ÅRSMELDING Årsmelding 2012, Husflidskonsulenten i Møre og Romsdal

Transkript

1 ÅRSMELDING 2012

2 Innhald: Organisasjonskart, fylket Strategisk plan, kjerneverdiar Arbeidsoppgåver: Fylkehusflidslag Lokale husflidslag Fylkeskommunen Andre tiltak; o 3xF, farge, form, funksjon o Ung Husflid, sentralt og i Møre og Romsdal o Nasjonale kurs/ kurslærarkurs o Diplom for godt handverk o Norges Linforening/ lindyrking Hareid/Ulstein Drift Avslutning og vegen vidare Husflidskonsulenten i Møre og Romsdal fylke er tilsett i 100 % stilling i Norges Husflidslag. Gjennom Møre og Romsdal Husflidslag gir Møre og Romsdal Fylkeskommune økonomisk tilskot til stillinga. Kontorstaden er Parkgata 1, 6003 Ålesund Telefon: E-post: moreogromsdal@husflid.no Organisasjonskart, fylket Norges Husflidslag ca medlemmer Møre og Romsdal Husflidslag 1476 medlemmer Lokale husflidslag 32 lokallag Husflidsbutikker 4 butikkar Husflidshåndverkere 10 husflidshandverkarar

3 Strategisk plan Visjon Virksomhetsidè Kjerneverdier Kjerneaktivitet Arbeidsområde Vi former framtida Vi styrker de levende husflidstradisjonene i Norge kulturelt, sosialt og økonomisk Kvalitet, tradisjon, nærhet, skaperglede Husflidsfag og næring Opplæring, organisasjonsutvikling og kommunikasjon Hovedmål NH skal være ledende aktør i Norge innen: Handlingsbåren kunnskap Kulturvern Næringshusflid Dette skal vi oppnå gjennom: Kjerneaktivitet: Husflidsfag Ta vare på og videreutvikle kunnskapen om, og ferdighetene innen tradisjonshåndverk. Tilby flere husflidsaktiviteter som gir skaperglede for barn og unge. Videreutvikle nye husflidsprodukter i dagens formspråk. Ivareta det tradisjonelle formspråket. Næring Bedre rammebetingelsene for produsenter og salgsleddene. Økt kunnskap om kulturhåndverk i befolkninga. Økt fokus på husflidsprodukter og opplevelse knyttet til produksjonen. Økt verdiskaping i produksjon og salg.

4 Arbeidsområde Kommunikasjon Strategi Sørge for godt internt samarbeid i organisasjonen mellom fylkeslag, konsulent, husflidshandverkar og husflidsbutikkar Tiltak /tiltaka Fylkeshusflidlaget, årsmøtet, styremøter Fylkeshusflidslaget, andre arrangement Skildring av tiltaket /tiltaka: Husflidskonsulenten deltek på styremøte, årsmøtet og på andre arenaer initiert av eller saman med fylkeshusflidslaget. Mål: Stimulere til ulike husflidsaktivitetar i Møre og Romsdal og gje fagleg råd og rettleiing. Utveksle informasjon, samarbeide om tiltak og vere bindeledd mellom fylkeslaget, lokale husflidslag og Norges Husflidslag sentralt. Resultat: Styremøter og årsmøte: Husflidskonsulenten har delteke på 7 styremøte og på årsmøte for Møre og Romsdal Husflidslag i Surnadal. Årsmøte vert nytta som ein informasjonsarena og til utveksling av erfaringar og problemstillingar med lokale husflidslag. Organisasjonskurs: Årleg arrangerer Møre og Romsdal Husflidslag organisasjonskurs for lokale husflidslag. Desse kursa går på omgang i dei ulike delane av fylket, og innhaldet er forskjellig organisasjonsarbeid. I 2012 vart det arrangert kurs i Ålesund. Husflidskonsulenten hjelpte til med organiseringa av kurset og var i tillegg kurslærar. Innhaldet i dette kurset var oppbygging av organisasjonen, vedtekter, strategisk plan og arbeidsoppgåver til fylkeslaget og om arbeid for tillitsvalde i lokale husflidslag. Tiltaket vidareførast. Samarbeidsmøte: Saman med fylkeshusflidslaget har konsulenten sett på om ein kunne få i gang eit felles tiltak i Møre og Romsdal for alle delar av organisasjonen, - husflidshandverkarane, husflidsbutikkane, lokale husflidslag, fylkeshusflidslaget og husflidskonsulenten. Vi hadde fleire møter og ein ringerunde for å lodde stemninga og for å lufte forslag til tiltak. Det vart avgjort at ein skulle skipe til ein fagdag i september 2013 over tema 3xF, - form, farge, funksjon.

