FYLKESKOMMUNAL STØTTE TIL REGIONALE BRANSJE- OG UTVIKLINGSAKTØRAR

Transkript

1 HORDALAND FYLKESKOMMUNE Regionalavdelinga Næringsseksjonen Arkivsak Arkivnr. 135 Saksh. Arnesen, Arthur K. Saksgang Møtedato Fylkesutvalet FYLKESKOMMUNAL STØTTE TIL REGIONALE BRANSJE- OG UTVIKLINGSAKTØRAR SAMANDRAG Fylkeskommunen har i ei årrekkje støtta organisasjonar og tiltak som har blitt vurdert som strategisk viktige innafor næringsutvikling/regional utvikling. Støtte har dels vore gitt over budsjettposten «Prosjekt, institusjonar med mellombelse driftstilskott» og dels over RUP budsjettet. I denne saka er det gjort ein gjennomgang av kven som får slik støtte og kor store beløp det er snakk om. Totalt er det snakk om vel 25 mill kr i støtte til 28 aktørar. I saka blir det foreslått å tone ned støtta til nokre organisasjonar samstundes som fylkeskommunen justere støtta opp til ein organisasjon og opnar for støtte til eit par nye organisasjonar. Samstundes blir det foreslått å endre litt på forvaltingsrutinane ved mellom anna å innføre treårige støtteperiodar og meir einsarta rammer for samarbeidsavtalane. FORSLAG TIL VEDTAK 1. Fylkesutvalet sluttar seg til fylkesrådmannen sine forslag til omlegging av forvaltingspraksis med mellom anna treårige støtteperiodar/samarbeidsavtalar. 2. Design Region Bergen og Maritimt forum for Bergensregionen får driftsstøtte for ein treårs periode gjeldande frå 2013 med kr pr år kvar. Samstundes blir støtta til Fiskeriforum Vest utvida til kr pr. år. For 2013 blir midlane tatt frå RUP budsjettet. Finansiering frå 2014 blir å komme attende til i samband med arbeidet med budsjett for Støtte til BIFF i sin noverande form over RUP budsjettet blir avvikla frå 2013 og støtta til Filmfondet FUZZ blir å komme attende til når noverande prosjektperiode går ut i Det blir lagt til grunn at dei skisserte planane for innsparing knytt til Handlefridom 2 med ytterlegare kutt på 1,5 mill kr i budsjettposten «Prosjekt, institusjonar med mellombelse driftstilskott» blir gjennomført som skissert. Johnny E. Stiansen fylkesrådmann Matti Torgersen Konstituert regionaldirektør

2 FYLKESRÅDMANNEN, : Bakgrunn. Fylkeskommunen har i ei rekke år støtta organisasjonar og tiltak som har blitt vurdert som strategisk viktige for å gjennomføre næringsutviklingsarbeidet i Hordaland over budsjettposten Prosjekt, institusjonar med mellombelse driftstilskott. I budsjettet er det presisert at dei som før støtte, som hovudregel skal stå på eigne bein etter ein avgrensa periode med tilskott. Samstundes er det presisert at støtta til nokre av aktørane har ein meir permanent karakter. I budsjettet for 2013 er det lagt inn nokre endringar på denne budsjettposten, i hovudsak som tiltak i gjennomføringa av Handlefridom II. I tillegg til denne støtta, får også fleire aktørar årleg støtte over budsjettet knytt til Regionalt utviklingsprogram (RUP budsjettet). Også denne støtta har i varierande grad ein permanent karakter. Støtte til desse aktørane har dels vore handsama politisk og dels administrativt. Totalt omfang når det gjeld kor mange som får slik støtte og kven, går ikkje klart fram av budsjett. I tillegg til dette får fylkeskommunen med jamne mellomrom søknader om støtte frå andre regionale utviklingsaktørar, men kor administrasjonen så langt ikkje har funne å kunne gi slik støtte innafor dei rammene som blir forvalta. Dei viktigaste av desse blir også omtalt i saka. Totalt sett gir dette ein noko kompleks og uoversiktleg situasjon som gjer det naudsynt å vurdera om dagens ordningar er tilfredsstillande, dvs. om