ÅRSMELDING Husflidskonsulenten i Møre og Romsdal

Transkript

1 ÅRSMELDING 2016 Husflidskonsulenten i Møre og Romsdal

2 Innhald: Organisasjonskart, fylket Strategisk plan Arbeidsoppgåver: Andre tiltak; Raudlista Ullialt, sentralt, regionalt-lokalt Kursutvikling / kurslærarkurs Ung Husflid, sentralt, regionalt-lokalt Andre samarbeidspartnarar: Møre og Romsdal Husflidslag Lokale husflidslag i Møre og Romsdal Husflidsbutikkane og husflidshandverkarar i fylket Fylkeskommunen Andre Drift Avslutning og vegen vidare Husflidskonsulenten i Møre og Romsdal fylke er tilsett i 100 % stilling i Norges Husflidslag. Gjennom Møre og Romsdal Husflidslag gir Møre og Romsdal Fylkeskommune økonomisk tilskot til stillinga. Husflidskonsulenten har i fleire år leigd kontorlokale av Husfliden i Ålesund. No har butikken seld huset til andre, noko som medførte at konsulenten måtte flytte til ein annan stad i Ålesund. Ny kontoradresse er: Rasmus Rønnebergsgate 1, 6002 Ålesund Telefon: E-post: moreogromsdal@husflid.no Organisasjonskart, fylket per Norges Husflidslag ca medlemmer Møre og Romsdal Husflidslag 1451 medlemmer Lokale husflidslag 29 lokallag Husflidsbutikkar 4 butikkar Husflidshandverkarar 9 husflidshandverkarar

3 Strategisk plan , vedteken på Landsmøtet i Harstad - juni 2014 Visjon Verdiar Aktivitet Hovudmål Arbeidsområde Husflid formar framtida Tradisjon, Kvalitet, skaparglede Ivareta, formidle og fornye husflidstradisjonane Husflid skal vere levande som kultur og næring i Norge Opplæring, næringsutvikling og synleggjering Dette skal vi oppnå gjennom: OPPLÆRING: Mål: Auke kompetansen fagleg og organisatorisk Vi skal særleg arbeide med truga teknikkar Vi skal ha fokus på økologi og verdikjede i materialane Vi skal sikre fornying og nytenking Vi skal auke born og unge sin kunnskap og dugleik innan husflid Vi skal arbeide med styrking av offentleg utdanning innan handverksfaga våre NÆRINGSUTVIKLING: Mål: Sikre utøving og sal av husflidshandverk i Norge Vi skal betre rammevilkåra for næringsutøvarar Vi skal styrke merkevara husflidshandverk Vi skal bevisstgjere produksjons- og salsledd som kulturnæringar SYNLEGGJERING: Mål: Auke bevisstheita om husflid i samfunnet fagleg og politisk Alle kultur-, utdannings- og næringspolitikarar skal kjenne arbeidet vårt Vi skal utvikle formidling i digitale kanalar Vi skal gjennomføre landsomfattande satsingsområder som involverer fleire eksterne samarbeidspartnarar Fargeutval med norskprodusert garn

4 Arbeidsområde: Opplæring Mål: Auke kompetansen fagleg og organisatorisk Strategi: Vi skal særlig arbeide med truga teknikkar Raudlista. Skildring av tiltaket: Dette prosjektet er Norges Husflidslags dugnad for vår felles immaterielle kulturarv. Mange av dei tradisjonelle husflidsteknikkane og kunnskapen kring desse, kan vere i ferd med å gå tapt om vi ikkje fører det vidare til nye generasjonar. Husflidskonsulenten vil inspirerer og oppmode husflidslaga til å velje seg ein lokal trua teknikk som dei kan arbeide med og formidle vidare. Resultat: Tiltaket rullar vidare i lokallaga, og på tampen av året har konsulenten arbeid med å få ei oversikt over kor mange husflidslag i fylket som har sett raudlistearbeidet i fokus. Resultatet av dette er ikkje avklart per dato. Raudlista på nettet. Husflidskonsulenten har sendt inn til sentralleddet tekst og bilete av tre ulike, lokale strikkevariantar på tommelkile, felling av vott og flossbroderi på vott. Desse teknikkane er i ferd med å bli lagt til på Raudlista i Norges Husflidslag sentralt. Konsulenten har også funne fram artiklar, ein DVD og anna stoff om Krøllhårsålar og tradisjonsbærarar på dette tema. Dette stoffet vil også bli lagt til på Raudlista i nær framtid. Blokktrykk på ullstoff. Saman med tre representantar for fylkeshusflidslaget står konsulenten i startgropa på å utvikle eit regionalt prosjekt om blokktrykk på ullstoff som har vore tradisjon i heile Møre og Romsdal. Prosjektet er i planleggingsfasen, og prosjektgruppa er i ferd med å innhente kompetanse. Difor deltok konsulenten på eit kurs i treskjering av trykkblokker som er den tradisjonelle måte å lage trykkblokkene på. Ein annan person frå prosjektgruppa, har gått på kurs i blokktrykk på ullstoff på Lesja. Utprøving med stampe. Konsulenten har vore i samtale med Rauma Husflidslag om bruk av ei stampe på Brøste i Rauma Kommune. Også andre husflidslag frå andre fylke kan vere interessert i å vev opp stoff og stampe stoffet i denne stampa. Dette tiltaket vidareførast i 2017.

