Indre Hordaland jordskifterett. Rettsbok. Sak: BREKKHUS. Gnr. 379 i Voss kommune. Oppstarta:

Transkript

1 Indre Hordaland jordskifterett Rettsbok Sak: BREKKHUS Gnr. 379 i Voss kommune Oppstarta: Avslutta:

2 INKAMINASJONSMØTE Rettsmøtedag: Stad: Jordskifteretten sine lokal i Voss Sak nr.: BREKKHUS gnr 379 i Voss Saka gjeld: Krav om sak etter jordskiftelova 2c (bruksordning) Jordskiftedommar: Tore Fykse, som einedommar etter jordskiftelova 9 andre ledd. Protokollførar: Saka er kravd av: Til handsaming: Partar: Jordskiftedommaren Torstein Trå og Sjur Brækhus Gjennomgang av kravet Fremming av saka Drøfting av bruksordningsreglar Eigar av gnr. 379/1, Sigvald Lien, Rekvesvegen 83, 5700 VOSS Eigar av gnr. 379/2, Gunnar Sigvald Brekkhus, Teigdalsvegen 861, 5707 EVANGER Eigar av gnr. 379/3, Eivind Idar Brekkhus, Teigdalsvegen 888, 5707 EVANGER Eigar av gnr. 379/4, Jan Gunnar Botten Århus, Teigdalsvegen 914, 5707 EVANGER Eigar av gnr. 379/6, Sjur Brækhus, Teigdalsvegen 894, 5707 EVANGER Eigar av gnr. 379/7, 379/10, Torstein Trå, Teigdalsvegen 878, 5707 EVANGER Eigar av gnr. 379/8, Svein Lien, Brekkhuslii 53, 5707 EVANGER Eigar av gnr. 379/9, Kjellaug Ekse Brekkhus, Teigdalsvegen 892, 5707 EVANGER Eigar av gnr. 379/17, Bergljot Brekkhus Eigar av gnr. 379/17, Gudrid Brekkhus, 6843 SKEI I JØLSTER Eigedomane ligg i Voss kommune. Til stades: Sigvald Lien, Gunnar Sigvald Brekkhus, Eivind Idar Brekkhus, Jan Gunnar Botten Århus, Torstein Trå, Sjur Brækhus som og møtte med fullmakt frå Svein Lien og Kjellaug Ekse Brekkhus, Gudrid Brekkhus som og møtte med fullmakt frå Bergljot Brekkhus. Frå jordskifteretten møtte og avd.ing. Sigbjørn Hauge. Dei andre partane var lovleg innkalla, men møtte ikkje. På spørsmål frå jordskiftedommaren hadde ingen merknader til innkallinga til møtet eller til måten retten var samansett på. Ingen kjende til noko som kunne tilseie at retten var inhabil BREKKHUS gnr 379 Indre Hordaland jordskifterett 1

