Universitetet i Oslo Det teologiske fakultet

Transkript

1 Universitetet i Oslo Det teologiske fakultet Notat Til: Fakultetsstyret Frå: Fakultetsleiinga Dato: 15. mars 2013 Oppretting av bachelor i Kristendom, kultur og kommunikasjon (K3) Fakultetet gjer framlegg om å opprette ein bachelor i Kristendom, kultur og kommunikasjon (K3) til erstatning for dagens bachelor i Teologi og kristendom. Det eksisterande bachelorprogrammet vart oppretta etter innføringa av kvalitetsreforma i høgre utdanning (2003), der det tidlegare grunnfaget og mellomfaget i kristendomskunnskap vart skipa om til ein bachelor i teologi og kristendom. Dette programmet har ein uklar profil og har hatt ei låg rekruttering over lengre tid. Etter at Teologisk studentutval tok opp saka i leiarmøtet hausten 2012, sette dekanen ned ein komité til å revidere programmet. Komiteen var sett saman slik: Hege Handberg, Bjørn Erik Schjerverud (sekretær), Åste Dokka, Birgitte Lerheim, Petter Skippervold, Vemund Blomkvist, Daniel Brändle og studiedekanen (leiar). Komiteen la fram eit framlegg til ein ny bachelor som vart presentert på eit fakultetsseminar på Granavolden 28. februar Innspel frå seminaret har i ettertid vorte integrert i framlegget. Saka har vore drøfta i Utdanningsstrategisk utval (USU) 13. mars 2013 og i leiarmøtet, og fakultetsleiinga legg med dette framlegget fram som vedtakssak for fakultetsstyret. Bachelor i Kristendom, kultur og kommunikasjon er profilert inn mot kyrkjeleg undervisning og utdanning av kyrkjelydspedagogar/trusopplærarar i Den norske kyrkja. Satsinga på trusopplæring i kyrkja er eit resultat av endra vilkår for Den norske kyrkja i samfunnet. Kyrkja må sjølv stå for opplæringa av dei døypte. Gjennom trusopplæringsreforma er kyrkja tilført midlar frå Stortinget som mogleggjer denne satsinga. Dette har mellom anna ført til at det har oppstått ein marknad når det gjeld å utdanne til kyrkjelydspedagogar/trusopplærarar. Kommunikasjon-omgrepet i programnamnet refererer til dette i vidaste meining, medan kultur-omgrepet utvidar perspektivet i høve til trusopplæring/kyrkjeleg undervisning både når det gjeld rekruttering og kompetanse. Samstundes stør det opp om det primære føremålet med programmet og tener til å profilere det. Eit anna referansepunkt for kultur-omgrepet er dessutan den satsinga på kultur som har skjedd i kyrkja dei seinare åra. Kristendom refererer til den basiskompetansen som må vere til stades for å utdanne innanfor dette feltet i det heile. Namnet på programmet har vore grunnleggjande drøfta i prosessen. Ein bachelor i kyrkjeleg undervisning ville vere det som best samsvara med innhaldet og intensjonen. Men dette vart

2 2 samstundes vurdert som for traust og lite spennande. Andre programnamn som har vore inne i debatten er mellom anna Kristendom og kommunikasjon, Kristendom og pedagogikk, Kultur og tru. Mandat for revisjonskomiteen Det overordna målet for revisjonsarbeidet er fagleg profilering med tanke på auka rekruttering til programmet. Komiteens oppgåve er å leggje fram framlegg til å styrkje profilen og samanhengen i programmet, inkludert emneportefølje rekkjefølgje av emna (struktur) graden av valfridom i programmet Første året er i stor grad felles i dei forskjellige programma, og her ser ein ikkje behov for større endringar med unntak av ex.fac. i det første semesteret. Komiteen skal kome med framlegg til endringar i ex.fac., og skal elles konsentrere seg om det andre og tredje året, i særleg grad samansetnad og profilering av dei frie emna, valemna og 40-gruppa. Dette inkluderer å arbeide ut framlegg til emneskildringar og læringsmål undervisningsformer pensum eksamensformer Komiteen skal arbeide ut framlegg til å innføre bacheloroppgåve som avsluttande element i graden, inkludert emneskildring og læringsmål for bacheloroppgåva undervisningsformer pensum eksamensform Komiteen skal vurdere konsekvensar med omsyn til ressursbruk. Tidsplan: Målet er at eit revidert bachelorprogram skal vere klart til søknadsprosessen i Dette inneber at revisjonen må vere ferdig innan sommaren Norgesuniversitetet Som ein premiss for arbeidet til komiteen låg også fakultetets søknad til Norgesuniversitetet om utvikling av fleksibel bachelorutdanning (årseining) i kyrkjeleg undervisning, der føremålet er at tilsette i kyrkjeleg undervisning skal få tilbod om ei fleksibel, praksisnær og berekraftig utdanning. Søknaden inneheld mellom anna eit opplegg for samarbeid med Høgskulen i Volda: Prosjektet etablerer et samarbeid med Høgskolen i Volda, som har poengs studier i filmdidaktikk for trosopplærere. De har også kompetanse på forholdet naturvitenskap/teologi (etterlyst i et internasjonalt forskningsprosjekt om konfirmantoppplæring) og digital