5 Arbeidsområde: Opplæring Mål: Auke kompetansen fagleg og organisatorisk Strategi: Vi skal ha fokus på økologi og verdikjeden til materialane Ullprosjektet Ullialt. Skildring av tiltaket Landsmøte i Norges Husflidslag vedtok i Strategisk Plan , å arbeide med eit landsomfattande prosjekt, og emneområdet vart norsk sau/ull/skinn. Prosjektet har fått namnet Ullialt. Husflidskonsulenten deltek i planlegginga og framdrift av prosjektet på nasjonalt plan. Innhente eigen kompetanse gjennom deltaking på arenaer initiert av andre som arbeider med sau og ull. Planlegge og gjennomføre kompetanseheving for kollegaer. Planlegge og gjennomføre nasjonal sokkekonkurranse. Planlegge nasjonal ull-konferanse. Tilby og gjennomføre temakveldar for butikkane og lokale husflidslag. Utvikle nye ull-produkt bygd på lokale og regionale tradisjonar i fylket. Hovudmål: Auke bruken av og kunnskapen om norsk ull Resultat: Sentralt: Prosjektgruppa. Husflidskonsulenten sit i den sentrale arbeidsgruppa for prosjektet, og er med på å drifte prosjektet gjennom planlegging og gjennomføring av tiltak etter prosjektplanen. Prosjektgruppa har hatt 7 møter i Konsulenten har saman med prosjektleiar delteke på møte med andre aktørar som Norilia og Statens institutt for forbruksforsking. Kompetanseheving i organisasjonen. Alle kollegaene deltok delvis eller heilt på konferansen North Atlantic Native Sheep and Wool i Vesterålen og Lofoten i september. I samband med intern kompetanseheving innan norsk ull og skinn, har prosjektgruppa planlagt tur i 2017 for alle husflidskonsulentane til Granberg Garveri, Ølen, det einaste garveriet vi har igjen i Noreg. Nasjonal ullkonferanse Som ein i den nasjonale prosjektgruppa har husflidskonsulenten arbeid med planlegging av nasjonal ull-konferanse i april i Stjørdal. Konferansen har som mål å betre kvaliteten og auke kunnskapen om og bruken av den norske ulla. Landbruksorganisasjonar, garnfabrikkantar, butikkar og andre aktørar innan same fagfeltet, er delvis

6 samarbeidspartar i konferansen. Konferansen er todelt med to konferansedagar med påfylgjande to dagar med husflidskurs for vidarekomande. Alle kursa er knytt til materialområde ull. Marknadsføring av ull-konferansen startar tidleg i januar i Sokke-konkurransen, Varm på foten. Saman med husflidskonsulenten i Nord Trøndelag hadde konsulenten ansvar for å planlegge, utarbeid kriterier, skaffe jury og gjennomføre den nasjonale sokke-konkurransen. Konkurransen var også knytt opp til Husflidsdagen 2016 i september som hadde tema Frå sau til sokk. Konkurransen hadde tre klassar: babysokk, sokkar og tøflar. Utlysinga var på vårparten med gjentatt marknadsføring rett etter sumaren. Innleveringsfristen på fotplagga var 1. november. Juryen valte å gje ein hovudpremie og fire andre premiar. Vinnerprodukta vert offentleggjort i januar Produkta som kom inn, vil bli gitt vidare til organisasjonen Refugees Welcome til Norway på nyåret Sauar i Lofoten Vikingsegl laga i norsk ull Uvaska ull Brosjyre på sokkekonkurransen

