Sak 2 Årsmelding for Kringkastingsringen 2015

Transkript

1 Sak 2 Årsmelding for Kringkastingsringen Årsmøtet 2015 Årsmøtet 2015 var halde , på skrivarstova, Lilletorget 1. På årsmøte vart Vegard T. Foseide valt til leiar, Inger Størseth Harr valt, og Anne Straume, Guro Kvalnes og Toril Sjo vart valt som styremedlemmar for to år. På varaplass vart Olav Høgetveit (attval), Knut Åge Teigen (attval), Marit Lajord, Kristofer Olai Ravn Stavseng valt. Ettersynsmenn: Jon Låte og Jørgen Eriksson Midtbø (vara) vart valt. Valnemnd: Janne Nygård (leiar), Bjørghild Kjelsvik og Marianne Granheim Trøyflat vart valt. 2 Styrearbeid Det har vore 9 styremøte og handsama om lag 40 saker i arbeidsperioden (t.o.m. desember 2015). Styremøta har vore på skrivarstova på Lilletorget 1, og styret har vore vedtaksdyktig 6 gonger. Toril Sjo måtte diverre trekke seg som styremedlem tidleg i perioden, og Olav Høgetveit har møtt fast for henne. Dagleg leiar har delteke som skrivar på alle møta. Hovudoppgåvene til styret har vore å vedta mottakar av Kringkastingsprisen, økonomistyring og å leggje strategiar for politisk arbeid opp mot NRK, TV2, journalistutdanningane og andre aktørar. I slutten av 2015 gjennomførte styret eit heildagsseminar, der me gjekk gjennom gjeldane politikk, og kor ein kan sjå organisjasjonen i frametter. 3 Medlemspengar og gåver 3.1 Medlemstal Det totale medlemstalet for 2015 er ikkje mogleg å oppdrive, då det ikkje vart køyrd OCR filar siste halvdel av Som gjer at innbetalingane med KID nummer for året ikkje vart matcha med medlemstala. Det er mogleg å oppdrive dette, men det vil gje oss store kostnader i tinging av dokument frå banken. Ein estimert kostnad på rundt kr, og eit arbeid for kontoret på 2 3 veker. Difor har me valgt å ikkje gjere dette. Me kan ta utgangspunkt i at me har omlag 1000 medlemmar året før, og hatt ein nedgang i medlemstal. So totalt antal medlemmar for 2015 ligg på rundt 950.

2 3.2 Gåver I perioden har Kringkastingsringen fått inn ein god del gåver, likevel mindre enn året før. Dette kan ha samanheng med at det berre vart sendt ut to Kringom i Samanfatning Kringkastingsringen har ei veldig trufast, men gamal, medlemsgruppe som i liten grad melder seg ut. Mange bidreg òg med frivillige gåver i tillegg til årspengane, og slik legg dei grunnen for at Kringkastingsringen kan driva utetterretta verksemd. 4 Økonomi 4.1 Økonomi Rekneskapen for 2015 vart sett vekk til Norsk Rekneskap og inkasso. Rekneskapen syner eit årsoverskot på kroner. 4.2 Administrasjon Karoline Opsal Marøy har vore tilsett som dagleg leiar i 50 prosent stilling til og med 15. august. Preben Sørheim tok over stillinga i same brøk 15. august. Arbeidsoppgåvene har hovudsakleg vore rekneskapsføring og økonomistyring, produksjon av Kringom, kontroll av medlemsregister og førebuing av møter, i tillegg til førefallande kontoroppgåver. 4.3 Andre inntekter Kringkastingsringen fekk ,00 kroner i meirverdiavgiftskompensasjon. Kringkastingsringen søkte Kulturdepartementet om masterstipend om nynorsk i allmennkringkastinga og fekk tildelt Dette har ikkje vorte utlyst enno, og vi avventar svar frå Kulturdepartementet om vi får lyse ut stipendet i Informasjonsarbeid 5.1 Kringom Kringom er medlemsbladet for Kringkastingsringen, og går ut til alle medlemene. I 2015 årgangen kom det to nummer, i februar og oktober. Saman med Kringom vart det sendt ut gåveopprop (vår og haustgåve). Fyrste utgåva var eit jubileumsnummer, som hadde eit lengre format enn vanleg. 5.2 Internett På nettsidene finn ein basisinformasjon om organisasjonen, opplysningar om Kringkastingsprisen, årsmeldingar, arbeidsprogram osb. Det er òg eit skjema for innmelding lett tilgjengeleg på heimesida. Det var starta på ei oppdatering av utsjåanden på heimesida, dette vart i periode ikkje ferdigstillt.