3 Retten vart erklært for lovleg sett. Partslista vart gjennomgått. Følgjande dokument vart framlagde: 1 Krav om jordskifte datert vedlagt kopi av utkast til avtale mellom grunneigarane under gnr. 379 og Voss Energi AS om utvikling av vasskraftverk i Storegroe. 2 Brev datert frå jordskiftereten til partane med forkynning av motteke jordskiftekrav. 3 Brev datert frå jordskifteretten til partane med innkalling til møtet i dag. Vedlagt brevet fylgde A. Orientering om reglane i jordskiftelova som gjeld bruksordning, m.a. i samband med kraftutbygging. B. Generelle reglar utkast til bruksordningsreglar som kan vera eit utgangspunkt ved evt. drøfting av slike reglar. Partane la fram: 4 Fullmakt datert frå Svein Lien til Sjur Brækhus 5 Fullmakt datert frå Kjellaug E. Brekkhus til Sjur Brækhus 6 Fullmakt datert frå Bergljot Brekkhus til Gurid Brekkhus Dokumenta vart gjennomgått i nødvendig grad. Rekvirentane Sjur Brækhus og Torstein Trå orienterte om bakgrunnen for saka og det innleverte jordskiftekravet. Eigarforholda til Storagroe er avklara i tidlegare sak. I ettertid har det vore drøftingar med fleire interessentar om utbygging av kraftverk. Forhandlingane er ført lengst med Voss Energi der fleire alternative løysingsforslag med ulike utnyttingsgrader er vurderte. Resultatet er at det no ligg føre ein intensjonsavtale med Voss Energi om utbygging som dei fleste grunneigarane har slutta seg til. Sidan alle grunneigarane ikkje har underteikna intensjonsavtalen, er ein komne til at det bør skipast eit fall- og grunneigarlag. Dei sette fram slik påstand: Saka vert fremja i samsvar med kravet. Gunnar Sigvald Brekkhus var og positiv til utbygging i regi av Voss Energi. Han hadde så langt ikkje underteikna avtale fordi han ynskte avklaring av nokre forhold særleg i høve til pkt 6.9 i intensjonsavtalen. Han peika m.a. på den store bygningsmassen han har ved elva og at det må avklarast tilstrekkeleg flaumsikring i samband med utbygginga. Vidare at gardsbruket må vera sikra reint og tilstrekkeleg vatn til hushald og drift. M.a. slike forhold må vera avklara før han kan skriva under på nokon avtale. Han slutta seg til at saka vert fremja. Gudrid Brekkhus opplyste at gnr. 379 bnr. 17 også har vassforsyning frå Storagroe og at også denne eigedomen må vera sikra reint og tilstrekkeleg vatn etter evt. utbygging. Ingen av partane sa i mot at saka vert fremja BREKKHUS gnr 379 Indre Hordaland jordskifterett 2

4 Jordskifteretten tok deretter opp spørsmålet om fremjing av saka og gjorde slikt vedtak Jordskifteretten har heimel etter jskl 2 c nr. 1 til å gi reglar om bruken i området der det er sambruk mellom eigedomar og på den måten leggja forholda til rette for at eigarane lettare kan utnytta ressursar som dei har felles og skapa inntekter av eigedomane sine. Jordskiftekravet gjeld skiping av slik bruksordning. Ei bruksordning for jordskifteretten, vil gå ut på etablering av eit grunneigarlag/falleigarlag som vert styrt etter reglar gjeve av jordskifteretten. Andelane i eit slikt grunneigarlag vert gjort etter avtale mellom grunneigarane eller fastsett av retten Grunneigarlag/falleigarlag kan vedta å byggja ut i eigen regi (sams tiltak), evt. leiga bort fallretten til eit driftsselskap der falleigarane kan ha større eller mindre eigarinteresser. Når det gjeld utbygging, syner jordskifteretten til jordskiftelova 34 b, 3. ledd som har slik ordlyd: Tiltak som kan innebere stor risiko, kan berre gjennomførast av eit driftsselskap. Laget tek avgjerd om gjennomføring ved fleirtalsvedtak. Kvar av deltakarane har rett til å vera med i driftsselskapet så langt det svarar for høvetalet. Om nokon vil vere med som ikkje røysta for, skal dei seie frå så snart som råd er og seinast 3 veker etter at skriftleg melding om vedtaket med opplysning om denne fristen. Driftsselskapet skal svare vederlag for utnyttingsretten til laget, som fordeler dette til deltakarane etter høvetalet deira. Utbygginga i Storagroe er av ein slik storleik at det berre kan gjennomførast av eit driftsselskap. Det er retten sitt syn at partane og falleigarane ikkje kan tvingast med i eit driftsselskap. Men partane skal ha høve til å velje om dei vil vere med eller ikkje i driftsselskapet. Vel nokon av partane å stå utanfor skal dei ha vederlag for den ressursen som ein stiller til rådvelde for driftsselskapet. Vederlaget som skal svarast, skal baserast på marknadsverdi. Sjølve bruksordninga tvingar såleis ikkje partane inn i ein tapsrisiko som gjer at retten må finrekne på lønsemda i dette kraftprosjektet. Det er partane sjølve som tek avgjerd om dei vil delta i eit driftsselskap, ut frå eigen risikovurdering. Det er ingen direkte risiko å berre leige ut fallretten sin. Det som i så fall er risikoen er at fallrettane kunne ha vorte leigt ut til eit kraftprosjekt som gav høgare avkastning enn det som er planlagt. Når det gjeld utleigevilkåra er det retten si oppgåve i bruksordninga å syta for at alle partane i bruksordninga får marknadsleige for dei ressursane dei stiller til rådvelde. Derimot vil bruksordninga tvinga partane inn i eit samarbeid om utnyttinga av ressursar som dei kvar for seg elles ikkje kan utnytta på ein tenleg måte på grunn av eigedomstilhøva. Retten er komen til at saka kan gjennomførast som ei bruksordning etter reglane i 2 c, jfr. 34 og 35 h. Området er i kommuneplanen utlagt som LNF-område. Det har tidlegare vore påpeika at aktuell bruk av området er skogsdrift og beite. Utnytting av vassressursane til kraftproduksjon kan ein ikkje sjå vil skapa vanskar for at denne bruken kan halda fram som BREKKHUS gnr 379 Indre Hordaland jordskifterett 3