5 Kurshelg: Møre og Romsdal Husflidslag er ein dyktig kursarrangør. Hausten 2012 vart det arrangert vaksenopplæingskurs med tema jul. Kurset inneheldt eit djupdykk i juletradisjonane våre. Ein såg på symbolikken i jula, gjenstandskulturen knytt til jula, endringar i juletradisjonane og i tillegg vart det laga både tradisjonelle og nyskapande juleprodukt av ulike materiale. Kurslærarane som var henta frå Austlandet har hatt tilsvarande kurs rundt om i landet i over 20 år. Konsulenten hjelpte til med planlegginga av kurset, men hadde ikkje spesielt ansvar under sjølve kurset, men deltok saman med personar frå husflidslaga i fylket. Frå julekurset 2012

6 Arbeidsområde Kommunikasjon Strategi Sørge for godt internt samarbeid i organisasjonen mellom fylkeslag, lokallag, konsulent, husflidshandverkar og husflidsbutikkar Tiltak /tiltaka Lokale husflidslag Skildring av tiltaket /tiltaka: Husflidskonsulenten besøker lokale husflidslag rundt om i heile fylket med ulike emne. Det kan vere tema organisasjonsarbeid, forskjelleg fagstoff og aller helst tema som er satsingsområde i Norges Husflidslag. Dette året vil hovudvekta bli lagt på satsingsområdet 3xF,- form, farge, funksjon. Husflidskonsulenten gir husflidslaga tips og idear til arbeidstema, til kurslærarar og andre fagpersonar rundt om i fylket og elles bidrar med råd og rettleiing. Mål: Vere bindeledd mellom ulike deler av organisasjonen og bidra med informasjon og kommunikasjon med lokallaga og lokallagsmedlemmer om aktuelle arrangement og hjelpe til med spørsmål av organisasjonsmessig og fagleg karakter. Resultat: Desse husflidslaga har hatt besøk av husflidskonsulenten i 2012: Sula Husflidslag, tema om bruk av restegarn. Surnadal Husflidslag, deltaking på handverksmesse med husflidsaktivitetar for barn. Hareid og Ulstein Husflidslag, tema om lin ( sjå også eige tiltak). I tillegg har konsulenten besøkt desse husflidslaga med tema 3xF - form, farge, funksjon ( sjå også eige tiltak): Sula Husflidslag, Aukra Husflidslag, Ørskog Husflidslag, Eresfjord Husflidslag, Sykkylven Husflidslag, Averøy Husflidslag, Hareid/ Ulstein Husflidslag, Tingvoll Husflidslag, Ålesund Husflidslag, Rauma Husflidslag, Ørsta Husflidslag og Molde Husflidslag. Det er 32 lokale husflidslag i Møre og Romsdal. Nesten kvar kommune har eit husflidslag. Mange av desse er svært aktive og møtast frå ein gong per månad til ein gong per veke, mens andre husflidslag har mindre aktivitet. Aktiviteten rundt om i fylket er oftast temakveldar, medlemsmøte, turar, utstillingar og messe. Nokre husflidslag har eigne grupper som knivgruppe, quiltegruppe, tregruppe og vevgruppe og/eller Ung Husflid gruppe. Nokre av lokallaga har fast lokale med eiga vevstove.