3 5.3 Norsk Tidend Kringkastingsringen har fast spalteplass i Norsk Tidend (medlemsavisa til Noregs Mållag) under vignetten Media, der dagleg leiar skriv om aktuelle mediepolitiske spørsmål. Dette vart gjort fleire gonger gjennom perioden. 5.4 Pressearbeid I samband med utdeling av Kringkastingsprisen, vart det sendt ut pressemelding. Denne nådde breitt ut til fleire aviser/medium over heile landet. Utover dette har det ikkje vore gjennomført mykje pressearbeid, og dette er noko Kringkastingsringen kan verte betre på i åra frametter. 5.5 Nynorskpraktikantane Det har diverre ikkje vore noko kontakt mellom Kringkastingsringen og det siste kullet med nynorskpraktikantar. 5.6 Opne møte Kringkastingsringen arrangerte i samband med årsmøtet eit ope møte med fokus på journalistutdanningane same dag som årsmøtet. Journalistane Jens Kihl (Klassekampen) og Vegard Tjørhom (NRK) deltok i lag med Yngve B. Hågvar frå journalistutdanninga ved Høgskulen i Oslo og Akershus(HiOA) og Rune Hetland frå Landslaget for lokalaviser. 5.7 Nynorske festspela Karoline Opsal Marøy deltok for Kringkastingsringen på Dei nynorske festspela. 6 Møte med allmennkringkastarane 6.1 Kringkastingssjefen Kringkastingsringen, Noregs Mållag og Norsk Målungdom har ein tradisjon for å møte leiinga for NRK ein gong i året for å drøfta nynorskbruken i kanalen. Jamvel om avgjerdene om språk blir tekne på redaksjonelt nivå, er signala frå leiinga nedover i organisasjonen svært viktige. Me har diverre ikkje fått til møte med kringkastingssjefen det siste året, men arbeidet for eit nytt, snarleg møte er i gang. Språksjefen i NRK, Ragnhild Bjørge, har Kringakstingsringen vore i kontakt med fleire gonger gjennom året. 6.2 TV2 Me har diverre ikkje fått til eit møte med TV2 på over to år, men førespurnader har vorte sendt. Me er i god von om at me kan få til eitt møte snart igjen, og kjem til å helde fram med å sende invitasjon til møte.

4 6.3 NRK Super Me hadde eit møte med leiinga i NRK Super 24.august, der Noregs Mållag og Norsk Målungdom òg deltok. Det var oppløftande nytt å få der, då dei kunne legge fram kor systematisk dei gjekk fram for å sikre både nynorsk tale og ulike dialekter frå heile landet i programma sine. 7 Kringkastingsprisen I 2015 vart Kringkastingsprisen delt ut til kanalen NRK Super. Dette var første gongen prisen gjekk til ein redaksjon/nrk avdeling. NRK Super redaktør, Hildri Gulliksen, representerte entusiastiske prisvinnarar under utdelinga på Det norske teatret 27. oktober. Det var ei grei pressedekning av prisen, med solid dekning i NRK Super sine kanalar som Supernytt (tv og radio), nrk.no, framtida.no og førte mellom anna til ein lang språkdebatt mellom dei mange unge følgjarane til NRK Super på Instagram. 8 Samarbeid 8.1 Noregs Mållag Samlokaliseringa med Noregs Mållag og Norsk Målungdom i Lilletorget 1 gjer at det er eit godt samarbeid mellom organisasjonane. 8.2 Nynorsk forum Kringkastingsringen er medlem i samrådingsforumet Nynorsk forum, som samlar heile nynorskverda. Normalt møter styreleiar på møta i Nynorsk forum. 8.3 Nynorsk pressekontor Kringkastingsringen har to faste representantar og to vararepresentantar i styret i Nynorsk pressekontor. Olav Høgetveit og Håvard B. Øvregård har vore faste representantar dette året. Vegard T. Foseide og Inger S. Haarr har vore vara. 9 Journalistutdanningane Kringkastingsringen arrangerte eit ope møte med representantar frå journalistutdanninga på Høgskulen i Oslo 25 mars, Landslaget for lokalaviser og dei to nynorskbrukande journalistane Vegard Tjørhom (NRK) og Jens Kihl (Klassekampen). 10 Oppsummering Alt i alt har det vore varierande arbeid i organisasjonen i Siste halvdel vart prega av styremøte med dårleg oppmøte. Og leiinga har vore svak på mange områder. Dette er noko

5 som styret og leiinga har teke til seg, og for den nye arbeidsperioden har me ein ny dagleg leiar, og det er innstilt nye styremedlemmar. Me har god tru på at det vert eit godt år som kjem, med ny giv og meir politisk arbeid frå Kringkastingsringen.. Vegard T. Foseide. Inger Størseth Haarr. Guro Kvalnes.... Olav Høgetveit Anne Svanaug Straume