Del av gnr. 27 bnr. 3 og 7 og gnr. 27 bnr. 14, 22, 23, 27 og 29 Vindafjord kommune

Transkript

1 Detaljregulering for Strand naustområde i Sandeid Del av gnr. 27 bnr. 3 og 7 og gnr. 27 bnr. 14, 22, 23, 27 og 29 Vindafjord kommune

2 Innhald Innhald Samandrag Bakgrunn Føremålet med planen Forslagstillar, plankonsulent, eigartilhøve Krav om konsekvensutgreiing? Planprosessen Medverknad, varsel om oppstart Annonse frå Haugesunds Avis Planstatus og rammer Overordna planar Skildring av planområdet, eksisterande tilhøve Plassering Arealbruk og tilgrensande arealbruk Staden sin karakter Kulturminne og kulturmiljø Naturverdiar Rekreasjonsverdi / rekreasjonsbruk Landbruk Trafikktilhøve Skildring av planforslaget Planlagt arealbruk Gjennomgang av aktuelle reguleringsføremål Bygningane si plassering og form Trafikktilhøve Uteopphaldsareal Landbruksfaglege vurderingar Avbøtande tiltak/ løysningar ROS Verknader/konsekvensar av planforslaget Risiko- og sårbarheitsanalyse Innkomne innspel Fylkesmannen i Rogaland Kystverket Fiskeridirektoratet Region Sør Fiskarlaget Vest

3 Statens Vegvesen Haugaland Kraft Norges vassdrags- og energidirektorat (NVE) Vindafjord kommune Nabo/grunneigar Erik Havrevoll Avsluttande kommentarar Vedlegg

4 1 Samandrag Det er planlagt naust med tilhøyrande anlegg. Innanfor planområdet er det i dag to naust med tilhøyrande mindre bryggjeanlegg, ein fritidsbustad, vegar, parkering og naturområde. To regulerte veganlegg skal sikra tilgang til naustområda frå fylkesvegen. Planen set rammer for utbygging av naust, kaiar / bryggjer, fritidsbygg og sikrar ålmenn fri ferdsel til og i strandsona. 2 Bakgrunn Føremålet med planen Føremålet med reguleringsplanen er å leggja til rette for naust med tilhøyrande anlegg og ein fritidsbustad (eksisterande) og å sikra ålmenta sin tilgang til strandsona og sjøen. Forslagstillar, plankonsulent, eigartilhøve Omega areal AS er engasjert av Helge Miljeteig og Sten Ole Lillemo for å utarbeide reguleringsplan for området. I kommuneplanen er det sett av eit større område til framtidig naustføremål, med krav om felles privat reguleringsplan før utbygging. Omega sende brev med førespurnad om deltaking i planarbeidet til alle grunneigarane innafor dette området. Innleiingsvis i planarbeidet vart også alle grunneigarane og kommunen inviterte til møte hjå konsulenten om planarbeidet. Det vart då mellom anna avklara kven som ynskte å gå vidare med planarbeidet og kven som ikkje ynskte utbygging på sin eigedom. Ved oppstart av planarbeidet var også grunneigarane av gnr. 27 bnr. 22 våre oppdragsgjevarar, men desse trakk seg etter at me hadde hatt ein gjennomgang etter at fristen for å kome med merknader var ute. Gjennom prosessen har det heile vegen vore dialog med kommunen, og det er gitt klarsignal for å minske inn planområdet i høve til det som er avsett i kommuneplanen. Grunneigarar som ikkje vart med i planarbeidet vart informerte om at eigedomane då for det meste ville bli regulerte som friluftsområde, og at det ville vere vanskeleg for desse å utnytta eigedomane til noko anna. Planområdet omfattar del av gnr. 27 bnr. 3, mindre del av bnr. 7 til veg, og gnr. 27 bnr. 14, 22, 23, 27 og 29. Krav om konsekvensutgreiing? Kommunen har vurdert at planen ikkje utløyser krav om konsekvensutgreiing (KU) etter pbl