7 Lokalt/regionalt. Kompetanseheving. Alle husflidsbutikkane og husflidslaga i Møre og Romsdal har fått tilbod om kompetanseheving innan tema norsk ull. Husflidskonsulenten har i 2016 vitja 9 husflidslaga med dette tema. Husflidskonsulenten tok initiativ til eit fellesmøte med tema norsk ull for Husfliden i Kristiansund og husflidslaga i nærleiken av byen. Frei Husflidslag tok ansvaret som arrangør, og om lag personar, både tilsette i butikken, medlemmar i nærliggande husflidslag og andre, deltok på temakvelden. Husflidskonsulenten heldt foredrag om norsk ull. Regional prosjektgruppe Møre og Romsdal Husflidslag har sett ned ei regional ull-gruppe som skal arbeide med tema ull, og husflidskonsulenten er ein av personane i gruppa. I prosjektperioden har gruppa har valt å arbeide med Bryllaupsvottar frå Sunndal og blokktrykk på ullstoff. Bryllaupsvottar frå Sunndal. I 2016 har husflidskonsulenten strikka opp og utarbeid strikkeoppskrifta Stasvott som har sitt utspring i tradisjonelle bryllaupsvottar frå Sunndal. Husflidsbutikkane i fylket fekk strikkeoppskrifta og har laga til garnpakkar og sel dette som eit lokalt produkt i butikkane. Stasvottane vart marknadsført fyrste gongen på årsmøte i Møre og Romsdal Husflidslag, og stikkeoppskrifta er også planlagt marknadsført gjennom medlemsbladet Norsk Husflid. Tiltaket bryllaupsvottar frå Sunndal /Stasvott er avslutta. Prosjektgruppa arbeider no vidare med tema blokktrykk på ullstoff, sjå tiltak raudlista. Stasvott inspirert av «Bryllaupsvottar frå Sunndal» Strikkeoppskrift Stasvott

8 Arbeidsområde: Opplæring Mål: Auke kompetansen fagleg og organisatorisk Strategi: Vi skal sikre fornying og nytenkning Kursutvikling og kurslærarkurs. Skildring av tiltaket Diskusjons- og samarbeidspartnar for kurs og kompetanseutviklar i Norges Husflidslag. Kurslærarkurs: Ut frå tidlegare undersøkingar ser vi at kurslærarane våre har svært stor kompetanse, men dei har høg alder. Om nokre år kan det bli vanskeleg å få tak i dyktige kurslærarar innan vårt fagområde. For å vidareformidle den kompetansen erfarne kurslærarar har, og for å inspirere andre til å bli kurslærar, arbeider Norges Husflidslag i samarbeid med Studieforbundet Kultur og Tradisjon, for å få fylkes- og lokallag til å arrangere kurslærarkurs. Resultat: Konsulenten har gjennom heile året vore samtale- og diskusjonspartnar for kurs og kompetanseutviklar i Norges Husflidslag. I mai deltok konsulenten som representant for Norges Husflidslag på årsmøte i Studieforbundet Kultur og Tradisjon i Oslo. Kurslærarkurs. Husflidskonsulenten har saman med Husflidskonsulenten i Buskerud, halde hand om tiltaket Kurslærarkurs i Norges Husflidslag. På slutten av året har husflidskonsulenten saman med fylkeshusflidslaget i Møre og Romsdal, planlagt og marknadsført Kurslærarkurs i Ørsta tidleg i februar Husflidslag i Sogn og Fjordane har også fått invitasjon til å delta på dette arrangementet. Møre og Romsdal Husflidslag og lokale husflidslag i fylket, arrangerte til saman 81 kurs i 2016 med til saman 1559 kurstimar og 574 deltakarar. Det var over 6 % fleire som gjekk på kurs i 2016 enn året før. Emneområde som hadde flest kurs var: bunad, vev, spinning, lappeteknikk, masketeknikkar, skinn/ler og div. trearbeid. Frå temakveld om norsk ull i Frei Husflidslag