det er dei rette aktørane som får støtte, om støttenivået er korrekt, om det er andre aktørar som burde få støtte frå fylkeskommunen og korleis fylkeskommunen skal dekke inn slik støtte over sine budsjett. I mange slike saker er det også ein glidande overgang mellom prosjektstøtte og driftsstøtte. Dersom prosjektet som får støtte er ein stor del av aktiviteten til organisasjonen som mottar støtte, er støtta ikkje berre viktig for prosjektet, men også for organisasjonen. I denne saka har vi likevel forsøkt i å trekke eit skilje mellom prosjektstøtte og støtte til drift/utvikling av ein organisasjon med dei primæroppgåvene organisasjonen er sett til å løyse og konsentrert oss om det som primært kan klassifiserast som drift- og utviklingsstøtte til ein organisasjon. Støtte over budsjettposten Prosjekt, institusjonar med mellombelse driftstilskott. Tabellen under er henta frå fylkeskommunen sitt budsjett og gjev ein oversikt over kva for prosjekt og institusjonar som blir støtta inneverande år. Prosjekt med mellombelse driftstilskot tal i heile 1000 kr Prosjekt, institusjonar med mellommels driftstilskot Budsjett 2012 Budsjett 2013 Endring % Fjord Norge ,5 % Samarbeidsavtale med destinasjonar i Hordaland ,5 % Fellesoppgåver på tvers av regionane i Hordaland ,5 % Regionsenteret for husflidsnæringen ,5 % Husflidskonsulenten ,5 % Drift / regionale tiltakskontor ,6 % Fiskeriforum Vest ,5 % Utdanning i Bergen HOG Energi ,7 % Bergen Vitensenter AS ,5 % Business Region Bergen, driftsstøtte ,3 % Business Region Bergen, prosjektstøtte ,5 % Sum brutto driftsutgifter ,1 % Merknad til endringar: Reduksjon på totalt 4,1% pga kutt i handlefridom II 2

3 I Sak 72/12 «Årsbudsjett 2013 / økonomiplan » i fylkestinget 11. og 12. des blei det i Opplæringsavdelinga sitt budsjett avsett kr til Utdanning i Bergen som tilskott til rådgivaropplæring. I 2012 blei prosjektstøtta til BRB overført til denne budsjettposten. Av andre endringar dei seinare åra, blei støtta til Fjord Noreg justert monaleg opp i 2011 som følgje av ein ny rammeavtale med dei fire Vestlandsfylka. Vidare blei støtta som tidlegare gjekk til Hordaland reiseliv omgjort til ei støtte til å dekke Fellesoppgåver på tvers av regionane i Hordaland då Hordaland reiseliv blei lagt ned. Pengane går no til ei eiga stilling hos Bergen Reiseliv. For 2013 er det i budsjettet gjort vedtak om å kutte i tilskottet til nokre av organisasjonane som får støtte over denne posten som ein del av gjennomføringa av Handlefridom II. Dette gjeld: Drift /regionale tiltakskontor kr Utdanning i Bergen kr til 0 HOG Energi kr BRB, driftsstøtte kr Grunngjevinga for reduksjonane ligg i budsjettforslaget og i saka om Handlefridom II (fylkestingssak 69/12, 11. og 12. des. 2012). I saka om handlefridom går det også fram at det vil bli foreslått å kutte støtte i støtta til dei regionale tiltakskontora med ytterlegare kr i 2014 pluss eit kutt på ytterlegare 1 mill. kr på denne budsjettposten som enno ikkje er fordelt på organisasjonane. Avhengig av korleis den siste millionen blir fordelt kan det blir monalege kutt også for andre aktørar. Utover dei endringane som er omtalt over, har det ikkje vore større endringar i kven som får støtte. Det generelle biletet fram til no har vore at når ein aktør først er komen med på denne budsjettposten, så er det ein tendens til at han blir der, noko som i så fall ikkje er i tråd med intensjonen om at dei som får støtte som hovudregel stå på eigne bein etter ein avgrensa periode. Det må difor vurderast om intensjonen skal justerast