5 3 Planprosessen Medverknad, varsel om oppstart Det vart gjennomført oppstartmøte med Vindafjord kommune den På oppstartmøtet vart planområdet fastsett. Med bakgrunn i kommuneplanen hadde kommunen ikkje vesentlege merknader til at planarbeidet vart starta. Planarbeidet vart varsla i tråd med PBL 12-8 av Omega areal AS. Naboar og offentlege høyringsinstansar blei direkte varsla med brev den , og arbeidet blei kunngjort i Haugesunds Avis. Frist for å kome med innspel vart sett til Ved varslinga kom det inn ni uttalar frå offentlege og naboar. Desse er refererte og kommenterte i kap. 8. Annonse frå Haugesunds Avis 4 Planstatus og rammer Overordna planar Planforslaget er i hovudsak i samsvar med overordna plan. I kommuneplanen sin arealdel er området langs sjøen sett av som byggjeområde for naust og arealet mellom dette og vegen som landbruks-, naturog friluftsområde (LNF-område) sone 1. Kommuneplanen syner ikkje areal i sjø for kaiar / bryggjer

6 Kommuneplanen har føresegner til naustområda som seier at i naustområde med plass til meir enn 3 nye naust i planperioden kan ikkje utbygging skje før det ligg føre godkjend reguleringsplan. I reguleringsplanar for naustområde skal det sikrast areal for opne «grøntområde».planområdet ligg innanfor omsynssone der det er krav om felles planlegging for fleire eigedomar. Sjå punktet 2 ovanfor om avgrensing av planområdet. Utsnitt frå kommuneplanen sin arealdel - 6 -

7 Kommuneplanen har m.a. følgjande føresegner om bruk, utforming og storleik for naust: Naust er uthus for oppbevaring av båt og utstyr. Naust skal ha ein maksimal storleik på 40 m 2 BYA. Naust skal byggjast i ein etasje med maksimal mønehøgde på 5,5 meter og maksimal gesimshøgde på 3,5 meter; begge høgder målt på frontveggen mot sjøen. I naustområde med plass til meir enn 3 nye naust i planperioden kan ikkje utbygging skje før det ligg føre godkjend reguleringsplan. I reguleringsplanen skal det sikrast areal for opne grøntområde. Naust skal ikkje byggjast slik at dei stenger for ålmenn ferdsel mellom naust og sjøen. Det skal leggjast til rette for ålmenn ferdsel i strandsona. Naust skal byggjast slik at det fell naturleg saman med tilliggjande naust i området. Stengsel som kan hindra persontilgang til naustområde og bryggjer er ikkje tillate. Dette gjeld gjerde, grinder, skilt, mm. 5 Skildring av planområdet, eksisterande tilhøve Plassering Planområdet ligg tre kilometer sør frå Sandeid sentrum mot Vikedal. Tilkomst til området med bil går via fylkesveg (FV) 46 og private tilkomstvegar ned til sjølve naustområda. Det går gang- og sykkelveg frå sentrum til vegen som går opp til Strand, om lag 375 m nord for planområdet. I nord ligg eksisterande bustadområde med naust og kaiar. I sør er det skog og jordbruksareal i form av beite og dyrkamark på Strandnes. Planområdet omfattar arealet mellom FV 46 og sjøen, samt tilliggjande sjøareal. Bilete mot det eksisterande bustadområdet med naust. Den eksisterande fritidsbustaden i området. Dei to eksisterande nausta med kaiaanlegg

8 Arealbruk og tilgrensande arealbruk I planområdet ligg det i dag tre bygningar; ein fritidsbustad på bnr. 14 og to naust med tilhøyrande bryggjeanlegg på eigedommane bnr. 27 og 29. Innafor planområdet er det to eksisterande avkøyrsler frå fylkesvegen, ei i nord ned til eksisterande naust, og ei i sør. Sten Ole Lillemo i sør har i brev datert frå vegvesenet fått førehandsløyve for avkjørsle for traktorveg og byggjeløyve for vegen frå kommunen i vedtak datert Avkjøringa til Helge Miljeteig er ei gamal avkjøring, og det er gitt løyve til å nytte same avkøyringa for naust i brev frå vegvesenet datert og Arealet opp mot fylkesvegen er bratt med tre, kratt og buskar og området består av mykje steinar og fyllmassar etter vegbygging. Det går ei kraftline gjennom området i dag, denne er det planar om å flytte med det fyrste. Kraftlina skal då leggast lenger aust for planområdet. Ortofoto av planområdet. Kjelde: Gule sider Oversiktsbilete frå vest. Kjelde: Google Earth - 8 -

