MØTEINNKALLING. Forfall til møter i kommunale organer skal vere gyldig i hht. Lov om kommuner og fylkeskommuner 40, nr. 1.

Transkript

1 MØTEINNKALLING Utval: Komite for næring, kultur og idrett Møtestad: Formannskapssalen Herøy rådhus Dato: Tid: 16:00 Melding om forfall til tlf Forfall til møter i kommunale organer skal vere gyldig i hht. Lov om kommuner og fylkeskommuner 40, nr. 1. Varamedlemer som får tilsendt sakliste, skal ikkje møte utan nærare innkalling. Dersom du ønskjer din habilitet vurdert i ei sak, må du melde skriftleg frå til Fellessekretariatet om dette i god tid før møtet (Forvaltningslova 8, 3. ledd). Fosnavåg, Bjørn Otterlei leiar

2 SAKLISTE: Saksnr PS 48/14 PS 49/14 PS 50/14 PS 51/14 RS 25/14 RS 26/14 Innhold Godkjenning av innkalling og sakliste Protokoll frå førre møte Referatsaker Kommunedelplan for Herøy - Strategisk næringsplan oppstart av planarbeid (Ingen tittel) Reguleringsplan gang- og sykkelveg Moltustranda FV 10 - Offentleg ettersyn Detaljreguleringsplan for Myrabakken bustadfelt - Offentleg ettersyn

3 RS 25/14 RS 26/14 Referatskriv Reguleringsplan for Myrabakken bustadfelt - Offentleg ettersyn Reguleringsplan for ny gang- og sykkelveg på Moltustranda - Offentleg ettersyn

4 PS48/14Godkjenningavinnkallingogsakliste PS49/14Protokollfråførremøte PS50/14Referatsaker

5 Utviklingsavdelinga SAKSFRAMLEGG Sakshandsamar: OMR Arkivsaknr: 2014/916 Arkiv: Utvalsaksnr Utval Møtedato 51/14 Komite for næring, kultur og idrett /14 Formannskapet Kommunestyret KOMMUNEDELPLAN FOR HERØY - STRATEGISK NÆRINGSPLAN OPPSTART AV PLANARBEID Tilråding frå rådmannen: 1. Kommunestyret vedtek i medhald av plan- og bygningslova å starte opp arbeid med revidering av Strategisk næringsplan Kommunestyret vedtek i medhald av plan- og bygningslova å leggje forslag til planprogram ut til offentleg ettersyn i minimum seks (6) veker. Særutskrift: Møre og Romsdal fylkeskommune Fylkesmannen i Møre og Romsdal Statens vegvesen, region midt Fiskeridirektoratet, region Møre og Romsdal Kystverket Herøy fiskarlag Ungdomsrådet i Herøy Eldrerådet i Herøy Barnerepresentanten i Herøy Råd for menneske med nedsett funksjonsevne Alle politiske komitear i Herøy Fylkeshuset, 6404 MOLDE Fylkeshuset, 6404 MOLDE Fylkeshuset, 6404 MOLDE Postboks 185 sentrum, 5804 BERGEN Postboks 1502, 6025 ÅLESUND Sævik 76, 6094 LEINØY, v/arve Myklebust Her Her Her Her Her

6 Vedlegg 1 forslag til planprogram for Strategisk næringsplan Saksopplysningar: Førebels framdriftsplan Utvalssak Utval m.m Emne Dato Komite for NKI Vedtak om oppstart av planarbeid instilling Formannskap Vedtak om oppstart av planarbeid instilling Kommunestyre Vedtak om oppstart Høyring av planprogram: Planstrategi for Herøy legg opp til at Strategisk næringsplan skulle reviderast i 2013 og administrasjonen ligg såleis noko bak denne målsettinga. Strategisk næringsplan er utarbeidd som ein temaplan på nivå tre i det lokale planhierarkiet. Denne planen er no føreslått heva til ein kommunedelplan for Herøy (nivå to) som vil vere politisk bindande ved prioriteringa av tilskot. Dersom det skal gjevast økonomisk støtte frå kommunen til tiltak som ikkje står i den reviderte planen skal dette grunngjevast. Kommunestyret i Herøy har vedteke i sitt overordna styringsdokument (Kommuneplanen sin samfunnsdel) at det skal satsast på Kompetanse og næringsutvikling og Verdiskaping. Med bakgrunn i dei målsettingane som står i samfunnsdelen vil det vere naturleg å vidareføre og konkretisere desse i ein eigen Strategisk næringsplan. Kommunedelplanen for Herøy - Strategisk næringsplan skal fungere som eit overordna styringsverkty for prioritering av tiltak knytt til næringsutvikling i kommunen. Dette arbeidet vil såleis bidra til å skaffe ei føreseieleg oversikt over økonomiske bidrag til næringsutvikling frå kommunen si side. Arbeidsgruppa for Strategisk næringsplan har konkludert med at utfordringane i bustadmarknaden er høgst relevant for næringsutvikling og rekruttering, men at dette må sjåast i ein større samanheng i ein bustadpolitisk plan. Representant frå Fosnavåg Shippingklubb vil representere næringslivet sine interesser i arbeid med bustadpolitisk plan. Planprogrammet skisserer desse målsettingane. Langsiktige mål: Optimal samhandling mellom kommune og næringsliv. Sikre ei langsiktig utvikling i tråd med næringslivet sitt behov. Herøy kommune skal vere ei attraktiv kommune å besøkje, bu og arbeide i. Kortsiktige mål (mål for arbeid med strategisk næringsplan): Kartleggje og dokumenter framtida sine utfordringar. Utarbeide strategiar for å imøtekome næringslivet sitt behov. Dyktiggjere kommunen som tilretteleggjar for næringslivet sine behov. Side 2 av 3

