SAKSFRAMLEGG. Sakshandsamar: Steinulf Skjerdal Arkiv: S11 &13 Arkivsaksnr.: 10/1698

Transkript

1 SAKSFRAMLEGG Sakshandsamar: Steinulf Skjerdal Arkiv: S11 &13 Arkivsaksnr.: 10/1698 Søknad om konsesjon for bygging av Øyane kraftverk og Illvatn pumpekraftverk - avgrensa høyring Rådmannen si tilråding: ::: Sett inn innstillingen under denne linja 1. Luster kommunestyre tek til vitande NVE si innstilling overfor Olje- og energidepartementet om konsesjon for bygging av Illvatn pumpekraftverk og bygging av 132 kv kraftlinje mellom Sveinsøystølen og kraftverket med tilhøyrande anlegg. 2. Etter at det er avdekka at det av tryggleiksgrunnar og andre omsyn ikkje er tilrådeleg å flytta inntaket for Øyane kraftverk ned under Spitarfossen, tilrår kommunestyret at det likevel vert gjeve konsesjon for bygging av kraftverket etter framlagde planar og på dei vilkår om minstevassføring som utbyggjar no har sett fram tilbod om. 3. Kravet om næringsfond på 25 mill. kroner til Luster kommune står fast. 4. For utfyllande grunngjeving vert det synt til saksutgreiinga. ::: Sett inn innstillingen over denne linja... Sett inn saksutredningen under denne linja

2 Saksutgreiing: Prenta vedlegg: 1. NVE si innstilling datert om konsesjon for bygging av Illvatn pumpekraftverk 2. NVE si innstilling datert om konsesjon for bygging av Øyane krafverk 3. NVE sitt bakgrunnsnotat for innstilling om 132 kv kraftleidning 4. Kommentarar frå Hydro datert til innstillingar om konsesjon 5. Oversendingsskriv frå Olje- og energidepartementet til Luster kommune av Uprenta vedlegg: Saksdokument til k.sak nr. 86/12 den Samandrag: Olje- og energidepartementet har bede om merknader til NVE sine innstillingar til Olje- og energidepartementet av om bygging av Illvatn pumpekraftverk og Øyane kraftverk, og brev frå Hydro av med kommentarar til innstillingane. NVE tilrår konsesjon etter vassdragsreguleringslova og vassressurslova for ytterlegare regulering av Illvatn og bygging av Illvatn kraftverk. Etter energilova er det tilrådd konsesjon for bygging av ny 132 kv kraftlinje frå Sveinsøystølen til Illvatn kraftverk med tilhøyrande anlegg. Samtidig frårår NVE at det vert gjeve konsesjon etter vassressurslova til bygging av Øyane kraftverk. Luster kommunestyre har tidlegare tilrådd konsesjon for både Illvatn og Øyane. For Øyane er det sett som føresetnad at inntaket til kraftverket vert flytta ned under Spitarfossen. Tilleggsutgreiingar syner at det av tryggleiksgrunnar og andre omsyn ikkje er tilrådeleg å flytta inntaket ned under fossen. Rådmannen meiner saka etter dette stiller seg annleis og vil tilrå at kommunestyret likevel gjev positiv tilråding til konsesjonssøknaden. Utval som har vedtaksmynde: Kommunestyret Fakta: Luster kommune og Sogn og Fjordane fylkeskommune har fått oversendt NVE sine innstillingar til Olje- og energidepartementet av om bygging av Illvatn pumpekraftverk og Øyane kraftverk, og brev frå Hydro av med kommentarar til innstillingane. Oljeog energidepartementet ber om merknader til saka innan 20. februar Luster kommune har fått utsetjing med fristen til etter kommunestyremøte 05. mars. Luster kommunestyre har hatt saka oppe fleire gonger tidlegare, k.sak nr. 61/10 den , k.sak nr. 7/11 den og til sist k.sak nr. 86/12 den Dei to første gongene ba kommunestyret om at utbyggingssøknadene måtte stillast i bero inntil det førelåg søknad om fornying av gjeldande konsesjonar i Fortunsvassdraget for å kunna føreta ei samla vurdering av både gamle og no omsøkte utbyggingar. Men etter opplysning frå NVE om at det ikkje var høve til å leggja søknadene til side i påventa av søknad om ny reguleringskonsesjon for heile vassdraget, og at toget gjekk no dersom kommunen ville gje uttale til uttbyggingssøknadene, valde kommunestyret å gjera det i møte den Med 23 mot 2 røyster vart det der gjort følgjande vedtak: «Luster kommunestyre sitt primære standpunkt om at utbyggingssøknadene for Øyane kraftverk og Illvatn pumpekraftverk bør sjåast i samanheng med og stillast i bero inntil det føreligg søknad om fornying av gjeldande konsesjonar for Fortun-vassdraget, er uendra. Først

