Saksnr Utval Møtedato PN-15/13 Plannemnd for byggjeprosjekt

Transkript

1 saksframlegg Dato: Referanse: Vår saksbehandlar: /2013 Bjørn Erik Hjellset Saksnr Utval Møtedato PN-15/13 Plannemnd for byggjeprosjekt K103 Molde vgs - Skisseprosjekt BT2 Grunnlag for saken Politisk mandat: I sak U-171/12 K103 Molde vgs Byggeprogram BT2 den fatta Fylkesutvalet følgjande vedtak: 1. Fylkesutvalet godkjenner det framlagte byggeprogrammet for Molde vgs etter alternativ utan idrettshall og med netto arealramme på 2800 m Fylkesutvalet sluttar seg til at byggearbeidet i hovudsak vert gjennomført med totalentreprise. I sak PN-03/13 Kontrahering av byggeleder/byggherreombod og prosjekteringsgruppe la byggje- og vedlikehaldssjefen fram plan for gjennomføring av anbodskonkurranse for byggeleder/byggherreombod og prosjekteringsgruppe. Byggje- og vedlikehaldssjefen bad og om at plannemnda i denne saka delegerte si fullmakt til å velje byggeleder/byggherreombod og prosjekteringsgruppe til byggjeog vedlikehaldssjefen. I sak PN-06/13 K103 Molde vgs - val av byggeleder/byggherreombod og prosjekteringsgruppe orienterte byggje- og vedlikehaldssjefen om val av byggeleder/byggherreombud og prosjekteringsgruppe. Målsetting: I høve til vedtatt byggeprogram skal byggetrinn 2 i hovudsak dekke funksjonane: Kantine og personalrom Administrasjon Elevtenester Bibliotek Teoriareal Til grunn for skisseprosjektet ligg funksjonsprogrammet, som viser arealbehova for dei ulike funksjonane.

2 Side 2 Organisering: Skisseprosjektet er gjennomført i høve til organisasjonskart gjort greie for i byggeprogrammet. Romprogram Arealbehov: I høve til funksjonsprogrammet utarbeidd som ein del av byggeprogrammet vart det vedteke eit romprogram på totalt 1980 m 2 NTA. I arbeidet med skisseprosjektet er det gjennomført ein ekstra gjennomgang av areal knytt til drift (reinhald), og dette arealet er redusert med 42 m 2 NTA. Knytt til denne reduksjonen ligg ein føresetnad om at lokala som blir nytta av driftsseksjonen i dag vert rusta opp til dagens standard. I byggeprogrammet var det lagt inn ein utandørs miljøstasjon på 60 m 2. I arbeidet med skisseprosjektet har det blitt lagt opp til at denne delast i to, kor den eine halvparten blir i nybygget og den andre halvparten blir lagt til D-fløya. Romprogrammet utgjer etter endringane eit nettoareal på 1968 m 2 i nybygget. Korridor: I utviklingsplana frå 2011 var det skissert ein korridor på nordsida av A-fløya som skal knytte saman F-fløy og G-/H-fløy. I arbeidet med skisseprosjektet har det komme fram at det vil vere ein stor fordel for den daglege drifta ved skolen om ein slik korridor vert bygd samtidig med byggetrinn 2. Behovet for korridoren kan spesielt knytast opp mot følgjande: Auka persontrafikk i og med at viktige fellesfunksjonar som kantine, bibliotek og personalrom blir lagt til den nye H-fløya Ein har sett på den tekniske drifta av skolen, og komme fram til at det vil vere mest hensiktsmessig om det blir etablert ein utvida sentral for drift i D- fløya. Ein ny korridor vil lette transporten av maskiner og utstyr mellom dei ulike fløyene. Ombygging D-fløy: I etterkant av byggjeprosjektet blir det lagt opp til at det kan gjennomførast ei opprusting av dagens lokale knytt til drift. Det er her spesielt lokala til reinhald og avfallshandtering som ikkje er optimale i høve til drifta hos skolen. Det er derfor hensiktsmessig at prosjekteringsgruppa ser på dette i samband med forprosjektet. I samarbeid med skolen er ein i gang med å utarbeide eit funksjonsprogram for driftssentralen som skal danne grunnlag for prosjekteringsgruppas arbeid. Dette er ikkje ein del av skisseprosjektet.

