Årsrapport. Bygdeutviklingsprosjektet i Instedalen. Årsrapport bygdeutvikling 2013

Transkript

1 Årsrapport 2013 Bygdeutviklingsprosjektet i Instedalen Årsrapport bygdeutvikling 2013

2 Prosjektarbeid: Trimrom: Arbeidsgruppa består av Janne L Svorstøl, Vivian Lykkebø og Arne Kjartan Sunde. Det er laga tre forslag til ombygging av garderobeanlegget, til trimrom i den nedlagde grendaskulen. Arne Sunde har rekna utgiftene til om lag dette er pris utan dugnad. Det vart kalla inn til eit ekstraordinært årsmøte den 17.januar 2013, der det vart lagt fram meir detaljert informasjon om ombygging, drift osv. Det vart henta inn opplysningar om erfaring frå bygda Kvammen som har hatt liknande prosjekt, og to representantar derifrå vart med på møtet. I tillegg var folkehelsekoordinator Turi Bruland med på møtet. Arbeidsgruppa har på dette møte fått løyve frå bygda, til å bygge om garderobeanlegget, vi har og fått løyve frå Naustdal kommune som er huseigar. Arbeidsgruppa vil jobbe vidare med søknadar om midlar til finansiering av trimrommet. Det har vist seg vanskelegare og få tak i midlar, til å finansiere ombygginga, enn vi hadde førespegla. Så inntil vidare skal vi disponere eine klasserommet til trimrom. Det vart kjøpt inn utstyr for dei pengane vi har fått inn, og det vert bytt lås system på skulen slik at det skal verte lettare tilkomst for brukarane, og for at vi som administrerer skal ha ein kontroll over bruken. Instiade og vinterveke Arbeidsgruppa består av Instedalen skianlegg v/ Åsmund Berthelsen og BU styret v/janne L Svorstøl, Instedalen krins v/ Ståle Fimland og Von4H v/ Vivian Lykkebø I 2013 utvida vi Instiaden, med og arrangere ei vinterveke i vinterferieveka (veke8), og avslutta denne veka med Instiaden laurdag I vinterveka inviterte vi alle born frå 6-12 år til og vere med på uteaktivitetar i Instedalen skianlegg, frå 10:00 15:00 kvar dag. Vi hadde sett opp program for dagane, med samlingar og forskjellige aktivitetar alt frå skiaktivitetar, riding på hest, snø hyttebygging, snø skulptur bygging, hundespann køyring, tur dag. Alle dagane laga vi mat i bål huset, og hadde felles varm lunsj. Vi vart sponsa av Bama, så alle fekk kvar si korg, med opp skoren frukt kvar dag. Det var litt variert frå dag til dag kor mange born som deltok i vinterveka, vi hadde påmelding på heie veka og enkeltdagar. Det deltok frå 20 til 30 born om dagen.

3 Instiaden 2013: Arbeidsgruppa for Instiaden er den same som i vinterveka, men her hadde vi med oss mange fleire, som jobba dugnad på sjølve dagen. Også i 2013 vart vi sponsa med premiar av Sparebanken Sogn og Fjordane og Din sport. Vi laga i år som i fjor medaljane sjølve. 1.premien i dei individuelle konkurransane hadde vi heimestrikka huer i år som i fjor, men i år fekk vi sydd på logoen til Instedalen. Veret var med oss også denne dagen, og det var stor aktivitet i Instedalen skianlegg. Vi hadde aktivitetar og konkurransar i Instedalen skianlegg frå kl 10:00 ca kl 16:00, då var Instedalen bygdekvinnelag klare med heit betasuppe, og kaker i skulehuset, der vi også hadde premieutdeling. Både Instiaden og vinterveka vert arrangert i veke 8 i Merking av gards og grendavegar: Arbeidsgruppa består av Norodd Bruflot og Arne Dvergsdal. + +

4 Arbeidsgruppa arrangerte før påske møte om skilting av gards- og grendevegar. Det kom ikkje så mange på møtet, men vi vart einige om at vi i første omgang prioriterer desse plassane: Styggelia,Sunde Savland, Slettemark, Skaflestad, Jubrauta, Bruflot, Fimland, Øvre Fimland, Storemyra, Nes, Svoa og Berg. Desse namneskilta er no komne på plass:). Når det gjeld Svorstøl, Øyjorda, Teigen og Reinene, vil desse plassane få namna sine på dei informasjonstavlene som skal setjast opp i samband med merking av turstiar. Merking og rydding av turstiar: Vi jobbar med å tilretteleggje for auka bruk av dei flotte turområda, vi har her i Instedalen. Målet er ikkje flest mogeleg turar, men å få god informasjon og synleggjering av nokre turperler i nærområdet. Vi har fått hjelp av nokre velvillige turgåarar, som har teke på seg å plukke ut, og ordne med turar i sine område. Vi har eit godt samarbeid med kommunen sitt prosjekt ( over stokk og stein). Turane som har vore jobba med ligg i desse områda: Savlandsmarka/Ørnefjellet. Sandfjellet-Gardalskaret. Svorstølsfjellet Gardalsskaret og til Nesstølen. Svovatnet og til Gjengdalskaret. Turane vert gått opp med GPS og skal inn på kartet som Naustdal kommune jobbar med. Vi skal setje opp informasjonstavler (desse er ferdig produsert)med kart, innteikna turar og turbeskrivelse. Desse informasjonstavlene skal stå der turane startar. Vi har fått tiltaksmidlar til informasjonstavlene, og merking som har med turstiar inn i, eller inn til verneområdet, av styret for landskapsvernområdet. Styggelia Arbeidsgruppa består av: Ståle Fimland, Magnar Espeland(grunneigar) og Aril Herstad (grunneigar). Det vart gjennomført møte, der alle grunneigarar vart kalla inn, og informert om idear kring prosjektet i Styggelia. Magnar Espeland og Arild Herstad vart valde til og sitte i arbeidsgruppa. Alle grunneigarar fekk komme med innspel, og idear til tiltak ein kan gjere, og dei var svært positive til og få til noko. Vidare har ein hatt synfaring og kontakt med arkitekt, for og få laga ei skisse på ideane vi har kring Styggelia, denne treng vi for og kunne ha noko og vise til når vi søkjer etter midlar til prosjektet. Dette er eit stort prosjekt som vil ta tid og få på plass.

5 Strengebru Arbeidsgruppa består av Ståle Fimland, Tordis Andal ( grunneigar) og Vegard Slettemark ( rep. grunneigar ) Naustdal kommune og Otto Eikesund har føretatt oppmåling av brukara. Otto Eiksund har teikna og berekna materiale, dette skal vurderast av NVE med omsyn til flaum og is ras. Det vert søkt om midlar for finansiering av brua. Bjørn Are Vollstad har utarbeida ei teikning, der ein brukar kunst av Kjartan Slettenmark som ein del av bru installasjonen.( sjå bilde under). Det skal no gjennomførast synfaring med NVE, for og kunne ferdigstille teikningane og prosjekteringa av brua. Slettemarksenter: Arbeidsgruppa består av Britt Slettemark, Jonny Følling og Åsmund Berthelsen. Arbeidsgruppa har i møte med Ann-Lisbeth, som er kulturkonsulent ved Naustdal kommune, snakka laust og fast omkring kunst og kultur i Naustdal. M.a. tenkjer ein seg ei kunst-/kulturløype gjennom bygda / kommunen, med ein eller fleire ting / stasjonar i Instedalen, der Kjartan sin kunst vert presentert. Det vert jobba vidare med Domus Kjartania.

6