7 Framdriftsplan: Framdriftsplanen er rettleiande og dekkjer heile prosjektperioden 2014 Juni September: Oktober: November Desember: November/Desember: Utarbeiding av planprogram. Planprogram vert lagt fram for Kommunestyret. ( ) Utlegging av planprogram til offentleg ettersyn(6 veker). Drøfting av planprogram i politiske råd og utval Januar: Stadfesting av planprogram i Komite for næring, kultur og idrett. Januar Mai: Utarbeiding av forslag til Strategisk næringsplan. Juni August: Utlegging av Strategisk næringsplan til offentleg ettersyn. September November: Bearbeiding av plan etter innkomne merknadar. Desember: Planforslag fremja for komite for NKI og Formannskapet. Desember: Endeleg vedtak av Kommunedelplan for Herøy Strategisk næringsplan i Kommunestyret. Vurdering og konklusjon: Konsekvensar for folkehelse: Ingen konsekvens Konsekvensar for beredskap: Ingen konsekvens Konsekvensar for drift: Ingen konsekvens Rådmannen rår til at Kommunestyret i medhald av plan- og bygningslova og varslar oppstart av arbeid med revidering av Kommunedelplan for Herøy Strategisk næringsplan og sender forslag til planprogram på høyring i minimum seks veker. Fosnavåg, Erlend Krumsvik Rådmann Jarl Martin Møller Avd.leiar Sakshandsamar: Ole Magne Rotevatn Side 3 av 3

8 KOMMUNEDELPLAN FOR HERØY - STRATEGISK NÆRINGSPLAN PLANPROGRAM SIST REVIDERT VARSEL OM OPPSTART XX.XX.XXXX STADFESTA I FORMANNSKAPET XX.XX.XXXX

9 Kommunedelplan for Herøy - Strategisk næringsplan - planprogram 1. Planprogram Planprogram skal vere eit verktøy for å sikre tidleg medverknad og avklaring av viktige omsyn som må takast i planarbeidet. Planprogrammet skal angi føremål med planarbeidet, peike på viktige problemstillingar, behov for utgreiingar og skildre korleis planarbeidet er tenkt gjennomført. Interesserte vert bedne om å kome med innspel og synspunkt til planprogram gjennom offentleg ettersyn før det vert fastsett av Formannskapet. Etter at det endelege planprogrammet er fastsett skal arbeidet med Strategisk næringsplan gjennomførast. 2. Planarbeidets føremål og målgruppe Kommunedelplanen for Herøy - Strategisk næringsplan er ei revidering av gjeldande Strategisk næringsplan Kommunedelplanen skal fungere som eit overordna styringsverkty for prioritering av tiltak knytt til næringsutvikling i kommunen. Målgruppa for Strategisk næringsplan er det private næringslivet, kommuneorganisasjonen og særleg utviklingsavdelinga, kulturavdelinga og eigedomsavdelinga og lag- og organisasjonar. Kommunedelplanen skal understøtte kommuneplanen sin visjon og målsettingar. Strategisk næringsplan legg til grunn fylgjande målsettingar: Langsiktige mål: Optimal samhandling mellom kommune og næringsliv. Sikre ei langsiktig utvikling i tråd med næringslivet sitt behov. Herøy kommune skal vere ei attraktiv kommune å besøkje, bu og arbeide i. Kortsiktige mål: Kartleggje og dokumenter framtida sine utfordringar. Utarbeide strategiar for å imøtekome næringslivet sitt behov. Dyktiggjere kommunen som tilretteleggjar for næringslivet sine behov. 3. Føringar og rammer for planarbeidet Prosessreglar Før planoppstart skal det utarbeidast eit planprogram som gjer greie for føremålet med planarbeidet, planprosessen med fristar og deltakarar, opplegg for medverknad, særleg i forhold til grupper med særlege interesser i planarbeidet, alternativ som vil bli vurderte og behov for utgreiingar. Planprogrammet vert sendt på høyring og lagt ut til offentleg ettersyn samtidig med varsling av planoppstart og fastsettast av rette planmynde etter høyringsfristen. Planarbeidet skal følgje reglane om behandling av kommunedelplanar til Nasjonale føringar: LOV Lov om planlegging og byggesaksbehandling (plan- og bygningslova) T-1497 (2011) Nasjonale forventninger til regional og kommunal planlegging Regionale føringar: 2