9 Arbeidsområde: Opplæring Mål: Auke kompetansen fagleg og organisatorisk Strategi: Vi skal auke born og unge sin kunnskapen og dugleiken innan husflid Ung husflid, sentralt og i Møre og Romsdal Skildring av tiltaka: Ung husflid, er namnet på husflidsarbeidet for barn og ungdom i Norges Husflidslag. Vere diskusjons- og samtalepart for barne- og ungdomskonsulenten i Norges Husflidslag. Bidra til å gje ut vevbok for barn. Sommerskular i husflidslaga i Møre og Romsdal, oppfølging, vere kurslærar Bruke regionale arena til kunnskapsformidling til lærarar og ungar: Spikking i Sunnmøre Friluftsråd. Ung Husflidskurs, Åndalsnes Resultat: Konsulenten har gjennom heile året vore samtale- og diskusjonspart for barneog ungdomskonsulenten i Norges Husflidslag. Samtalane har stort sett gått på utvikling av tilboda for barn og unge og opplæring av vaksne som skal formidle husflid til yngre generasjonar. Vev vel, vevbok for barn. Norges Husflidslag har gitt ut vevbok for barn, Vev vel. I boka har konsulenten saman med andre frå fylket, hatt ansvar for avsnittet om brikkevev. Konsulenten har og lese korrektur og hjelpe til under prosessen med utgjeving. Spinnville-veke, aktivitetsveke for barn. I fire år har husflidskonsulenten saman med Molde Husflidslag og Romsdalsmuseet, gjennomført Spinnvill-veke, ei aktivitetsveke for barn mellom 8-12 år i Molde. I denne veka har ungane fått tilbod om husflidsog handverksaktivitetar som ulike tekstile aktivitetar, spikking, besøk på gard med dyr, turdag til ulike historiske stader, omvising på museet, forskjellige vikingaktivitetar, med meir. Aktivitetane har vore bestemt av kva lærarar og hjelparar ein har fått tak i dei ulike åra. Også i år vart ei slik veke gjennomført på Romsdalsmuseet, og husflidskonsulenten deltok i all planlegging, var ansvarleg for sine fagfelt og var kurslærar i to dagar i spikking og var med på turdagen til Nesset Prestegard og Hellerissingane på Buggestranda. 30 ungar deltok på Spinnvill veke i 2016 i Molde. Prosjektet vil bli vidareført.

10 Spikking, Sunnmøre Friluftsråd. I skulehaustferien brukte husflidskonsulenten ein dag til spikking saman med ungar frå Sunnmøre Friluftsråd i Ålesund. På vårparten 2017 er det planar om å få til eit spikkekurs for vaksne som er knytt til Sunnmøre Friluftsråd, og der er husflidskonsulenten skal vere kurslærar. Ung husflidskurs for instruktørar. Kurs for barne og ungdomsinstruktørar frå region midt-noreg, er eit samarbeidsprosjekt mellom fylkeslaga og husflidskonsulentane i Nord- Trøndelag, Sør-Trøndelag og Møre og Romsdal. Dette året var kurset lagt til Åndalsnes med Møre og Romsdal Husflidslag som arrangør. I 2016 var der fire ulike kurs som hadde desse husflidsaktivitetane: toving/filting, bearbeiding av ull/ laging av eigen handtein, masketeknikkar/ den første strikkeopplæring og barn/symaskin. I tillegg var det orienteringar, informasjon og ideutveksling av Ung Husflidsarbeid i lokale husflidslag og besøk og omvising på Rauma Ullvarefabrikk. Husflidskonsulenten var sentral i all planlegging og gjennomføring. Kurset hadde 40 deltakarar kor av 21 av desse kom frå Møre og Romsdal. På tross av store reiseavstandar ynskjer deltakarane å forsette dette samarbeidet over fylkesgrensene. I 2017 vil kurset bli lagt til Sør- Trøndelag. I Møre og Romsdal er det 29 lokale husflidslag, og mange av desse har tilbod for barn på ein eller annan måte. I 2015 var det 82 arrangement for barn og unge som kurs, arbeidsstuer eller aktivitetsdagar i eigen regi eller saman med andre. Ved årets slutt 2016 hadde Møre og Romsdal 56 barnemedlemmer (0-14 år) og 80 ungdomsmedlemmer (14-26 år). Frå husflidskurs for instruktørar Karding av ull på kardemaskin Pisking av ull