5 før. Etter det som er kome fram så langt, er det ikkje alternativ inntektsbringande utnytting av vassfallet eller tilgrensande område som kan gje større avkasting enn kraftutbygging. Jordskifteretten si vurdering er at eigarane ikkje vil koma til å lida tap ved ei bruksordning som gjeld utnytting av fallrettar m.m. Retten er etter dette komen til slik slutning: 1. I medhald av jskl 14 vert sak fremja som bruksordning etter jordskiftelova 2, bokstav c, nr 1. Saka gjeld fallrettane i Storagroe tilhøyrande eigedomar gnr. 379 i Voss. Bruksordningsreglar: Retten tok deretter opp bruksordningsreglane og saman med partane vart det utsende framlegget gjennomgått. Framlegget vart endra på ein del punkt. Nytt utkast med innarbeidde endringar skal sendast partane til uttale før jordskifteretten arbeider vidare med saka. Vidare framdrift: Vedlagt rettsboka vert det sendt framlegg til bruksordningsreglar som partane får ein fastsett frist til å uttala seg om. Merknader av betydning vil verta sendt dei andre partane til evt. merknad. Deretter vil jordskifteretten vurdera om saka kan sluttast utan at partane vert kalla inn til nytt møte. Partane hadde ikkje noko å merka til eit slikt opplegg. Kostnader med saka: Partane gav uttrykk for at kostnadane med saka kan fordelast etter skyld. På spørsmål hadde ingen merknader til forhandlingane. Utskrift av rettsboka blir send til partane i vanleg brev. Saka blir utsett inntil vidare. Retten heva. Voss, Tore Fykse BREKKHUS gnr 379 Indre Hordaland jordskifterett 4