9 Staden sin karakter Planområdet ligg i kort avstand frå tettstaden Sandeid. Området frå sentrum og sørover på austsida av fjorden er i hovudsak utbygd med bustadar med tilhøyrande naust og bryggjer. I planområdet og sørover er det større område med skog og landbruksareal. Ubygde areal mellom fylkesvegen og sjøen er bratte og lite tilgjengelege og lite brukte av ålmenta. Kulturminne og kulturmiljø Det er ikkje registrert kjende kulturminne innafor planområdet. Kartutsnitt kulturminne. Kjelde: Temakart-Rogaland Naturverdiar Liene frå Apeland i Sandeid, sørover langs fjorden og rundt Opsalneset er registrert som leveområde for vilt med verdi på fylkesnivå. Opsalholmen sør for planområdet er freda som naturreservat. Artsdatabanken, Naturdatabase og miljostatus.no er gjennomgått. Det er registrert eit større område med rik edellauvskog frå Strandnes og sørover; eit stykke sør for planområdet. Det vil ikkje medføre negative konsekvensar for naturmangfaldet ved ein utbygging av naust og tilhøyrande anlegg i planområdet. Vasskvaliteten i Sandeidsfjorden er klassifisert som «udefinert» i miljostatus.no, medan Vindafjorden lengre sør er vurdert til «god».det er berre gjort treff på nokre vanlege fiskeslag i sjøen i området

10 Rekreasjonsverdi / rekreasjonsbruk Planområdet er ikkje spesielt godt eigna til fritidsføremål utan bryggjer eller liknande. Det er i dag ope for ålmenn ferdsle i området, men det blir lite nytta då det er bratt med buskar og tre i bakkant av stranda. På Strandnes, sør for planområdet, er det gode fiskeplassar som vert nytta ved fiske frå land. Elles blir sjøområda utanfor planområdet nytta til småbåttrafikk og fiske frå båt. Landbruk Det vert ikkje drive landbruk innafor planområdet. Området som vert regulert til naustføremål inngår i arealtypen skog, med nokre få tre og mykje buskar og kratt. Trafikktilhøve Fylkesveg 46 går forbi planområdet. Frå denne går det privat fellesveg ned til sjøen til eksisterande bryggje og naust i nord, og avkøyring med privat fellesveg ned til området i sør. Vegvesenet har gitt avkøyringsløyve til desse avkøyringane tidlegare. Området er svært bratt, så det vil ikkje vere mogleg med universell utforming. Avkøyring i nord. Avkøyring i sør. Avkøyringsveg i sør slik den ser ut i dag

11 6 Skildring av planforslaget Planlagt arealbruk Området blir regulert til naustområde med tilhøyrande anlegg. Det er regulert vegtilkomst og parkering for naustområda. Planen omfattar også ein eigedom med ein eksisterande fritidsbustad. Ein del av denne eigedomen vert regulert som byggjeområde for fritidsbustadar. Her er det sett ei byggjegrense på 15 m mot fylkesvegen. Eksisterande fritidsbustad vert med dette forslaget liggjande innafor byggjegrensa mot veg. Fritidsbustaden vil framleis vera lovleg å bruka og vedlikehalda, men om den til dømes brenn ned, så må ei ev. ny hytte byggjast utanfor byggjegrensa. Landareala som ikkje er byggjeområde eller veg/parkering er regulert til friluftsføremål. Gjennomgang av aktuelle reguleringsføremål Det er avsett to nye område til naust med bryggjer i form av pirar og med kvar sin private fellesveg. Avkøyringane er lokaliserte lengst sør og i nord i området. Vegen i nord har to greiner. Nedre del av vegen i sør kan nyttast som anleggsveg, og skal deretter berre vera gangveg. Nedfotografert forslag til reguleringsplan