3 Side 3 Gjennomføring av skisseprosjektet Skisseprosjektet er gjennomført etter anbodskonkurranse. Kosbergs Arkitektkontor AS har hatt ansvaret for prosjekteringa, og følgjande har arbeidd med skisseprosjektet: Prosjekteringsleiar Kjell Kosberg Kosbergs Arkitektkontor AS Arkitekt Ivar Gussiås Kosbergs Arkitektkontor AS Landskapsarkitekt Einar Birgisson Norconsult AS Rådgjevande ingeniør brann Einar Domaas Norconsult AS Rådgjevande ingeniør akustikk Rune Harbakk Norconsult AS Rådgjevande ingeniør bygg Ole Haugland Norconsult AS Rådgjevande ingeniør bygg Siv Oterhals Norconsult AS Rådgjevande ingeniør VVS Agnete Hjertvik Norconsult AS Rådgjevande ingeniør Elektro Knut Inge Andersen Norconsult AS Kantinerådgjevar Egil Johansen Vidar Bøe AS For byggherre har følgjande deltatt: Byggje- og vedlikehaldssjef Per Einar Langseth ByVe Prosjektleiar/brukarkoordinator Bjørn Erik Hjellset ByVe Plangruppeleiar Per Olaf Brækkan ByVe Programmeringsleiar Ståle Solgard Utd Byggherreombud Helge Rønning XPRO AS Rektor Oddgeir Overå Molde vgs Verneombod Arne Brevik Molde vgs HMS-ansvarlig Kjell Ove Ernes Molde vgs I arbeidet med skisseprosjektet har det blir gjennomført 3 møte med prosjektgruppa, og på den måten sikra god brukarmedverknad. Areal Dei prosjekterande har lagt fram ei arealoversikt som viser eit bruttoareal på 3010 m 2. Nettoarealet er på 1942 m 2, som er 26 m 2 lågare enn programmert areal (etter reduksjon i høve til drift). Som ein del av skisseprosjektet er det gjort ei vurdering i høve til å knytte nybygget opp mot eksisterande bygningsmasse. Konklusjonen er at dersom ein skulle integrere eksisterande bygningsmasse med nybyggjet ville ein måtte sprinkle G-fløya, noko som ville vere fordyrande for prosjektet. Dei prosjekterande har difor valt å trekkje nybygget lengre vekk frå eksisterande bygningsmasse enn det som er optimalt for å få god arealeffektivitet. Dette gjer at mengda trafikkareal må aukast i prosjektet. Brutto/nettofaktor er 1,55. Denne faktoren er høg, og skuldast mellom anna trafikkareal som knyt saman eksisterande bygningsmasse med den nye H-fløya. Dei prosjekterande har i skisseprosjektet ikkje gjort ei vurdering av brutto/nettofaktoren. Dei prosjekterande må i forprosjektet sjå på bruttoarealet og optimalisere dette slik at brutto/nettofaktor blir minst mogleg.