3 3 trosopplæring. Undervegs i revisjonsarbeidet vart det klart at fakultetet fekk tilslag på søknaden. Komiteen valde ut frå dette å arbeide ut eit framlegg til bachelorprogram, der dette prosjektet kunne inkorporerast. Fagleg og strategisk grunngjeving for framlegget Målgruppa for studietilbodet er primært kyrkjelydspedagogar/ trusopplærarar i den norske kyrkja. Fakultetsleiinga ser det som svært viktig at fakultetet tilbyr eit profilert fagtilbod innanfor feltet kyrkjeleg undervisning. Den store trusopplæringssatsinga i Den norske kyrkja gjer dette til ein attraktiv marknad. På dette området er det i dag ca stillingar, og behovet for kompetanse på området er stort. Samstundes er fakultetet oppteken av å kunne rekruttere noko breiare til det aktuelle bachelorprogrammet. Her vil kulturprofileringa vere eit viktig bidrag, men utan at det svekkjar relevansen inn mot kyrkjeleg undervisning. I kyrkja skjer òg ei kulturell satsing som ei med dette tilbodet ønskjer å vere i rapport med samstundes med at kulturdimensjonen i programmet kan med verke til både ei breiare rekruttering og ein breiare kompetanse. Det siste er ikkje minst viktig, fordi dei færraste blir i denne typen opplæringsstillingar eit heilt yrkesliv. Bachelorprogrammet vil òg vere relevant for arbeid i ulike typar organisasjonar. Framlegget til ny bachelorgrad byggjer på eit samarbeid med Høgskulen i Volda (HiVo) og med Det praktisk-teologiske seminar (PTS). Dette samarbeidet vil utan tvil gje fagleg strategiske gevinstar. HiVo tilbyr eit 15 poengs emne i filmdidaktikk (3. semester), som blir undervist i Oslo (ved TF). Dette emnet som vil tene til å profilere bachelorprogrammet i høve til andre studietilbod av denne typen som finst på markanden. Film gjev dessutan ei viktig profilering i retning kultur/kunst. TF, som nyleg har tilsett i ei stilling innanfor religionspedagogikk/kyrkjeleg undervisning, vil i samarbeid med Det praktisk-teologiske seminar ha ansvaret for religionspedagogikken i studiet (15 studiepoeng i 3. semester). Her vil mellom anna musikkpedagogikk inngå som eit elementa. Innehavaren av den nyoppretta TF-stillinga har dessutan særleg kompetanse på feltet digital kommunikasjon innanfor ungdomsmiljø, som vil aktiviserast i pedagogikkemna og vere høgst relevant for trusopplæringsfeltet i kyrkja. Kulturdimensjonen er vidare tenkt ivareteken gjennom to moglege valemne i femte semester (sjå nedanfor). Nærliggjande emne kan her vere til dømes kyrkjearkitektur og kristen estetikk, som fakultetet har kompetanse på. Sidan studiet rettar seg inn mot praksisfeltet er det naturleg at det inneheld praksis. Difor er det lagt inn eit integrert praksisemne (TEOL2010) i samarbeid med PTS i 4. semester. Praksis vil vesentleg vere retta inn mot trusopplæring. Fakultetet har inngått intensjonsavtale med HiVo i samband med søknaden til Norgesuniversitetet. Denne må utvidast i samband med ein bachelorgrad. Det må òg forhandlast med PTS ut over dei avtalar som er gjort i samband med prosjektsøknaden.