6 AVSLUTTINGSMØTE Rettsmøtedag: Stad: Jordskiftretten sine lokaler i Voss. Sak nr.: BREKKHUS gnr utsatt frå Saka gjeld: Krav om sak etter jordskiftelova 2 c. Jordskiftedommar: Tore Fykse, som einedommar etter jordskiftelova 9 andre ledd. Protokollførar: Saka er kravd av: Til handsaming: Partar: Jordskiftedommaren. Torstein Trå og Sjur Brækhus 1 Vedtak om bruksordning 2 Avslutting av saka 3 Fordeling av kostnader Eigar av gnr. 379/1, Sigvald Lien, Rekvesvegen 83, 5700 VOSS Eigar av gnr. 379/2, Gunnar Sigvald Brekkhus, Teigdalsvegen 861, 5707 EVANGER Eigar av gnr. 379/3, Eivind Idar Brekkhus, Teigdalsvegen 888, 5707 EVANGER Eigar av gnr. 379/4, Jan Gunnar Botten Århus, Teigdalsvegen 914, 5707 EVANGER Eigar av gnr. 379/6, Sjur Brækhus, Teigdalsvegen 894, 5707 EVANGER Eigar av gnr. 379/7, 379/10, Torstein Trå, Teigdalsvegen 878, 5707 EVANGER Eigar av gnr. 379/8, Svein Lien, Brekkhuslii 53, 5707 EVANGER Eigar av gnr. 379/9, Kjellaug Ekse Brekkhus, Teigdalsvegen 892, 5707 EVANGER Eigar av gnr. 379/17, Bergljot Brekkhus Eigar av gnr. 379/17, Gudrid Brekkhus, 6843 SKEI I JØLSTER Eigedomane ligg i Voss kommune. Til stades: Jordskiftedommaren. Partane var ikkje innkalla. Jordskiftedommaren kjende ikkje til noko som kunne tilseie at retten var inhabil. Følgjande dokument vart framlagde: 7. Brev datert frå jordskifteretten til partane vedlagt kopi av a. rettsboka frå møtet den b. utkast til Bruksordningsreglar for Storagroe fall- og grunneigarlag med merknadsfrist Dokumenta vart gjennomgått i nødvendig grad BREKKHUS gnr 379 Indre Hordaland jordskifterett 5

7 Det er ikkje kome merknader til utsendt framlegg til bruksordningsreglar, jfr. vedlegg b til dok 7. Med bakgrunn i tidlegare fremjingsvedtak datert med slutning innteke i rettsboka s. 4, jordskifteretten si vurdering av dei framlagde dokumenta, drøfting av saka med partane i rettsmøtet den , opplysingar elles i saka og samanhelde særleg med jskl 33 35, er jordskifteretten komen til slikt 1 Partar m.v. 379/1 Sigvald Lien 379/2 Gunnar Sigvald Brekkhus 379/3 Eivind Idar Brekkhus. 379/4 Jan Gunnar Botten Århus 379/6 Sjur Brækhus 379/7,10 Torstein Trå 379/8 Svein Lien 379/9 Kjellaug Ekse Brekkhus 379/17 Bergljot Brekkhus 379/17 Gudrid Brekkhus v e d t a k: 2 Saka gjeld Utnytting av deler av Storagroe på Brekkhus til kraftproduksjon ved å utnytta om lag 500 høgdemeter av fallhøgda. Det er tidlegare avklara at fallretten i Storagroe ligg i sameige, jfr. sak Eigarane er samde om at den enkelte eigedom sin andel i fallet er i samsvar med eigedomane si skyld, jfr. vedtektene 4 nedanfor. 3 Bruksordningsreglar/vedtekter for Storagroe fall- og grunneigarlag I medhald til fremjingsvedtaket er det utarbeidd bruksordningsreglar/vedtekter for Storagroe fall- og grunneigarlag. Utkast til slike reglar var utsendt til partane før det vart gjennomgått og drøfta i rettsmøtet den Etter møtet vart eit korrigert utkast sendt partane til merknad, jfr. dok 7 med vedlegg. Det er ikkje kome merknader til framlegget. Jordskifteretten fastset slike 3.1. Bruksordningsreglar/vedtekter for Storagroe fall- og grunneigarlag. 1. Storagroe fall- og grunneigarlag Bruksordninga omfattar fallrettane og tilhørande rettar under gnr. 379 Brekkhus i Voss kommune som er naudsynt for å utnytte desse eigedomane sin del av vassdraget Storagroe BREKKHUS gnr 379 Indre Hordaland jordskifterett 6