7 Arbeidsområde: Kommunikasjon Strategi Sikre informasjon til og god dialog med politikarar og offentlige administrasjon i fylker og kommunar Tiltak/tiltaka Fylkeskommunen Skildring av tiltaket /tiltaka: Sende informasjon til og delta på aktuelle arrangement initiert av fylkeskommunen. Dette året vil ein prøve å få eit felles møte med representantar for fylkeskommunen. Mål: Ha eit godt samarbeid med fylkespolitikarar og administrasjon. Resultat: I september månad var det eit møte med Kulturavdelinga/fylkeskommunen. Dei som møtte var ass. fylkeskultursjef Øivind Schanke, ad.min.dir. i Norges Husflidslag Marit Jakobsen, leiar i Møre og Romsdal Husflidslag Åse Uran og husflidskonsulenten. Vi drøfta samarbeid, felles arenaer og ulike problemstillingar knytt til satsingsområde for fylkeskommunen og husflidsrørsla i Møre og Romsdal. Møre og Romsdal Fylkeskommune gir via Møre og Romsdal Husflidslag økonomisk støtte til stillinga som husflidskonsulent, og konsulenten rapporterer med årsmeldinga til fylkeskommunen.

8 Arbeidsområde Opplæring Strategi Lage og videreutvikle arenaer for kunnskap, dugleik og skaperglede Tiltak /tiltaka 3xF, farge, form,funksjon Skildring av tiltaket /tiltaka: 3xF - form, farge, funksjon er Norges Husflidslag sitt nye satsingsområde. Ei prosjektgruppe har lagt føringar for tiltaket og husflidskonsulentane har fått tildelt verktøy, tips og idear for å føre prosjektet ut i fylka til medlemsgruppene. Mål: Bevisstgjøring og kompetanseheving innen form, farge, funksjon i alle nivå av organisasjonen. Delmål: I 2014 skal alle ansatte i Norges Husflidslag ha et bevisst forhold til hvordan Norges husflidslag kommuniseres og presenteres utad. Det skal arbeides for at alle medlemsgrupper skal oppnå same bevisstgjøring. I 2014 skal alle medlemmer i Norges Husflidslag ha en tydelig bevisst holdning til bruk av farge, form og funksjon i husflids- og håndverkarbeid. Resultat: 3xF form, farge, funksjon har vore eit av dei store satsingsområda i fylket dette året. Husflidskonsulenten har besøkt 12 husflidslag rundt om i fylket der tema har vore fargar. Gjennom temakvelden har deltakarane fått meir kunnskap om fargelære, om korleis fargane påverkar på kvarandre og omgjevnaden, og dei har fått øvd seg i å setje saman fargar for å oppnå eit ønska uttrykk. I nokre husflidslag har konsulenten også snakka om oppblomstringa av klesmøll. Husflidskonsulenten har og vore samtalepartnar, har kome med innspel og tilbakemeldingar til prosjektgruppa. Prosjektet vert ført vidare til alle deler av organisasjonen i fylket i 2013, men då med hovudvekt på form og funksjon. Frå 3xF, tema farge - om komplementærfargar