3 då vil ein kunna føreta ei samla vurdering av no omsøkte utbyggingar og tidlegare utbyggingar i tråd med naturmangfaldlova sin 10. Slik saka no stiller seg, vil kommunestyret likevel gje følgjande innspel til dei omsøkte utbyggingane: 1. Kommunestyret meiner at ekspropriasjonsspørsmålet i konsesjonssøknadene er utilstrekkeleg utgreidd, og at dette må underleggjast ny og grundigare handsaming. 2. På nærare spesifiserte vilkår, som minst oppfyller dei vilkår som vil vera aktuelle ved ny reguleringskonsesjon for vassdraget, vil Luster kommunestyre tilrå at det vert gjeve konsesjon for utbygging av Illvatn pumpekraftverk. Kommunestyret ber om at det vert sett følgjande vilkår: a. Av omsyn til landskapet og villreininteressene må 132 kv-linja leggjast i jordkabel på strekninga frå kraftstasjonen til ho kjem nedanfor Fivlemyrdammen. b. Det same gjeld heile 22 kv-linja med uttak frå Illvatn pumpekraftverk for lokal forsyning til Fivlemyr kraftverk og Nørdstedalsseter, for å unngå to parallelle luftlinjer på strekninga. c. Av omsyn til friluftslivet må det setjast krav om magasinfylling i Illvatnet i høgsesongen, 1. juli 15. september. 3. Under føresetnad av at inntaket for kraftverket vert plassert nedanfor Spitarfossen, tilrår Luster kommunestyre at det vert gjeve konsesjon for Øyane kraftverk. Kommunestyret ber om at det vert sett følgjande vilkår: a. Utbyggjar må påleggjast å tilretteleggja for at tunnelmassar vert gjort tilgjengeleg for seinare utnytting til vegbygging o.a, ev. transportera dei til tilvist deponi. b. Vegtilkomst til kraftverket vert avgjort i saman med kommunen under reguleringsplanarbeidet. c. Kraftlinja mellom kraftstasjonen og tilkoplingspunktet med eksisterande linje må gå på austsida av elva med best mogeleg tilpassing til kulturminna ved Sveinsøystølen. d. Av omsyn til fiskeinteressene må utbyggjaren påleggjast å utplassera lakserogn i vassdraget ved nedgraving i elvegrusen. e. Kraftverket må byggjast med omlaupsventil for å hindra stranding av yngel ved hurtig stopp. f. Det må byggjast tersklar i elva mellom utlaupet av kraftverket og vandringshinder for anadrom fisk (hølen i Kleppasvoden). 4. Som felles vilkår for dei to utbyggingane tilrår kommunestyret: a. Det må setjast krav om minstevassføring på 2 gonger alminneleg lågvassføring om