8 til kraftproduksjon. Utnyttinga føreset kommunal godkjenning og konsesjon eller konsesjonsfritak frå NVE. Bruksordninga omfattar: 1. Fallretten i Storagroe frå om lag høgde 640 moh til om lag høgde 140 moh. 2. Rett til å byggja tenleg inntaksdam. 3. Rett til rydding av strandlinja langs elva ved og i overkant av inntaket for å hindra tiltetting av inntak. 4. Rett til legging av naudsynt røyrgate og kablar over eigedomane, alt etter kva utbyggingsalternativ som vert valt. Røyrgata skal plasserast slik at den vert til minst mogeleg ulempe og det skal takast omsyn til stiar i området. Over innmark skal røyrgata som hovudregel gravast ned. Der det ikkje vert urimeleg dyrt i høve til nytte, kan også røyrgata i utmarka gravast ned og/eller dekkjast til. 5. Rett til rydding av skog langs røyrgate for å unngå skade på røyrgate der denne ligg i dagen. 6. Rett til kraftstasjonstomt. Dersom det vert behov gjeld også dette rett til å få utskilt tomt eller festetomt til det same føremål. 7. Rett til tilkomst på eksisterande vegar på partane sine eigedomar samt rett til å anlegge nye naudsynte vegar, både mellombelse anleggsvegar og permanente vegar som skal dekke dei behov som følgjer av kraftutbygginga. Rett til tilkomst gjeld også rett til naudsynt parkering og opplag i samband med utbygging og drift av kraftanlegget. Alle rettar som er etablert over er under føresetnad av at desse rettane ikkje vert nytta meir intensivt enn det som er naudsynt og at anlegg, bygningar og vegar heile tida vert halde i ein slik stand som tek omsyn til omgjevnadane. Fallretten nevnt i pkt 1 ovanfor skal godtgjerast etter eigen avtale mellom fall- og grunneigarlaget og driftselskap/utbyggjar, jfr. og 8. Rettane nevnde i pkt 2 7 ovanfor skal godtgjerast etter eigne avtalar mellom berørte grunneigar(ar) og fall- og grunneigarlaget, evt. mellom berørte grunneigar(ar) og driftselskap/utbyggjar. Dersom det ikkje vert oppnådd semje, skal vederlaget fastsetjast ved skjønn Bruksordninga omfattar ikkje: Ulempeserstatning for anleggsperiode og mogeleg støy frå kraftverk. Når det gjeld støy frå kraftverket er det viktig å ta omsyn til dette under prosjekteringa. Den endelege støyen kjenner ein ikkje til før kraftverket er i produksjon. Partane må som del av planlegginga verta samde om kva grenseverdiar for støy prosjekteringa skal ta sikte på å oppnå samt kva som skal skje dersom det endelege støybiletet etter igangsetjing viser seg å verte høgare. 2. Føremål Laget har til føremål i fellesskap å leige ut fallrett og tilhøyrande rettar som er naudsynt for å utnytte vassdraget til kraftproduksjon på ein planmessig, naturvenleg og økonomisk måte slik at omsynet til det enkelte medlem og god ressursforvaltning vert ivareteke. 3. Ansvar BREKKHUS gnr 379 Indre Hordaland jordskifterett 7