9 Arbeidsområde Opplæring Strategi Utvikle et godt opplæringsprogram for instruktørar som skal formidle husflid til barn og unge Arrangere kurs for instruktørar som formidlar husflid til barn og unge. Vidareutvikle opplæringa i husflid gjennom handlingsboren kunnskap. Tiltaka Ung husflid sentralt og i Møre og Romsdal Skildring av tiltaket: Husflid for barn og ungdom, Ung husflid, er eit satsingsområde og prioritert arbeidsoppgåve. Sentrale og lokale tiltak: o Vere diskusjons- og samtalepartnar med barne- og ungdomskonsulenten i Norges Husflidslag. o Utvikle og revidere innhaldet i kurset for barneinstruktørar. o Planlegge og gjennomføre kurs for barneinstruktørar i region midt-noreg våren o Hjelpe til under planlegging og gjennomføring av Redesignkurs i Surnadal for ungdom frå husflidslag og 4 H. o Vere kurslærar/ instruktør innan ulike aktivitetar for barn i Norges Husflidslag og i andre grupperingar enn Norges Husflidslag. Våren 2012: Kurslærar i spikking på Leirskulen Gjermundnes. Kurslærar i spikking for barn under Nordisk Treseminar. Sumaren 2012: Spinnvill-veke på Romsdalsmuseet Mål: Husflidsaktivitetar som gir skaparglede er ein del av alle barn og unge si læring. Delmål: o o Motivere lokallaga til å danne barnegrupper og formidle husflid til barn. Formidle kompetanse, pedagogikk og metodikk til vaksne som arbeider med husflidsfag for barn, i Norges Husflidslag og eksternt. Resultat: Konsulenten har gjennom heile året vore samtale- og diskusjonspartnar for barne- og ungdomskonsulenten i Norges Husflidslag. Innhaldet i kursa for barneinstruktørar trong ei revidering. Husflidskonsulenten i Møre og Romsdal har saman med kollegaen i Vestfold arbeid med forslag til revidering og oppjusteringa av innhaldet av opplæinga for barneinstruktørar i Norges Husflidslag. Gimber og Katta slår til igjen, - kurs for barneinstruktørar frå region midt- Noreg. Kurset vart gjennomført i Surnadal i april med 28 deltakarar kor av 19 frå Møre og Romsdal. I kurset var der 4 forskjellege aktivitetar som biletvev for barn, enkel snekring, brikkevev og symaskin for barn. Sistnemnde aktivitet var knytt til Norges Husflidslags si bok, Symaskin + barn = gøy. I tillegg til praktisk arbeid var der teori om korleis arbeide med og formidle husflid til barn i lokale husflidslag, ei informasjonsøkt, utstilling av arbeid laga av barn i Ung Husflid-gruppene og erfaringsutveksling. Til dei ulike aktivitetane var der og økter med praktisk pedagogikk. For å

10 engasjere ungdommar som er for gamle til barnegruppa i Surnadal Husflidslag, tilbydde Møre og Romsdal Husflidslag gratis kurs for desse ungdommane. Ei jente deltok. Husflidskonsulenten og Møre og Romsdal Husflidslag samarbeide om planlegging og gjennomføring av tiltaket. Dette var 5. gongen Trøndlagsfylka og Møre og Romsdal samarbeid om dette kurset. Evalueringa viser at ein ynskjer å forsette dette samarbeidet, og stafettpinnen går no vidare til Sør-Trøndelag. Parallelt med kurset for barneinstruktørar var det same helg arrangert redesign-kurs for ungdom. Dette var ei del at eit nasjonalt samarbeidsprosjekt mellom Norges Husflidslag og 4H-Norge. I løpet av året skulle det gjennomførast 3 kurs i redesign for ungdom, og det første kurset var i Møre og Romsdal / Surnadal. 9 jentar mellom år deltok, og dei fekk god erfaring i bruk av symaskin, i tillegg til at dei fekk sydd seg nye antrekk. Husflidskonsulenten hjelpte til med praktisk planlegging, marknadsføringa og litt gjennomføring. Kurset fekk svært god tilbakemelding frå ungdommane sjølve. Prosjektet er avslutta. Frå kurs for barneinstruktørar, Surnadal Frå redesign-kurset for ungdom Konsulenten har planlagt og gjennomført 2 spikkekurs på Leirskulen på Gjermundnes. Til saman deltok 46 elevar på desse spikkekursa. Elevane kom frå det øvste trinnet i barneskulen, og dei hadde stort sett lite erfaring med å spikke/smi. På kurset spikka elevane kakestikker, veggkrokar og pinneringspel (ei gamal leike) og fekk innføring i ulike spikkegrep og god knivbruk. Nordisk treseminar er eit samarbeid mellom Norges Husflidslag og Senter for bygdekultur AS, Dovre. Treseminar er lagt til Bygningshistorisk Park, Hjerleid v.g.s og Toftemo Turiststasjon, Dovre. Tema har vore relatert til treet som materiale, gamle handverksteknikkar og bruk av tradisjonelt verktøy, alt med stor vekt på det praktiske. Teori har kome som eit utfyllande supplement. Treseminaret har hatt eige verkstadtilbod til barn, og smikurs for ungdom. Husflidskonsulent i Møre og Romsdal og kollegaen frå Nord-Trøndelag hadde ansvar for planlegging og gjennomføring av spikkeverkstaden for barn. 15 ungar frå 5. klasse Dovre skule deltok på praktiske spikkeaktivitetar og fekk innføring i spikkegrep og god knivbruk.