eller praksis innskjerpast. Støtte over RUP budsjettet. RUP budsjettet er ein del av Regionalt utviklingsprogram og blir kvart år vedteke av fylkesutvalet. Total ramme er i 2013 på 77,884 mill. kr i 2013 (sjå elles eiga sak til dette møtet i fylkesutvalet). Av den totale ramma er 54,5 mill. kr bundne som følgje av nasjonale og regionale føringar og politiske vedtak. Det meste blir overført til Innovasjon Noreg (35 mill. kr) og til regionale næringsfond (10,8 mill. kr). Resten av dei bundne midla blir forvalta av fylkeskommunen og er fordelt på «Øyremerkte midlar (4,45 mill. kr) kor ein del tiltak som det er gjort politiske vedtak støtte til er samla, Omstilling og nyskaping (3 mill. kr) kor disponeringa skjer i ei årleg politisk sak i fylkesutvalet og til delvis dekking av forvaltingskostnader i fylkeskommunen (1,25 mill kr9. Under budsjettposten Øyremerkte midlar inngår det ein må karakterisera som driftsstøtte til NCE Subsea, Filmfondet FUZZ og UPTIME Centre of Competence. NCE Subsea. Det er gjort politisk vedtak om at fylkeskommunen skal vere ein av partnarane. Som ein del av partnaravtalen yter fylkeskommunen årleg støtte på kr for perioden 2007 til NCE Subsea har si hovudfinansiering via NCE programmet forvalta av IN. Filmfondet FUZZ. Det er gjort vedtak om årleg støtte på kr for dei tre åra 2012 til Midlane nyttast til eit fast stilling i form av ein fast tilsett økonomimedarbeidar. FUZZ får også offentleg finansiering frå Bergen kommune og frå Sogn og Fjordane og Møre og Romsdal fylkeskommunar. UPTIME Centre of Competence. Det blei i mars 2012 gjort vedtak i fylkesutvalet om å inngå ein treårig partnarskapsavtale med UPTIME Centre of Competence for perioden 2012 til Årleg støtte er kr Hovuddelen av finansieringa kjem frå næringa sjølv gjennom partnarskapsavtalar. Under budsjettposten Omstilling og nyskaping inngikk i 2012 støtte til Atheno og Industriutvikling Vest. Støtte til desse to aktørane har difor inngått i den årlege politiske handsaminga av midlane til 3

4 Omstilling og nyskaping. Dei statlege rammene til omstilling over RUP budsjettet har vore kraftig redusert dei siste åra. I 2011 var ramma på 7 mill. kr medan den i 2013 vil vere på 3 mill. kr. Atheno mottar årleg støtte til drift av industriinkubatoren i Sunnhordland så lenge dei er med i SIVA sitt program. I tillegg til inkubatoren på Stord inkluderer dette distribuerte løysingar i Kvinnherad, på Tysnes og på Bømlo. Atheno har avtale med SIVA i 5 år frå 2010 til Før det var Atheno med i SIVA sitt program for industriinkubatorar frå 2004 og fekk i heile den perioden også støtte frå fylkeskommunen. Atheno blei støtta med 1,2 mill. kr i Industriutvikling Vest er ein industriinkubator knytt til industrimiljøet på Mongstad og blir tatt opp i SIVA sitt program for Industriinkubatorar i 2011 for ein periode på 5 år (til 2016). For 2012 var støtta til Industriutvikling Vest på kr I tillegg blir det gitt årleg støtte til ei rekke prosjekt over den delen av RUP budsjettet som er definert som Delvis søkbare midlar. Nokre av sakene er handsama politisk, medan andre er handsama administrativt. Nyskapingsparken Inkubator er knytt til UiB og HiB. Etter å ha vore med i SIVA sitt inkubatorprogram i fem år, fekk dei i desember 2011fornya sin avtale for nye 5 år frå I tråd med tidlegare praksis er fylkeskommunen med og støtter inkubatorar som er med i SIVA sitt inkubatorprogram med eit beløp som matchar deira støtte. Støtte til Nyskapingsparken Inkubator har blitt handsama administrativt. SIVA har no auka si støtte til 1,3 