10 Kommunedelplan for Herøy - Strategisk næringsplan - planprogram Møre og Romsdal fylkeskommune Fylkesplan for Møre og Romsdal Møre og Romsdal fylkeskommune Regional delplan for attraktive byar og tettstader (under utarbeiding) Kommunale føringar: Kommunedelplanen skal vere ein overordna plan for det kommunale bidraget til næringsutviklinga i kommunen. Eventuelle temaplanar og fordeling av kommunale tilskot skal vere i tråd med tiltak nemnt i Strategisk næringsplan. Ved fordeling av midlar til andre føremål enn det som står i Strategisk næringsplan skal desse vere grunngjeve og handsama i rette politiske instans. Planar som legg føringar for strategisk næringsplan: Kommuneplan for Herøy samfunnsdel Kommuneplanen sin arealdel (under revidering) Bustadsosial handlingsplan for Herøy kommune (under revidering) Kommunedelplan for idrett, fysisk aktivitet og friluftsliv Frivilligplan for Herøy Strategisk næringsplan Rapportar: Herøy 2025 sluttrapport frå «Foresight Herøy»-prosjektet Sunnmøre i Framtida sluttrapport frå Sunnmøre i Framtida-prosjektet Arbeidsgruppa for Strategisk næringsplan har konkludert med at utfordringane i bustadmarknaden er høgst relevant for næringsutvikling og rekruttering, men at dette må sjåast i ein større samanheng i ein bustadpolitisk plan. Representant frå Fosnavåg Shippingklubb vil representere næringslivet sine interesser i arbeid med bustadpolitisk plan. 4. Planperiode Kommunedelplan for Herøy strategisk næringsplan vert utarbeidd i løpet av 2014/2015. Det vert lagt opp til at kommunedelplanen skal vere gjeldande i fire år. I samband med revidering av kommunal planstrategi vil det kvart 4. år bli vurdert om strategisk næringsplan skal reviderast eller vidareførast. 5. Viktige utfordringar Herøy kommune har prosentvis færre innbyggjarar med universitets- og høgskuleutdanning samanlikna med fylket og landet. Dette er ei utfordring når både det offentlege og det private næringslivet etterspør formell kompetanse til sine stillingar. Nye arbeidsplassar vert, uansett kvar dei er lokalisert, stadig meir kompetanseintensive. Næringslivet er skildra som sterkt, solid og internasjonalt orientert, med fleire vitale og vekstkraftige forretningsmiljø knytt til akvakultur, fiskeri, offshoreverksemd, marin næring, maritim industri og shipping. Slik næringslivet utviklar seg vil det vere behov for fleire landbaserte jobbar i dei ulike bedriftene både innanfor dei tradisjonelle STEM-faga (science, technology, engineering and mathematics) og innanfor administrasjon og leiing. Utfordringar: 3