12 Areal som ikkje er til utbyggingsføremål er regulert til friluftsføremål. Det er laga føresegner som regulerer utforminga av sjølve nausta. Det kan byggjast enkeltnaust eller setjast fleire saman. I område N1 og N2 kan det førast opp inntil 5 naust i kvart av områda. Det kan ikkje byggjast fleire naust i området N3 og N4. Desse har føresegner om storleik i samsvar med gitte byggjeløyve. Byggjeområda for naust strekkjer seg noko ut i sjøen. Før bygging av naust vil det vera behov for utfylling i sjøen. Behovet for utfylling i sjø vil variere frå omlag 1-10 meter, for det meste mindre enn 4,5 m i området nord og 1-2 m i sør. Føresegnene set krav til at det må lagast situasjonsplan for heile områda N1 og N2 ved søknad om byggjeløyve for det første naustet i det aktuelle området. Dette skal sikra ei heilskapleg planlegging innanfor naustområda. Fritidsbustaden i området er regulert til byggjeområde for fritidsbustadar. Det er regulert parkeringsplassar til naustområda. Det er som utgangspunkt lagt til grunn om lag ein parkeringsplass pr. nytt naust. Det er ikkje gjort endingar i parkeringsplassane til dei eksisterande nausta N3 og N4. Til dei nye naustområda er planlagt tre pirar på 6 x 2 m i kvart av områda. Det er ikkje opna for bygging av kai framfor nausta, men båtopptrekk/slipp. Dei to eksisterande nausta, N3og N4, har eksisterande kaiar/moloar/båtopptrekk. Bygningane si plassering og form Nausta i N1 og N2 kan plasserast med nokre i lag med opningar mellom for å kunne ha opning for ålmenta til å kome på framsida av nausta. Nausta må vere plassert slik at dei går godt inn i terrenget. Føresegnene har krav til maks gesims- og mønehøgde. Føresegnene set også krav til maks storleik (BYA) og krav til maks areal for vindauge og utforming av portar mm. Nausta kan byggjast enkeltvis eller fleire saman. Det skal leggjast til rette for felles samlingsplass i naustrekkjene. Trafikktilhøve Det vil vere vegar ned til naustområda med stader for parkering. Vegen i sør fører frå avkjørsel/parkeringsplass P1 ned til ein parkeringsplass i svingen på vegen V1. Det er vidare opna for at det kan etablerast anleggsveg i byggjeperiode for naust og pirar. Utanom denne tida / desse tidene kan det berre vera opparbeidd gangveg fram til naustområdet. Vegen i nord går frå avkjørsel/parkeringsplass P4 og deler seg i to. Den eine går nordover mot det nye naustområdet i nord,n2, og den andre lengre sør mot eksisterande naust, N3 og N4 og vidare nordover i stranda, V4. Det er regulert parkeringsområde langs (P6) og i enden av vegen som går mot nord (P7) nord. Uteopphaldsareal Uteopphaldsarealet i tilknyting til nausta vil vere bryggjene og friluftsområdet. Mykje av uteopphald knytt til naust vil vere med båt på sjøen. Det skal leggjast til rette for felles samlingsplass i naustrekkjene