mill. kr pr. år medan vi har vidareført vår støtte for 2012 på same nivå som tidligare dvs. kr MediArena får si hovudfinansiering gjennom det nasjonale Arena programmet til Innovasjon Norge. I tillegg har dei også fått regionale utviklingsmidlar frå Innovasjon Norge og frå fylkeskommunen. I 2012 var vår støtte på kr Støtte til MediArena er handsama administrativt. NCE Tourism har fått årleg økonomisk støtte frå fylkeskommunen sidan oppstart i For 2012 var beløpet kr NCE Tourism skal forsterke innovasjonsaktiviteten i reiselivsklynga på Vestlandet. Støtte til NCE Tourism er handsama administrativt. Næringshageprogrammet. I samband med at fylkeskommunane fekk ein utvida rolle i det nye næringshageprogrammet som blei lansert i 2011, utarbeidde Hordaland ein strategi på området som mellom anna hadde som mål om å etablera 5 næringshagar i fylket. Strategien blei vedtatt i fylkesutvalet i okotber Om ein lukkast med å få 5 næringshagar kan det gje ei årleg utbetaling på kr 1,5 mill. Så langt har Nordhordland næringshage og Voss næringshage kome med i næringshageprogrammet og støtte for 2013 i tråd føresetnadane vil utgjøre kr pr næringshage. Det kan kome ein eller to nye næringshagar med i programmet frå Utover dette er situasjonen usikker. Connect Vest Saman med andre regionale aktørar, i første rekke Innovasjon Norge og Bergen kommune, har fylkeskommunen i fleire år hatt eit nært samarbeid med Connect Vest omkring utvikling og finansiering av vekstentreprenørar. Connect Vest er ein non-profitt medlemsforeining som bidreg til at grundarar og vekstselskap gratis blir kopla opp mot kompetanse og kapital gjennom ulike aktivitetar. Støtte til Connect Vest er handsama administrativt. For 2012 blei dei støtta med kr Ungt Entreprenørskap Hordaland (UEH)er eit fylkeslag av Ungt Entreprenørskap Norge (UE). Ungt Entreprenørskap er ein ikkje kommersiell aktør som tilbyr entreprenørskap i heile utdanningsløpet gjennom ulike program og tiltak kor ordninga med ungdomsbedrift i vidaregåande skule er mest kjent. Fylkeskommunen har hatt eit samarbeid med UEH over fleire år, og UHH har fått støtte både frå Opplæringsavdelinga og Regionalavdelinga (RUP midlar). For perioden 2012 til 2014 har UEH fått kr i støtte pr. år av RUP midlane. I tillegg har dei fått kr i støtte frå Opplæringsavdelinga for 2012 med intensjon om å følgje opp også for dei komande åra. Støtte til UEH er handsama administrativt. 4

5 Bergen internasjonale filmfestival (BIFF) er landets største filmfestival. I tillegg til filmframvisingane arrangerer BIFF ei rekke andre aktivitetar. Desse tilleggsaktivitetane har blitt støtta over RUP budsjettet. For 2012 var støtta på kr I tillegg får BIFF fylkeskommunal støtte over Kultur og Idrettsavdelinga sitt budsjett og via Kulturelt utviklingsprogram. Nordiske Mediedager er ein viktig møtestad for mediebransjen som kvart år i mai samlar ca mediefolk i Bergen. Dei er organisert som ein sjølvstendig stiftelse kor sentrale aktørar i mediebransjen er med. Hordaland fylkeskommune har ytt årleg støtte til Nordiske Mediedager over RUP budsjettet og i 2012 var støtta på kr Oppsummert gir dette slik støtte til ulike nettverksorganisasjonar og andre aktørar over RUP budsjettet: Organisasjon Støttebeløp Sum Anna offentleg støtte NCE Subsea NCE programmet, IN Filmfondet FUZZ Bergen kommune UPTIME Centre of Competence Lite, hovudsakleg næringslivet Sum Øyremerkte midlar Atheno Inkubatorprogrammet, SIVA Industriutvikling Vest Inkubatorprogrammet, SIVA Sum Omstilling og nyskaping Nyskapingsparken Inkubator