenes frå fylkesbiblioteket innlegg på SMH-dagane i Bergen, i debatt om kunnskapsbasert praksis i kommunane. Internasjonalt arbeid IFLA Fylkesbiblioteksjef Ruth Ørnholt er med i Management and Marketing Section i IFLA (International Federation of Library Associations and Institutions). I 2016 var verdskonferansen i Columbus, Ohio i USA. Erasmus+ Fylkesbibliotket deltok på møte om Erasmus+ med tanke på å søkje om støtte til bibliotektilsette i Hordaland.

20 Hordaland fylkeskommune har ansvar for å utvikle hordalands samfunnet. Vi gir vidaregåande opplæring, tannhelse tenester og kollektivtransport til inn byggjarane i fylket. Vi har ansvar for vegsamband og legg til rette for verdi skaping, næringsutvikling, fritidsopplevingar og kultur. Som del av eit nasjonalt og globalt samfunn har vi ansvar for å ta vare på fortida, notida og framtida i Hordaland. Fylkestinget er øvste politiske organ i fylkeskommunen. Agnes Mowinckels gt 5 Postboks 7900 N-5020 BERGEN Telefon: Juni 2017