4 sommaren og 1 gong alminneleg lågvassføring om vinteren i heile vassdraget nedanfor Fivlemyrdammen. b. Opplagra massar som fører til skadeflaumar i vassdraget må fjernast. c. Det må gjennomførast sikringstiltak mot Fortunselva ved Øyane, Øyene og Drægni for å hindra skadeflaumar. d. Eksisterande veg frå Skagen til Øyane må rustast opp. e. Luster kommune må få tilført eit næringsfond på 25 mill. kroner f. Det må gjevast tilskot til opprusting, drift og vedlikehald av forsamlingslokale i Fortun. g. Utbyggjar vert oppmoda om å nytte lokale entreprenørar/lokal arbeidskraft til anleggsarbeidet. 5. For utfyllande grunngjeving av punkta ovanfor vert det synt til saksutgreiinga til k.sak nr. 7/11.» Gjennom brev datert 26. juni 2014 har NVE overfor Olje- og energidepartementet tilrådd konsesjon etter vassdragsreguleringslova og vassressurslova for ytterlegare regulering av Illvatn og bygging av Illvatn kraftverk. Etter energilova er det tilrådd konsesjon for bygging av ny 132 kv kraftlinje frå Sveinsøystølen til Illvatn kraftverk med tilhøyrande anlegg. Samtidig frårår NVE at det vert gjeve konsesjon etter vassressurslova til bygging av Øyane kraftverk. Illvatn Vilkåra som kommunestyret har føreslege er kommenterte av NVE i innstillinga til Olje- og energidepartementet. Nokre av vilkåra for å gje konsesjon for Illvatn er tilrådde imøtekomne, andre ikkje: Kravet om kabling av 132 kv-linja mellom kraftstasjon og nedsida av Fivlemyrdammen er frårådd av omsyn til kostnaden med å kabla linjer av denne dimmensjonen. Det er derimot tilrådd å kabla 22 kv-linja mellom Fivlemyrane og Nørdstedalsseter. Det er tilrådd å setja krav om tidspunkt for magasinfylling av Illvatn NVE prioriterer rask magasinfylling av Illvatn framfor å setja vilkår om minstevassføring forbi Fivlemyrdammen. Minstevassføringskrav kan vera aktuelt å vurdera i samband med ny søknad om reguleringskonsesjon for Fivlemyr. Som eige prosjekt er Hydro i ferd med å starta opp arbeid med opprensking og sikring fleire stader i Fortunselva som del av heilheitleg plan for elva, noko som mellom anna også omfattar fiskeforbetrande tiltak. Øyane Hovudgrunnen til at NVE går imot konsesjon for Øyane kraftverk er dei negative konsekvensane av redusert vassføring på utbyggingsstrekninga, særleg Spitarfossen og gjennom Bakligjelet. Ulempene er størst for friluftsliv, landskapsoppleving og turisme. For Bakligjelet vert det også peika på at ein på grunn av vanskeleg tilgjenge er usikker på om her

5 likevel kan finnast raudlista og sjeldne artar av mosar og lav, sjølv om det ikkje vart avdekka i konsekvensutgreiinga. Etter at fleire av høyringspartane uttalte seg negativt til inntak ovanfor Spitarfossen, har Hydro gjennomført omfattande undersøkingar for å vurdera om det let seg gjera å etablera inntak nedanfor fossen. Konklusjonen er at dette ikkje er tilrådeleg på grunn av krevjande grunntilhøve. Som avbøtande tiltak har Hydro i staden føreslege strengare minstevassføringskrav forbi inntaket sommarstid enn først omsøkt, l/s i juli og l/s i august og halve september. Vurdering: Rådmannen tek til vitande NVE si instilling om å gje konsesjon for bygging av Illvatn pumpekraftverk og bygging av 132 kv kraftlinje mellom Sveinsøystølen og kraftverket. Hovudkrava frå kommunen som kan takast stilling til i denne fasen må reknast som innfridde om det skulle bli gjeve konsesjon på dei vilkåra som NVE tilrår. For Øyane tilrådde kommunestyret at det kan innvilgast konsesjon på nærare opplista vilkår dersom inntaket for kraftverket vert flytta til ein stad nedanfor Spitarfossen. Nærare utgreiingar har synt at det vil vera for risikofylt å etablera inntak nedanfor fossen. Spørsmålet er då om kommunen likevel skal tilrå konsesjon. Landskapsopplevinga NVE har lagt avgjerande vekt på dei negative konsekvensane for landskapsopplevinga med redusert vassføring i fossen. I opprinneleg søknad var det føreslege ei minstevassføring lik alminneleg lågvassføring i Spitarfossen heile året, dvs. 67 l/s. Med ei slik vassføring vil fossen framstå som nærast turrlagd. Hydro sitt tilbod om og l/s om sommaren vil retta opp dette inntrykket betydeleg. Samanstilling av data frå Hydro syner at vassføringa i dag i den perioden ofte kan vera mindre enn føreslegen minstevassføring. Etter ei ev. utbygging må det difor i slike tilfelle sleppast vatn frå Fivlemyrmagasinet for å oppfylla kravet til minstevassføring, noko som betyr ekstra vatn på heile strekninga frå Fivlemyr til Fortun i høve dagens vassføring. Dette vil syna særleg att på strekninga ovanfor Fossabakkane der elva renn på sva og er godt synleg, mellom anna frå bilvegen. Ei auka vassføring vil der ha stor betydning for landskapsopplevinga. Utanom sommarmånadane juli halve september vil vassføringa frå Spitarfossen og ned Bakligjelet vera svært avgrensa, men det meste av perioden når dalen er aktuell å nytta til fritidsbruk, vil vassføringa gje ei god landskapsoppleving. Inntaksdammen Demninga er planlagd i betong og vil bli om lag 1,0 m høg og 60 m lang. Ovanfor demninga vil det danna seg eit basseng i om lag 600 m lengde. NVE uttalar at uavhengig av vassføringa vil inntaket utgjera eit framandelement i landskapet. Hydro peikar på at demninga vil bli tilbaketrekt i høve fossen og at aktuelle tiltak for å kamuflera ho vil bli iverksett slik at ho vil bli lite framtredande. Sandstranda og kulpane nedanfor vil bli like tilgjengelege for ålmenta som tidlegare og bassenget ovanfor vil framstå som eit naturleg vatn med stabil vasstand.