4 4 Behovet for betre profilering med tanke på auka rekruttering gjer at det nye programmet treng eitt eller fleire emne som skil dette frå andre program ved fakultetet. Samstundes må dette programmet rekruttere til eit masterprogram som fakultetet har. Programmet vil kunne rekruttere både til Master i kristendomskunnskap og Master i Religion og samfunn. Det vil dessutan ha overgangsmoglegheit til profesjonsstudiet i teologi, slik den eksisterande bachelorprogrammet i teologi og kristendom har. I komitéarbeidet vart det tidleg klart at ved sida av eit program innanfor kyrkjeleg undervisning, jf. tildelinga frå Norgesuniversitetet, ville eit program innanfor religion/kristendom og kunst/estetikk vere aktuelt. Av ressursmessige omsyn går ein inn for eitt program utan alternative studieretningar. Komiteen har arbeidd ut eit program innanfor kyrkjeleg undervisning med ei profilering inn mot kultur gjennom å gje rom for emne innanfor feltet kristendom og kunst. Modell Fakultetet har i dag tre program på bachelornivå: dei tre første åra av teologiprogrammet (cand.theol.), bachelorprogram i religion og samfunn og bachelorprogram i teologi og kristendom. I tillegg leverer fakultetet emne til både 60-gruppa og 80-gruppa i religion på det femårige lektorprogrammet. Cand.theol. (bachelor-delen) Religion og samfunn 6. semester TFF3001 TFF3002 TEOL3010 TFF3001 RESA3102 RESA semester TEOL1002 TEOL2301 Frie emne Frie emne Frie emne 4. semester TEOL2010 Frie emne 40-gruppe 40-gruppe 3. semester TEOL1001 TEOL2201 RESA gruppe 40-gruppe 2. semester EXPHIL TFF1003 TFF1004 EXPHIL TFF1003 TFF semester TFEXFAC03 TFF1001 TFF1002 TFEXFAC03 TFF1001 TFF sp 10 sp 10 sp 10 sp 10 sp 10 sp Teologi og kristendom 6. semester Valemne Frie emne Frie emne 5. semester KRIS3001 Frie emne Frie emne 4. semester KRIS gruppe 40-gruppe 3. semester Valemne 40-gruppe 40-gruppe 2. semester EXPHIL TFF1003 TFF semester TFEXFAC03 TFF1001 TFF sp 10 sp 10 sp

5 5 Det er dette siste programmet som no blir revidert/nyskipa, og som ein gjer framlegg om skal erstattast av programmet nedanfor. 40-gruppe, 60-gruppe og 80-gruppe tyder gruppe av emne med til saman høvesvis 40, 60 og 80 studiepoeng, der det blir stilt særskilde krav til samansetnaden. 80- grupper dannar opptaksgrunnlaget til dei fleste masterprogramma. Frie emne tyder at det ikkje er særskilde krav til kva for emne ein kan velje. Framlegget til nytt bachelorprogram har felles emne det første året med dei to andre programma. Det har også tre emne (TEOL2010-Teologi i praksis 1, TEOL3010-Tro og eksistens og TFF3002- Kjønnsperspektiv på religion og teologi) felles med teologiprogrammet, i tillegg har det eitt felles emne med både teologiprogrammet og bachelorprogrammet i religion og samfunn (TFF3001- Humanisme, sekularitet og religion). I 5. semester er det lagt opp til to valemne innanfor kultur/kunst. Fakultetet forpliktar seg til at å tilby eitt av desse emna. Vidare er det mogleg å skrive bacheloroppgåve i tilknyting til KRIS2001 i 5. semester, til saman 20 studiepoeng. Kristendom, kultur og kommunikasjon 6. semester TFF3001 TFF3002 TEOL semester KRIS2001 *) *) 4. semester TEOL semester Pedagogikk/filmdidaktikk HVO+TF 2. semester EXPHIL TFF1003 TFF semester TFEXFAC03 TFF1001 TFF sp 10 sp 10 sp Ut frå heilskapen vil såleis den viktigaste profileringa av bacheloren skje i 3, 4 og 5. semester. Ressursar Fakultetet gjer framlegg om å leggje ned bachelor i teologi og kristendom og opprette programmet bachelor i Kristendom, kultur og kommunikasjon. Frigjorte ressursar som følgje av at ein legg ned bachelorprogrammet i teologi og kristendom vil bli disponert til den nye bacheloren. Samstundes legg ein opp til ei utvidinga av ressursbruken i høve til det eksisterande bachelorprogrammet. Medan bachelor i teologi og kristendom har 20 studiepoeng som er særeigne for programmet, dvs. emne som er obligatoriske og som ikkje er felles med andre program, har den nye bacheloren 55 studiepoeng som er særeigne i programmet (undervist av TF) i tillegg til 15 studiepoeng som HiVo er ansvarleg for å undervise. Det er forsvarleg å gjere dette ut frå at fakultetet no disponerer auka undervisningskapasitet gjennom to nye stillingar tilsvarande 10 prosent. Det er ein føresetnad at

6 6 utviklinga av emnetilbodet i dette programmet til ei kvar tid vil vere tilpassa den tilgjengelege kompetansen ved fakultetet. Det vil bli iverksett overgangsordningar for dei studentane som er tekne opp på bachelor i teologi og kristendom. Oppstart, studenttal og opptaksramme Siste opptak til bachelor i teologi og kristendom vil vere hausten Hausten 2014 er første opptaket på den nye bacheloren i kristendom, kultur og kommunikasjon, med opptaksfrist mars/april Fakultetet gjer framlegg om at opptaksramma på 10 studieplassar som har vore reservert til bachelor i teologi og kristendom blir overført til bachelor i kristendom, kultur og kommunikasjon. Fakultetet ønskjer dessutan at det blir tilført 10 friske studieplassar, slik at det til saman blir 20 studieplassar på programmet. Framlegg til vedtak: Fakultetsstyret legg ned bachelor i teologi og kristendom og opprettar bachelor i Kristendom, kultur og kommunikasjon, slik dette er skissert i innstillinga frå fakultetsleiinga.