11 Kommunedelplan for Herøy - Strategisk næringsplan - planprogram - Rekruttering til Herøy er avgjerande for å halde oppe den positive utviklinga både i lokalsamfunnet og i næringslivet. - Kommunane står føre ei omfattande kommunereform som ein enno ikkje kjenner konsekvensane av. - Næringslivet har behov for tilgjengeleg areal for næringsutvikling og dette omfattar også tomter til kontorbygg. - Knappheit på kompetent arbeidskraft i forhold til dei demografisk baserte tenestebehova som barnehage, skule, helse og eldreomsorg. - Sentraliseringsprosessen som no pågår i Norge, der storbyregionane trekk til seg en relativt stor del av unge, høgt utdanna menneske. - Skule og yrkesfagleg utdanning er svært viktig for rekrutteringa til næringslivet i kommunen og regionen. Kva rolle skal Herøy vidaregåande skule ha i framtida vil påverke både lokalsamfunn og næringsliv. Tilgang til arbeidskraft med rett kompetanse er ein av nøkkelfaktorane for at næringslivet skal kunne utvikle seg vidare. - Kontakten mellom born og næringsliv må etablerast tidleg gjennom td. «partnerskapsavtalar» og studierettleiarane må ha full oversikt over utdanningstilbod og arbeidsmarknaden i kommunen. - Den særnorske kostnadsutviklinga som pressar konkurranseutsette næringar, både dei som er utanfor og også mange av de som er innanfor dei oljerelaterte bransjane. - Kompetanseutfordringa innan statlege institusjonar, der spesialiseringskrav, teknologiutvikling og konkurranse om dei toppkvalifiserte trekker spesialisthelsetenester, høgskule- og universitetstenestene til dei store institusjonane i dei store befolkningssentra. - Innovasjon og næringsutvikling skjer på tvers av administrative grenser og sektorar. Dette forutset god og heilskapleg planlegging på tvers av kommunegrenser og fylkeskommunale grenser. - Sjømatnæringa er ei stor eksportnæring som bidreg til stor aktivitet og sysselsetting i kommunen og d en marine sektoren må gjevast rom for langsiktig og miljømessing forsvarleg verdiskaping. - Turismesatsinga i kommunen kan få eit nytt innhald i tida som kjem og tilpasse seg ei potensiell ny kundegruppe på Thon Hotel Fosnavåg. 6. Utgreiingar Byutviklingsprosjektet som går om lag samstundes med revidering av næringsplanen skal gjennomføre ein del analyser som kan nyttast i arbeid med strategisk næringsplan. Døme på analyser som også kan nyttast som grunnlag for denne planen er; handelsutvikling, handelsanalyse, kart over interessepunkt i Fosnavåg, gatekart med køyremønster i Fosnavåg og kart over næringslokale i Fosnavåg. 7. Konsekvensutgreiing Arbeid med revideringa av strategisk næringsplan vil ikkje utløyse krav om konsekvensutgreiing etter Forskrift om konsekvensutredning 2, 3 og Organisering og medverknad Kommunestyret i Herøy er eigar av planen. Komite for næring, kultur og idrett er styringsgruppe for arbeidet med revidering. 4

12 Kommunedelplan for Herøy - Strategisk næringsplan - planprogram Arbeidsgruppa for arbeidet består av; - Leiar i komite for næring, kultur og idrett, Bjørn Otterlei - nestleiar i komite for næring, kultur og idrett, Knut Johan Voldsund - ordførar, Arnulf Goksøyr - rådmann, Erlend Krumsvik - assisterande rådmann, Olaus-Jon Kopperstad - representant frå utviklingsavdelinga, Jarl Martin Møller - representant frå Herøy Næringsforum, Svein Rune Gjerde - representant frå Fosnavåg Shippingklubb, Hallvar Ulfstein Planleggar frå utviklingsavdelinga fungerer som sekretær i arbeid med revidering av planen. Arbeidsgruppa kan engasjere andre i planarbeidet ved behov. Ein vil ha moglegheit til å kome med innspel på fylgjande måte: - Det vil bli varsla oppstart av planarbeid og forslag til planprogram vil bli lagt ut til offentleg ettersyn etter PBL og Arbeidsgruppa vil invitere seg inn til «dialogmøte» med Herøy næringsforum og Fosnavåg shippingklubb. Det kan verte aktuelt å invitere seg inn i andre fora undervegs i planarbeidet. - Det skal settast ned mindre uavhengige arbeidsgruppe for bestemte tema som skal utarbeide strategiar og målsettingar for sitt aktuelle tema. - Kommunedelplanen vil vere gjenstand for høyring og offentleg ettersyn etter PBL med moglegheiter for å kome med innspel før politisk slutthandsaming. 9. Framdriftsplan Framdriftsplanen er rettleiande og dekkjer heile prosjektperioden 2014 Juni September: Utarbeiding av planprogram. Oktober: Planprogram vert lagt fram for Kommunestyret. ( ) November Desember: November/Desember: 2015 Januar: Januar Mai: Juni August: Utlegging av planprogram til offentleg ettersyn(6 veker). Drøfting av planprogram i politiske råd og utval. Stadfesting av planprogram i Komite for næring, kultur og idrett. Utarbeiding av forslag til Strategisk næringsplan. Utlegging av Strategisk næringsplan til offentleg ettersyn. September November: Bearbeiding av plan etter innkomne merknadar. Desember: Desember: Planforslag fremja for komite for NKI og Formannskapet. Endeleg vedtak av Kommunedelplan for Herøy Strategisk næringsplan i Kommunestyret. 5