Inkubatorprogrammet, SIVA MediArena Arenaprogrammet, IN NCE Tourism NCE programmet, IN Nordhordland og Voss næringshagar Næringshageprogrammet, SIVA Connect Vest Bergen kommune, IN mfl. Ungt Entreprenørskap Hordaland Bergen kommune, IN mfl. Bergen internasjonale filmfestival, BIFF Bergen kommune Nordiske Mediedager Bergen kommune Sum Delvis søkbare midlar TOTALT RUP BUDSJETTET I tillegg til dette blir det gitt tilskott til regionale og bransjeretta konferansar og samlingar som ofte blir gjennomført kvart eller kvart andre år. Eksempel på dette er Møteplass Marin, Reiselivskonferansen, Hardangerkonferansen og Nordhordlandskonferansen. Filmbransjen mottar ikkje det vi her har definert som driftsstøtte via Regionalavdelinga sine budsjettområde. Derimot mottar de støtte til fleire prosjektretta aktivitetar som er av tilnærma permanent karakter. Støtte går i hovudsak til prosjekt i regi av Vestnorsk filmsenter og er i år på ca. 1,1 mill. kr til dei fire prosjekta Western Norway Film Commision (samarbeid med Møre og Romsdal og Sogn og Fjordane fylker), Talent Vest (samarbeid med Bergen kommune), Utviklingsmidlar til seriar og spelefilm og Dokumentarkonkventet I tillegg får Vestnorsk filmsenter driftsstøtte over KIA sitt budsjett. I 2012 er denne støtta på kr Ein annan driftsrelatert belastning er at fylkeskommunen sjølve nyttar delar av ramma til delvis dekking av eigne kostnader med forvalting av midlane. For 2013 er det som del av Handlefridom II foreslått å belaste RUP budsjettet med 1,25 mill. kr til dette. Nettverksaktørar som har søkt, men ikkje fått støtte. I tillegg til desse er det også nokre aktørar som har søkt driftsstøtte frå fylkeskommunen, men fått avslag på grunn av manglande budsjett. Desse søknadane har vore vurdert som for lite prosjektretta til å bli finansiert via RUP midlane og dei øvrige budsjettpostane for støtte til regional næringsutvikling har vore fullt ut disponert gjennom vedtak i budsjettet. 5

6 Design Region Bergen har søkt om støtte både i 2011 og i For 2012 søkte dei om kr Design Region Bergen er nettverksorganisasjonen på designfeltet og har stor og brei oppslutting i næringslivet og i forskings- og utdanningsmiljøa. Det fins ingen statlige støtteordningar for basisstøtte til en slik organisasjon. I dag får de støtte frå Bergen kommune i tillegg til medlemsbidraga. Organisasjonen er difor svært avhengig av prosjektfinansiering noko som gjer den sårbar. Fylkeskommunen er i dag med og finansierar fleire prosjekt som Design Region Bergen gjennomfører, som til dømes RAFF, eit kompetansehevingstiltak innafor design og eit prosjekt knytt til oppretting av ein arkitektur og design allmenning. Maritimt Forum Bergensregionen (MFB) har også søkt støtte frå fylkeskommunen både i 2010 og i For 2012 søker dei om kt MFB organiserer medlemmer frå heile den maritime klynga i regionen som reiarlag, verft, utstyrsleverandørar og tenesteleverandørar. MFB er den einaste nettverksorganisasjonen innafor maritim sektor i Hordaland og har medlemmer frå store delar av Hordaland samt delar av Sogn og Fjordane. Nokre av bedriftene i Sunnhordland er med i Maritimt Forum Haugalandet. Heller ikkje MFB nyt godt av statlege støtteordningar, men får årleg støtte frå Bergen kommune. Hordaland fylkeskommune er med og delfinansierar prosjekt i regi av MFB. Festival Voss er eit samarbeid mellom aktørane på Voss med sikte på å ta vare på arrangørkunnskapen som dei ulike aktørane har. Som nettverksaktør spelar Festival Voss i dag ei viktig rolle i planlegging og gjennomføring av større