11 Spinnvill-veke. Husflidskonsulenten tok initiativ til aktivitets- og handverksveke for barn mellom 8-12 år. Med på laget vart Molde Husflidslag og Romsdalsmuseet, og tiltaket fekk namnet Spinnvill-veke. Fyrste veka i sommarferien vart aktiviteten gjennomført med 5 forskjellege temadagar, -ulldag, matdag, tur og musikdag, tredag og Hjertøydag med m.a. fisking og bading. Aktivitetane gjekk føre seg hovudsakleg på Romsdalsmuseet, i Moldemarka og på Hjerøya. 26 barn deltok. Alle partane planla og gjennomførte tiltaket i samarbeid. Der ein ikkje hadde eigen kompetanse, vart det henta inn personar knytt til museet. Husflidskonsulenten var ansvarleg og aktivitetslærar for dagane med tema ull, tur og tre. Vi fekk gode tilbakemeldingar frå ungane og foreldre, og tiltaket vil bli litt justert og vidareført i Frå Spinnvill veke på Romsdalsmuseet, Molde I Møre og Romsdal er det 32 lokale husflidslag, og av desse har dei fleste tilbod for barn på ein eller annan måte. Mange lokallag har faste tilbod til både barnemedlemmer og ikkje barnemedlemmer ein periode på hausten og ein periode på våren, mens andre lokallag har meir sporadiske tilbod for barn. Ved årsskiftet hadde Møre og Romsdal 73 barnemedlemmer (0-14 år) og 87 ungdomsmedlemmer (14-26 år).

12 Arbeidsområde Opplæring Strategi Lage og vidareutvikle arenaer for kunnskap, dugleik og skaparglede Tiltak /tiltaka Lage en plan for gjennomføringa av nasjonale kurs som gjennomføres regionalt i samarbeid med fylkeslag/ kurslærarkurs. Skildring av tiltaket /tiltaka: Sidan Holmen Gard ikkje lenger vert brukt som kursstad, treng Norges Husflidslag ein ny plan for gjennomføring av kurs i organisasjonen. Husflidskonsulenten i Møre og Romsdal samarbeider med kurs og kompetanseansvarleg og kollegaen i Oppland om å lage ei oversikt/plan. Mål: Kartlegge kurs i organisasjonen og ev. lage ein plan for vidare satsing. Resultat: Då Norges Husflidslag fekk attende ein person i stillinga som kurs og kompetanseansvarleg, starta arbeidet med kursutvikling opp att. I samarbeid med kurs og kompetanseansvarleg og husflidskonsulenten i Oppland har ein hatt 2 fysiske møte samt fleire telefonmøte. Resultatet er ei samla oversikt over opplæringstiltak i organisasjonen i Desse strekker seg frå lokale og regionale fagkurs og organisasjonskurs, til kurs for kurslærarar, kurs innan satsingsområda, kurs for handverkarar og butikkar, modulbaserte kurs i vev og bunad/folkedrakt, kurs for lærarar på lærarstemne med meir. Møre og Romsdal Husflidslag og lokale husflidslag i fylket arrangerte til saman 59 kurs i 2012 med til saman 1387 kurstimar og 429 deltakarar. Emneområde som hadde flest kurs var lappeteknikk, vev trinn 1, skinnfellsaum, bunadsskjorte, og tekstil/saum. Kurslærarkurs. På tampen av året redigerte og oppdaterte konsulenten i samarbeid med Studieforbundet Kultur og Tradisjon og kurs og kompetanseansvarleg malen og innhaldet i kurslærarkursa i organisasjonen. Husflidskonsulenten har starta planlegginga av kurslærarkurs i Møre og Romsdal i 2013.