13 Landbruksfaglege vurderingar Planen opnar ikkje for tiltak som vil medføra nedbygging av dyrka eller dyrkbart areal eller beite. Avbøtande tiltak/ løysningar ROS ROS-analysen syner at det er behov for risikoreduserande tiltak knytt til brann i båt og naust, og skogbrann. Desse tiltaka er vanskelege å innarbeide i planføresegner, då vedlikehald, brannutstyr og informasjon er dei aktuelle tiltaka som er mogelege. Næraste brannstasjon ligg i Sandeid ca 2 km frå planområdet, noko som tilseier kort utrykkingstid. Ras/utgliding som følgje av vegbygging og fylling i sjø, kan fleire plassar vere eit problem langs vegane der ein har skråning nedanom veg. Det kan eventuelt settast krav til tiltaksklasse 2 ved prosjekteringa. Bekken i sør skal haldast open og det er friluftsområde inn mot bekken. Bekken i nord er planlagt lagt i røyr. Her må det dimensjonerast for å tole ekstrem nedbør. Bekken ligg allereie i røyr under hovudvegen. Det vert konkludert med at det ikkje er trong for vidare avbøtande tiltak. 7 Verknader/konsekvensar av planforslaget Med den utbygginga planen syner, vil ein større del av strandsona verta nytta til naustområde og pirar og båtopptrekk. Krava sett til utforminga av nausta og anlegga skal sikra omsynet til omgjevnadane og anna bruk av området. Området er allereie delvis utbygd, med nokre naust og tilkomstvegar. Vi kan ikkje sjå at planframlegget har særlege negative konsekvensar for området. I følgje oppdragsgjevarane er området på land i dag lite nytta av ålmenta pga. bratt terreng. Sjøområda i Sandeidsfjorden er mykje nytta med båtar i sommarhalvåret, noko som ikkje vil verte vesentleg endra ved utbygging av nokre fleire naust. Risiko- og sårbarheitsanalyse Det er utført ROS-analyse i samband med prosjektet. Sjølve analysen ligg vedlagt. Det er ikkje funne særleg stor risiko ved uønska hendingar. Tabellen under viser konklusjonane i analysen. Uønska hending Sannsyn Konsekvens Risiko Aktuelt tiltak Skred Grunnbrot/utrasing Flaum Havari av flytebryggje Brot av fortøying av båt Vedlikehald, tilsyn Brann i båt/naust Vedlikehald, brannutstyr Skogbrann Informasjon Oljespill Vedlikehald Personar fell i sjøen Tilsyn med barn, leidarar Elektromagnetisk skade

14 8 Innkomne innspel I samband med varsel om oppstart av planarbeid kom det inn følgjande ni merknader: Fylkesmannen i Rogaland Fylkesmannen i Rogaland skriv at sidan delar av arealet er LNF-område, er ikkje heile planområdet i samsvar med kommuneplanen. Kommuneplanen viser ikkje tiltak i sjøen og det går ikkje fram av varslet om dette skal gjerast. I motsetnad til Vindafjord kommune meiner dei viktige sider ved planen må konsekvensutgreiast. Det må utarbeidast ROS pga. bratt terreng. Tilhøvet for ferdsel i strandsona må vurderast. Trafikktilhøva må greiast ut, og det vil vere konfliktfylt dersom planen inneber ny avkøyring eller auka gang- og sykkeltrafikk på hovudvegen. Storleiken på nausta må vere maks 35 m2 BYA, med 3 m gesimshøgde og 4,5 m mønehøgde. Fellesnaust kan vere større. Avhengig av talet, bør nausta av estetiske omsyn plasserast i grupper. Omega si vurdering: Naustområdet er vist i kommuneplanen, og det vil i samband med naust vere naturleg å ha anlegg for båtar. Kommunen har avklara med Fylkesmannen at det ikkje er trong for KU, men at tiltaka må utgreiast godt i planskildringa. Det er utarbeidd ROS-analyse og tiltaka er sjekka ut etter naturmangfaldlova. Når det gjeld storleik og høgder for naust, så syner me til kommuneplanen og miljøverndepartementet si avgjerd når det gjeld storleik. Naust er planlagt plassert i grupper, og det er regulert inn friluftsområde for å gje ålmenta tilgang til sjøen. Det er sett krav om samla situasjonsplan ved søknad om fyrste naust i kvart av naustområda N1 og N