6 Bakligjelet Uvissa som knyter seg til konsekvensane for bekkekløfta av redusert vassføring er eit av hovudargumenta til NVE for å rå ifrå konsesjon. Vassføring er ein kritisk faktor for mosar og lav som krev høg råme. Det vil særleg vera vår og haust at vassføringa vil bli lågare enn i dag etter ei ev. utbygging. Den positive effekten av auka vassføring i periodar når det må sleppast vatn frå Fivlemyr, skal likevel ikkje underslåast. Dette vil vera ei forbetring i høve dagens situasjon. Økonomi For utbyggjar vil det ha stor synergieffekt om det vert gjeve konsesjon til begge utbyggingane og begge kan gå parallelt. Rundt rekna er det snakk om ein samla utbyggingskostnad på 1,0 mrd. kroner om utbyggingane vert gjennomførde uavhengig av kvarandre. Ei parallell utbygging er rekna å gje innsparing i storleiksorden på 10%, dvs. om lag 100 mill. kroner. Den store gevinsten knyter seg til samanhengande drift både sommar og vinter i utbyggingsperioden dersom og Øyane kan byggjast. Illvatn-utbygginga kan ikkje, av vermessige tilhøve, gå kontinurleg heile året. Felleskostnadane kan og fordelast på begge prosjekta. Isolert sett er utbyggingskostnaden i høve innvunnen kraft langt høgare for Illvatn enn for Øyane. Utbyggjar har gjeve uttrykk for at utbygging av Illvatn vil stå i fare dersom det ikkje også vert gjeve konsesjon for Øyane. Til Luster kommune er det rekna ei årleg inntekt på om lag 3,6 mill. kroner i form av naturressursskatt, eigedomsskatt og konsesjonsavgifter ved utbygging av Illvatn og om lag kr 2,5 mill. kroner ved utbygging av Øyane. Konsesjonskrafta ved nye utbyggingar i Luster kommune tilfell som kjent fylkeskommunen. For Luster kommune vil dei førespegla årlege inntektene av ei utbygging vera av stor betydning. Synergieffekten av utbygging av begge kraftverka vil også styrka kravet om næringsfond til kommunen. Sjølv om kommunestyret sette som vilkår at inntaket vart flytta ned under Spitarfossen for å kunna tilrå konsesjon for Øyane kraftverk, meiner rådmannen at saka stiller seg annleis etter at tilleggsutgreiingar for å få til inntak nedanfor fossen avdekkar at dette likevel ikkje er tilrådeleg. Tilbodet om minstevassføring vil og ha stor betydning av landskapsopplevinga i sommarmånadane. Etter ei samla vurdering er rådmannen komen til at det ligg føre nok kunnskap for å kunna vega ulempene med ei utbygging opp mot fordelene, både for Luster kommune og samfunnet som heilheit. Rådmannen meiner fordelene med ei utbygging overstig ulempene og at kravet i vassdragsreguleringslova 8 for å kunna gje konsesjon for Øyane kraftverk er oppfylt. Dato Jarle Skartun rådmann Steinulf Skjerdal landbrukssjef Særutskrift skal sendast: postmottak@oed.dep.no m/kopi til:... Sett inn saksutredningen over denne linja

7