11 Strategi: Sørge for godt internt samarbeid i organisasjonen Tiltak: Deltaking og samarbeid med fylkeslag/ lokallag Møre og Romsdal Husflidslag: Skildring av tiltaka: Styremøte og årsmøte: Husflidskonsulenten deltek på styremøte, årsmøtet og på andre arenaer initiert av eller saman med fylkeshusflidslaget. Organisasjonskurs: Samarbeid om planlegging og gjennomføring av organisasjonskurset saman med fylkeshusflidslaget. Vere kurslærar. Samarbeid med fylkeshusflidslaget om andre tiltak og satsingsområder. Mål: Stimulere til ulike husflidsaktivitetar i Møre og Romsdal og gje fagleg råd og rettleiing. Utveksle informasjon, samarbeide om tiltak og vere bindeledd mellom fylkeslaget, lokale husflidslag og Norges Husflidslag sentralt. Resultat: Styremøte og årsmøte: Husflidskonsulenten har delteke på 7 styremøte og på årsmøte for Møre og Romsdal Husflidslag i Molde. Årsmøte vert nytta som ein informasjonsarena og til utveksling av erfaringar og problemstillingar med lokale husflidslag. Årsmøtedagane i Molde hadde forutan vanlege årsmøtesaker, lagt vekt på satsingsområdet Ullialt. Husflidskonsulenten heldt foredrag om tema Bryllaupsvottar frå Sunndal og om arbeidet med utvikling av Stasvott som byggjer på tradisjonelle vottar frå Sunndal. På årsmøte var det attval av fylkesleiar som konsulenten har hatt fleire møter og jamleg kontakt med, for å bidra inn i arbeidet til fylkeslaget. På forsommaren 2018 skal Møre og Romsdal Husflidslag arrangere Landsmøte i Norges Husflidslag. Konsulenten har medverka inn i innleiande planlegging for Landsmøte Organisasjonskurs. Årleg arrangerer Møre og Romsdal Husflidslag organisasjonskurs for lokale husflidslag. Desse kursa går på omgang i fylket. I 2016 vart kurset arrangert på Vestnes. Deltakarane kom frå husflidslag på Sunnmøre og i Romsdal. Husflidskonsulenten hjelpte til med organiseringa av kurset og var kurslærar. Innhaldet i kurset var oppbygging av organisasjonen, vedtekter, strategisk plan, arbeidsoppgåver til fylkeslaget og om arbeid for tillitsvalde i lokale husflidslag. Tiltaket vidareførast.

12 Kurs i vaid og sopp-farging. På haustparten arrangerte Møre og Romsdal Husflidslag i samarbeid med Tingvoll Husflidslag og Tingvoll Gard (Norsk senter for økologisk landbruk) foredrag og kurs i vaidfarging og soppfarging. Tingvoll Gard hadde i løpet av sommaren dyrka fram vaidplanter som det vart farga med. Men på grunn av m.a. ein fuktig sommar, hadde ikkje vaidplantane utvikla seg som ynskjeleg, slik at kursdeltakarane også måtte farge garn ut av importert vaid frå England. I tillegg til vaidfarginga, fekk alle prøve ut ulike soppar og lav som basis for mange andre fargar. Gjennom fordrag fekk kursdeltakarane også eit godt og grundig innblikk i vaidfarging i Norge og Europa. Husflidskonsulenten deltok som vanleg kursdeltakar. Vaidplante. Hurra, blå farge. Frå vaid og soppfargingskurset. Ulike soppfargar.