15 Kystverket Kystverket har ikkje vesentlege innvendingar til at det vert sett i gang reguleringsarbeid. Dei skriv at det må tas omsyn til sjøverts ferdsel, og at det er viktig at det ikkje blir planlagt tiltak/ aktivitetar som kan komme i konflikt for ferdsla i bileia. Dei gjer merksam på at dei tiltaka som vert planlagt må dimensjonerast slik at dei kan stå i mot mellom anna drag og bølgjeslag frå pårekneleg båttrafikk i området. I føresegnene til planen må det tas med at tiltak i sjø som fell inn under hamne- og farvasslova skal godkjennast av rette hamnemynde. Omega si vurdering: Kravet til handsaming etter til hamne- og farvasslova for aktuelle tiltak går fram av føresegnene.. I føresegnene er det stilt krav om at anlegga skal prosjekterast og dimensjonerast for å tole påkjenning frå vind og bølgjer. Planen vil ikkje hindre eller kome i konflikt med ferdsel i området. Sjøkart i området. Kjelde: Kystverket Fiskeridirektoratet Region Sør Skriv at Fiskeridirektoratet har hatt saka på høyring hos Fiskarlaget Vest som kom med merknad om at eventuell fortøying i sjø må avgrensast og ikkje vere til hinder for fiskeri. Dei skriv vidare at Sandeidsfjorden er under revisjon med omsyn til kystnære fiskeridata og at direktoratet reviderer låssettingsplassar og fiske-/ oppvekstplassar for marine artar. Dei skriv også at Havforskningsinstituttet kartlegg ålegrasenger i Rogaland fylke. Det er ikkje registrert funn ved Strand, men dei forbeheld seg retten til å komme med eventuelle merknader i neste høyringsrunde. Dei har elles ingen vesentlege merknader til planarbeidet. Omega si vurdering: Flytebryggjer er avgrensa til områda for småbåtanlegg. Fortøyingar kan strekkje seg ut i ferdselsområdet, men ikkje utanfor planområdet, dvs. ca 50 m frå land. Fiskeridirektoratet vil ha høve til å kome med ev. nye innspel når planen vert utlagt til offentleg ettersyn

16 Fiskarlaget Vest Fiskarlaget Vest har sendt saka til Tysvær Fiskarlag og skriv at område som blir nytta til fiskeri blir pressa frå mange ulike hald, og at mange små prosjekt tar ein og ein bit frå fiskeriinteresserte. I det aktuelle området er det ikkje registrert fiskeriinteresser i Fiskeridirektoratet sin kartdatabase. Fiskarlaget Vest har ikkje andre merknader til saka enn at eventuelle fortøyingar i sjø må avgrensast mest mogleg. Omega si vurdering: Flytebryggjer er avgrensa til områda for småbåtanlegg. Fortøyingar kan strekkje seg ut i ferdselsområdet, men ikkje utanfor planområdet, dvs. ca 50 m frå land. Statens Vegvesen Skriv at vegvesenet sine interesser knyter seg til fylkesveg 46 og tilknytinga til denne. Endringar av vegog trafikkforhold på fylkesvegen må påreknast forlanga gjennomført før området tas i bruk. Vidare viser dei til utkast til Rammeplan for avkjørsler og byggjegrenser på riks- og fylkesveger i Region vest der FV 46 er vist i haldningsklasse 2, som ein viktig hovudveg for regional og overordna lokal funksjon. Talet på avkøyrslar til slike vegar må vere svært avgrensa. Avkøyrsler må utformast og plasserast med tanke på best mogleg trafikktryggleik og i tråd med Handbok 017 og 263. Planføresegnene må stille krav til detaljert plan for utforming av veganlegget i horisontal og vertikalplanet, som også skal godkjennast av Statens vegvesen. Vidare peikar vegvesenet på at reguleringsplanen må vise byggjegrense langs FV 46. Rammeplanen rår til byggjegrenser til 50 meter, men for at det aktuelle området skal kunna nyttast tilrår dei her ei mindre byggjegrense; minst 15 meter. Vegvesenet har utover dette ikkje merknader til planoppstart, men tek atterhald om moglege merknader når det ligg føre eit konkret planforslag med føresegner. I seinare korrespondanse med Statens vegvesen skriv dei at utgangspunktet er at dei ønskjer berre ei avkjørsle til planområdet, men at dei vil vurdere høve til å ha to avkøyrslar dersom dette er aktuelt når planforslaget kjem inn. Dei ber om at dei innsendte plandokumenta får fram dei vurderingane som er gjort og grunngjeving for dei løysningane som er valde. Dei informerer også om at denne strekninga av FV 46 er klassifisert som ikkje brukbar standard og at det er føreslege breiddeutvidingar her. Det må soleis tas omsyn til framtidige planar om breiddeutviding i planarbeidet. Omega si vurdering: Etter brev til Statens vegvesen angåande uttalen om at talet på avkøyrslar må vere svært avgrensa, legg konsulent til grunn at området som skal regulerast er svært bratt, og slik vi ser det ikkje lar seg gjere å ha berre ei avkøyrsle til området. Det er per i dag to godkjende avkøyringar for eigedommane, ein i nord og ein i sør. Statens vegvesen vil ha høve til å koma med ev. nye innspel når planen vert utlagt til offentleg ettersyn. Avkjørslene vil utformast med tanke på best mogleg trafikktryggleik og i tråd med HB017 og 263. Planen hindrar ikkje framtidige planar om breddeutviding, då planen ikkje legg opp til nye bygningar langs vegen. Det er i føresegnene sett krav til opparbeiding av avkøyringane i samsvar med planen før det vert gitt bruksløyve for nye naust