arrangement og sikrar at alle aktørane delar og vidareutviklar kunnskap og ressursar. Festival Voss søkte tilskott frå Hordaland fylkeskommune i 2010 og har no signalisert at dei ventar på ein avklaring kring mogleg fylkeskommunal støtte til nettverksorganisasjonar før dei eventuelt søker på nytt. Bergen Teknologioverføring (BT0) har i november 2012 søkt om støtte frå mellom anna fylkeskommunen til utviklingsprogrammet Ignite som er meint å medverke til å dekke behovet for tidlegfase midlar hos entreprenørar og bedrifter for å heve nyskapingsnivået i Hordaland. Ignite er tenkt etablert etter modell av ei tilsvarande finansieringsordning som med suksess er utvikla ved NTNU i Trondheim. BTO skisserar eit budsjett på 15 mill kr årleg i ein treårs periode kor dei søker fylkeskommunen om 3 mill kr årleg. Vurdering Når det gjeld utveljing av aktørar og fastsetting av støttenivå for dei som for støtte over budsjettposten Mellombelse driftstilskott, er fylkesrådmannen i gang med å vurdera kven som bør få støtte og støttenivå i samband med gjennomføringa av Handlefridom 2. Eg vil difor ikkje kome med forslag om ytterlegare kutt for dei som alt er med på denne budsjettposten. Derimot er det ein av dei som i dag mottar støtte over denne posten kor støttenivået er spesielt lågt. Det gjeld Fiskeriforum Vest. Eg vil difor vurdera om støtte til Fiskeriforum Vest bør aukast. Dette har også samanheng med forslag om støtte til Maritimt forum for Bergensregionen og Design Region Bergen. VilVite, Bergen Vitensenter AS er eit opplevings- og læringssenter særleg retta mot barn og unge innafor naturvitskap og teknologi. Dette er eit ansvarsområde som naturleg høyrar inn under Opplæringsavdelinga. Delar av tilskotet går også til å dekke dei vidaregåande skulane sin bruk av senteret. I budsjettet for 2014 vil eg difor vurdera om denne budsjettposten bør overførast frå Regionalavdelinga sitt budsjett til Opplæringsavdelinga. Som det går fram av saka er det inngått samarbeidsavtalar/partnarskapsavtalar med dei som mottar støtte over denne posten. I desse avtalane er det noko ulik praksis når det gjeld varigheit og oppseiing. Eg vil gå gjennom desse avtalane med sikte på å innføre ein praksis med årleg standardisert rapportering og ein grundigare vurdering/evaluering av oppnådde resultat og behov for vidareføring av avtalen kvart tredje år. Konklusjonar om vidareføring og støttenivå vil så bli trekt inngå budsjett for det påfølgande året. Dette vil gje rimelig forutsigbarheit og kontinuitet for dei som mottar støtte samstundes som det gjev fylkeskommunen ein moglegheit til å vurdere innhaldet på denne posten med jamne mellomrom. Vidare vil eg vurdera å endra tittelen på budsjettposten. 6

7 Dei fleste av dei aktørane som mottar støtte over RUP budsjettet er med i nasjonale program som ARENA programmet, NCE programmet, Inkubatorprogrammet og Næringshageprogrammet. I den grad det er behov fylkeskommunal medverking og medfinansiering i slike program, er det naturleg at dette skjer via RUP budsjettet. Dette vil vere i tråd med både nasjonale og regionale mål og retningsliner for bruk av RUP midlane og vil medverke til at vi får maksimal effekt av dei nasjonale virkemidlane i fylket vårt. For dei øvrige mottakarane av driftsstøtte frå RUP budsjettet er bildet meir samansett. For nokre av aktørane er aktivitetane så utviklingsretta og næringsretta at det vil vere naturleg å nytte RUP midlar. Det gjeld aktørar som Connect Vest, UPTIME og Nordiske Mediedagar. Eg vil difor tilrå at vi held fram med å støtte desse over