13 Lokale husflidslag i Møre og Romsdal Skildring av tiltaka: Husflidskonsulenten besøker lokale husflidslag rundt om i heile fylket med ulike emne. Det kan vere organisasjonsarbeid, forskjelleg fagstoff og aller helst tema som er satsingsområde i Norges Husflidslag. Dette året vart hovudvekta lagt på satsingsområdet Ullialt. Husflidskonsulenten gir også husflidslaga tips og idear til arbeidstema, til kurslærarar og andre fagpersonar rundt om i fylket og bidrar elles med råd og rettleiing. Mål: Vere bindeledd mellom ulike deler av organisasjonen og bidra med informasjon og kommunikasjon med lokallaga og lokallagsmedlemmer om aktuelle arrangement og hjelpe til med spørsmål av organisasjonsmessig og fagleg karakter. Resultat: Desse husflidslaga har hatt besøk av husflidskonsulenten i 2016: Sula Husflidslag, tvebandstrikking. Rauma Husflidslag, strikking og montering av strikkeplagg. Ørskog Husflidslag, 30 årsjubileum. I tillegg har husflidskonsulenten besøkt ni husflidslag med temakveldar om norsk ull (Rauma, Molde, Ålesund, Volda, Ørsta, Sunndal, Aukra, Frei og Storfjord). Om Ullialt, sjå eige tiltak. Det er 29 lokale husflidslag i Møre og Romsdal. Eitt husflidslag, Herøy og Sande har blitt lagt ned etter fleire år utan drift. Dei fleste kommunane i fylket har eit husflidslag. Mange av desse er svært aktive og har møte ein gong per veke. Andre husflidslag har mindre aktivitet og kan møtast td. ein gong per månad. Tal viser at det i 2015 var 633 arrangement fordelt på desse aktivitetane; temakveldar, medlemsmøte, turar, utstillingar, strikkekafear, museumsdagar, marknadsdagar og messe. I tillegg kjem kurs for både vaksne og barn/ungdom. Eitt husflidslag har eigen butikk som er ope heile året, mens fire andre har butikkar med redusert opningstid. Nokre husflidslag har eigne grupper som knivgruppe, quiltegruppe, tregruppe, vevgruppe og/eller Ung Husflid gruppe, m.a. var det 11 husflidslag som hadde eigne vevstover. Tre husflidslag eig lokala sine, mens resten av lokallaga i fylket anten har fast leigeavtale eller leiger lokale frå gong til gong. Spikking i med ungar.

14 Strategi: Sørge for godt internt samarbeid i organisasjonen Tiltak: Deltaking og samarbeid med husflidshandverkarar og husflidsbutikkar Husflidsbutikkane og husflidshandverkarar i fylket. Skildring av tiltaka: Konsulenten besøker dei fire husflidsbutikkane når ein er på reise i nærleiken. I tillegg bidrar ein med råd og rettleiing av fagleg karakter i telefon og på nettet til både butikkar og husflidshandverkarar. Mål: Vere bindeledd mellom ulike deler av organisasjonen og bidra med informasjon og kommunikasjon med husflidsbutikkane og handverkarar og hjelpe til med spørsmål av organisasjonsmessig og fagleg karakter. Resultat: Husflidskonsulenten har besøkt tre av dei fire husflidsbutikkane i fylket og gitt tilbod om kompetanseheving innan tema norsk ull til alle butikkane og dei tilsette. Husflidskonsulenten var initiativtakar til temakveld for Husfliden Kristiansund og lokale husflidslag nær byen (sjå Ullialt-prosjektet). Gjennom heile året har konsulenten svart på spørsmål og formidla kontakt til produsentar og husflidshandverkarar. Spørsmåla har stort sett vore av fagleg karakter forutan formidling om andre fagpersonar, produsentar, messer og utsalsstader. Veøyduken, smøygbroderi

15 Strategi: Sørge for godt samarbeid med eksterne samarbeidspartar Tiltak: Deltaking og samarbeid med kommunar/fylkeskommunen/museum/andre Skildring av tiltaka: Sende informasjon til og delta på aktuelle arrangement initiert av fylkeskommunen. Delta på andre aktuelle arrangement og samarbeid med andre i fylket som er med på å fremje husflid og handverk. Mål: Vere bindeledd mellom organisasjonen og eksterne samarbeidspartnarar. Halde seg orientert om kva som skjer i fylket innan tema husflid og handverk og andre nærliggjande tema. Resultat: Fylkeskommunen. Husflidskonsulenten deltok på seminar om integrering arrangert av fylkeskommunen. I tillegg bidrog konsulenten inn i høringssvar på ny fylkesplan som vart sendt til Møre og Romsdal fylkeskommune. Møre og Romsdal Fylkeskommune gir, via Møre og Romsdal Husflidslag, økonomisk støtte til stillinga som husflidskonsulent, og konsulenten rapporterer med årsmeldinga til fylkeskommunen. Årsmøte i Norges Linforening i Molde. Norges Linforening arrangerte årsmøte, salsutstilling, demonstrasjon og held foredrag på Romsdalsmuseet i april. Husflidskonsulenten deltok ein dag på denne samlinga. Synnøve Erdal, husflidshandverkar i Ålesund. Husflidskonsulenten var med på å planlegge ei markering av at det var 50 år sidan Synnøve Erdal starta opp som kurslærar innan vevfaget. På grunn av andre arrangement same helga, kunne konsulenten dessverre ikkje delta på sjølve markeringa. Veøy-duken. I november vitja Husflidskonsulenten Romsdalsmuseet og fekk sjå og fekk informasjon om Veøy-duken som i fleire år har vore til konservering på Salhus i Bergen. Denne alterduken er ein av tre middelalder-tekstilar i landet og blir no forsvarleg oppbevart i nye lokale på Romsdalsmuseet, Molde. Tanken bak denne synfaringa, var om denne unike tekstilen på ein eller annan måte kan bli trekt fram under landsmøte i Norges Husflidslag i Molde i 2018.