9 Laget er eit eigarlag og har delt ansvar i samsvar med andelen i laget. 4. Andel i laget Den enkelte eigedom sin andel i laget er i samsvar med skyld som innteke nedanfor. Fylgjande eigedomar er pliktige medlemmer i laget: Gnr/bnr Eigar Skyld Andel i % 379/1 Sigvald Lien 1,94 11,87 379/2,5 Gunnar S. Brekkhus 2,49 15,23 379/3 Eivind Idar Brekkhus 1,78 10,89 379/4 Jan Gunnar Botten Århus 1,85 11,31 379/6 Sjur Brækhus 2,68 16,39 379/7,10 Torstein Trå 3,00 18,35 379/8 Svein Lien 0,46 2,81 379/9 Kjellaug Ekse Brekkhus 2,09 12,78 379/17 Gudrid og Bergljot Brekkhus 0,06 0,37 SUM 16,35 100,00 Ved eventuell deling av medlemseigedom, vert den frådelte eigedom medlem i laget dersom det er avtala at fallrett føl med den frådelte eigedomen. Storleiken på andelen skal vere avtalt mellom kjøpar og seljar på førehand. Den frådelande eigedomen sin andel skal reduserast tilsvarande. 5. Arbeidsår Regnskaps- og arbeidsåret føl kalenderåret. Innanfor rammene av vedtektene, vedtak, vedteke budsjett og arbeidsplan vert laget forplikta av leiaren saman med kasseraren. 6. Årsmøte 1. Konstituering Årsmøtet er øvste mynde i laget. Ordinært årsmøte skal haldast innan 1. april kvart år. Første årsmøte skal haldast innan 2 månader etter at saka er rettskraftig. Torstein Trå skal kalla inn til første årsmøte. Berre medlem har rett til å delta på årsmøtet. Eit medlem kan la seg representere ved fullmektig med skriftleg fullmakt. Driftsselskapet kan ved behov kallast inn til årsmøtet eller ekstraordinært årsmøte. Leiaren innkallar til årsmøte. Innkallinga skal skje skriftleg med minst to vekers varsel. Saksliste skal følgje innkallinga. Årsmøtet kan ikkje gjere bindande vedtak i andre saker enn dei som er nemnde i innkallinga. Saker som ein ynskjer handsama på årsmøtet, må være innkome til leiaren innan 1. mars. 2. Fleirtalsvedtak Det enkelte vedtak på årsmøtet vert gjort med vanleg fleirtal (simpelt relativt fleirtal) mellom dei frammøtte. Ved avstemming og val har kvar stemme i høve til sin andel etter 4. Dersom alle er samde om det, kan avstemming skje ved at kvart medlem har ei stemme BREKKHUS gnr 379 Indre Hordaland jordskifterett 8

10 Årsmøtet er vedtaksført når innkallinga har skjedd på lovleg måte. Vedtak som vedkjem utleige av fallrett m.m. og utleigeprisar kan berre fattast dersom minst 2/3 av medlemmene rekna etter andelar er tilstades. Fleirtalsvedtak må ikkje påføre noko medlem større kostnader og ulemper enn nytte. Vedtaket må heller ikkje medføre usakleg forskjell på fleirtalets og mindretalets rettar. Vedtaket skal ivareta fellesskapets vel og ikkje gje urimelege fordeler til fleirtalet til skade for mindretalet. 3. Årsmøtet skal: Velje ordstyrar. Velje protokollførar. Godkjenne innkalling, fullmakter og saksliste. Handsame årsmelding og det reviderte regnskapet, arbeidsplan og budsjettforslag. Handsame innkomne saker. Velje leiar i laget. Denne vert vald fyrste gong for eit år, seinare for to år om gongen. Velje kasserar. Denne vert vald for to år om gongen. Vedta utleige av samla fallrett og tilhøyrande rettar som er skildra i Vidare kan årsmøtet bl.a.: Vedta å melde laget inn i eit større samarbeidsorgan. Vedta endringar av bruksordningsreglene, jf. 12. Vedta å teikne forsikring mot erstatningsansvar. Sjå til at driftsselskapet held seg til inngåtte avtalar. Gjere vedtak i andre saker som angår laget. 7. Ekstraordinært årsmøte Ekstraordinært årsmøte skal haldast når representantar for min. 1/3 av andelane krev det. Frist og framgangsmåte for innkalling er den same som for vanleg årsmøte. Sakslista skal følgje innkallinga. Det kan berre gjerast vedtak i dei saker som er nemnde i innkallinga. 8. Driftsselskap Årsmøtet tek avgjerd om gjennomføring av kraftutbygginga ved fleirtalsvedtak. Dersom årsmøtet vel å inngå avtale med ekstern utbyggar og avtalen gjev grunneigarane rett til å delta med ein nærare avtala andel i driftselskapet, skal kvar av grunneigarane ha rett til å vere med i grunneigardelen i selskapet med så stor eigarpart som deira andel etter 4 tilseier. Dersom ein andelshavar i Storagroe fall- og grunneigarlag ikkje ynskjer å vera medeigar i driftsselskapet, vert denne sin del fordelt mellom dei som ynskjer å delta, i samsvar med deira andelar. Driftsselskapet skal svare vederlag for utnyttingsretten til fall- og grunneigarlaget. 9. Lengd på utleigeperioden. Storagroe fall- og grunneigarlag kan ikkje inngå avtale med driftsselskap om lenger utleigeperiode av fall m.m. enn 40 år (leigeavtalen skal konsesjonshandsamast etter jordlova). Etter dette skal fallrettane falla attende til fall- og grunneigarlaget som tek avgjerd om vidare disponering av desse ressursane. Kva som skal skje med dei tekniske installasjonane ved utløp av leigeperioden må avklarast i utleigeavtalen BREKKHUS gnr 379 Indre Hordaland jordskifterett 9