13 Arbeidsområde Opplæring Strategi Lage og vidareutvikle arenaer for kunnskap, dugleik og skaparglede. Tiltak /tiltaka Diplom for godt håndverk. Skildring av tiltaket /tiltaka: Norges Husflidslag har i mange år utgitt Diplom for godt arbeid til husflidshandverkarar og andre utøvarar på messer og utstillingar. Eit forslag til revidering av retningsliner ligg føre, og konsulenten har tatt saka vidare til leiargruppa. Mål: Endre retningslinene i tiltaket Diplom for godt arbeid i von om at utmerkinga skal bli enklare å dele ut. Resultat: I samarbeid med husflidskonsulentane i Nord- og Sør-Trøndelag har retningslinene i tiltaket blitt endra. Frå 2012 har tiltaket skifta namn til Diplom for godt håndverk. Når sjølve diplomet er på plass på nyåret 2013, vil det bli mogleg å dele ut denne utmerkinga på fleire større arrangement rundt om i landet.

14 Arbeidsområde Organisasjonsutvikling Strategi Være en aktiv deltakar i relevante norske, nordiske og internasjonale nettverk Tiltaka Kontaktperson Norges Linforening/ lindyrking i Hareid-Ulstein Husflidslag Skildring av tiltaket: Konsulenten er kontaktperson for organisasjonen til Norges Linforening og har som arbeidsoppgåve å følgje opp samarbeidstiltak. Nokre husflidslag rundt om i landet vil dyrke lin dette året. Husflidskonsulenten vil spesielt følgje opp Hareid og Ulstein husflidslag som vil dyrke lin og prøve seg på prosessen frå frø til tråd. Mål: Samarbeide med Norges Linforening om tiltak som aukar kompetansen på fagområdet som synliggjøre begge organisasjonane. Resultat: Husflidskonsulenten har koordinert og rapportert til organisasjonane på framdrifta i linprosjekta rundt om i landet. Fleire medlemmer i Hareid og Ulstein husflidslag har dyrka lin i sommar. Resultatet har variert m.a. på grunn av ugunstig sommarver og lite erfaring med å dyrke lin. På hausten vart linen røska og tørka. I november deltok konsulenten saman med ein representant frå linforeininga i Hareid og Ulstein husflidslag, der linen vart rispa (frø skilt frå strå). Konsulenten har fora husflidslaget med materiell og litteratur, lånt ut reiskap og vil neste år følgje opp lokallaget i arbeidet med framstilling frå strå til tråd. Frå frørispinga i Hareid-Ulstein Husflidslag

15 Drift: Fellessamlingar: Konsulent og personalsamling: april, Gardermoen Tema var omdømmebygging og posisjonering, ulike prosjekt og tiltak, driftsoppgåver og praktisk innføring i boka Symaskin + barn =gøy. Landsmøte, juni, Førde Årsmøte, utstillingar, aktivitetar for barn, besøk Audhild Vikens vevstove og utsal, og Astruptunet. Nordisk Vevsymposium, august, Stockholm Deltaking og besøk i fleire utstillingar i samband med Svensk Hemslöjds 100 år jubileum. Personalsamling: september, Sandvika Her var tema delingskultur, delingskunnskap, organisasjonskurs, prosjekt og tiltak. Faglig utvikling: Maihaugen, Lillehammer, 19. okt. Deltaking på seminaret Tradisjonens meditative rom, et miniseminar i håndverksteknikk, arrangert av Løft håndverket som arbeider for å fremme tradisjonsbasert handverk. Sektorarbeid/ arbeid som sektorleiar: Konsulenten er leiar for sektor for husflidsfag og har ansvar for arbeidsplanlegging, budsjettering, rapportering, drift og personalansvar i sektoren. Sektorleiaren sitt ansvar er også å planleggje og gjennomføre tiltak og arbeidsoppgåver i Strategisk plan som ligg til sektoren og å kommunisere desse internt og eksternt. I 2012 var det 6 medarbeidarar i husflidsfagssektoren. Husflidskonsulenten i Nordland gjekk av med AFP, og ny husflidskonsulent vart tilsett. Saman med fadder har sektorleiaren følgt opp den nytilsette. Dette året har vi hatt 4 sektormøte, forutan eit kort møte i samband med Vevmessa i Stockholm. Sektoren har telefonmøte ca 2 gongar per månad og elles ved behov. I leiarteamet samarbeider sektorleiaren med administrerande direktør, dei 2 andre sektorleiarane, leiar for fellestenesta, barne- og ungdomskonsulenten og kurs og kompetanseansvarleg. Sektorleiaren deltek på leiarmøta og spelar ei aktiv rolle i organisasjonen si strategiutvikling. Sektorleiaren rapporterer tiltak og aktivitetar i sektoren til styret ca 1 gong per kvartal. Det har blitt gjennomført 5 leiarmøte i 2012 forutan telefonmøte ca kvar 14. dag. Fagutvala: Norges Husflidslag har 3 fagutval, -vev, tre, og bunad/folkedrakt. I mandatet til fagutvala står det m.a: at Norges Husflidslags fagutvalg skal holde seg godt orientert, komme med faglige råd og innspill til organisasjonen om tiltak på fagfeltet som bør prioriteres, og bidra til at tiltakene gjennomføre. Fagutvala ligg under sektor for husflidsfag, og sektorleiaren har som arbeidsoppgåve å fylgje opp og rapportere frå fagutvala. I oktober deltok sektorleiaren på møte i Akershus Husflidslag i samband med samarbeid mellom Norges Husflidslag, fylkeshusflidslag og husflidskonsulenten i Akershus.