4 Side 4 Avvik i høve til byggeprogram I kantinekjøkkenet har det vist seg at det ikkje er naudsynt med eige kjølerom for avfall og kjølt varemottak sidan avstanden frå varemottaket og avfallsrom er kort. Arealet til kantinekjøkkenet er til trass i denne reduksjonen auka i høve til programmert areal. Dette skuldast at det i byggjeprogrammet berre vart beskrivne dei enkelte funksjonane i kjøkkenet utan å ta omsyn til naudsynt areal for å knytte desse funksjonane saman. Ein ser og at kontoret til kantineleiar er for lite i høve til programmet, og ikkje oppfyller gjeldande krav til arbeidsplass. I byggeprogrammet er areal til knytt reinhald, lager, toalett og garderobe programmert til 124 m 2, medan dei i skisseprosjektet er teikna med eit areal på 97 m 2. Dette er særs viktige funksjonar å få på plass i nybygget. Tekniske høve Tekniske fag er berre generelt gjort greie for i rapporten. Det må vere stort fokus på utforming av tekniske anlegg og føringar slik at desse ikkje øydelegg gode romløysingar i forprosjektet. Det skal utarbeidast ein miljøsaneringsrapport for riving av dagens bibliotek. Denne rapporten vil føreligge medio juni Plana vidare er at denne rivejobben blir satt ut på anbod i ein eigen entreprise. Som ein del av prosjekteringa vil det bli gjennomført grunnboringar på skoletomta. Prosjektleiinga har her gjort val om at heile tomta blir undersøkt, også delar som ikkje vert omfatta av byggjesteg 2. Dette blir grunngjeve med at kostnaden er lågare om ein vel å bore mange hol på ein gong, og at denne undersøkinga vil komme til nytte ved framtidige byggjesteg ved skolen. Økonomi Byggetrinn 2 I byggeprogrammet var det skissert ein kostnad på byggetrinn 2 svarande til 92 millionar kr. I skisseprosjektet er det lagt inn prisstigning på 8,7 %, og ein kommer da fram til ein prosjektkostnad på 100 millionar kr. Prosjekteringsgruppa har laga kostnadsoverslag for entreprisekostnaden medan prosjektleiinga har laga kostnadsoverslag for dei øvrige postane. Ei oversikt over kostnadane er vist på hovudnivå i tabellen under.

5 Side 5 Konto Byggetrinn 2 1 Felleskostnader ,- 2 Bygning ,- 3 VVS ,- 4 Elkraft ,- 5 Tele og automatisering ,- 6 Andre installasjoner ,- SUM 1-6 Huskostnad ,- 7 Utendørs ,- Sum 1-7 Entreprisekostnad ,- 8 Generelle kostnader ,- Sum 1-8 Byggekostnad ,- 9 Spesielle kostnader ,- Sum ,- Prisstigning og marginer ,- Sum Prosjektkostnad ,- Opsjon knytt til korridor Prosjekteringsgruppa har valt å nytte same kvadratmeterpris for korridoren bak A- fløya som for nybygget knytt til byggetrinn 2. Prosjektgruppa har vidare valt å nytte eigne erfaringstal, og komme fram til ein prosjektkostnad på 7,5 millionar kroner. Byggje- og vedlikehaldssjefen ser på totalsummen for opsjonen som eit grovt overslag, og har klare forventningar om at forprosjektet vil vise ein reduksjon. Opprusting D-fløy Forprosjektet vil vise kostnadar knytt til opprusting av D-fløya. Framdrift Framdrifta er i tråd med det vedtekne byggeprogram, med ferdigstilling av forprosjekt i oktober Vurdering: Byggje- og vedlikehaldsjefen vurder skisseprosjektet til å innehalde ein god del gode eigenskapar, men har følgjande innvendingar som må rettast opp før forprosjektet vert ferdigstilt; 1. Brutto/nettofaktoren er høg i høve til denne type bygg. 2. Programmert areal knytt til reinhald, lager, toalett og garderobe må teiknast inn. 3. Det er skissert eit areal som kan virke unødig stort til tekniske rom. 4. Det er teikna inn eit ekstra rom merka pause/møte som ikkje er programmert. Dette rommet må knytast til rom i romprogrammet.

6 Side 6 5. Det kan sjå ut som prosjektet inneheld særs mange dørar knytt til slusar og anna. 6. Utomhus er det skissert ei tilbakeføring av skoleplassen til grus. Dette er ikkje ønskeleg med omsyn til mellom anna reinhald på skolen. 7. Det er særs viktig at det takast omsyn til den auka persontrafikken i høve til ny korridor bak A-fløya, og kva konsekvensar det har for branntryggleiken. Forslag til vedtak: 1. Plannemnda godkjenner at det vedlagte skisseprosjektet med dei merknadar gitt av byggje- og vedlikehaldssjefen blir lagt til grunn for utarbeiding av forprosjektet. 2. Plannemnda godkjenner at korridor bak eksisterande bygning blir inkludert som ein opsjon i utarbeidinga av forprosjektet. 3. Plannemnda godkjenner at opprusting av eksisterande driftssentral i D-fløya blir inkludert som ein opsjon i forprosjektet. Per Einar Langseth byggje- og vedlikehaldssjef Vedlegg: Skisseprosjektrapport m/teikningar