16 Drift: Fellessamlingar: Fag- og konsulentsamling: februar, Gardermoen Husflidskonsulenten planla, skaffa foredragshaldarar og instruktørar, søkte ut vaksenopplæringsmidlar og losa kollegar gjennom fagsamlinga som gjennom både praktisk og teoretisk tilnærming hadde tema norsk sau og ullfiberen. Samlinga hadde også ei økt med tema konsulentrolla. I samband med konsulentsamlinga deltok alle husflidskonsulentane saman husflidsbutikkar frå heile landet, på eit felles møte der ein drøfta ulike problemstillingar. Personalsamling: september, Vesterålen og Lofoten Tema: Ullialt-prosjektet, rolleforståelse, generell info og fagleg oppdatering gjennom konferansen North Atlantic Native Sheep and Wool. Besøk i utstillinga Ull og sau rundt Nord Atlanteren, Fatland Ull, Nordland, Lofotr Vikingmuseum og husflidshandverkarar og sauebønder i området. Landsmøte i Norges Husflidslag, juni Hamar. Konsulenten deltok som vanleg tilsett. Til dette landsmøte hadde konsulenten laga ein power-point om Møre og Romsdal fylke som vart vist på slutten av landsmøte som ein invitasjon og velkomst til Landsmøte i Molde Faglig utvikling: 29. april-1. mai: Treseminaret på Dovre: Deltaking på kurs i skjering av trykkblokker til ullstoff og skinnfell, sjå tiltak Raudlista. 27. febr: Deltaking på kurs arrangert av Sunnmøre Villsaulag. Tema: om villsauen og ulla som ressurs. I løpet av året har husflidskonsulenten også besøkt og fått omvising på Selbu Spinneri, Klæbu, Kriwi Vev, Tingvoll og Rauma Ullvarefabrikk, Åndalsnes. Teamarbeid / arbeid som teamleiar: Dei tilsette i organisasjonen er delt inn i team, og husflidskonsulenten er leiar for team opplæring. Arbeidsoppgåver er mellom anna planlegging, budsjettering, rapportering, drift og personalansvar i teamet. Teamleiaren sitt ansvar er også å planleggje og gjennomføre tiltak og arbeidsoppgåver i Strategisk plan som ligg til teamet og å kommunisere desse internt og eksternt. I 2016 var det til saman 5 medarbeidarar i opplæringsteamet. Dette året har ein hatt telefonmøte ca kvar 14. dag og 4 teammøte. Eit av desse teammøta vart lagt til Vågå, der vi besøkte Studieforbundet Kultur og Tradisjon og fekk god informasjon om studiearbeid. I samband med eit anna teammøte, vart det gjennomført eit dagskurs i Lokalwikipedia for alle i teamet. Det har blitt gjennomført medarbeidarsamtalar og diverse andre møter med kollegaene i teamet.