16 Driftsrutine: Husflidskonsulenten rapporterer om ressursbruk i kroner kvar månad, ressursbruk i tid kvart kvartal og statusrapport i høve til arbeidsplan kvart halvår. Arbeidsplanen vert lagt på bakgrunn av tiltak som er vedteke i Strategisk plan på Landsmøte. Sørvis: Gjennom heile året får husflidskonsulenten mange telefonar og e-postar med spørsmål frå medlemmar, lokallag, privatpersonar, andre organisasjonar og næringsdrivande. Etter beste evne vert det gitt hjelp og svar på desse spørsmåla.

17 Avslutning / vegen vidare: Også dette arbeidsåret har vore fylt opp av interessante og utfordrande oppgåver. Når ein ser på oppsummeringa ser ein at svært mange av arbeidsoppgåvene på ein eller annan måte er knytt til Ung husflid-arbeid. Mange husflidslag har aktivitetar for barn, men desse lokallaga er geografisk plassert anten midt eller nord i fylket. Difor vil husflidskonsulenten i samarbeid med fylkeshusflidslaget arrangere kurs for barneinstruktørar sør i Møre og Romsdal i løpet av Med dette vonar vi at lokale husflidslag sør i fylket i større grad enn no, vil arbeide med fleire og helst faste tilbod for barn. Ei god og interessant erfaring å ta med seg, var også redesign-kurset for ungdom. Ungdommar har så å seie vore fråverande i husflidslaga. Men no har 2-3 husflidslag klart å engasjere nokre ungdommar i lokallaga sine med aktivitetar og som medhjelpar i barnegruppene. Eit husflidslag som hadde fleire ungdommar på redesign-kurset, har og vidareført dette arbeidet lokalt. Ei utfordring og viktig oppgåve blir difor å inspirere lokallaga til å arbeid med både barn og ungdommar. Spinnvill-veke i Molde vil bli vidareført. Erfaringane derifrå vil bli tatt med i planlegginga, og konsulenten vil i komande år undersøke om ein kan få i gong ei tilsvarande veke ein annan stad i fylket. Ei anna prioritert arbeidsoppgåve er kurslærarkurs. Frå tidlegare undersøkingar veit vi at kurslærarane våre er svært dyktige og har lang erfaring, men dei har gjennomsnittleg høg alder. For å bøte på dette vil ein i større grad satse på kurs for både etablerte og nye kurslærarar. Kurslærarkurset som er under planlegging i Møre og Romsdal, er lagt nord i fylket og vil i første omgang vere eit tilbod til personar i eige fylket og i Sør-Trøndelag. Det er plan om å gjennomføre tilsvarande kurs to andre stader i land i Med meir satsing på kurslærarkurs komande år, vil ein forhåpentlegvis rekruttere nye og dyktige fagpersonar som kurslærarar. Takk til alle for alt samarbeid i 2012, og takk til fylkeskommunen som bidrar økonomisk til husflidsarbeid i fylket. Ålesund, 08. jan 2013 Husflidskonsulenten i Møre og Romsdal Randi Hole