17 Haugaland Kraft Gjer spesielt merksemd på eksisterande høgspentline, og minner om krav og begrensningar i forhold til forskrifter for elektriske forsyningsanlegg. Omega si vurdering: Krav og avgrensingar i forhold til forskriftene vil bli haldne. Høgspentlina er lagt inn med omsynssone på plankartet opplyste koordinator for nyanleggi Haugaland Kraft AS, Egil Myhre, at det vert prosjektert kabling av høgspentlina frå Østebøfeltet og ut til Sandhamar med oppstart truleg over sommaren. Høgspentlina vil då gå på oppsida av fylkesvegen, og det vil då ikkje vere naudsynt med krav om avgrensingar i forhold til høgspentlina i planområdet. Norges vassdrags- og energidirektorat (NVE) Skriv at NVE er kjent med at det er utfordringar knytt til betydelege mengder overvatn/ flaumbekkar frå lia og gjennom FV 46, og oppmodar til å vurdere denne utfordringa og eventuelt innarbeide avbøtande tiltak. Omega si vurdering: Utfordringa er blitt vurdert i form av kart som syner nedslagsfelt og bekkar i området. Me har synfart området, og har fått tilbakemeldingar frå eigarane i området. Avbøtande tiltak er innarbeidd, der mellom anna eksisterande bekk i sør er lagt open. Bekk i nord er planlagt lagt i røyr. Denne må dimensjonerast for å tole vassmengda som kjem ned ved ekstrem nedbør. Vindafjord kommune Eining kommunaltekniske tenester har ingen merknader til oppstart av reguleringsplan. Nabo/grunneigar Erik Havrevoll Skriv at han er eigar av gnr. 27 bnr. 7 og grensar til planen i sør i retning av Vikedal. Han opplyser at Sten Ole Lillemo, gnr. 67 bnr. 23, har naboeigedomen i nord for han og at Lillemo søkte Statens vegvesen om opparbeiding av avkøyring frå dåverande RV 46. For å oppnå og gjennomføra dei tekniske krava måtte Lillemo fjerne skog og leggja avkøyringa i ei kurve over grensebekken inn på eigedommen til Havrevoll. Det vart difor sett opp ein skriftlig avtale mellom grunneigarane om kompensasjon, som viser at Havrevoll har rettmessig fri tilkomst og kostnadsfri bruk av den nye avkøyringa til sin eigedom. Omega si vurdering: Avkøyringa og vegen er vist som privat felles veg, der føresegnene til planen opnar for at begge grunneigedomane kan nytte vegen

18 9 Avsluttande kommentarar Forslag til reguleringsplan er utarbeidd delvis i samsvar med overordna planar. Kommuneplanen syner berre føremålet naust og LNF-område. Planforslaget inneheld utbygging av naust og pirar, samstundes som det er sett av grøne område til friluftsføremål og det er teke omsyn til eksisterande fritidsbustad. Kommuneplanen har krav om felles reguleringsplan for eit større område, men området som no inngår i planområdet er avklara med kommunen

19 10 Vedlegg illustrasjon NB! Talet på naust er redusert til 5 og den langsgåande parkeringsplassen som syner to bilar, er redusert i utstrekning

20 - 20 -

21 - 21 -