17 I leiarteamet samarbeider teamleiaren med administrerande direktør, dei to andre teamleiarane, barne- og ungdomskonsulenten, kurs og kompetanseutviklar og leiar for fellestenesta. Teamleiaren deltek på leiarmøta og spelar ei aktiv rolle i organisasjonen si strategiutvikling. Teamleiaren rapporterer tiltak og aktivitetar i opplæringsteamet til styret ca ein gong per kvartal. Det har blitt gjennomført fem leiarmøte i 2016 forutan telefonmøte. Konsulenten har ansvaret med oppdatering, oppfølging og eventuelt endring av timerapportertingsskjema for alle husflidskonsulentane. Fagutvala: Norges Husflidslag har 3 fagutval, -vev, tre, og bunad/folkedrakt. I mandatet til fagutvala står det at: «Norges Husflidslags fagutvalg skal holde seg godt orientert, komme med faglige råd, innspill og forslag til tiltak på fagfeltet som bør prioriteres. Fagutvalget legger en langsiktig strategi og handlingsplan for fire år, i tråd med strategisk plan. Samarbeider med Ung Husflid om tiltak og arbeidsoppgaver. Iverksetter tiltak/prosjekt.» Fagutvala ligg under team opplæring, og teamleiaren har som arbeidsoppgåve å fylgje opp og rapportere frå fagutvala. I 2016 planla og gjennomførte husflidskonsulenten saman med ad.min dir., eit felles møte for dei 8 tilsette som er med i dei ulike fagutvala. På møte vart det drøfta ulike problemstillingar som gjeld fagutvala. Slike møte vil ein fortsette med komande år. Driftsrutine: Husflidskonsulenten rapporterer om ressursbruk i kroner kvar månad, ressursbruk i tid kvart kvartal og statusrapport i høve til arbeidsplan kvart halvår. Arbeidsplanen vert lagt på bakgrunn av tiltak som er vedteke i Strategisk plan på Landsmøte. Sørvis: Gjennom heile året får husflidskonsulenten mange telefonar og e-postar med spørsmål frå medlemmar, lokallag, privatpersonar, andre organisasjonar og næringsdrivande. Etter beste evne vert det gitt hjelp og svar på desse spørsmåla. Handtein av cd-plate

18 Avslutning/vegen vidare: Aktiviteten i husflidslaga er jamt over god slik den har vore dei siste åra. Viss ein ser på talmaterialet frå 2015 som er rapportert inn gjennom årsmeldingane (tal frå 2016 er ikkje ferdig endå), viser dei at husflidslaga i fylket hadde i gjennomsnitt 21,8 arrangement i året. Dette var arrangement som medlemsmøte, aktivitetskveldar /- dagar, strikkekafear, utstillingar og turar. Aktivitetar som styremøte, kurs og ulike tiltak for barn og unge, kjem i tillegg til desse tala. Og når ein veit at desse tala ikkje er jamt fordelt på alle husflidslaga, er det imponerande kor mykje tid og krefter lag og enkeltpersonar legg ned av arbeid i den frivillige delen av husflidsrørsla. Dette er grunnfjellet for vidareføring av kulturarven innan husflid, og dette lover godt for arbeidet framover og for dei arrangementa som skal gjennomførast. Landsmøte i Norges Husflidslag er lagt til Molde i Sist det vart arrangert i Møre og Romsdal, var i Ålesund i Ein ventar omlag 130 deltakande, både frå fylkeslag, lokale husflidslag, husflidshandverkarar, husflidsbutikkar og andre inviterte frå heile landet. Difor vil dette arrangementet prege ein god del av jobben i Under landsmøtedagane vil deltakarane i tillegg til sjølve årsmøte, få tilbod om utstillingar, turar, kanskje salsmesse og minikurs, høve til vitjing av bedrifter som produserer materiell og husflidsprodukt. Det er viktig for arrangørlaget, Møre og Romsdal Husflidslag, å presentere fylket på ein framifrå måte. Ullialt vil og vere eit viktig arbeidsområde for husflidskonsulenten, både på nasjonal, regional og lokal plan. I løpet av dei to siste åra har over halvparten av lokallaga i fylket hatt besøk av husflidskonsulenten som har formidla kunnskap og fakta om norsk ull og ullfiberen. Prosjektet vil no dreie litt til også å omfatte skinn og skinnfell frå sauen. Lokalt vil ullgruppa fordjupe seg i tema om blokktrykk på ullstoff. Vi ynskjer å hente fram denne tradisjonen og vere med på å vise han fram og utvikle han vidare til nye produkt som kan passe inn i dagens formbilete. Husflidskonsulenten vil også i komande år sette fokus på å stimulere og å utvikle Ung Husflidsarbeidet i fylket. Målgruppa er primært vaksne som arbeider med barn, og dei vaksne må i større grad bli bevisst at dei er viktige kulturbærarar innan husflid og handverk. Får vi dei vaksne til å formidle den kunnskapen dei sit inne med, då kan yngre generasjonar finne gode opplevingar i å ha eit nær forhold til og utøve godt husflidshandverk. Takk til alle som bidrar til å utvikle husflidsrørsla i Møre og Romsdal, og ekstra takk til fylkeskommunen som gir økonomisk tilskot til husflidsarbeidet. Ålesund, 12. januar 2017 Husflidskonsulenten i Møre og Romsdal Randi Hole