RUP budsjettet. For dei tre siste aktørane som mottar støtte over RUP budsjettet er mi tilråding at vi på sikt må finne andre løysingar enn RUP budsjettet om fylkeskommunen skal halde fram med å støtte desse. Støtta til Filmfondet FUZZ går til delvis dekking av kostnader med ein fast økonomimedarbeidar. Sjølv om ein kan argumentere for å nytte RUP til å finansiera eit slikt tiltak i ein oppstartfase, kan ein ikkje halde fram med det på meir «permanent» basis. Dersom det er aktuelt å vidareføre denne støtta når noverande støtteperiode går ut i 2014, vil eg difor kome attende til fylkesutvalet med ei eiga sak om dette. Ungt entreprenørskap har etter kvart blitt eit tilnærma fast tiltak i skuleverket. I tillegg til det pedagogiske opplegget for elevane er dette også ein god samhandlingsarena for auka samarbeid med næringsliv og skuleverket. Om dette aspektet blir oppretthaldt og vidareutvikla kan det vere aktuelt å nytte RUP midlar også etter Støtta til BIFF går med til å finansiera ulike aktivitetar som seminar, klimafestival, Ung Film og ein nasjonal dokumentarkonferanse. Sjølv om denne type tiltak er viktige for den kulturelle utviklinga av filmmiljøet, er næringsutviklingseffektane av desse tiltaka avgrensa. BIFF får også monaleg støtte til drift over Kultur og Idrettsavdelinga sitt budsjett. Eg legg difor til grunn at frå 2013 vil ikkje BIFF få årleg «fast» støtte til ulike tiltak over RUP budsjettet. BIFF kan sjølvsagt søke om RUP midlar til næringsretta utviklingsprosjekt og støtte vil bli vurdert på prosjektbasis. Som det går fram av saka er det noko ulik avgjerdspraksis på dette området. Nokre saker går til politisk handsaming medan andre blir avgjort administrativt. Sjølv om begge framgangsmåtane ligg innafor dagens fullmaktsreglement, vil eg ta initiativ til ein meir einsarta praksis her. Alle saker som inneber fleirårig drifts- eller utviklingstøtte til ein aktør/organisasjon og kor det er snakk om å inngå ein samarbeidsavtale/partnarskapsavtale vil bli fremma som eiga politisk sak. Slik støtte vil også bli synleggjort i RUP budsjettet. For prosjektretta søknader vil dagens praksis bli vidareført. To av dei tre organisasjonane som tidlegare har fatt avslag på driftstøtte (Design Region Bergen og Maritimt forum for Bergensregionen) er begge nettverksorganisasjonar innafor sentrale satsingsområde i RUP. Vi har heller ikkje andre nettverksorganisasjonar på desse områda som det alternativt kan vere aktuelt å støtte. Begge dekker heile eller store delar av fylket. Innafor andre bransjar har slike nettverksorganisasjonar vist seg å vere viktige pådrivarar for næringsutviklingsarbeidet innafor sitt område, som til dømes Fiskeriforum Vest og HOG Energi. Fylkesrådmannen vil difor tilrå at ein for 2013 finn midlar på RUP budsjettet til å støtte desse organisasjonane med ca. kr til kvar organisasjon. I samband med budsjetthandsaminga for 2014 vurderer mogleg anna budsjettmessig dekking for desse. For at det ikkje skal bli for stor forskjell mellom støtte til ulike nettverksaktørar tilrår eg s at støtta til Fiskeriforum Vest oppjusterast til same nivå, kr Sjølv om Festival Voss gjer eit viktig arbeid for aktørane på Voss, er det geografiske «virkeområdet» så vidt avgrensa at det i denne omgang ikkje er naturleg å gå inn med fylkeskommunal støtte. Søknaden frå BTO om støtte til Ignite er så ny at den enno ikkje er realitetshandsama. Dersom vi finn at dette er eit prosjekt som fylkeskommunen bør støtte, vil fylkesrådmannen komme attende til fylkesutvalet med ei eiga sak om dette. 7