13 Utviklingsavdelinga Grunneigarar, naboar, lag, organisasjonar og offentlege uttaleinstansar Saksnr Arkiv Dykkar ref Avd /sakshandsamar Dato 2013/552 L12 UTV / AZT REGULERINGSPLAN FOR NY GANG- OG SYKKELVEG PÅ MOLTUSTRANDA - OFFENTLEG ETTERSYN Formannskapet vedtok i møte , F-sak 144/14, at forslag til reguleringsplan for ny gang- og sykkelveg langs deler av fylkesvegen gjennom Moltustranda, skal sendast på høyring og leggast ut til offentleg ettersyn i 6 veker. Planforslaget legg til rette for nytt fortau og utviding av køyrebana for fylkesveg 10. Det er i planen også vist forslag til ny og framtidig veglinje for Nygjerdevegen m.m innanfor plangrensa. Forslag til reguleringsplan blir fremja som detaljreguleringsplan etter plan- og bygningslova paragraf 12-3, og består av plankart, føresegner og planomtale med vedlegg. Plandokumenta er også tilgjengeleg i papirformat i Servicetorget 1.etg på Herøy rådhus i Fosnavåg og på Coop Marknad Moltu. Du kan også lese og laste ned dokumenta elektronisk på kommunen sine nettsider: Dei som har innspel til planforslaget, vert bede om å sende desse skriftleg til: Herøy kommune v/ Utviklingsavdelinga Postboks Fosnavåg Innspel kan også sendast elektronisk til e-post: postmottak@heroy.kommune.no Alle innspel må vere merka med "Reguleringsplan gangveg Moltu". Frist for å kome med innspel til planarbeidet blir sett til:

14 Innspela som blir motteke innan fristen vert vurdert i samband med politisk sluttbehandling av plan. Eventuelle spørsmål kan rettast til underteikna. Med helsing Jarl Martin Møller Aleksander Zahl Tarberg Avdelingsleiar Sakshandsamar Tlf: jarl@heroy.kommune.no Tlf: aleksander.zahl.tarberg@heroy.kommune.no

15 Utviklingsavdelinga Grunneigarar, naboar, lag, organisasjonar og offentlege uttaleinstansar Saksnr Arkiv Dykkar ref Avd /sakshandsamar Dato 2013/1418 L12 UTV / AZT REGULERINGSPLAN FOR MYRABAKKEN BUSTADFELT - OFFENTLEG ETTERSYN Formannskapet vedtok i møte , F-sak 145/14, at forslag til reguleringsplan for Myrabakken på Moltustranda skal sendast på høyring og leggast ut til offentleg ettersyn i 6 veker. Planforslaget legg til rette for nye kommunale bustadtomter, områder for fleirmannsbustader, leikeplassar, grøne korridorar, leikeplassar og ny offentleg infrastruktur m.m innanfor plangrensa. Forslag til reguleringsplan blir fremja som detaljreguleringsplan etter plan- og bygningslova paragraf 12-3, og består av plankart, føresegner og planomtale med vedlegg. Plandokumenta er også tilgjengeleg i papirformat i Servicetorget 1.etg på Herøy rådhus i Fosnavåg og på Coop Marknad Moltu. Du kan også lese og laste ned dokumenta elektronisk på kommunen sine nettsider: Dei som har innspel til planforslaget, vert bede om å sende desse skriftleg til: Herøy kommune v/ Utviklingsavdelinga Postboks Fosnavåg Innspel kan også sendast elektronisk til e-post: postmottak@heroy.kommune.no Alle innspel må vere merka med "Reguleringsplan Myrabakken". Frist for å kome med innspel til planarbeidet blir sett til:

16 Innspela som blir motteke innan fristen vert vurdert i samband med politisk sluttbehandling av plan. Eventuelle spørsmål kan rettast til underteikna. Med helsing Jarl Martin Møller Aleksander Zahl Tarberg Avdelingsleiar Planleggar Tlf: Tlf: jarl@heroy.kommune.no aleksander.zahl.tarberg@heroy.kommune.no