11 10. Inntekter og utgifter Inntekter og utgifter skal fordelast i samsvar med andelsfordelinga i laget, jf Utmelding Det er ikkje lov å melde seg ut av laget. 12. Vedtektsendringar Vedtektene kan endrast dersom endringsframlegget vert vedteke med 2/3-fleirtal på to årsmøter etter kvarandre. 13. Oppløysing Oppløysning av laget kan berre skje ved nytt jordskifte, og først etter 10 år, jf. jskl. 4. Dersom fleirtalet av partane ikkje vel å etablere eit driftsselskap eller leige ut fall- og grunnrettane innan 5 år frå denne saka er rettskraftig fell denne ordninga bort. * * * 4 Diverse føresegn 4.1 Jordskiftekostnader Jordskiftekostnader og gebyr skal dekkast av partane i samsvar med jordskiftelova 74. Kostnadene i denne saka vert slik: Registreringsgebyr Kr Partsgebyr 860 x 9 x 1,8 Kr Sum Kr Partane har fått høve til å uttale seg om fordelinga av kostnadene. Kostnadene er etter retten sitt skjønn fordelt mellom partane etter den nytten dei har hatt av jordskiftet, jf. jordskiftelova 76. Jordskifteretten har i samband med dette lagt til grunn at den enkelte eigedom sin andelen i fall- og grunneigarlaget, slik det går fram av vedtektene 4 (jfr. rettsboka s. 8), er og uttrykk for den enkelte sin nytte i saka. Retten set opp denne fordelinga av kostnadene: BREKKHUS gnr 379 Indre Hordaland jordskifterett 10

12 Gnr./bnr. Eigar skal betale kr har betalt kr skuldar kr har til gode kr 379/1 Sigvald Lien /2,5 Gunnar S. Brekkhus /3 Eivind Idar Brekkhus /4 Jan Gunnar Botten Århus /6 Sjur Brækhus /7,10 Torstein Trå /8 Svein Lien /9 Kjellaug Ekse Brekkhus /17 Gudrid og Bergljot Brekkhus SUM Dei pålagde beløpa forfell til betaling 15 dager frå forkynningsdatoen. Pengar til gode for Sjur Brækhus vert utbetalte samstundes med forkynninga av saka. 4.2 Forkynning Forkynning skjer etter reglane for postforkynning. 4.3 Iverksetjing Dersom ikkje anna er særskilt bestemt, skal avgjerdene i denne saka setjast i kraft ein månad etter at saka er rettskraftig. 4.4 Avslutting av saka Saka vert avslutta i dette møtet. Fristen for anke er éin månad rekna frå forkynningsdatoen. Reglane om anke følgjer forkynninga. 4.5 Matrikkelføring Når saka er rettskraftig, vil det verta sett fram krav om matrikkelføring til den lokale matrikkelmyndigheit. 4.6 Tinglysing Når saka er rettskraftig vil den verta tinglyst på desse eigedomane: Gnr. 379 bnr. 1, gnr. 379 bnr. 2, gnr. 379 bnr. 3, gnr. 379 bnr. 4, gnr. 379 bnr. 5, gnr. 379 bnr. 6, gnr. 379 bnr. 7, gnr. 379 bnr. 8, gnr. 379 bnr. 9, gnr. 379 bnr. 10 og gnr. 379 bnr alle i Voss kommune. Saka er slutt Retten heva. Voss, Tore Fykse BREKKHUS gnr 379 Indre Hordaland jordskifterett 11